تقرير رحلة الاقصـر وأسـوان بالتفصيل ( بالصور والفيديو )

[Elawany13]

[img3]http://i.imgur.com/SUAgH.png[/img3]




تقرير رحلة الاقصــــــــــــــــــــــــ وأسـوان ــــــــــــــــــــــر


رحلة الأقصر وأسوان كانت بدايتها رابع يوم عيد الأضحى الأحد 27-9-2015 أثناء أول اسبوع دراسة وكان لسه الجو حار جدا وكانت عندى مخاوف اننا مش هنعرف نستمتع بالرحلة بسبب حرارة الجو ولكنى طلعت مخطئ تماماً وكل لحظة فى الرحلة بإستثناء ركوب القطار كانت ممتعه جدا جدا
السعر كان خرافى الفرد ب 850 جنيه تبع نقابه الصيادلة فى الغرفة المزدوجه لفندق عائم (ليجاسى نايل كروز) 5 نجوم .. إقامة كامله إفطار وغداء وعشاء أوبن بوفيه ومشروب ساخن ... وشامل كل الانتقالات والمزارات
(ما عدا زيارة القرية النوبيه وجزيرة النباتات ب 30 جنيه للفرد ... وحفلةالصوت والضوء بمعبد الكرنك ب 30 جنيه للفرد.. والبالون ب 250 جنيه للفرد ديه كانت اختيارية للى عاوز يشترك فيها)
دفعت اشتراك فردين أنا وزوجتى 1700 جنيه ... ومعايا أولادى 5 ابتدائى و 2 ابتدائى مجانا كمان

[img3]http://i283.photobucket.com/albums/kk288/AmarEl-Layaly/welcome9999.gif[/img3]


ركوب قطار الصعيد والتوجه الى اسوان مباشرة والوصول الى النايل كروز

توجهت إلى محطة مصر وركبنا قطار الصعيد الدرجة الأولى المكيفة حوالى الساعة التاسعة مساءاً رابع يوم العيد
للأسف خط الصعيد سيئ جدا وكل شوية القطار يتوقف فترات طويلة جداً وملل وارهاق كبير جدا
ورغم انه درجة اولى مكيفة الا ان مستواه زباله كراسى قديمة ومش نظيفة دورات مياه قذرة وريحة زفت ومفيهاش مياه
الشبابيك والابواب بتترج وبتخبط وعزلها زفت زى قطارات الدرجة الثالثه العاديه بالضبط
انصح اللى يروح مشوار زى ده انه يركب قطار النوم علشان يهون عليه شويه
المهم وصلنا اسوان الحمد لله صباح اليوم التالى فى حدود الساعه 11:30 صباحاً بعد حوالى 13 ساعة سفر مرهق
طبعا الانتقال من القطار المكيف الى الجو الخارجى الحار جدا كان صادم
درجة الحرارة كانت فوق 40 درجة
وفى ثوانى وصل اتوبيس مكيف لمصر السياحة ووصلنا الى ليجاسى نايل كروز (الفندق العائم)





واستلمنا الغرف وارتحنا فترة وجيزة جدا واتغدينا وبدأ برنامج الرحلة
الغرفه بتاعتنا كانت رائعة والتكييف رائع وحظنا كان حلو جدا ان الغرفة كانت مطله على النيل والنظر كان ساحر ومريح للأعصاب
وليس فى جهة الرصيف زى الغرف اللى فى الجهة الأخرى
وديه صوره من داخل الغرفة



العيب اللى كان فى هذا الفندق ان مفيش مياه صالحة للشرب
الحمامات على النظام الأوروبى والأمريكى مفيهاش شطاف هههههههههه
ومفيش انترنت مجانى زى الفنادق الـ 5 نجوم الثابته
ساعه الانترنت كانت بسعر مبالغ فيه بـ 27 جنيه وكويس ان مفيش نت إن الواحد مكنش فاضى اصلا للانترنت

ما عدا اللى فات كل شيئ كان مثالى وزى الفل وجودة الأكل وفى الأوبن بوفيه عالية جدا
حمام السباحة كان نظيف جدا وممتع جدا

[Elawany13]

صور طبيعية من النايل كروز











تابع الموضوع لسه بدرى فيه تفاصيل كثيرة جدا ومعلومات وصور وفيديوهات للرحلة

[man1974]

تقرير رائع، شكرا جزيلا

[ahmed_eng2001]

مشكور على التقرير ....

