تحويل الادخار بالادولار

[Hussein_Ramdan]

لا تضع كل إستثمارك فى سلة واحدة
مثلا النص مصري و النص دولار

والله فكره حلوه بس فيها تشتيت لراس المال
وهى فعلا فكره قدامى ومطروحها وبفكر فيها

[4fun14]

طبعا فعلان الصين واليابان ليهم طابع خاص بيتعمدو اضعاف عملتهم ههههههههههه سبحان الله
بس طبعا عشان انتا عارف الفرق بين الاستيراد والتصدير
الدهب دة اصبح الوضع صعب كل يوم بقصه
بس القصه يافندم ان محدش عارف السعر الى وصلو الدولار حاليا هل دة فعلا معبر عن الوضع اللبلد ام انها ازمه فى عمله دولاريه ويمكن حلها
انا اتوقع انها بسبب نهم كل الناس انها تحول مدخارتها بالدولار وطبعا عندكو واحد زاى مثال
وماشاء الله مصر كلها بقت تجار عمله انا العيال عندى فى المصنع بتاجر فى 50 وميت دولار بقو تجار عمله الستات الكبيره بتتكلم معا بعض بيقولو لبعضهم ياختى بيعى الدهب وهاتى دولار
مصر كلها اصحبت تجار عمله ا
الفرق الرهيب الى حصل فى سنه جنن الناس
يعنى عندك واحد كان معا 100 الف دولار كانو ب 800 الف اصحبو فى ظرف سنه مليون وميت الف
ودة الى خله الناس كلها تشترى دولار وانا اتوقع انفراج هذه الازمه بعض ما الناس تلقى الدولار ثبت الفلوس معاهم زاى البيت الوقف ومش عايز الدولار

ميزانيات الدول لا تقارن ابدا باللى بيحصل في السوف الموازية..الناس بتجرى على الدولار عشان الجنيه واقع..مش ان الجنيه وقع عشان الناس بتبيعه!
عموما انا قريت كذا مره ان السعر الحقيقى للدولار حوالى 14 جنيه..لكن لنفترض انه 11 جنيه ..لازال الجنيه في ترند نازل والدولار في ترند طالع
القيمه الحقيقيه للدولار كمان 3 شهور هباه 12 ثم 13 وهكذا

[softyeg]

حسب اخر تقرير للتنصيف للجنيه من استاندر اند بولز ان السعر الرسمى لدولار هيوصل 11 على 2019 بزياده نص جنيه سنويا.

[tasaka]

اشترى شقة و اجرها

+1

و سعرها حيرتفع اذا ارتفع سعر الدولار

الفكره انك تضع مالك فى ( وعاء حافظ للقيمه الحقيقيه للمال ) .. ارض او عقار ( بشرط اوراق سليمه للعقار ) او ذهب او دولار او اى وعاء آخر حافظ للقيمه الحقيقيه

لتقيل المخاطر فى الاستثمار ينصح بتنويع ادواتك
حول نص المبلغ لشهادات دولارية
و النص التانى خليه شهادات مصرى
و استثمر عائد الشهدات المصرى فى شراء عقار

حل وسط .. بدون مكسب او خساره .. اللى حتخسره فى قيمه الجنيه سيعوض فى ارتفاع سعر الدولار ده بالنسبه للفلوس المودعه .. يعنى انت كده حتبقى Break even

شراء عقار بالارباح .. مكسب مضمون .. بشرط اوراق سليمه للعقار


بصفه عامه نوع الاستثمار فى اكثر من مجال .. تجنبا للمفاجأت

[mody112]

مشكلتك مش خاصة بيك لوحدك دى مشكلة ناس تانيين كتييير .
اللى واخد باله من اوضاع البلد الاقتصادية والغلاء الشديد فى الاسعار وانخفاض القيمة الشرائية للجنية بيفكر زيك فى حل .
كان المتعارف عليه ولغاية وقت قريب ان افضل استثمار يحفظ قيمة الفلوس هو العقار وبما انك مش حابب الفكرة دى هنحاول نشوف غيرها .
انت عندك ودائع بالجنيه عاوز تفكها ( هتخسر العائد بتاعها ) وبعدين عاوز تربطها بالدولار ( هتضطر تشترى الدولار من السوق السودة ب 11 ج وادى خسارة تانية ) والعائد 5% طبعا ولا ليه لزمة لانك لو حسبتها بالبلدى كده
لو معاك 1000000 مليون ج هتاخد عائد 125000 ج فى السنة
لو قلبت المليون لدولار هيكونوا 91000$ هتاخد عائد 4550$ بالمصرى 49000 ج مصري .
يبقى لو ثبتنا سعر الدولار لمدة سنة زى ما هو دلوقتى يبقى انت خسرت حوالى 60% من العائد بتاعك ده غير اللى انت خسرته اساسا من فك الوديعة وشرا الدولار .
طب لو الدولار طلع ل 12 ج فى السوق السودة وفضل في البنك ب 9 ج تقريبا .ولو انت حبيت تيع الدولارات بتاعتك وفكي الوديعة بصراحة مش عارف هل البنك هيرضى يديهملك دولارات وانت تبيعهم للسوق السودة ولا هيحولهملك مصري بالسعر الرسمى ( وده شىء ممكن يكون متوقع لو استمرت الازمة ) .
يبقى فكرة تحويل الدولارات دى فكسانه .
عندك الذهب بيعتبر ملاذ امن فى حالة الحروب وكده ولكن فى حالتنا مش هيربحك كتير ولكن هو افضل من الدولار .
ممكن تعمل مشروع يدر عليك ربح يعوضلك التضخم .
اشترى عربية جديدة وشغله اوبر او كريم وكده .



