تحويل الادخار بالادولار

[Hussein_Ramdan]

السلام عليكم ياباشا ارجو كده فى الاول نبعد التوجه السياسى عن الموضوع دة عشان هو بيهم ناس كتير وبردو موضوع العائد بتاع البنوك حلال او حرام كل واحد مسؤل عن نفسو وهو ربنا الى هيحسبو سواء الفلوس حلال او حرام
دلوقتى مثلا الواحد شقى عمره بتكلم على مبلغ كبير ضخم ماديا
بس الصراحه الوضع الحالى سئ جدا اقتصاديا جدا
بمعنى ان كل حاجه غليت مدارس الاطفال اكل شرب كل حاجه والواحد خايف على شقى عمره التضخم ياكلو والفلوس تصبح القيمه الشرائيه بتاعتها راحه فى داهيه
انا دلوقتى عايز نصيحه اقتصاديه تحافظ على المبلغ دة ميتكلش بس مش عايز اشترى شقق ولاة اراضى ولاة محلات فيها وجع دماغ وقصص ومش بحبها
المهم انا دلوقتى بفكر فى حاجه من الاتنين
اما اكسر الشهادات ويتم ويتم تحويل الفلوس دولارات ويتعمل شهادات دولاريه ب 5 فى الميه سنويا
اما تفضل زاى ما هى وبتجيب عائد 12.5 ينزل العائد كل شهر
معا العلم الفلوس بتاعيت العائد مش عايش عليها ليا شغلى الحمد لله
ناس بتنصحنى اشترى بالعائد دولار
بس بردو المشكله الدولار نط نطه غريبه دلوقتى انا سئلت على الميت الف دولار عامين ما يقرب مليون وميت الف
بردو مستحرم اشتر غالى اووى كده
وناس بتقول ان الدولار مش هينط النطه دى تانى
واناس بتقول هيوصل ل ل 15 و 16
وحاجه تحير رائيكو ايه

[Hussein_Ramdan]

انا عارف ان التفكير دة انانى ومش وطنى وبيساهم فى المشكله الدولاريه والصراحه دة الى منعنى لخايه دلوقتى مش عارف اتصرف ازاى

[softyeg]

مش مشكلتك لوحدك و ناس كتير بتفكر فيها قرشين الستر من غدر الزمن نحافظ عليهم ازاى
و موصلتش لحا امن بشكل كبير كل حاجه ليها مخاطرها لاسف

[Hussein_Ramdan]

مش مشكلتك لوحدك و ناس كتير بتفكر فيها قرشين الستر من غدر الزمن نحافظ عليهم ازاى
و موصلتش لحا امن بشكل كبير كل حاجه ليها مخاطرها لاسف

الموضوع صعب جدا والواحد مش قادر ياخد القرار وكمان انتا دلوقتى الميت الف دولار بما يقرب بمليون وميت الف الصراحه غالى جدا وانا مستحرمها

[mosaad mohsen]

السلام عليكم
اولا تحياتي لحضرتكم
ثانيا بما اني محاسب في ادارة بنوك احب اوجه للساده ان استثمار الاموال كله رسك وقلق ومحتاج الحرفيه وليس العلم فقط النقاط الاولا للاستثمار هو اخذ القرار المناسب في الوقت المناسب بمعني اني اكون عندي رؤيه ودراسه جدوي سريعه اقدر اخد بيه قرار سليم وسريع واهم حاجه في استثمار الاموال السرعه في اخذ القرار لانه فرصه ولحظه بتفرق كتيييير جدا
بنسبه لتحويل الشهداة الي وداع دولاريه
سريعا نحسب حسبه بسيه وهنعمل مفضله سريعه اولا / هل العائد الدولري اعلي من العائد المصري
ثانيا / هل البنك الي هتعامل معه هيحافظ ليه علي سعر الدولار اي ان كان حاله السوق
ثالثا/ هل الدولار قيمته ساعت البيع هيكون بالقيمه الاسميه وفي حالة انه زاد عن سعره هيكون بالقيمه الحاليه ولا لا
لو افترضنا ان كل ده هيكون كده اخد القرار وبسرعه البطء مش مستحب في الاستثمار
حاجه اخيره بعد ما لربط الوديعه الدولاريه او اي ان كان الاستثمار هشوف مدته وشوف العائد بتاعه وحسب حسبه بسيطه تاني اقدر اعرف بيها فلوسي زادت ولا قلت في نهاية مدة الاستثمار وهو فرق التقويم في الوقت الي هنفك فيه الوديعه علشان العائد من الوديعه مش هو الربح احنا ممكن نحط العائد في نهاية المده علي اصل المبلغ وميكملش تمنه ساعت الربط وبكده نكون خسرنا مش كسبنا وناس كتيييير بتحسبها غلط.
واسف علي الاطاله وربنا يوفق للافضل
وانا في الخدمه لاي استفسار

