دا يعتبر نوع من المنافسة الشريفة ولا منافسة غير شريفة ؟

[ESO101]

الركيزة الرئيسية لنجاح أي مشروع هي الكفاءات

سؤالي بوضوح
لو شخص اتستقطب كفاءات من منافسين
بمعنى كان عميل لشركة و تعرف على موظف مميز جدًا في شغله
ونشأت بينهم علاقة جيدة .. وعرف إن الموظف عنده مشاكل مع صاحب العمل

العميل فكر يفتح مشروع في نفس مجال شغله و قاله أنا عندي وظيفة
ويديه إمتيازات ( أعلى من عقده ) ومحتاج حد بالمواصفات والخبرات المناسبة لشغل هذه الوظيفة
فالموظف يعرض عليه نفسه كشخص مناسب لشغل هذه الوظيفة
فلما ينتهي عقده لا يجدده ويذهب للعمل في الوظيفة ذات الدخل والإمتيازات الأعلى

وبهذه الطريقة يستقطب معظم موظفيه من اصحاب الخبرات ...

الطريقة دي أفضل بكتير من الطريقة التقليدية لتوظيف أفراد لا تعرف عنهم شيء
والميزة الرئيسية إن بيكون عندك موظف يملك أسرار انجاح الشركة و يملك أسرار الشركات المنافسة
وبتحقق أرباح سريعة جدًا وخصوصًا أن الموظفين متمرسين على هذه المهنة وهذا السوق

مع العلم
- انه مش بيقبل الموظف إلا عند إنتهاء عقده
- ولا يطلب من الموظف استقطاب معارفه من عملاء الشركات المنافسة
- ولا يحمل عداء للمنافسين ولا ينوي إلحاق الخسائر بهم

هل إنتقاءه للأشخاص وعرض الوظيفة عليهم بإمتيازات لا ترفض ( لعلمه المسبق بمتطلباته ومشاكله ) يضعه في مكان شبهة
مع العلم انه يتقصد تكوين العلاقات القوية مع بعض الأشخاص اللي بيتعامل معاهم لأنه يعلم لربما يحتاجهم مستقبلًا

[amr011111]

لو فرق المرتب كبير ومستمر يبقى العيب على صاحب الشركة الاولانيه اللى مشغل الموظفين بمرتب قليل

[ESO101]

لو فرق المرتب كبير ومستمر يبقى العيب على صاحب الشركة الاولانيه اللى مشغل الموظفين بمرتب قليل

بتكون المشاكل متعددة مش بس مرتب مثلًا
تأخير المرتب
عدم تقدير
طول ساعات العمل
مشاكل في التأمين الصحي
يناقشه في شغله
سوء معاملة
كل موظف بتكون عنده مشكلة غير التاني منها مرتب ومنها معاملة
فلما تتعامل معاه و تشوف فيه جانب هيفيدك
و تكون علاقة قوية معاه و تقترب منه هتفهم مشكلته في شغله
فتقدمله عرض يضمنله إنه هيكون في وضع أفضل
فالسؤال هل الإنتقاء دا بما إنه مدروس وبيخسر المنافس موظف صاحب خبرة ممكن يكون فيه شبهة

[A_H_M_A_D]

ده اسمه head hunting وده امر طبيعي جدا في البيزنس وكل الشركات الكبيرة بتعمله ، هون عليك ، مش لازم تشعر بالذنب ابدا عشان بتعمل كده

[Karim Alaa]

شريفه و الموظف مش ملك المدير عشان لما يديله بنود افضل من الحاليه يبقى بيسرقه بالعكس موظف مجتهد و معروف عنه شطارته كل الشركات عايزاه و منافسه شريفه جدا فى الكفائات و الخامات او الاسعار او حتى الاسواق لانها متكافئه الفرص يقدر صاحب العمل الحالى يحسن ظروف الموظفين عنده و يفضلو معاه و يقدر يعمل نفس الشىء للموظفين الى هو عايز يجيبهم من شركات تانيه المنافسه غير الشريفه هى الحصول على ميزه لا يستطيع المنافس الحصول عليها حتى ان توافرت لديه سبل الحصول عليها و ده مينطبقش على الحاله دى خالص بالعكس

[Mecha]

عادي جدا في الاشغال، لكن في الشركات الاجنبيه بتتعمل افضل من كدا ، الموظف بيدي notice او اخطار انه هيمشي بعد ٤ اسابيع .وممكن الشركه تتفاوض معاه او تسيبه.وبردك الشركه الجديده ممكن تاخده لكن مايرتاحلوش لما يبدا الشغل او العكس لان القبول والامور الشخصيه بتدخل ويضطر يسيب الشغل الجديد.ولو بتكلم عن الكفاءات والخليج ممكن يجيب ناس خبرات من اي مكان في العالم.

