الدولار المفترى عليه

[ali ashraf]

سعر الدولار فى السوق السوداء يقترب بسرعة من 10 جنيه , طيب مش دى المشكلة , المشكلة غياب المنطق و التوقعات الاقتصادية عن هذا المشهد الذى يصل لحد الفضوى العارمة بلا اى حاكم او منطق يسقط جميع نظريات الاقتصاد و السوق chaos
البنك المركزى باع فى عطاء سريع و استثنائى 500 مليون دولار ( و لاحظ كلمة باع) فى اشارة تحول الدولار نفسه الى سلعة و ليس عملة . و كان من المفروض سعر الدولار ينخفض او على الاقل يثبت لكن على العكس زاد !!! و الحقيقة كلنا طبعا كنا متوقعين ان يحلق سعر الدولار فى مستويات 10 جنيه بس مش بالسرعة و الطريقة الدرامية و بصراحة التفسير اللى يبرر ده اعتقد انه لا يستند الى اسباب اقتصادية و انما هناك من يرفع سعر الدولار بشكل غير متناسب من الوضع الاقتصادى الحالى ( التعبان و لكن مش بالشكل ده) و السؤال احنا كده رايحين على فين ؟

[aif]

1- تراجع معدلات التجارة العالمة مما اثر على ايرادات قناة السويس
2- تراجع تحويلات المصريين بالخارج لاسباب عديده منها احداث ليبيا والعراق وعوده نهائيه للمصريين
3- تراجع اكثر لتناقص فرص العمل بالخليج بعد ازمة تراجع اسعار النفط
4- تراجع شديد بقطاع السياحة
5- تحويل الدولار عن طريق تجار من دول الخليج للصين للاستيراد
6- عمليات الدولرة التى زادت من قبل الافراد مؤخرا للحفاظ على قيمة مدخراتهم.
7- تراجع الاستثمار وغلق العديد من المصانع
8-توقف الدعم الخليجى وهو ماكان المنقذ السريع وقت الحاجه للعملة الصعبة وغير متوقع ان يعود قبل عامين ع الاقل
9- شهادات بلادى المطروحه مؤخرا التى ستسحب جزء من موارد الدولارللسوق الموازى ويتم تجميدها لمده عام ع الاقل
10- اخيرا غياب الرؤية الصائبة لحل الازمة والتى تشمل حلول عاجله وحلول طويلة الامد وهو مالم تعتمده الحكومات السابقه
.....
والإنفاق ببذخ شديد على التسليح غير المبرر
والإنشاءات الرهيبة حول جميع المباني الشرطية والعسكرية
وبناء سجون عملاقة لاستيعاب الاعداد المهولة من السجناء والمعتقلين
وحفر تفريعة القناة اللي ماكانش لها لازمة اصلا في الوقت ده الا التباهي امام الشعب بالانجازات الغير مسبوقة
وعدم ثقة العاملين بالخارج في إدارة الدولة
ورفع رواتب الجيش والشرطة و القضاء بشكل متكرر
....
وقبل كل دة
إن الله لا يصلح عمل المفسدين

[رحالة]

واهم سبب طبعا قبل كل ده هو استيراد البرقوق الاسباني
احنا لازم نمنع البرقوق يا اخوانا مصر بتفلس

[ali ashraf]

موافق 100% على كلامك

كل الكلام ده صحيح و معظمنا يعرف الاسباب دى و ازيدك من الشعر بيتا الان بعض انخفاض اسعار النفط اصبح المرور من راس الرجاء الصالح ارخص على الناقلات العملاقة من رسوم القناة كل ده معروف و مفهوم بالتحديد انا بسأل عن " الانهيار " ان جاز التعبير فى سعر الجنيه مهو مش معقول الجنية ينزل 15% فى ايام و السؤال التانى الجنيه رايح على فين و هل المسؤلين عارفين الكلام ده , هناك تفسير ان شهادات بلادى الدولارية هى المحرك الاساسى فى انهيار سعر الجنيه على اساس ان العاملين بالخارج هيفضلوا بقاء الدولارات و الانتفاع بالفائدة المميزة و فى نفس الوقت بالفائدة من سعر الدولار نفسه و ان توقيت طرح شهادات بلادى الدولارية كانت خطأ فادح طارق عامر لأنه رسخ للدولرة اكثر و اكثر و شكل ضغط جديد على الجنيه.

