شقة ولا شقتين بمليون جنيه

[egyboy]

ربنا يكرمكم يارب على المعلومات دى

طيب لو قولنا بلاش كومباوند

ايه افضل مكان فى التجمع

حاليا هو وصل للتفكير انه هيشترى شقتين بالتقسيط

واحدة يقعد فيها دلوقتى و واحدة استثمار



رايكم فى شركة المنارة فى التجمع الخامس

https://www.facebook.com/almanaraeg

Homear: المنارة للتنمية العقارية

حد اتعامل او سمع عنها ؟

[egyboy]

لا ميجبش تاون هاوس.
مبدأيا لو الهدف استثمار يبقى أكيد كمبوند احسن بس مش أي كمبوند والسلام. يفضل الكمبوند يكون تحت الانشاء ولسة متسلمش عشان بتاخد مدة تقسيط طويلة ممكن توصل لستة أو سبعة سنوات. اﻷسعار بتضرب عالي بعد التسليم فلو بيفكر يبيع يبقى يستنى لما يستلم. ده أكتر استثمار مضمون والطلب عالي جدا على الكمبوندز الكويسة. في ناس فاتحة بيوت وعايشة بالطريقة دي.
نزل wikimapia على مبايلك وروح بالخريطة على التجمع. الناس كتبين اسامي كل الكمبوندز هناك. شوف في ايه هناك واعرف المنطقة كويس.
كل الجديد طالع بعد auc. اجدد حاجة كمبوند سيتي جيت...نفس الشركة اللي عاملة newgiza. عندك hyde park وعندك palm hills village gardens kattameyya. وابعد عن mivida عشان المبلغ دة ميجبلكش شقة 80 متر هناك. جرب تشوف إيستاون بتاع سوديك كمان. متشتريش في اي حتة في الشارع لو ناوي تبيع عشان بيعها بيكون اصعب كتير من كمبوند.

التجمع بقت غالية جدا. لو الاسعار لقيتها كتير عليك متتنازلش وتجيب اى حاجة والسلام...ﻷ روح دور في الشيج زايد على نفس المستوى وهتكون ارخص هناك. أنا للأسف الشديد مبعرفش حاجة عن منطقة اكتوبر والشيخ زايد. بالتوفيق إن شاء الله

طيب ايه افضل مكان فى التجمع

النرجس / البنفسج / اللوتس ....الخ