[fepsceasar]

متهيالى دى غلطة الشركة الاولى لو مش حريصة على الرضا الوظيفي وممكن تقدم للموظف اللى هيمشي عرض افضل

[ESO101]

والله كلامكم أراحني جدًا ... ولكن تطبيقها على أرض الواقع بيحطك في حرج
اللي حصل إن بوظف بالطريقة دي ..
فأنا طوال الوقت في حالة من تكوين العلاقات مع الموظفين المميزين ..
وشايف إنها مشروعة جدًا و طريقة متبعة من بعض الشركات
ولكن كنا في مؤتمر وكان يحضره مؤسس قديم لإحدى الشركات المنافسة
وعندي 4 موظفين كانوا عنده .. أنا جبت واحد و هوا جاب زمايله بدون أي تدخل مني فقط زكاهم
المهم إنهم كانوا موجودين .. وشافهم
وقالي إني شخص لا أنافس بشرف و أني سرقت موظفيه بغرض إلحاق الخسائر به
أنا قلت له أنه لا يملك الموظف و عنده كل الموظفين قدم لهم عروض وخذهم
قالي درب وعلم لا تسرق مجهود غيرك وتصعد على أكتاف الناس
و إني بهذه الطريقة هكسب موظفين ولكن هخسر علاقات أقوى مع شركات تجلب أرباح حقيقية

فدا الموقف اللي خلاني اشعر أني بتبع اسلوب عليه مأخذ

[teka_100]

الراحه النفسيه

اظن الموظف لو مرتاح في شركته مش هايسبها حتي لو المرتب اكبر . خلي بالك اللي هيجيلك علشان مزايا اكتر بكره هيسبك علشان مزايا اكبر

[Mohamed_Hamid]

حضرتك بتطلب آراء من الناحية الشرعية ولا من الناحية العملية؟

بمناسبة الموضوع ده، سمعت ان مدير تنفيذى فى فودافون مصر سابهم وراح شركة اتصالات وعمل كدة بعد ما عرف خطة العمل بتاعة السنة دى لفودافون. فودافون عاملة شرط فى العقد انه فى حالة عدم تجديد التعاقد لا يحق له انه يشتغل مع شركة منافسة لمدة 6 شهور على الأقل. لكن هو كسر الشرط ده وراح فورا اتصالات وحاليا فى قضايا جامدة بينه وبين فودافون.

القصد: أنا متفق الى حد ما مع ما تفضل به الأخوة الزملاء بس مش لدرجة "اغراء" الموظف انك تجيبه شركتك. تكوين العلاقات كويس ، كمان فيه نقطة لازم تركز عليها: الموظف اللى هتجيبه ده هيبقى عنده اسرار الشركة المنافسة ، أعتقد انه توجه غير شريف. وحتى لو صاحب العمل مش بيسعى لاستغلال النقطة دى عند الموظف ( وده نادرا ما يحدث ) فالموظف نفسه هيبقى حريص على استغلال النقطة دى لصالحه لاثبات الكفاءة ادام الشركة الجديدة او للانتقام الشخصى من الشركة القديمة.

[م/أحمد عبد الفتاح]

المنافسة هى اساس النجاح فى أى بيزينس وعلشان تنافس وتنجح لازم يبقى عندك افضل الادوات علشان حضرتك مش داخل السوق تهزر ولاتجامل المنافسين ( واسف على اللفظ ) - حضرتك داخل علشان تنجح - ثقافة المنافسة مش موجودة عندنا للاسف وده اللى مخلينا فى الوضع اللى احنا فيه - المنافسة مش معناها انك بتنافس واحد تانى وخلاص - المنافسة إنك بتنافس بمنتج ينال رضا الناس وليس المنافسين الاخرين وبكده يتحقق النجاح - الموظف اللى بيشتغل فى اى شركة مش مملوك لهذه الشركة وله كل الحق فى ترك العمل والالتحاق بالعمل فى شركة اخرى - صناعة السيارات العالمية مثلا بيحصل فيها الكلام ده على مستوى العالم وماحدش بيتقمص من حد وكمان عندك البنوك وشركات البترول وشركات الدعاية ومجالات كتير اساسها استقطاب افضل الادوات علشان ينافسوا وينجحوا

[Ahmed_selmy]

كلنا بنشتغل علشان الفلوس......والفلوس دى بتكون مقابل اجتهادى وخبرتى.....فلو لقيت مكان يقدر اجتهادى و خبرتى احسن من المكان اللى انا فيه اروح .....ايه المشكله.
يا رراجل دا احنا فالشركه اللى بشتغل فيها لما بنتكلم على اننا عايزين زيادة مقارنه بشركات اخرى فى نفس المجال هو اللى بيقول لو جالك فرصه روح....ما هى ما بتقفش على حد

[ESO101]

اظن الموظف لو مرتاح في شركته مش هايسبها حتي لو المرتب اكبر . خلي بالك اللي هيجيلك علشان مزايا اكتر بكره هيسبك علشان مزايا اكبر

وارد جدًا إن الموظف يتجه لوظيفة أفضل لو توفرله
حتى قبل ماينتهي عقده
بس الطبيعي لما بيكون فيه موظف يعتبر ركيزة مهمة
صاحب العمل يعمل بدائل في حالة مشي أو حاول يتفرعن
و هوا دا الطبيعي في سوق العمل

[ESO101]

حضرتك بتطلب آراء من الناحية الشرعية ولا من الناحية العملية؟

بمناسبة الموضوع ده، سمعت ان مدير تنفيذى فى فودافون مصر سابهم وراح شركة اتصالات وعمل كدة بعد ما عرف خطة العمل بتاعة السنة دى لفودافون. فودافون عاملة شرط فى العقد انه فى حالة عدم تجديد التعاقد لا يحق له انه يشتغل مع شركة منافسة لمدة 6 شهور على الأقل. لكن هو كسر الشرط ده وراح فورا اتصالات وحاليا فى قضايا جامدة بينه وبين فودافون.