اخبار الاسعار ايه ؟؟ و ايه كان برنامج الرحلة ؟

[Elawany13]

مشكور على التقرير ....

اخبار الاسعار ايه ؟؟ و ايه كان برنامج الرحلة ؟

الشكر لله ياباشا
سعر الرحلة الاجمالى كتبته فى أول مشاركة
البرنامج هكتبه بالتفاصيل فى المشاركات القادمة ان شاء الله

[Elawany13]

[img3]http://i.imgur.com/SUAgH.png[/img3]


زيارة سد أسوان العالي أو السدّ العالي


بعد وصولنا الى الفندق العائم وتناول الغداء بدأ برنامج الرحلة فوراً وهو النزول الى الاتوبيس السياحى لزيارة السد العالى ومعبد فيلة
ورغم الإرهاق والتعب الشديد بسبب السفر فى قطار الصعيد كله كان متحمس احنا مش جايين ننام هنا وصلنا أعلى نقطة فوق السد العالى طريق اسفلتى عادى جدا
شاهدنا بحيرة ناصر التى تحتوى آلاف التماسيح النيلية الضخمة واسماك النيل الكبيرة
وحسب التقديرات وكلام المرشد السياحى ان هذه التماسيح تتناول يوميا قرابة 40 طن من أجود الاسماك

قبل ثورة يناير كانوا بيسمحوا بدخول مبنى السد نفسه ومشاهده التوربينات التى تولد الكهرباء ولكن الآن اصبحت منطقة محظورة




معلومات عن السد العالى


هو سد مائي على نهر النيل في جنوب مصر، أنشئ في عهد جمال عبد الناصر و قد ساعد السوفييت في بناءه . وقد ساعد السد كثيرا في التحكم على تدفق المياه والتخفيف من آثار فيضان النيل. يستخدم لتوليد الكهرباء في مصر. طول السد 3600 متر، عرض القاعدة 980 متر، عرض القمة 40 مترا، والارتفاع 111 متر. حجم جسم السد 43 مليون متر مكعب من إسمنت وحديد ومواد أخرى، ويمكن أن يمر خلال السد تدفق مائي يصل إلى 11,000 متر مكعب من الماء في الثانية الواحدة. بدأ بناء السد في عام 1960 وقد قدرت التكلفة الإجمالية بمليار دولار شطب ثلثها من قبل الاتحاد السوفييتي. عمل في بناء السد 400 خبير سوفييتي وأكمل بناؤه في 1968. ثبّت آخر 12 مولد كهربائي في 1970 وافتتح السد رسمياً في عام 1971

الآثار الإيجابية
----------------
و من الآثار الايجابية للسد العالى أنه عمل على حماية مصر من الفيضان والجفاف أيضاً حيث أن بحيرة ناصر تقلل من اندفاع مياه الفيضان وتقوم بتخزينها للاستفادة منها في سنوات الجفاف.
وعمل السد العالي أيضا على التوسع في المساحة الزراعية نتيجة توفر المياة والتوسع ف استصلاح الأراضي وزيادة مساحة الرقعة الزراعية من 5.5 إلي 7.9 مليون فدان وعمل أيضاً على زراعة محاصيل أكثر على الأرض نتيجة توفر المياه مما أتاح ثلاث زراعات كل سنة والتوسع في زراعة المحاصيل التى تحتاج كميات كبيره من المياه لريها مثل الأرز وقصب السكر كما انه أدى إلي تحويل المساحات التى كانت تزرع بنظام الري الحوضي إلي نظام الرى الدائم .
أيضاً عمل على توليد الكهرباء التي أفادت مصر اقتصادياً.

