دا يعتبر نوع من المنافسة الشريفة ولا منافسة غير شريفة ؟

[ESO101]

كلنا بنشتغل علشان الفلوس......والفلوس دى بتكون مقابل اجتهادى وخبرتى.....فلو لقيت مكان يقدر اجتهادى و خبرتى احسن من المكان اللى انا فيه اروح .....ايه المشكله.
يا رراجل دا احنا فالشركه اللى بشتغل فيها لما بنتكلم على اننا عايزين زيادة مقارنه بشركات اخرى فى نفس المجال هو اللى بيقول لو جالك فرصه روح....ما هى ما بتقفش على حد

لو موظف بيدور على بديل أفضل .. دا العادي وشيء طبيعي وهكذا تسير الأمور في العادة
لكن الكلام لو في حالة الموظف في شغله وحد استقطبه لوظيفة في شركة منافسة
لو صاحب العمل عند حضرتك عرف إن فيه شركة منافسة بتستقطب كام موظف صاحب خبرة عنده
هيحس بالتهديد طبعًا لإن الموظفين مش بس هيسيبوا الشغل لاء دول هيروحوا لمنافس
دي حرفيًا ( كارثة ) للشركات لو مش عاملة حسابها
الشركة لما بتقع مش بس مصدر رزقك بيتقطع فتدور على مصدر رزق آخر وتنتهي المشكلة
بتكون مهدد تتسجن وأصحاب الديون كلهم يقلقوا فكل واحد يحاول يتخذ إجراء قانوني يضمن حقه
والشركاء مش بيرحموا بعض
فتتوالى المصائب

[borio1704]

أنا شايف إن دي غلطة الشركة اللي الموظفين بيمشوا من عندها ..

أولا.. الإحساس بإن الموظفين مجرد أدوات لتسيير العمل وتجاهل إنهم بشر ليهم احتياجات.

ثانيا.. عدم الاحساس بوجود منافسة في السوق.

ثالثا.. عدم فهم إن مش المنتج بس هو اللي فيه منافسة.. إنما الموظفين كمان عليهم منافسة من الشركات التانية.. واللي يكسب هو اللي يكون عنده المعادلة الصعبة (موظفين ممتازين عندهم ولاء للشركة وبيحرصوا على تقديم أحسن خدمة وأحسن منتج).

والموظفين الممتازين دول مش بييجوا من فراغ.. لازم تختارهم كويس.. وتطورهم.. وتحافظ عليهم.


خد الموضوع ببساطة ... لو كان قدامك أحد المنتجات اللي بتتعامل معاه من فترة.. ولقيت بعد كده منتج جديد بيوفرلك مميزات أكتر بكتير.. مش هتشتريه؟؟؟؟


...

[MuhamedNabil]

الموضوع ده ليه و عليه

ليه انك فعلا بتقف على رجليك بسرعه و بتكون ملم بالسوق الحالى فى وقت قصير

عليه

فى شخصك ان اصحاب الاعمال حبتجنبوك شخصيا خوفا على مصادرهم و ممكن تعاطف مع اصحاب اعمال اخرى ليهم علاقه بيهم

و فعلا السوق متشابك جدا و الافضل فعلا ان علاقتك بمنافسيك تبقى كويسه و متبقاش بره الدايره. فهمنى !

بالنسبه للموظف وضعه مختلف شويه هو حقه انه يستفيد بخبرته و لاكن لا يجوز ليه افشاء اسرار المكان الكان بيشتغل فيه لانها تعتبر خيانه للامانه و اى عقد بيكون فيه الجزء ده سيبك من قانونا بس شرعا انت مسؤل عن اى عقد اتفقت عليه

برده لو علاقتك باصحاب العمل بنيه انك تتعرف على الموظفين. فده من وجهة نظرى فيه نوع من الخيانه و الله اعلم

حاول انك تتوقف عن الطريقه و خلى سمعه شركتك هى البتخلى الموظفين يتجهو عندك
بطبيعه الحال الموظفين عندك لو ارتاحوا فى المكان حيعملولك افضل دعايه لشركتك و منغير متخسر علاقاتك بمنافسيك

[ESO101]

الموضوع ده ليه و عليه

ليه انك فعلا بتقف على رجليك بسرعه و بتكون ملم بالسوق الحالى فى وقت قصير

عليه

فى شخصك ان اصحاب الاعمال حبتجنبوك شخصيا خوفا على مصادرهم و ممكن تعاطف مع اصحاب اعمال اخرى ليهم علاقه بيهم

و فعلا السوق متشابك جدا و الافضل فعلا ان علاقتك بمنافسيك تبقى كويسه و متبقاش بره الدايره. فهمنى !