القصد: أنا متفق الى حد ما مع ما تفضل به الأخوة الزملاء بس مش لدرجة "اغراء" الموظف انك تجيبه شركتك. تكوين العلاقات كويس ، كمان فيه نقطة لازم تركز عليها: الموظف اللى هتجيبه ده هيبقى عنده اسرار الشركة المنافسة ، أعتقد انه توجه غير شريف. وحتى لو صاحب العمل مش بيسعى لاستغلال النقطة دى عند الموظف ( وده نادرا ما يحدث ) فالموظف نفسه هيبقى حريص على استغلال النقطة دى لصالحه لاثبات الكفاءة ادام الشركة الجديدة او للانتقام الشخصى من الشركة القديمة.

من الناحية الشرعية فيه مشكلة ؟ .. لو العقد إنتهى .. ؟
في دول كتير فيه جريمة استقطاب غير قانوني ..
ودا في حالة نية الشركة بسرقة موظفين بغرض ضرب الشركة الأخرى
وغالبًا بيحصل مخالفة لبنود العقد لموظفين مهمين أو كشف خطط
لكن هنا لو الموظف أنهى عقده مع الشركة .. بدون أي مخالفة لبنود العقد
طبعًا الموظف بيجيب عملاء
صاحب العمل ( ملوش دعوة ) بيجيب العملاء إزاي و منين ..
المهم ميطلبش منه يجيب قائمة بعملاء الشركة اللي كان بيشتغل معاها
بس يكافئه في حالة وصل لنسبة معينة من الأرباح ..
يعني الموظف أكيد من مصلحته يراسل العملاء اللي على صلة بيهم
بس إيه المشكلة لو عرف أسرار الشركات الأخرى مهو هيعرف بيتعاملوا مع مين وبيشتغلوا إزاي
لكن لو مابيستخدمش المعلومات دي للإضرار بيهم .. فقط يستفيد منها

[ESO101]

المنافسة هى اساس النجاح فى أى بيزينس وعلشان تنافس وتنجح لازم يبقى عندك افضل الادوات علشان حضرتك مش داخل السوق تهزر ولاتجامل المنافسين ( واسف على اللفظ ) - حضرتك داخل علشان تنجح - ثقافة المنافسة مش موجودة عندنا للاسف وده اللى مخلينا فى الوضع اللى احنا فيه - المنافسة مش معناها انك بتنافس واحد تانى وخلاص - المنافسة إنك بتنافس بمنتج ينال رضا الناس وليس المنافسين الاخرين وبكده يتحقق النجاح - الموظف اللى بيشتغل فى اى شركة مش مملوك لهذه الشركة وله كل الحق فى ترك العمل والالتحاق بالعمل فى شركة اخرى - صناعة السيارات العالمية مثلا بيحصل فيها الكلام ده على مستوى العالم وماحدش بيتقمص من حد وكمان عندك البنوك وشركات البترول وشركات الدعاية ومجالات كتير اساسها استقطاب افضل الادوات علشان ينافسوا وينجحوا

كلام حضرتك سليم جدًا وأنا متفق معاك
و دا اللي تعلمته نظريًا بس تحقيقه مش سهل
أنا مابتكلمش من ناحية رأسمالية بحتة .. ولا من ناحية قانونية
لكن الواضح إن الرجل بيتكلم بنوع من الخبرة الطويلة بالسوق ..
واضح انه استاذ مش حد منفعل عشان كام موظف بس
قال إن الطريقة دي بتحقق ربح سريع وكثير من الأعداء
و العلاقات الحقيقية تتكون مع كيانات باقية ( شركات ) مصدر دعم وربح مش مع موظفين جوالين
الشيء المهم اللي قاله إن الشركات اللي بيديرها أشخاص أصحاب خبرة كبيرة بالسوق
لا تلجأ لهذا الأسلوب إلا نادرًا جدًا ولموظف بمواصفات نادرة
و بالشكل دا الموظف صاحب الخبرة العادية سعره هيعلى جدًا
وهيكون مكلف على الشركة فيما بعد
طبعًا كان كلامه مشبع بالسلبيات لإن الفروع اللي الموظفين سابوها خاوية على عروشها ..
أقل حاجة إنه يتكلم بهذه السلبية ..
لكن كلامه فيه جانب ساب أثر في نفسي