شبكة الخطوبة

[kareem0000111]

بص مبدئيا انت حتى لو جيبت بجنيه زى مليون جنيه بالنسبه لأهلها لو شاريينك هيفرحوا لكن بالنسبالك متبالغش لانك هتحس ان الحاجات دى بلا قيمه و اسئل مجرب

ثانيا ممكن تجيب بالعشرة دول
دبلتنين ليك و ليها و خاتم كده هتدخل فى 4 الاف
و اسورة صغيرة او تبدل الاسورة بغويشتين افرنجى صغيرين عشان العربى اغلى و بيتكسر بسرعه و مصناعية الغوايش قليله عن الاسورة يعنى الواحدة لو ب3 الاف هتبقى حلوة

و محدش ياخد الموضوع بتاع الراجل بهزار او تريقه لان دى تعتبر حياته الشخصيه و بيشارككم فيها

شكرا لحضرتك ع الرد المحترم والتوضيح
هما الناس محترمين جدا ولسة هنتكلم فى الموضوع ده انا بسال عايز يكون عندى خبرة

[EgyArmy]

شكرا لحضرتك ع الرد المحترم والتوضيح
هما الناس محترمين جدا ولسة هنتكلم فى الموضوع ده انا بسال عايز يكون عندى خبرة

ربنا يقدم الى فيه الخير و يوفقك
و متقلقش خبرة سنه و نص خطوبه ههههههههههههه

[kareem0000111]

ربنا يقدم الى فيه الخير و يوفقك
و متقلقش خبرة سنه و نص خطوبه ههههههههههههه

ربنا يوفقك وربنا يتمملك على خير ان شاء الله

[Karim Alaa]

مفيش معيار وسط عند كل الناس و لا كل الطبقات دى تقدير منك و حسب امكانياتك و طلبات و مستوى اهل العروسه يعنى مش سلعه او خدمه نقدر نقولك متوسطتها وصل كام دلوقتى

[amr011111]

بتبقى على حسب امكانياتك وموافقه اهل العروس بتختلف حسب تفكيرهم وحسب سكنهم

[احمد المصرى]

جيب بالمبلغ ال هتقدر عليه علشان تبق راجل فى كل كلامك اهم حاجه فى الجواز انك تبق راجل فى كلامك معاهم

[boomboomzoro]

السلام عليكم
رأيي الشخصي إن حضرتك تستفسر من خطيبتك علي متوسط الشبكه في عيلتها كام
لو في مقدرتك تجيب زيه يبقي فضل و عدل
أكتر من إمكانيات حضرتك الحاليه صارحهم بإمكانياتك و توصل لهم إن ده مش تقديرك للعروسه أو الأسره و لكنها إمكانياتك الفعليه الحالية و رد فعلهم يجب أن يكون مفتاح لقرارك بالإستمرار أو إنهاء الموضوع

بالتوفيق و جزاكم الله خيرا

[kareem0000111]

السلام عليكم
رأيي الشخصي إن حضرتك تستفسر من خطيبتك علي متوسط الشبكه في عيلتها كام
لو في مقدرتك تجيب زيه يبقي فضل و عدل
أكتر من إمكانيات حضرتك الحاليه صارحهم بإمكانياتك و توصل لهم إن ده مش تقديرك للعروسه أو الأسره و لكنها إمكانياتك الفعليه الحالية و رد فعلهم يجب أن يكون مفتاح لقرارك بالإستمرار أو إنهاء الموضوع

بالتوفيق و جزاكم الله خيرا

تمام
هما الناس محترمة جدا وماقلوش حاجة لسة هما قالولى قولنا انت ع ظروفك بس فانا حبت اخد راى الاعضاء هنا

[wawamoha]

ربنا يوفقك ....
واضح انك محترم و هما كمان ...ز ربنا يباركلك......