الآثار السلبية
--------------
بحيرة ناصر غمرت قرى نوبية كثيرة في مصر واكثرها في شمال السودان، مما أدى إلى ترحيل أهلها، بما يسمى بالهجرة النوبية.
حرمان وادي النيل من طمي الفيضان المغذي للتربة.
زيادة النحر Erosion حول قواعد المنشآت النهرية.
تآكل شواطئ الدلتا.
تشير بعض التقديرات إلى أن كمية التبخر في مياه بحيرة ناصر خلف السد العالي كبيرة جداً باعتبار أنها تعرض مساحة كبيرة من المياه للشمس في مناخ حار جداً، ويقدر حجم الخسارة ما يماثل حصة العراق من نهر الفرات. إضافة إلى انتشار بعض النباتات وتأقلمها مع الظروف الجديدة وإسهامها في عملية النتح وبالتالي مزيدا من الخسارة في المياه.
يرى البعض بأن السد العالي يمثل تهديداً عسكرياً لمصر، إذ يصعب تخيل النتائج التي يمكن أن تترتب على تفجير السد، وحجم الفيضان الذي سيصيب المدن المصرية الواقعة على مسار النهر والتي ستكون أمام طوفان خطير وقد اتخذت القوات المسلحة المصرية التدابير اللازمة لمنع حدوث ذلك

مكونات السد العالى
------------------------

جسم السد
بعد دراسات وأبحاث عالمية عديدة تم تصميم السد العالى بحيث يكون من النوع الركامى ومزود بنواة صماء من الطفلة وستارة رأسية قاطعة للمياه منسوب قاع السد 85 مترا منسوب قمة السد 196 مترا طول السد عند القمة 3830 مترا طول السد بالمجرى الرئيسى للنيل 520 مترا عرض قاعدة السد 980 مترا عرض السد عند القمة 40 مترا عمق ستارة الحقن الرأسية 170 مترا

بحيرة التخزين
تكون المياه المحجوزة أمام السد العالى بحيرة صناعية كبيرة خصائصها كالتالى:
طول البحيرة 500 كيلو متر متوسط عرض البحيرة 10 كيلو متر سعة التخزين الكلية 162 مليار متر مكعب سعة التخزين الميت 32 مليار متر مكعب

محطة الكهرباء
توجد محطة الكهرباء عند مخارج الأنفاق حيث يتفرع كل نفق إلى فرعين مركب على كل منهما توربينة لتوليد الكهرباء: عدد التوربينات 12 توربينة قدرة التوربينة 175 ميجاوات القدرة الإجمالية للمحطة 2100 ميجاوات الطاقة الكهربية المنتجة 10 مليار كيلووات ساعة سنويا

[img3]http://4.bp.blogspot.com/-3TmvrzOH7MM/VN3QN6hDRKI/AAAAAAAACso/WOUbt-0i0Tw/s1600/hydro-anim-en.gif[/img3]

المصدر ويكيبيديا

[TAMERMEGAHED]

تسلم ايدك على التقرير

[Elawany13]

تسلم ايدك على التقرير

الله يسلمك ياباشا

[Elawany13]

[img3]http://i.imgur.com/SUAgH.png[/img3]




زيارة معبد فيله فى اسوان

بعد زيارة السد العالى ركبنا الاتوبيس وتوجهنا الى معبد فيله الساحر الذى خلب لب جميع المستكشفين الأجانب منذ قديم الأزل
يقع بالقرب من السد العالى وهوه على جزيرة فى وسط النيل علشان توصلها بتاخد مركب وتتمشى بيه وسط المياه وحواليك اشجار ونباتات نادرة فى منظر رومانسى مبهر ومريح للأعصاب