[4fun14]

الناس في الدنيا كلها وقت الازمات او الكساد او المخاوف بتحط ادخارها ف حاجه ليها قيمتها..
وعالميا متفق على 3 حاجات تحط فيها فلوسك وقت المخاوف (الين الياباني والدهب والدولار)
الين الياباني عمله قوية هبل ومشكلته ان البنك المركزى باليابان دايما يتدخل لاضعاف عملته اللى بتقوى غصب عنه لانه لو ساب عملته للعرض والطلب هتغلى جدا ومش هيعرف يصدر حاجه لان محدش هيقدر على أسعاره
والدهب شويه فيه مخاطره وعلاقته عكسيه مع الدولار..بمعنى وقت أزمات الدولار الناس بتشترى الدهب ووقت رخاء الدولار الناس بتبيع الدهب وتشترى دولار والدهب عموما ثابت بقاله فتره حوالى 3 شهور بيطلع شويه وينزل تانى
اما الدولار باه ف ده زمانه..مكتسح كل حاجه ومحدش عارف يقف ف وشه ف وقت اضطراب أسعار الدهب والبترول والعملات المرتبطه بيهم (الدولار الاسترالى والكندى) وفى وقت مشاكل طاحنه تواجه دول الاتحاد الاوروبى هو ماشى زى السكينه في الجاتوه.
وطبعا الجنيه المصرى الكل عارف حاله
اذن من الاخر وبدون كلام كتير الدولار هو الاستثمار الامن حاليا

[Hussein_Ramdan]

السلام عليكم
اولا تحياتي لحضرتكم
ثانيا بما اني محاسب في ادارة بنوك احب اوجه للساده ان استثمار الاموال كله رسك وقلق ومحتاج الحرفيه وليس العلم فقط النقاط الاولا للاستثمار هو اخذ القرار المناسب في الوقت المناسب بمعني اني اكون عندي رؤيه ودراسه جدوي سريعه اقدر اخد بيه قرار سليم وسريع واهم حاجه في استثمار الاموال السرعه في اخذ القرار لانه فرصه ولحظه بتفرق كتيييير جدا
بنسبه لتحويل الشهداة الي وداع دولاريه
سريعا نحسب حسبه بسيه وهنعمل مفضله سريعه اولا / هل العائد الدولري اعلي من العائد المصري
ثانيا / هل البنك الي هتعامل معه هيحافظ ليه علي سعر الدولار اي ان كان حاله السوق
ثالثا/ هل الدولار قيمته ساعت البيع هيكون بالقيمه الاسميه وفي حالة انه زاد عن سعره هيكون بالقيمه الحاليه ولا لا
لو افترضنا ان كل ده هيكون كده اخد القرار وبسرعه البطء مش مستحب في الاستثمار
حاجه اخيره بعد ما لربط الوديعه الدولاريه او اي ان كان الاستثمار هشوف مدته وشوف العائد بتاعه وحسب حسبه بسيطه تاني اقدر اعرف بيها فلوسي زادت ولا قلت في نهاية مدة الاستثمار وهو فرق التقويم في الوقت الي هنفك فيه الوديعه علشان العائد من الوديعه مش هو الربح احنا ممكن نحط العائد في نهاية المده علي اصل المبلغ وميكملش تمنه ساعت الربط وبكده نكون خسرنا مش كسبنا وناس كتيييير بتحسبها غلط.
واسف علي الاطاله وربنا يوفق للافضل
وانا في الخدمه لاي استفسار