بالنسبه للموظف وضعه مختلف شويه هو حقه انه يستفيد بخبرته و لاكن لا يجوز ليه افشاء اسرار المكان الكان بيشتغل فيه لانها تعتبر خيانه للامانه و اى عقد بيكون فيه الجزء ده سيبك من قانونا بس شرعا انت مسؤل عن اى عقد اتفقت عليه

برده لو علاقتك باصحاب العمل بنيه انك تتعرف على الموظفين. فده من وجهة نظرى فيه نوع من الخيانه و الله اعلم

حاول انك تتوقف عن الطريقه و خلى سمعه شركتك هى البتخلى الموظفين يتجهو عندك
بطبيعه الحال الموظفين عندك لو ارتاحوا فى المكان حيعملولك افضل دعايه لشركتك و منغير متخسر علاقاتك بمنافسيك

محصلش إني بنيت علاقات مع حد عشان أوصل لموظفيه
واللي أعرفهم مابشتغلش في مجالاتهم ..
ولو حصل بعدين مش هوظف حد من طرف معرفة إلا بعلمه
اللي بوظفهم بكون أنا تعاملت معاهم كان في البداية بالصدفة .. بعد كدا بقصد
يعني بتعرف على الموظف شخصيًا .. من غير حتى ماعرف رئيسه أو صاحب العمل

عارف إنها طريقة عليها مأخذ من قبل ماتعرض للموقف دا
بس الموقف دا خلاني أفكر في التحسين
فعايز طريقة أفضل عشان أتلافى السلبيات

بس أنا لو توقفت عن التوظيف بالطريقة دي هكون مش واثق في أي موظف جديد
بيجي ناس بنفسهم .. بس مش بكون واثق فيه ومابقدرش أغامر وأوظفه
حتى الثقة بيجي وقت وظروف ولازم أغيره .. لازم أكون مجهز بديل
مش عايز أسيب أي ثغرة للخسارة

الموظف بيديني وقته وجهده .. وممكن أحفزه يشتغل
لكن أنا هستفيد إيه من علاقاتي بأصحاب العمل ..
خصوصًا لو عامل حسابي في حالة خسرت

مثلًا دا أسواء وقت على كل الشركات بسبب أزمة النفط ..
مسمعتش إن فيه حد شال حد المصيبة حلت على الكل

[Ahmed abdkarim]

هو فى حاجة غفل عنها البعض
وهى ان الموظف مش ملك الشركة زى الكرسى و الترابيرزة
الموظف ده شخص له حرية التصرف و القرار و فى عقد بيحكم بينه وبين الشركة
وان فى السوق المفتوحة و المنافسة الكاملة المفروض جميع المنتجين بيحاولو يغروا الموظفين علشان يجيلهم احسن موظفين وافضل كفاءات انما سوق الاحتكار المنتج بيحتكر كل حاجة بيجيب موظف ب 1000 جنية بيخلية يعمل شغل يسوى مليون جنبيه .
لو لاحظتم حتلاقو فى بعض المجالات النادرة والتخصصات الدقيقة اللى الموظفين والممارسين ليها عددهم قليل بتكون رواتبهم كبيرة و معاملتهم كويسة و مرتاحين فى شغلهم لان الموظف بيكون الفرخة اللى بتبيض بيضه دهب

[dedi]

ممكن اسالك سؤال
لو حدث العكس ماشعورك

[ESO101]

ممكن اسالك سؤال
لو حدث العكس ماشعورك

الأسود تعيش على لحوم فرائسها .. الفريسة مسكينة .. ولكن الأسد جائع .
هذه سنة الحياة

أنا أشفق على خصومي عندما أكون أنا الفاعل .. هذه كل القصة
عمومًا
إجابة سؤالك وبصدق
لو مفيش تعمد فدا غير مقلق
ولكن بصراحة مش هكون سعيد لو خصمي تعامل معي بهذه الطريقة
في رأيي لوحصل فهتكون نقطة تحسب له ... ونقطة ضعف عندي .. لازم أحسنها
ولكن هي دي الحياة .. وهكذا تسير الأمور ..
يظهر لي إن دي نقطة فلسفية كل فريق يراها من زاوية
وعشان كدا سؤالي .. هل من طريقة للتحسين ؟