الدولار المفترى عليه

[ali ashraf]

عاوزين راى متفائل

للاسف الاراء كلها مقدرش اقول تشائمية و لكن اقول واقعية .... هل فيه هناك اراء تفائلية فيها و لو بصي من الامل , كان فى عضو كريم كتب مادام عيشين لازم نتفائل بالامل و ده صحيح و حتى لو مفيش امل نوجده , يا ريت حد يوضح لنا فين الامل .... اكيد فى امل و البعض ( و انا واحد منهم) مش شايفيينه

[ali ashraf]

وجهة نظر

منقول ......
وقال ساويرس، فى مقابلة مع قناة "cnbc عربية": "الحكومة قاعدة على كمية أصول غير مستغلة وأراضى فى أفضل الأماكن بدون استغلال، وبتطبطب على المصانع اللى بتخسر مئات الملايين فى المحلة والحديد والصلب.. ويقولك قلعة الصناعة الوطنية"، معلقا: "قلعة مين يابا!.. فين ياعم الصناعة! شوفوا أبو هشيمة نجح أهو وعمال يدخل فى فلوس، وكذلك أحمد عز، والقطاع الخاص هو اللى بيعمل كده، مستدركا "دا مش عيب اصحوا بقى". وتابع: "الحكومة بتدفع فلوسها فى الخسائر.. ونحن ندفع أموالنا فى الضرائب عشان التلفزيون يخسر 3 مليارات، وشركة حديد حلوان تخسر 500 مليون والمحلة 7 مليارات كل سنة خوفاً من العمال، بيعوها وامنحوا كل عامل ثروة نص مليون ولا 200 ألف وكل واحد يبدأ شغلانة زى الناس، لكن الواقع إن الناس بتيجى الصبح يمضوا ويروحوا وكل واحد عنده شغلانه تانية عايش منها.. مش هنضحك على بعض". الخصخصة أصبحت كلمة سيئة السمعة وأوضح رجل الأعمال، أن الخصخصة أصبحت فى مصر كلمة سيئة السمعة وتساوى السرقة الفساد، بعكس كونها سبباً رئيسياً فى تحول روسيا وكوريا وغيرهما لدول عظمى، معرباً عن تأييده لطرح حصص من البنوك العامة فى البورصة. السياسة النقدية غير واضحة ويجب تحرير سعر الصرف كما أعرب ساويرس، عن رفضه الأسلوب الحالى لإدارة السياسية النقدية فى مصر، وكذلك رفضه السياسة الاقتصادية، مؤكداً أنها غير واضحة، قائلاً إن ارتفاع سعر صرف الدولار لا يمثل المشكلة على الاقتصاد المصرى، لكن المشكلة الأكبر تكمن فى عدم توافره فى السوق، بما قد يؤدى لتوقف العجلة الاقتصادية بالكامل، وتفاقم أزمات المصانع ومشكلات الشركات الأجنبية، ومن هنا فإن إعادة بناء الاحتياطى يتطلب سعراً حقيقياً للصرف، مؤكداً: "أنا مع تحرير سعر الصرف بعكس موقف محافظ البنك المركزى، ومحدش يقدر يلعب ضد السوق ومش هينزل بفرمان 7.70 قرش، وتحرير سعر الدولار هو المخرج الوحيد من أزمة الدولار".

[ali ashraf]