كلام عظيم وسليم وعلمى هنتكلم على استثمار مليون جينه لمده ثلاث سنوات كمان ثلاث سنوات هيرجعو على الشهاده الخاصه ب 12.5 %
حوالى مايقرب 1450000
دة فى حاله ربط العائد بشهادات بردو هيجيبو حوالى 50 الف
دلوقتى لو حسبنها بالدولار
مليون جينه يشترو حوالى 90000$ دولار
عائد 5 %
هيصبحو حوالى 103.5 الف دولار
فى 11 متوسط البيع
هيكون 1140000
بس القصه كلها هنا دلوقتى هل الدولار هيكون كمان 3 سنين ب 11 ولاة هيقل ولاة هيذيد
انا الصراحه متوقع اليلد هتقوم فى خلال سنتين
وناس بتقول البلد هتوقع
ارجو التعديل عليا فى الحسبه الى اما حسبتها دى ورائيك انا حسبتها دلوقتى على السريع فى العربيه وانتا لو مكانى تعمل ايه

[volociximab]

اشترى شقة و اجرها

[noureymo]

بما انك مش بتصرف عائد الشهادات ، ممكن تستثمر العائد في شراء عقار في مشروع محترم وفي مكان واعد .
اولا هتكون مدخلتش في مخاطر تغيير سعر العملة .
وثانيا حافظت على المبلغ المودع في البنك في صورة شهادات.
ثالثا استثمرت العائد على الشهادات في عقار من المؤكد ان تمنه هيزيد.

اقتراحي لحضرتك انك تشتري شقة او فيلا (طبقا لامكانياتك) في كمباوند في المستقبل سيتي ، الدفع فيها على 5 سنوات .
بالتوفيق ان شاء الله

[7oda]

لتقيل المخاطر فى الاستثمار ينصح بتنويع ادواتك
حول نص المبلغ لشهادات دولارية
و النص التانى خليه شهادات مصرى
و استثمر عائد الشهدات المصرى فى شراء عقار

[ahmedwagdy03]

لا تضع كل إستثمارك فى سلة واحدة
مثلا النص مصري و النص دولار

[mosaad mohsen]

كلام عظيم وسليم وعلمى هنتكلم على استثمار مليون جينه لمده ثلاث سنوات كمان ثلاث سنوات هيرجعو على الشهاده الخاصه ب 12.5 %
حوالى مايقرب 1450000
دة فى حاله ربط العائد بشهادات بردو هيجيبو حوالى 50 الف
دلوقتى لو حسبنها بالدولار
مليون جينه يشترو حوالى 90000$ دولار
عائد 5 %
هيصبحو حوالى 103.5 الف دولار
فى 11 متوسط البيع
هيكون 1140000
بس القصه كلها هنا دلوقتى هل الدولار هيكون كمان 3 سنين ب 11 ولاة هيقل ولاة هيذيد
انا الصراحه متوقع اليلد هتقوم فى خلال سنتين
وناس بتقول البلد هتوقع
ارجو التعديل عليا فى الحسبه الى اما حسبتها دى ورائيك انا حسبتها دلوقتى على السريع فى العربيه وانتا لو مكانى تعمل ايه

ا/ حسين
انا لسه يدوب داخل المكتب ومتاخر النهارده هظبط الدنيا وممكن اقعد احسبلك كل حاجه بس اديني العوايد بظبط علي المصري والدولار ومدد بتاعت الاتنين وهقولك علي شويه اقتراحات ومتقلقش الاستثمار لعبه وانا بحبها وشغلي فيها علي طول وربنا ييسر ان شاء الله

[Hussein_Ramdan]

ا/ حسين
انا لسه يدوب داخل المكتب ومتاخر النهارده هظبط الدنيا وممكن اقعد احسبلك كل حاجه بس اديني العوايد بظبط علي المصري والدولار ومدد بتاعت الاتنين وهقولك علي شويه اقتراحات ومتقلقش الاستثمار لعبه وانا بحبها وشغلي فيها علي طول وربنا ييسر ان شاء الله