جزيرة فيلة، هي جزيرة في منتصف نهر النيل وهي إحدى الحصون الأقوى على طول حدود مصر الجنوبية، وتفصل النيل إلى قناتين معاكستين في أسوان، كان بها معبد فيلة وانتقل من مكانه الأصلي على جزيرة فيلة وتم تجميعه على جزيرة أجيليكا، وذلك في أعقاب بناء السد العالي وغرق جزيرة فيله بالماء .. عمرو دياب عمل فيه كليب عودونى
ويرجع اسم فيلة أو فيلاي إلى اللغة اليونانية التي تعني (الحبيبة) أما الإسم العربي لها فهو (أنس الوجود) نسبة لإسطورة أنس الوجود في قصص ألف ليلة وليلة أما الأسم المصري القديم والقبطي فهو بيلاك أو بيلاخ ويعني الحد أو النهاية لأنها كانت آخر حدود مصر في الجنوب.


وبعد زيارة فيله رجعنا تانى الى النايل كروز للراحة ربع ساعه ثم الانظلاق الى زيارة القرية النوبية (زيارة المنزل الذى ظهر فى فيلم مافيا) ودخول البيت النوبى ومشاهدة التماسيح النيلة التى يحتفظون بها فى منازلهم وإلتقاط الصور التذكارية ثم زيارة جزيرة النباتات الرائعة
وديه كانت اختيارية بإشتراك إضافى 40 جنيه شامل كل شيئ
بس للأسف معرفتش اروح كنا خلاص وصلنا لدرجة من التعب والإرهاق لا توصف فتوجهنا الى الصندك وهو الروف الخاص بالنايل كروز عند حمام السباحة
وتناولنا مشروب ساخن واخذت قسط من الراحة علشان اقدر اواصل بالليل
بعد تناول العشاء الفاخر كانت جولة حرة فى اسوان اتمشينا شويه فى الاسواق ورجعنا متأخر
وبكده قضينا يوم ممتع جدا فى اسوان وتم الاستعداد للإبحار بالنايل كروز للأقصر الساعه 3 فجراً أثناء النوم

[ahmed_eng2001]

معلومات جميلة جدا و تقرير رائع .... و اسمحلى اضيف القليل من المعلومات الى لسة فاكرها ....


دخول مبنى السد نفسه كان بيحتاج تصريح امنى ... و التصريح لعدد قليل من الافراد .. الكلام ده كان زمااااااان

فيه نفقين على ارتفاعين مختلفين بطول جسم السد .... لدراسة و متابعة حالة جسم السد

على ما اذكر .... السد عبارة عن 6 فتحات و تحت كل فتحة عدد 2 توربينة ... و بعد كدة فيه انفاق توصل المياه للناحية الاخرى من السد ... و على ما اذكر .... 4 فتحات منهم فقط هى التى تعمل .... و الباقى احتياطى للصيانة و للطوارئ .. ده كان كلام المرشد و زى ما حضرتك ذكرت بالفعل

و لا تزال هناك محطة للسكك الحديد اسمها محطة السد العالى .. و كانت مخصصة للعاملين فى السد العالى

حصل مرة ... ان فيه تمساح ضخم وقع داخل احد توربينات السد العالى ... و كسر ريش التوربينة , و الصيادين كانوا و لا يزالوا بيشتكوا من كثرة عدد التماسيح و زيادة احجامها ...

معابد فيلة .... ملحوظة مهمة ... كان فيه بعض اثار حديثة للكتابة على اعلى الاعمدة فى المعبد ... واحد كان كاتب اسمه .. و كان كاتب 1865 تقريبا .... الكتابة دى كانت على ارتفاع 4 متر تقريبا ... و كمان كان فيه اثار للمياه على الاعمدة ... فالمرشدين السياحيين بيقولوا ان المعبد كان بيغرق فى الفيضانات ...