امال احنا ايه

مصر هبة النيل , طيب احنا دولة مش صناعية بس الحمد لله زراعية بس بنستورد غذائنا .......منقول
كشف الدكتور إبراهيم محروس رئيس الهيئة العامة للخدمات البيطرية بوزارة الزراعة، عن تراجع الموافقات الاستيرادية لاستيراد الماشية الحية من دول الاستيراد بسب ارتفاع الدولار، مؤكدا فى تصريحات لـ"اليوم السابع"، أنه فى حالة توفير الدولار يساعد المستوردين على الالتزام بالموافقات الاستيرادية التى تصدرها الهيئة لسد الفجوة الغذائية من اللحوم الحمراء والبيضاء ويحد من ارتفاع أسعارها فى الأسواق المحلية. من جانبه قال الدكتور سيد جاد المولى رئيس الإدارة المركزية للحجر البيطرى بالهيئة، فى تصريحات لـ"اليوم السابع"، إن هناك تراجعا فى تقديم طلبات المستوردين للهيئة لاستيراد الماشية الحية واللحوم المجمدة من الخارج بسبب أزمة ارتفاع الدولار الحالية مقابل الجنيه المصرى، موضحا أن انخفاض معدلات استيراد اللحوم المستوردة يؤدى إلى ارتفاع اسعارها فى السوق المحلى، بسبب إحجام بعض الشركات المستوردة عن إبرام صفقات جديدة بسبب تقلبات أسعار الدولار بالأسواق وتوقف شحنات اللحوم فى الموانئ. ونوه رئيس الحجر البيطرى، أن استيراد الحيوانات الحية واللحوم المجمدة كأحد المحاور لسد العجز فى نصيب الفرد من البروتين الحيوانى، حيث تقوم إدارة الحجر بالهيئة بالموافقة على الاستيراد من الدول التى يسمح موقفها الوبائى، لافتا الى أن جميع العجول الحية يتم استيرادها عن طريق القطاع الخاص بعد منح الهيئة الموافقة، تنطبق عليها جميع الاشتراطات البيطرية والحجرية وخالية من الأمراض تطرح فى الأسواق والمجمعات الاستهلاك لتغطية احتياجات المستهلك وسد الفجوة. من جانبه أكد المهندس محمود عطا رئيس الإدارة المركزية للبساتين والمحاصيل الزراعية بوزارة الزراعة، فى تصريحات لـ"اليوم السابع"، أن هناك تراجعا فى الموافقات الاستيرادية لاستيراد تقاوى الخضر، بسب ارتفاع الدولار، مما سيؤثر على استيراد التقاوى من الخارج وخاصة أننا نستورد 90 % من تقاوى الخضر، قائلا: ولكن تعمل لجنة تقاوى الحاصلات الزراعية على الموازنة حاليا من خلال تصدير شتلات الفاكهة والنخيل والفراولة حتى لا نتأثر بارتفاع سعر الدولار. فيما أكدت الدكتورة جيهان المغازى مدير المعمل المركزى للأغذية والأعلاف بمركز البحوث الزراعية بوزارة الزراعة السابق، فى تصريحات لـ"اليوم السابع"،أن ارتفاع سعر الدولار سيؤثر بشكل كبيرة على استيراد مدخلات الإعلاف التى تدخل فى تركيبة المصنعة للأعلاف سواء الحيوانية والداجنة، ولكن سعر ارتفاع الدولار لا يؤثر على المستورد، لأنه فى حالة ارتفاع الدولار سيرفع المستورد السعر على المربين . فيما اكد مصدر مسئول بوزارة الزراعة، فى تصريحات لـ" اليوم السابع"، أن ارتفاع سعر الدولار سيؤثر على استيراد الزيوت من الخارج وخاصة أننا نستورد 95% من احتياجاتنا مما سيرفع الأسعار على المستهلك، بالإضافة إلى تأثير استيراد الأقماح من الخارج. من جانبه قال الدكتور خالد الحسنى رئيس قطاع الهيئات وشئون مكتب وزبر الزراعة، فى تصريحات لـ"اليوم السابع"، أننا نستورد 320 ألف طن من الأسماك ولكن ارتفاع سعر الدولار لم يؤثر على الاستيراد، ولا يؤثر على ارتفاع أسعار الأسماك فى الاسواق المحلية.