بس معلش انا مش فاهم مشكلتك ايه بالظبط .......... ال 10 الاف شبكه محترمه و للا لا ؟؟ طبعا على حسب كل بيت و كل اسره ..............ما فيش معايير في الحته دي خالص
الناس سالتك امكانياتك ايه ..كان المفروض ترد عليهم بسرعه كذا ...........
و اهم حاجه الشفافيه و الصراحه .................

يعني لو قلنالك لا... ال 10 الاف و حش..... مش هاتقولهم ؟؟؟؟

توكل على الله و قولهم امكانياتك و خليك صريح معاهم هاتستريح و هما هايستريحم

[kareem0000111]

ربنا يوفقك ....
واضح انك محترم و هما كمان ...ز ربنا يباركلك......

بس معلش انا مش فاهم مشكلتك ايه بالظبط .......... ال 10 الاف شبكه محترمه و للا لا ؟؟ طبعا على حسب كل بيت و كل اسره ..............ما فيش معايير في الحته دي خالص
الناس سالتك امكانياتك ايه ..كان المفروض ترد عليهم بسرعه كذا ...........
و اهم حاجه الشفافيه و الصراحه .................

يعني لو قلنالك لا... ال 10 الاف و حش..... مش هاتقولهم ؟؟؟؟

توكل على الله و قولهم امكانياتك و خليك صريح معاهم هاتستريح و هما هايستريحم

ِشكرا لحضرتك
فعلا ناس محترمة
وتسلم ربنا يباركلك

دى عبارة عن استفسار
واحنا متفقين ع ماعيد علشان اقولهم طبعا هيكون فى وضوح وضرااحة من الاول علشان الراجل بكلمتة فانا حبت اعرف بس مش اكتر لانى ملياش فى المواضيع دى

[ESO101]

في الزواج مفيش أسعار .. فيه مستوى مناسب
الوضوح والصراحة أهم شيء .. يعني وضح إمكانيتك الفعلية في الهدية
لإن دا مؤشر على تقديرك للزوجة ومؤشر على المستوى اللي الأسرة هتعيش فيه
يعني متبلغش في الهدية فوق استطاعتك ومتقدمش هدية أقل من مستواك المادي
وازن
ربنا يباركلك

[kareem0000111]

في الزواج مفيش أسعار .. فيه مستوى مناسب
الوضوح والصراحة أهم شيء .. يعني وضح إمكانيتك الفعلية في الهدية
لإن دا مؤشر على تقديرك للزوجة ومؤشر على المستوى اللي الأسرة هتعيش فيه
يعني متبلغش في الهدية فوق استطاعتك ومتقدمش هدية أقل من مستواك المادي
وازن
ربنا يباركلك

تمام
شكرا لرد حضرتك

هى كلمة والدتها قالتهالى قالتى دى هديتك وفى الاخر هترجعلك بيها

[A7medelfe2y]

ياباشا انا سبقتك في شهر 10 الي فات
الموضوع كله ببنزين العربيه بدستتين جاتوه بالدبلتين وبالتتين كانزات قطع 2000 جنيه
ونص الكلام كالتالي
الشبكه علي الفرح وحسب مقدرتك ولو مفيش دي مراتك وبعد الجواز عايز تجبلها هديه دي حاجه ترجعلكوا
اتفق انت وعروستك مع بعض

[kareem0000111]

ياباشا انا سبقتك في شهر 10 الي فات
الموضوع كله ببنزين العربيه بدستتين جاتوه بالدبلتين وبالتتين كانزات قطع 2000 جنيه
ونص الكلام كالتالي
الشبكه علي الفرح وحسب مقدرتك ولو مفيش دي مراتك وبعد الجواز عايز تجبلها هديه دي حاجه ترجعلكوا
اتفق انت وعروستك مع بعض

تمام
يعنى حضرتك خليت الشبكة يوم الفرح

[mody1982]

نصيحه الناس اللى تلاقيهم عايزين شبكه معينه وشقه معينه ومرتب معين....حاول تتفاهم معاهم مفيش استجابه اهرب ياولد

أسألني انا عن الناس اللي من النوع ده