وبرضه بقولك فى النهاية اشترى شقة وشطبها واجرها وبعد فترة لما تيجي تبيعها هتكسبك كتيييير وبدون مخاطرة .
ارجو اني اكون افدتك .

[7oda]

+1

و سعرها حيرتفع اذا ارتفع سعر الدولار

الفكره انك تضع مالك فى ( وعاء حافظ للقيمه الحقيقيه للمال ) .. ارض او عقار ( بشرط اوراق سليمه للعقار ) او ذهب او دولار او اى وعاء آخر حافظ للقيمه الحقيقيه




حل وسط .. بدون مكسب او خساره .. اللى حتخسره فى قيمه الجنيه سيعوض فى ارتفاع سعر الدولار ده بالنسبه للفلوس المودعه .. يعنى انت كده حتبقى break even

شراء عقار بالارباح .. مكسب مضمون .. بشرط اوراق سليمه للعقار


بصفه عامه نوع الاستثمار فى اكثر من مجال .. تجنبا للمفاجأت

نجاح المستثمر بيعتمد بقدر كبير على حالتة النفسية
صاحب الموضوع خايف و محتار فمقدرش اقوله حول فلوسك كلها دولار
احسلو يحول جزء علشان يامن نفسه عقبال ما الرؤيا تضح ادامه

[Hussein_Ramdan]

مشكلتك مش خاصة بيك لوحدك دى مشكلة ناس تانيين كتييير .
اللى واخد باله من اوضاع البلد الاقتصادية والغلاء الشديد فى الاسعار وانخفاض القيمة الشرائية للجنية بيفكر زيك فى حل .
كان المتعارف عليه ولغاية وقت قريب ان افضل استثمار يحفظ قيمة الفلوس هو العقار وبما انك مش حابب الفكرة دى هنحاول نشوف غيرها .
انت عندك ودائع بالجنيه عاوز تفكها ( هتخسر العائد بتاعها ) وبعدين عاوز تربطها بالدولار ( هتضطر تشترى الدولار من السوق السودة ب 11 ج وادى خسارة تانية ) والعائد 5% طبعا ولا ليه لزمة لانك لو حسبتها بالبلدى كده
لو معاك 1000000 مليون ج هتاخد عائد 125000 ج فى السنة
لو قلبت المليون لدولار هيكونوا 91000$ هتاخد عائد 4550$ بالمصرى 49000 ج مصري .
يبقى لو ثبتنا سعر الدولار لمدة سنة زى ما هو دلوقتى يبقى انت خسرت حوالى 60% من العائد بتاعك ده غير اللى انت خسرته اساسا من فك الوديعة وشرا الدولار .
طب لو الدولار طلع ل 12 ج فى السوق السودة وفضل في البنك ب 9 ج تقريبا .ولو انت حبيت تيع الدولارات بتاعتك وفكي الوديعة بصراحة مش عارف هل البنك هيرضى يديهملك دولارات وانت تبيعهم للسوق السودة ولا هيحولهملك مصري بالسعر الرسمى ( وده شىء ممكن يكون متوقع لو استمرت الازمة ) .
يبقى فكرة تحويل الدولارات دى فكسانه .
عندك الذهب بيعتبر ملاذ امن فى حالة الحروب وكده ولكن فى حالتنا مش هيربحك كتير ولكن هو افضل من الدولار .
ممكن تعمل مشروع يدر عليك ربح يعوضلك التضخم .
اشترى عربية جديدة وشغله اوبر او كريم وكده .



وبرضه بقولك فى النهاية اشترى شقة وشطبها واجرها وبعد فترة لما تيجي تبيعها هتكسبك كتيييير وبدون مخاطرة .
ارجو اني اكون افدتك .

