استفسار عن المرتب المناسب للعيشه في مصر

[punisher]

شكرا جدا علي نصايحكم

انا بلغته بالردود كلها وهو شايف ان المبلغ يكون في حدود ١٠٠٠٠ او اكتر وقالي لما ينزل اجازه هيبقي يقعد اسبوع في شقته لوحده لانها بتكون مقفوله حتي لما بينزل اجازه ويشوف المصاريف هتبقي عامله ازاي ويضرب المبلغ في 4 ويزود عليهم مبلغ تقريبي للمدارس والفواتير واي مصاريف تانيه

[Bassem Youssef]

الوضع في الخليج مش هيبقي اسوأ من الوضع هنا تحت اي ظرف

خليه هناك احسن عشان في ناس رجعت و ندمت و مش عارفين يروحوا الخليج تاني

[mrvolt]

هيا مش محتاجة حسابات كتير بلاش ينزل احسن

هىا مصر دى دولة اصلا

[samyyousef]

السؤال الاهم...و هل وجد عمل في مصر بمرتب كبير او صغير ؟؟؟
اذا وجد عمل في مصر ارى ان يعود و ان يعيش في حدود مرتب هذا العمل

[رحالة]

هيا مش محتاجة حسابات كتير بلاش ينزل احسن

هىا مصر دى دولة اصلا

مصر مش دولة طبعا

بس دول الخليج حاجه مؤقته من ناحيتين

انك طول عمرك فيها وافد عيشتك مرتبطة بالوظيفه فقط

والناحية التانية ان بعد انهيار اسعار البترول هيكون في تقشف وشد الحزام اول المتضررين منه الاجانب

وفي اسباب تانيه ما احبش ادخل فيها بس اعتقد هنشوف نتايجها قريب خلال العامين القادمين

الفكرة انك تمشي من هناك برغبتك قبل ماهم يقولولك باي باي وتتضطر ترجع مصر وانت عندك خمسين سنة ومش عارف حاجه في البلد

[mikho83]

لو عيشة متوسطة 5000 جنيه، لو عايز يعيش عيشة كويسة مش اقل من 10 الاف

[msobhy]

متوسط دخل الفرد المعدم 300-800 جنيه
متوسط 800 -1500
فوق المتوسط (بداية الحياه الاداميه) 1500 - 2500

يعنى من الاخر اخوك لازم دخله يتراوح بين 6000 الى 10.000
مشكلته انه علشان يوصل نفس المستوى اللى كان عايش بيه هناك لازم يحصل على سكن فى منطقه راقيه - وعلشان يسكن فى منطقه راقيه مصاريفه ومصاريف اهله هاتزيد وفى النهايه هايلاقى نفسه مضطر انه يدفع مبلغ فلكى علشان يسكن فى مكان محترم بالاضافه انه هايحتاج دخل لا يقل عن 15.000 جنيه

خليه قاعد هناك احسن
انه تبقى نفسيته منيله بستين نيله ومعاه فلوس احسن الف مره ان نفسيته برضو منيله ب 50 نيله وممعهوش فلوس

[punisher]

هو نفسيته منيله وفلوسه رايحه علي المصاريف بس عايشين كويس هناك

طبعا مسألش علي شغل في مصر بس هو عايز يفهم المصاريف هتكون كام عشان يعرف هل هيلاقي شغل يناسبه ولا يخليه هناك

[punisher]

ده غير ان في ناس كتير مشوها من شركته واحتمال الشركه نفسها تتباعةفي خلال سنه

[dongol123]

انا في الامارات و متفهم احساس اخوك خصوصا بعد اللي بيحصل في الخليج السنة اللي فاتت بسبب اسعار البترول.
المشكلة مش هو هيعرف يعيش بكام في مصر بعد ما ينزل المشكلة في سقف التطلعات اللي عليت عنده و عند اسرتة بسبب المعيشة في مجتمع مرفه زي دبي.
يعني مثلا في دبي هتلاقية ممكن يغير موبايلة كل سنة و عربيتة كل 3 او خمس سنين طبعا ده مش هيكون متاح في مصر.
المدارس الدولية اللي بيعلم فيها ولاده برضه مش هتكون متاحة بنسبة كبيرة في مصر و ده طبعا للفجوة الكبيرة بين مصاريف المدارس اللي من النوع ده و بين دخلة الشخصي
انا رايي ان لازم ياخد فترة انتقالية ينزل فيها عيلتة مصر و يشوف هما هيتأقلموا علي العيشة في مصر ولا لا و طبعا هو يفضل في دبي.
لو العيشة في مصر كانت كويسة يبقي ينزل و الحمد لله علي كده
لكن لو حصلت مشاكل بسبب انخفاض المستوي المعيشي يبقي لازم يستمر في الامارات و يستحمل شوية علشان ولاده

[elrasy]

مصر مش دولة طبعا

بس دول الخليج حاجه مؤقته من ناحيتين

انك طول عمرك فيها وافد عيشتك مرتبطة بالوظيفه فقط

والناحية التانية ان بعد انهيار اسعار البترول هيكون في تقشف وشد الحزام اول المتضررين منه الاجانب

وفي اسباب تانيه ما احبش ادخل فيها بس اعتقد هنشوف نتايجها قريب خلال العامين القادمين

الفكرة انك تمشي من هناك برغبتك قبل ماهم يقولولك باي باي وتتضطر ترجع مصر وانت عندك خمسين سنة ومش عارف حاجه في البلد

الله ينور عليك جبت من الاخر

انا في الخليج و حاليا الامور غير مستقرة نهائيا
تنزل بمزاجك احسن

[sherifahmed]

حضرتك ينزل اجازة و يشوف الدنيا و الصرف و اهم حاجة البشر اللى اخلاقهم حدث و لا حرج

[volociximab]

الله ينور عليك جبت من الاخر

انا في الخليج و حاليا الامور غير مستقرة نهائيا
تنزل بمزاجك احسن

بالعكس
يستمر قدر الامكان لانه لو نزل ممكن ميعرفش يرجع
و اذا كانت الامور الى اسوأ فمصر الى هباب

[elrasy]

بالعكس
يستمر قدر الامكان لانه لو نزل ممكن ميعرفش يرجع
و اذا كانت الامور الى اسوأ فمصر الى هباب

اللي بيفكر ينزل و في دماغه العودة يبقي مينزلش احسن