فى انتظار بقية التقرير

[Elawany13]

تسلم يا أخى على المعلومات والإضافات



فعلا معبد فيله ومعبد ابو سمبل ومعبد كلابشه وغيرهم كانوا مهددين بالغرق بالكامل بالذات بعد بناء السد العالى
وانتفض العالم كله فى الستينيات واتعمل مشروع عملاق عالمى لإنقاذ الآثار المصرية والتراث العالمى

ان شاء الله لسه بدرى هناك المزيد من التفاصيل والمشاركات .... تابع

أنا شوفت الفيلم الوثائقى ده انبهرت ان فيه حاجه زى ديه اتعملت على أرض مصر

http://www.youtube.com/watch?v=j50i70cs9g0

[محمد المصرى]

تقرير جامد جدا

[Elawany13]

تقرير جامد جدا

شكرا على مشاركتك ... ان شاء الله جارى اعداد المزيد ... تابع الموضوع

[Elawany13]

[img3]http://i.imgur.com/SUAgH.png[/img3]


الابحار بالنايل كروز من اسوان الى الأقصر




أثناء قضاء أول ليله فى اسوان تم الابحار بليجاسى نايل كروز من اسوان فجر يوم 29-9- 2015 الساعه 3 صباحاً

صحينا من النوم 5 فجراً مكنتش حاسس ان احنا بنتحرك خالص !!!
النايل كروز ثابته جدا ومفيش اى اهتزازات أو إزعاج فتحنا شباك الغرفة لاقينا نفسنا بنبحر فى وسط النيل وجزر النيل
فى مشهد ساحر خيالى مريح للاعصاب ويدعوا للاسترخاء وإزالة اى توتر
الرحلة النيلية استمرت يوم كامل تخللها بعض محطات الوقوف لزيارة المعالم الأثرية على الطريق بين أسوان والأقصر

- توقفنا عند كوم امبو لزيارة معبد كوم امبو أمام المرسى

- ثم استئنفنا الرحلة وتوقفنا مرة أخرى عند ادفو وركبنا الحناطير واتحنطرنا الى معبد ادفو (حورس)

- ثم أكملنا الرحلة النيلية وعدينا من هويس اسنا

- ثم المحطة النهائية كانت الأقصر

وسيتم تناول كل جزء من الرحلة بالتفصيل وبالصور ان شاء الله

سرعة النايل كروز كانت 17 كم/س حسب قراءة الـ G.P.S

هذه الرحلة النيلية الممتعه الساحرة استمرت من 3 صباحا حتى قرابة 11 مساءاً

تصوير وإخراج احمد العوانى

http://www.youtube.com/watch?v=kvq1wNSFBWg

[Elawany13]

[img3]http://i.imgur.com/SUAgH.png[/img3]




زيارة معبد كوم أمبو

بعد انطلاق النايل كروز من اسوان وعلى بعد 45 كم شمال مدينة اسوان كانت أول محطة لنا هى معبد كوم امبو ،
يقع المعبد على شاطئ النيل أمام مرسى النايل كروز مباشرة بمدينة كوم أمبو بمحافظة أسوان .



قد أنشئ هذا المعبد في عهد بطليموس السادس فيلومتور، لكن زخرفته لم تتم إلا في العصر الروماني ، غير أنه لهذا المعبد ميزة خاصة ، حيث كان الناس القدماء يعبدون إلهين محليين وهما سبك (التمساح) وحورس ذو رأس الصقر، وعلى الرغم من اختلاف هذين الإلهين ، فقد عاشا جنبًا إلى جنب قرونًأ طويلة دون أن يمزجا أو يقرنا ببعضهما بعضًا، ومن ثم فإنه لا يوجد في هذا المعبد قدسان متجاوران للأقداس فقط بل توجد فيه كذلك على محور كل من هذين القدسين أبواب إلى جانب بعضها بعضًا، في الجدار الخارجي وفي جدران صالتي الأعمدة وما وراءهما، وتبعًا لذلك ينقسم المعبد قسمين خصص كل منهما لعبادة أحد هذين الإلهين. (الحمد لله الذى هدانا الى الاسلام)
وقد زينت جدران هذا المعبد بزخرفة مصرية صميمة، تمتاز بدقة صنعها وحسن انسجامها وبجمال ما فيها من التوازن بين شخصيات مناظرها وما حولها من النقوش الهيروغليفية التي تتمم هذه المناظر

تابع المزيد من الصور والمعلومات عن معبد كوم امبو فى المشاركة التالية ....