شقة ولا شقتين بمليون جنيه

[egyboy]

السلام عليكم

كنت عايز رايكم ضرورى

صديق لى حاليا معاه مبلغ كبير حوالى مليون و 200 الف

هو لسه متجوزش وشغله مش مستقر فى مصر واحيانا بره مصر

هو محتاج شقة لكن بما انه مش هيسكن دلوقتى على الاقل مش قبل سنة

ايه الاحسن انه يجيب شقة بالمبلغ ده ولا يجيب شقتين تقسيط ويعتبرهم بيزنس لغاية لما يستقر

ايه افضل مكان فى التجمع والشيخ زايد

مكان راقى ومناسب وبيزيد مع الوقت ؟

[رحالة]

التقسيط احسن لو فلوسه بالعملة الصعبة

[حسام الغرباوي]

أرض ويبني واحدة واحدة ..يبقي استفاد باكتر من شقة وكمان ارض ملك وممكن بعد كدا يأجر جزأ ويسكن في جزأ

[Waleed_Fathy]

التجمع افضل كاستثمار و لو حب يسكن هيبقا مكان مناسب
المبلغ اللي معاه ده بالنسبه للتجمع معقول جدا يعني مش قليل و لا كتير و يجيب شقه في التجمع نصف تشطيب و ممكن يشطبها تشطيب عادي و ياجرها الايجارات هنا في التجمع ارقام كويسه يعني هيبقا مستفيد من ان الشقه سعرها بيزيد و في نفس الوقت من الايجار الشهري

[Karim Alaa]

شقتين احسن كاستثمار عشان يقدر يبعهوم بشكل اسرع لان فى فرق كبير مبين عدد الناس الى المعاها مليون وعدد الناس لى معاها نص مليون

[ahmedwagdy03]

الأول نفسي أتعرف على صديقك !!!

لو صاحبك مصدر دخله يسمحله أنه يعوض المليون فى خلال كام سنة بمعنى إن فى إستمرار فى البيزنس بتاعه و مش خايف إنه يصرف المليون كلهم و يبقى لايص يبقى أحسن ليه يجيب شقة بالمبلغ ده .

لو قلقان من تقلبات السوق و الركود بالذات السنتين الجايين يبقى أحسن يخلي معاه شوية سيولة لإن بيع الشقق الغالية مش بالساهل .

[melouk1]

يجيب أي شقة في التجمع و الرحاب بمليون و ٢٠٠ الف ، و لما بس يجي في خياله يتباعو هيتباعو تاني يوم في ساعة مش أكتر .. أنا بتكلم بناءاً عن خبرتي بس ميجبش في مدينتي مثلاً لان السوق نايم هناك
و ممكن لو مش حابب القاهرة الجديدة الحل يكون في الشيخ زايد برده .. غير كده ميفكرش :))

[amr011111]

فعلا الرحاب ثم القاهرة الجديده ثم الشيخ زايد وبالتوفيق

[gade2]

يجيب شقتين واحده سكن وواحده استثمار

[egyboy]

التقسيط احسن لو فلوسه بالعملة الصعبة

لا المبلغ بالمصرى
بس فين الشقق اللى بالتقسيط ندور فين

أرض ويبني واحدة واحدة ..يبقي استفاد باكتر من شقة وكمان ارض ملك وممكن بعد كدا يأجر جزأ ويسكن في جزأ

ارض مرة واحدة :)
محتاجة مصاريف كتير

التجمع افضل كاستثمار و لو حب يسكن هيبقا مكان مناسب
المبلغ اللي معاه ده بالنسبه للتجمع معقول جدا يعني مش قليل و لا كتير و يجيب شقه في التجمع نصف تشطيب و ممكن يشطبها تشطيب عادي و ياجرها الايجارات هنا في التجمع ارقام كويسه يعني هيبقا مستفيد من ان الشقه سعرها بيزيد و في نفس الوقت من الايجار الشهري

طيب فين فى التجمع يا فندم
ارقى مكان وسعره مناسب

شقتين احسن كاستثمار عشان يقدر يبعهوم بشكل اسرع لان فى فرق كبير مبين عدد الناس الى المعاها مليون وعدد الناس لى معاها نص مليون

تمام بس فين حضرتك تعرف ؟

الأول نفسي أتعرف على صديقك !!!