ارتفاع سعر الدولار يهدد بتراجع الموافقات الاستيرادية للحوم.. أزمة فى استيراد تقاوى الخضراوات والأعلاف والزيوت والقمح.. ويزيد من ارتفاع أ�

[ahmedwagdy03]

اذا كانت دى الاسباب اذن الحل معروف وان كان بعضها غير ممكن الا ان كما يقول المثل الصرى نص البلا ولا البلا كله يعنى مفيش لازمة لرفع الرواتب غير المبرر وبناء مشاريع ضخمة تستنزف الموارد الدولارية وتشجيع المصريين بالخارج على التحويل وبناء جسر من الثقة بين الحكومة والشعب علشان مش كل واحد يحول مدخراته الى دولارات

إسمحلي أرد على نقطة تشجيع المصريين فى الخارج لإن أنا عايش فيها

لما أكون شغال فى الخليج و على كف عفريت زى ما بيقولوا مش عارف مكمل لغاية إمتى بسبب حركة تقليص العمالة اللى شغالة . ليه أحول دخلى بسعر البنك و أخسر 2.17 جنية فى كل دولار يعنى حوالى 10 آلاف جنية لو بأحول 5000 دولار . الفرق ده ممكن أستفيد بيه كالآتي :
1-أنا عندي أقساط فى مصر و فرق المبلغ ده يعمل معايا شغل و يقلل قيمة القسط
2- بأدفع دروس خصوصية لأولادي فى ثانوي و إعدادى حوالى 2500 جنية فى الشهر يعنى المبلغ ده يكفى الدروس لآخر السنة لإن مدرسين الحكومة تنابلة بياخدوا فلوس (منى و منك ) و عايزين تانى و مش بيشتغلوا .
3- الفرق ده لو عملت بيه شهادات يعمل معايا 80 جنية فى الشهر لو بنك إسلامي زى فيصل .
4- الفرق ده يدفعلى فواتير الكهرباء الغالية أو حاجات كتير .

هل لو أنا حولت بسعر البنك و قلت البلد أولى بال10 آلاف دول مني و بعدين قعدت من الشغل و رحت للست غادة والى و الأستاذ طارق عامر و قلتلهم إني كنت بأضحي فى سبيل الوتن و دلوقتى من غير شغل هل ممكن تعوضونى بقرض بدون فايدة أو منحة أو أى حاجة لغاية ما ألاقى شغل .هل حياخدني بالحضن و يعيطوا و لا حيدوني بالجزمة .

أرجع أقولك ليه ال 10آلاف دول يروحوا لمكافآت لجان وهمية و حوافز لناس تنابلة أو ياكلوا بيهم سمك و جمبري فى فيش ماركت أو يزودوا بيها المعاشات العسكرية أو بدلات ملهاش معنى للقضاة و أرجع أشحت علشان عيالى ياكلوا

[ام حبيبة]

1- تراجع معدلات التجارة العالمة مما اثر على ايرادات قناة السويس
2- تراجع تحويلات المصريين بالخارج لاسباب عديده منها احداث ليبيا والعراق وعوده نهائيه للمصريين
3- تراجع اكثر لتناقص فرص العمل بالخليج بعد ازمة تراجع اسعار النفط
4- تراجع شديد بقطاع السياحة
5- تحويل الدولار عن طريق تجار من دول الخليج للصين للاستيراد
6- عمليات الدولرة التى زادت من قبل الافراد مؤخرا للحفاظ على قيمة مدخراتهم.
7- تراجع الاستثمار وغلق العديد من المصانع
8-توقف الدعم الخليجى وهو ماكان المنقذ السريع وقت الحاجه للعملة الصعبة وغير متوقع ان يعود قبل عامين ع الاقل
9- شهادات بلادى المطروحه مؤخرا التى ستسحب جزء من موارد الدولارللسوق الموازى ويتم تجميدها لمده عام ع الاقل
10- اخيرا غياب الرؤية الصائبة لحل الازمة والتى تشمل حلول عاجله وحلول طويلة الامد وهو مالم تعتمده الحكومات السابقه
.....
والإنفاق ببذخ شديد على التسليح غير المبرر
والإنشاءات الرهيبة حول جميع المباني الشرطية والعسكرية
وبناء سجون عملاقة لاستيعاب الاعداد المهولة من السجناء والمعتقلين
وحفر تفريعة القناة اللي ماكانش لها لازمة اصلا في الوقت ده الا التباهي امام الشعب بالانجازات الغير مسبوقة
وعدم ثقة العاملين بالخارج في إدارة الدولة
ورفع رواتب الجيش والشرطة و القضاء بشكل متكرر
....
وقبل كل دة
إن الله لا يصلح عمل المفسدين