حبيبى يافندم ربنا يخليك ويقدرك على فعل الخير بص ياصحبى
هنفترض استثمار مبلع مليون على شهادات الجديده الى هى بتدى 12.5% سنويا بتنزل عائد كل شهر تمام دى اول نقطه
لو هيتم الطريقه عن الدولار متوسط تغير الدولار دلوقتى للمبالغ الكبيره تقريبا 10.85 قرش
والشهادات الدولاريه بتتكلم فى عائد 5 %فى سنويا
هنقول هنشتغل على المبلغ دة ثلاث سنين
بس اهم حاجه بعيد عن العقارات والاراضى عشان اعرف ناس ليها تجارب سيئه جدا من نصب ووضع يد ومبانى بدون ترخيص وخسرت جامد

[Hussein_Ramdan]

الناس في الدنيا كلها وقت الازمات او الكساد او المخاوف بتحط ادخارها ف حاجه ليها قيمتها..
وعالميا متفق على 3 حاجات تحط فيها فلوسك وقت المخاوف (الين الياباني والدهب والدولار)
الين الياباني عمله قوية هبل ومشكلته ان البنك المركزى باليابان دايما يتدخل لاضعاف عملته اللى بتقوى غصب عنه لانه لو ساب عملته للعرض والطلب هتغلى جدا ومش هيعرف يصدر حاجه لان محدش هيقدر على أسعاره
والدهب شويه فيه مخاطره وعلاقته عكسيه مع الدولار..بمعنى وقت أزمات الدولار الناس بتشترى الدهب ووقت رخاء الدولار الناس بتبيع الدهب وتشترى دولار والدهب عموما ثابت بقاله فتره حوالى 3 شهور بيطلع شويه وينزل تانى
اما الدولار باه ف ده زمانه..مكتسح كل حاجه ومحدش عارف يقف ف وشه ف وقت اضطراب أسعار الدهب والبترول والعملات المرتبطه بيهم (الدولار الاسترالى والكندى) وفى وقت مشاكل طاحنه تواجه دول الاتحاد الاوروبى هو ماشى زى السكينه في الجاتوه.
وطبعا الجنيه المصرى الكل عارف حاله
اذن من الاخر وبدون كلام كتير الدولار هو الاستثمار الامن حاليا

طبعا فعلان الصين واليابان ليهم طابع خاص بيتعمدو اضعاف عملتهم ههههههههههه سبحان الله
بس طبعا عشان انتا عارف الفرق بين الاستيراد والتصدير
الدهب دة اصبح الوضع صعب كل يوم بقصه
بس القصه يافندم ان محدش عارف السعر الى وصلو الدولار حاليا هل دة فعلا معبر عن الوضع اللبلد ام انها ازمه فى عمله دولاريه ويمكن حلها
انا اتوقع انها بسبب نهم كل الناس انها تحول مدخارتها بالدولار وطبعا عندكو واحد زاى مثال
وماشاء الله مصر كلها بقت تجار عمله انا العيال عندى فى المصنع بتاجر فى 50 وميت دولار بقو تجار عمله الستات الكبيره بتتكلم معا بعض بيقولو لبعضهم ياختى بيعى الدهب وهاتى دولار
مصر كلها اصحبت تجار عمله ا
الفرق الرهيب الى حصل فى سنه جنن الناس
يعنى عندك واحد كان معا 100 الف دولار كانو ب 800 الف اصحبو فى ظرف سنه مليون وميت الف
ودة الى خله الناس كلها تشترى دولار وانا اتوقع انفراج هذه الازمه بعض ما الناس تلقى الدولار ثبت الفلوس معاهم زاى البيت الوقف ومش عايز الدولار

[Hussein_Ramdan]

بما انك مش بتصرف عائد الشهادات ، ممكن تستثمر العائد في شراء عقار في مشروع محترم وفي مكان واعد .
اولا هتكون مدخلتش في مخاطر تغيير سعر العملة .
وثانيا حافظت على المبلغ المودع في البنك في صورة شهادات.
ثالثا استثمرت العائد على الشهادات في عقار من المؤكد ان تمنه هيزيد.

اقتراحي لحضرتك انك تشتري شقة او فيلا (طبقا لامكانياتك) في كمباوند في المستقبل سيتي ، الدفع فيها على 5 سنوات .
بالتوفيق ان شاء الله

والله هى فكره العقارات حلو بس انا مش بحبها مش عارف ليه معا انها مربحه جدا