لو صاحبك مصدر دخله يسمحله أنه يعوض المليون فى خلال كام سنة بمعنى إن فى إستمرار فى البيزنس بتاعه و مش خايف إنه يصرف المليون كلهم و يبقى لايص يبقى أحسن ليه يجيب شقة بالمبلغ ده .

لو قلقان من تقلبات السوق و الركود بالذات السنتين الجايين يبقى أحسن يخلي معاه شوية سيولة لإن بيع الشقق الغالية مش بالساهل .

حبيبى ربنا يكرمك
الفكرة ان المبلغ ده اصلا من بيع شقة قبل كده
معتقدش هيعوض المبلغ ده

يجيب أي شقة في التجمع و الرحاب بمليون و ٢٠٠ الف ، و لما بس يجي في خياله يتباعو هيتباعو تاني يوم في ساعة مش أكتر .. أنا بتكلم بناءاً عن خبرتي بس ميجبش في مدينتي مثلاً لان السوق نايم هناك
و ممكن لو مش حابب القاهرة الجديدة الحل يكون في الشيخ زايد برده .. غير كده ميفكرش :))

تمام بس فين بالظبط فى التجمع ؟ وفين فى الشيخ زايد

فعلا الرحاب ثم القاهرة الجديده ثم الشيخ زايد وبالتوفيق

الاماكن فين بقى :)

[melouk1]

التجمع الخامس كلها في أي مكان ما عدا أبو الهول
والشيخ زايد المنطقة ال ١٢

[amrelsha3er]

شارع التسعين التجمع الخامس

[egyboy]

طيب يا شباب
المبلغ ده ميجيبش فيلا صغيرة كده او تاون هاوس

وايه رايكم لو كومبوند ايه افضل مكان ؟
ولا بلاش كومباوند

[amrelsha3er]

كومباوند استثمار عقارى للايجار
انما غالبا هتشترى غالى فمش هتعرف تبيع وانت كسبان كويس نظرا لان صاحب الكومباوند بيبيع اغلى من الشقق العاديه اللى بره
خليك بره الكومباوند نصيحتى ليك اشترى موقع قبل كل شىء
اليومين دول السوق فى ركود والقرش صياد
وبالتوفيق لصاحبك

[zabalayt]

طيب يا شباب
المبلغ ده ميجيبش فيلا صغيرة كده او تاون هاوس

وايه رايكم لو كومبوند ايه افضل مكان ؟
ولا بلاش كومباوند

لا ميجبش تاون هاوس.
مبدأيا لو الهدف استثمار يبقى أكيد كمبوند احسن بس مش أي كمبوند والسلام. يفضل الكمبوند يكون تحت الانشاء ولسة متسلمش عشان بتاخد مدة تقسيط طويلة ممكن توصل لستة أو سبعة سنوات. اﻷسعار بتضرب عالي بعد التسليم فلو بيفكر يبيع يبقى يستنى لما يستلم. ده أكتر استثمار مضمون والطلب عالي جدا على الكمبوندز الكويسة. في ناس فاتحة بيوت وعايشة بالطريقة دي.
نزل wikimapia على مبايلك وروح بالخريطة على التجمع. الناس كتبين اسامي كل الكمبوندز هناك. شوف في ايه هناك واعرف المنطقة كويس.
كل الجديد طالع بعد AUC. اجدد حاجة كمبوند سيتي جيت...نفس الشركة اللي عاملة newgiza. عندك hyde park وعندك palm hills village gardens kattameyya. وابعد عن mivida عشان المبلغ دة ميجبلكش شقة 80 متر هناك. جرب تشوف إيستاون بتاع سوديك كمان. متشتريش في اي حتة في الشارع لو ناوي تبيع عشان بيعها بيكون اصعب كتير من كمبوند.

التجمع بقت غالية جدا. لو الاسعار لقيتها كتير عليك متتنازلش وتجيب اى حاجة والسلام...ﻷ روح دور في الشيج زايد على نفس المستوى وهتكون ارخص هناك. أنا للأسف الشديد مبعرفش حاجة عن منطقة اكتوبر والشيخ زايد. بالتوفيق إن شاء الله