استاذنك تنشر رد حضرتك لعل من بقى لهم عقل ان يفيقوا
حقا ان الله لا يصلح عمل المفسدين

[ali ashraf]

الاستاذ احمد وجدى

رحت للست غادة والى و الأستاذ طارق عامر و قلتلهم إني كنت بأضحي فى سبيل الوتن و دلوقتى من غير شغل هل ممكن تعوضونى بقرض بدون فايدة أو منحة أو أى حاجة لغاية ما ألاقى شغل .هل حياخدني بالحضن و يعيطوا و لا حيدوني بالجزمة .اكيد مش هيعيطوا و مش هيخدوك بالحضن , بس المهم لو انت ضامن الفلوس بتاعتك رايحة فعلا فى المكان الصحيح , مع تحفظى على مصطفى بكرى الا انه آثار موضوع تعدى حاجز السفه الى ما هو اكثر بكثير فى ظل الوضع المالى الحالى و اليك بعضا من الخبلر منقول ...
النائب مصطفي بكري عضو مجلس الشعب يقول انه علي الرغم من تدني الأجور للموظفين العموميين بالدولة وكثرة المطالب التي تقدمت بها النخبة وذلك بهدف رفع الحد الأدني للأجور ليصل إلي1200 جنيه إلا أن ذلك أصبح صعب المنال في الوقت الذي يتقاضي فيه بعض المستشارين في الوزارات المختلفة مئات الآلاف من الجنيهات شهريا موضحا انه كشف عن وجود بعض المستشارين بوزارة المالية أثناء انعقاد جلسة مجلس الشعب تصل رواتب البعض منهم إلي250 ألف جنيه شهريا في حين انهم لم يقضوا من المدة الوظيفية إلا شهورا الأمر الذي يمثل إهدارا للمال العام موضحا أن الغريب في الأمر أنهم يتقاضون هذه الرواتب المبالغ فيها من قيمة المنح التي تقدم إلي وزارات محددة مثل المالية والاستثمار والبيئة وغيرها من الوزارات المختلفة.
وقال بكري ان هذا الأمر يثير حالة من الاحتقان بين الرأي العام في وقت تعد فيه الرواتب المدنية متدنية ولاتكفي سد الرمق موضحا أن هناك من أمضوا سنوات عمرهم كموظفين عموميين ووصلوا إلي دون أن يحصلوا علي10% من هذا الراتب متسائلا هل يعقل أن راتب وكيل الوزارة لايتعدي850 جنيها شهريا في حين تحصل مستشارة إعلامية بإحدي الوزارات المهمة علي راتب250 ألف جنيه شهريا بالاضافة إلي أن المحافظ يحصل علي راتب شهري لايزيد علي ألفي جنيه ولايصل بالحوافز إلي أكثر من15 ألف جنيه بينما يحصل مستشار علي المعاش لوزير حالي علي ما يقرب من150 ألف جنيه شهريا وتساءل بكري عن الأسباب التي تجعل هؤلاء يتاقضون هذه الرواتب

[ahmedwagdy03]