[elrasy]

1- تراجع معدلات التجارة العالمة مما اثر على ايرادات قناة السويس
2- تراجع تحويلات المصريين بالخارج لاسباب عديده منها احداث ليبيا والعراق وعوده نهائيه للمصريين
3- تراجع اكثر لتناقص فرص العمل بالخليج بعد ازمة تراجع اسعار النفط
4- تراجع شديد بقطاع السياحة
5- تحويل الدولار عن طريق تجار من دول الخليج للصين للاستيراد
6- عمليات الدولرة التى زادت من قبل الافراد مؤخرا للحفاظ على قيمة مدخراتهم.
7- تراجع الاستثمار وغلق العديد من المصانع
8-توقف الدعم الخليجى وهو ماكان المنقذ السريع وقت الحاجه للعملة الصعبة وغير متوقع ان يعود قبل عامين ع الاقل
9- شهادات بلادى المطروحه مؤخرا التى ستسحب جزء من موارد الدولارللسوق الموازى ويتم تجميدها لمده عام ع الاقل
10- اخيرا غياب الرؤية الصائبة لحل الازمة والتى تشمل حلول عاجله وحلول طويلة الامد وهو مالم تعتمده الحكومات السابقه
.....
والإنفاق ببذخ شديد على التسليح غير المبرر
والإنشاءات الرهيبة حول جميع المباني الشرطية والعسكرية
وبناء سجون عملاقة لاستيعاب الاعداد المهولة من السجناء والمعتقلين
وحفر تفريعة القناة اللي ماكانش لها لازمة اصلا في الوقت ده الا التباهي امام الشعب بالانجازات الغير مسبوقة
وعدم ثقة العاملين بالخارج في إدارة الدولة
ورفع رواتب الجيش والشرطة و القضاء بشكل متكرر
....
وقبل كل دة
إن الله لا يصلح عمل المفسدين

[miam0502788391]

اذا كانت دى الاسباب اذن الحل معروف وان كان بعضها غير ممكن الا ان كما يقول المثل الصرى نص البلا ولا البلا كله يعنى مفيش لازمة لرفع الرواتب غير المبرر وبناء مشاريع ضخمة تستنزف الموارد الدولارية وتشجيع المصريين بالخارج على التحويل وبناء جسر من الثقة بين الحكومة والشعب علشان مش كل واحد يحول مدخراته الى دولارات

[volociximab]

احنا بنتكلم على ان مصر حتة صحرا مفيهاش غير قناة السويس و شوية حجارة بتلم صيع العالم يتعروا و يسكروا عليها
فكرونى بأول جنيه اصدرته مصر
كان مرسوم عليه جمل
هى دى مصر--شوية جمال عايشين فى الصحرا


مصر اكبر دولة عربية فى عدد السكان
و اغناها فى الموارد
و افضلها فى الموقع الجغرافى
مصر خامس اكبر دولة اسلامية فى العالم
مصر التى تعداد سكانها يصل ل 100 مليون معظمهم فى سن الشباب(اى طاقة بشرية هائلة)
و شباب مصر ليس شبابا مرفها مثل الخليج مثلا--شباب معظمه محترف او متعلم بغض النظر عن جودة ذلك التعليم
و فى الاخر هذا هو وضعنا

نحن يا سادة امام كارثة سوء ادارة موارد البلد فى ال150 سنة السابقة(من بعد محمد على و الى الان)
و كل جيل بيشرب من الخرارة التى اعدها له الجيل السابق و يزيد المشكلة للاجيال التالية
و كل حاكم يجي يصورلك ان مفيش حد جه لا قبله و لا بعده يصفق حوله الذباب و كأننا منتظرين السماء تنشق لتمطر علينا ذهبا و فضة لاننا المصريين العظماء (الاسطوانة المشروخة اياها)
لكن الاسباب صفر
هنصحى من النوم هنلاقى اعلان فى الصحف ان المصريين كسبوا اليناصيب و مصر فى لحظة هتبقى فوق
على بيه مظهر ستايل

[ali ashraf]

لسه مفيش رد

شكرا على الردود و التحليل السابق لكن لسه مفيش اجابة على السؤال الجنيه رايح على فين ؟

[rotanamasoud]

الجنيه رايح على عدم تحكم كامل يعنى ارتفاعات طفيفه حتى نصل لنقطه اللا عوده انهيار وارتفاع قد يصل بعد تخطى رقم ال10 الى سرعه انهيار ممكن 2 ولا 3 جنيه نزول يوميا وممكن فى اسبوع يضرب ال20
لان امكانيه حل الازمه0
خطوات فعاله لحلها 0
موارد دخل 0
تصدير 0
صناعه 0
يارب اكون غلطان ويطلع كل ده غلط لاننا كلنا فى نفس المركب

[ahmed_eng2001]

شكرا على الردود و التحليل السابق لكن لسه مفيش اجابة على السؤال الجنيه رايح على فين ؟

عزيزى الدكتور على ....

حبلغ حضرتك بحاجة بسيطة جدا بتحصل النهاردة ( انا شاهد عيان ) ....

فيه تجار كتير مش راضية تبيع بضاعتها ... و حيكون فيه بعض الشح فى قطع الغيار فى الايام القليلة القادمة ... عملا بمبدأ .. انا ليه ابيع غالى لما ممكن ابيع اغلى !!!!!