رحت للست غادة والى و الأستاذ طارق عامر و قلتلهم إني كنت بأضحي فى سبيل الوتن و دلوقتى من غير شغل هل ممكن تعوضونى بقرض بدون فايدة أو منحة أو أى حاجة لغاية ما ألاقى شغل .هل حياخدني بالحضن و يعيطوا و لا حيدوني بالجزمة .اكيد مش هيعيطوا و مش هيخدوك بالحضن , بس المهم لو انت ضامن الفلوس بتاعتك رايحة فعلا فى المكان الصحيح , مع تحفظى على مصطفى بكرى الا انه آثار موضوع تعدى حاجز السفه الى ما هو اكثر بكثير فى ظل الوضع المالى الحالى و اليك بعضا من الخبلر منقول ...
النائب مصطفي بكري عضو مجلس الشعب يقول انه علي الرغم من تدني الأجور للموظفين العموميين بالدولة وكثرة المطالب التي تقدمت بها النخبة وذلك بهدف رفع الحد الأدني للأجور ليصل إلي1200 جنيه إلا أن ذلك أصبح صعب المنال في الوقت الذي يتقاضي فيه بعض المستشارين في الوزارات المختلفة مئات الآلاف من الجنيهات شهريا موضحا انه كشف عن وجود بعض المستشارين بوزارة المالية أثناء انعقاد جلسة مجلس الشعب تصل رواتب البعض منهم إلي250 ألف جنيه شهريا في حين انهم لم يقضوا من المدة الوظيفية إلا شهورا الأمر الذي يمثل إهدارا للمال العام موضحا أن الغريب في الأمر أنهم يتقاضون هذه الرواتب المبالغ فيها من قيمة المنح التي تقدم إلي وزارات محددة مثل المالية والاستثمار والبيئة وغيرها من الوزارات المختلفة.
وقال بكري ان هذا الأمر يثير حالة من الاحتقان بين الرأي العام في وقت تعد فيه الرواتب المدنية متدنية ولاتكفي سد الرمق موضحا أن هناك من أمضوا سنوات عمرهم كموظفين عموميين ووصلوا إلي دون أن يحصلوا علي10% من هذا الراتب متسائلا هل يعقل أن راتب وكيل الوزارة لايتعدي850 جنيها شهريا في حين تحصل مستشارة إعلامية بإحدي الوزارات المهمة علي راتب250 ألف جنيه شهريا بالاضافة إلي أن المحافظ يحصل علي راتب شهري لايزيد علي ألفي جنيه ولايصل بالحوافز إلي أكثر من15 ألف جنيه بينما يحصل مستشار علي المعاش لوزير حالي علي ما يقرب من150 ألف جنيه شهريا وتساءل بكري عن الأسباب التي تجعل هؤلاء يتاقضون هذه الرواتب

رغم إن مصطفى بكرى وصل بإسمة إلى مرتبة عالية بأن تحول الإسم إلى صفة بل إنه طغى على ما كان عليه إبن سلول فأصبح من الكافى أن تنعت الشخص بأنه مصطفى بكري . إلا أن ما ذكره حقيقي و لمست بنفسي أمثلة على هذا الفساد جعلتنى لا أثق إطلاقا فى أى موظف حكومي من أول الباشا الساعي لغايه........

[dede_dodo88]

جدير بالذكر أن بجانب كل المشاكل الأقتصادية اللي الناس بتتكلم عليها, الدولار نفسه كعملة اليومين دول متوحش قصاد كل العملات التانية, فهي المشكلة عندنا مزدوجة..

[رحالة]

سألت أنديرا غاندي وهى يافعة إذ ذاك ، والدها الزعيم جواهر لال نهرو
ماذا يحدث لو سيطر العسكر على السلطة ؟
رد عليها : ينهار الإقتصاد
قالت لوالدها وماذا يحدث بعد إنهيار الإقتصاد ؟
أجابها : تنهار الأخلاق
ألحفت أنديرا فى السؤال على والدها وماذا يحدث أيضا لو أنهارت الأخلاق ؟
رد عليها بمنتهى الحكمة :
ومالذى يبقيك فى بلد أنهارت أخلاقها !!؟

[رحالة]

دي اصلا ناس مش فاهمة حاجه
كل واحد عمال يفتي فيها وعامل نفسه خبير اقتصاد
انهيار الجنيه اصلا من مصلحة البلد
لو قناة السويس بتدخل مليار دولار في الشهر
زمان يعملوا ٧ مليار جنيه بس
النهاردة يعملوا ١٢ مليار جنيه!!!
#ضربة_معلم

[ahmedwagdy03]

بتتكلموا عن إنهيار الأخلاق نتيجة إنهيار الإقتصاد !!!!!

بتحسسوني إن الشعب المصري يتفوق على نظيره الياباني و إن بأخلاقه العالية يسمو فوق كل شعوب العالم

لو مكانتش الأخلاق منهارة من الإساس ماكانش يبقى الفساد و الإنتهازية منهج حياة فى مصر و مكانش الإقتصاد إنهار

[رحالة]

ماهو مستوى الاخلاق من غير انهيار اقتصادي عامل كده
شوف بقى بعد الانهيار هيبقى عامل ازاي

[TAMERMEGAHED]

للأسف برضه احنا كلنا عارفين ان في فساد ووجع قلب بس فين الناس الى المفروض تفكر خارج الصندوق مافيش حد بيفكر في البلد ده وكأن العفن تمدد لكل الادمغه الى فبها بجد قريت خبر استفذنى جدا ان عايزين طارق عامر يستعين باستشاره من يوسف بطرس غالى فهى ده الحلول الى بيفكروا فيها

ياعالم مش هينزل سعر للدولار الا بالعمل لازم الكل يشتغل لازم أوقف كل المرتبات المبالغ فيها الى في الدوله بالملايين ده لازم خطه تقشف حقيقيه مش استثنى منها بعد الوظائف وازودلهم مرتبات

يارب اصلح حال البلد ده بقى واحميها

[mr_green]

والله يا جماعة ذى ما الأخ الفاضل قال فى الأول إن الله لا يصلح عمل المفسدين

لو الحكومة عايزة تصلح فعليا فيه ألف مليون طريقة بس النية و الإرادة الفعلية مش موجوده

على سبيل المثال لا الحصر

أنا لو وزير أو رئيس وزراء مش هاقول رئيس عشان أنا راجل مدنى مايصحش

هاجيب تقارير الواردات و منها هاعرف أكبر منتجات يتم إستيرادها و يكون نسبة كبيرة من خاماتها متوفر محلى و مين المستوردين و هاعمل دراسة جدوى لتصنيعها محليا و هاعمل إجتماع مع المستوردين

هاعرض عليهم دراسة الجدوى و هاعرفهم الهدف منها

و هاديهم فرصة لبناء مصنعين 3 كبار بشراكة مع الدولة - الدولة توفر الأرض و قرارات داعمة ذى حظر إستيراد هذه المنتجات لمدة معينة و هم عليهم التصنيع و الإدارة

و طبعا هايكون فى خطة عمل بحيث إن خلال كام سنة أقدر أنافس بالمنتج ده عالميا يعنى أتحول من مستورد لمصدر

و بكده أنا أعمل إختلاف جوهرى فى الإقتصاد و مش لازم أبتدى بالصناعات الثقيلة ممكن نبدأ بحاجات بسيطة بس بتستزف من العملة الصعبة كثير

دى حاجة بسيطة جدا

ممكن أوى أنا شايف البترول فى النازل و السفن بقت تهرب من تسعيرة قناة السويس و تروح رأس الرجاء وقتى أتحرك و أعمل تخفيض لتسعيرة المرور لحد ما البترول يشد تانى

ممكن أوى أوقف إستيراد حاجات معينة مالهاش إحتياج ضرورى لفترات معينة

ممكن أوى أعين محافظ للبنك المركزى عنده خبره و حنكة مش بلوظة رايح يعمل سقف للإيداع و السحب على الدولار و هو فى أشد الحاجة للدولار .......

الحلول كثيره و أنا راجل عادى لا إقتصادى ولا غيره و قدمت بعضها ما بالك بالمتخصصين لو عايزين هايعملوا إيه ؟؟

[ahmedwagdy03]

للأسف برضه احنا كلنا عارفين ان في فساد ووجع قلب بس فين الناس الى المفروض تفكر خارج الصندوق مافيش حد بيفكر في البلد ده وكأن العفن تمدد لكل الادمغه الى فبها بجد قريت خبر استفذنى جدا ان عايزين طارق عامر يستعين باستشاره من يوسف بطرس غالى فهى ده الحلول الى بيفكروا فيها

ياعالم مش هينزل سعر للدولار الا بالعمل لازم الكل يشتغل لازم أوقف كل المرتبات المبالغ فيها الى في الدوله بالملايين ده لازم خطه تقشف حقيقيه مش استثنى منها بعد الوظائف وازودلهم مرتبات

يارب اصلح حال البلد ده بقى واحميها

الناس اللى بتفكر خارج الصندوق مالهاش مكان بينا . إنت عايز تخالف ما وجدنا عليه آباءنا