و التجار مش بيحسبوا الدولار على انه ب 9.75 زى ما سمعت النهاردة .... لأ .. ده بيحسب انه بيخسر .. لأنه لما يبيع بضاعته بالسعر بتاع اليومين دول ..... لما ييجى يشترى بضاعة جديدة .. حيشتريها بسعر الدولار الجديد المرتفع ... و دى خسارى بالنسبة ليه !!!! انا مش فاهم ازاى

حاجة تانية كمان .... زيادة اسعار قطع الغيار ... بتنشأ مناخ مناسب للغش .. و الى بيسموه .. تقفيل تحت السلم
يعنى حتسمع كتير ان فيه ماركات كتير بتتضرب و اصبح فيها مغشوش كتير

ربنا يستر علينا

[هيثم مجدي]

استاذ aif لخص الموضوع
سبب الانهيار منطقي. الانهيار بعد لما حصل فقد ثقة في الجنيه. وفقد ثقة في ادارة الدولة
البلد كانت ماشية بالإعلام بقالها سنتين, الاعلام يمجد ويعظم في انجازات وهمية, ويخدع الناس, وللأسف اغلب الناس بتردد وخلاص. انا فاكر ايام طارق عامر المنتدى هنا كان عامل ازاي وتمجيد في الراجل قبل ما يجي, وكأنه هيجيب التايهة, والمصيبة لما وقع الجنيه بسياساته الخاطئة في كام شهر بشكل غير مسبوق محدش برضه هيتكلم وهيطلع اي موضوع.

بخصوص الحل. فالحل في الحل وهي كدا كدا خربت خلاص. فخلي الخراب دا يبقى بداية, بدل ما يبقى نهاية. وغالبا دا اللي هيحصل قريب.

[هيثم مجدي]

فيه تجار كتير مش راضية تبيع بضاعتها ... و حيكون فيه بعض الشح فى قطع الغيار فى الايام القليلة القادمة ... عملا بمبدأ .. انا ليه ابيع غالى لما ممكن ابيع اغلى !!!!!

بالظبط. فيه شح في البضاعة دلوقتي. وتجار كتير رافضين يبيعوا حتى بالسعر الجديد. انا بدور على موتور من نوع معين مش لاقيه وكذا تاجر قالهالي بصراحة محدش هيبيعلك فمتدورش دلوقتي خلاص.
التجار شايفين النهاية ومتوقعينها. الدولارات بتتلم من السوق بشكل جنوني. والبضائع هتقل اكتر واكتر. بس السؤال, هل فيه خلية أزمة حاليا, انا مش متابع بصراحة الإعلام لكن لازم يكون فيه ادارة للأزمة لأن فعليا في خلال كام شهر البلد هتقفل مع الزيادة الجنونية.

[mmolazem]

شؤم

[رحالة]

احنا ممكن نجرب نخرج حسن مالك ونحبسه تاني
يمكن الدولار ينزل

[Omar1001]

1- تراجع معدلات التجارة العالمة مما اثر على ايرادات قناة السويس
2- تراجع تحويلات المصريين بالخارج لاسباب عديده منها احداث ليبيا والعراق وعوده نهائيه للمصريين
3- تراجع اكثر لتناقص فرص العمل بالخليج بعد ازمة تراجع اسعار النفط
4- تراجع شديد بقطاع السياحة
5- تحويل الدولار عن طريق تجار من دول الخليج للصين للاستيراد
6- عمليات الدولرة التى زادت من قبل الافراد مؤخرا للحفاظ على قيمة مدخراتهم.
7- تراجع الاستثمار وغلق العديد من المصانع
8-توقف الدعم الخليجى وهو ماكان المنقذ السريع وقت الحاجه للعملة الصعبة وغير متوقع ان يعود قبل عامين ع الاقل
9- شهادات بلادى المطروحه مؤخرا التى ستسحب جزء من موارد الدولارللسوق الموازى ويتم تجميدها لمده عام ع الاقل
10- اخيرا غياب الرؤية الصائبة لحل الازمة والتى تشمل حلول عاجله وحلول طويلة الامد وهو مالم تعتمده الحكومات السابقه
.....
والإنفاق ببذخ شديد على التسليح غير المبرر
والإنشاءات الرهيبة حول جميع المباني الشرطية والعسكرية
وبناء سجون عملاقة لاستيعاب الاعداد المهولة من السجناء والمعتقلين
وحفر تفريعة القناة اللي ماكانش لها لازمة اصلا في الوقت ده الا التباهي امام الشعب بالانجازات الغير مسبوقة
وعدم ثقة العاملين بالخارج في إدارة الدولة
ورفع رواتب الجيش والشرطة و القضاء بشكل متكرر
....
وقبل كل دة
إن الله لا يصلح عمل المفسدين

انت جبت الخلاصة كلها ما شاء الله