تمام الله ينور عليك وفكرك نفس فكرى وكمان عشان يحصل انه الدولار يغلى خلال سنه يبقا لو بعتو ب 12 وانا شارى ب 11 يبقا هو هو الربح لو المبلغ اتساب فى البنك لمده السنه
هيكون ارتفع النسبه الى هى 12.5 فى الميه
ولو حسبنا ان الشغل عليهم هيكون لمده ثلاث سنين عشان بعد حبه حسابات كده
عشان اجيب نفس العائد والفلوس تطلع هى هى لازم خلال ثلاث سنين الدولار يوصل الى 13.5
عشان لما اغير 91000 المبلغ الاصلى
4500 العائد بتاع كل سنه فى تلاته هيكون
هيطلع كلو حوالى 104000 دولار عشان مخسرش على الاقل مش هنقول اكسب لازم ابيع عشان يجى المكسب بتاع الشهادات فى ثلاث سنوات الى هو 400 الف
لازم ابيع الدولار على 13.5
هل كمان ثلاث سنوات الدولار ممكن يوصل الى 13.5
فى ناس بتقول ان الدولار طلع الضعف فى سنه وفعلا الكلام دة حصل بس بردو نفتكر ايام الاستقرار كان بيطلع جينه كل اربع خمس سنوات او اتنين جينه
الهوجه الى حصلت دى وضرب الضعف فى سنه دى امر طارق والدولار دة زاى السلعه يعنى لو حصل وتوفرت هتنخفض وممكن يوصل ل10
والدولار حاليا فى البنك ما يقرب تسعه
يعنى عشان يوصل ل 13.5 فى البنك صعب
والتعامل فى السوق السوده مش مضمون اليومين دول وكمان محدش بيحب بيبع ولاة يشترى وبيخافو والبنك المركزى اليومين دول بيجهز قوانين تقفل على بتوع الدولارات قفله سوده هيخلى الى معا دولاة من طريق غير شرعى الى هو البنك مالوش لازمه يعنى لازم يكون الى معاه دولارات بيكون ببيتعامل معا المنافذ الشرعيه للبلد
الصراحه انا فى حيره جامده
وبنسبه لموضوع الدهب دة مش هينفع عشان مخاطره فى الاحتفاظ بى وكمان هيعقد مش هيجيب عائد
وبنسبه للشغل الحمد لله انا شغال وربنا كرمنى من شغلى بس الواحد صعبان عليه شقى بيتاكل بس مش عارف اوصل لحل

[Hussein_Ramdan]

نجاح المستثمر بيعتمد بقدر كبير على حالتة النفسية
صاحب الموضوع خايف و محتار فمقدرش اقوله حول فلوسك كلها دولار
احسلو يحول جزء علشان يامن نفسه عقبال ما الرؤيا تضح ادامه

فعلا الصراحه هو الواحد متخوف بس القصه كلها انا مش عايز اشغل الفلوس انا عندى شغلى الواحد بس مش عايز يسيب الفلوس فى البنك فتره يرجع يلقيها ملهاش لزمه والصراحه موضوع تحولهم دولار دة فى مجازفه جامده فعلا الموضوع محير

[Karim Alaa]

بص يا باشا اصلا فكره العقارات مبقتش ناجحه و بتاخد سنين عشان تعرف تبيع حقا نصيحتى ليك هى كالاتى نوع ذهب مصرى بالبنك دولار بالبنك و فهلا لو وصل ل 15 16 فى السوق السوده ممكن فى اى وقت يمنعو استلام الدولار و تضطر تاخد مصرى زى المغرب و الجزاير سواء حواله من برا او تحويل ويسترن او تحويل بنكى و ساعتها هتبقى خساره مطلقه ليك نوع مصادر ادخارك هتكسب و مفيش حاجه لوحدها هتدمر تحويشه عمرك

[eslamrace]

طبعا آراء الأعضاء وافية بشكل كبير بس خلينى أقولك علي حاجه ممكن تبسطلك الموضوع
مبدأياً لازم تكون عارف ان اى استثمار هدفه حاجتين انك تحافظ علي قيمه فلوسك وتحقق أرباح إن أمكن وأنك تلاقي دخل إضافي
الحاجه التانيه اللي لازم نتفق عليها ان مفيش استثمار بيحقق عائد من غير مخاطره وكل المخاطرة محتزيد العائد حيكون اكبر
انت لازم تكون عارف ايه أوجه الاستثمار الرئيسيه اللي متاحة في مصر وهم لو حبيبنا نلخصهم حيكونوا
١- الاستثمار العقاري
٢- الاستثمار في الأوراق المالية
٣- الاستثمار في التجاره والصناعة بأنواعها
٤- الإيداعات البنكيه بأنواعها بالدولار او بالعمله المحلية
٥- الاستثمار في المعادن زى الذهب
وضع حضرتك حسب مفهمت ان حضرتك عندك دخل جيد مش محتاج العائد اللي حيجى في حياتك الخاصه وانت بس خايف علي قيمه الفلوس يبقي ممكن نستبعد الاستثمار في الأوراق المالية والتجارة والصناعة لأنك لو ملكش خبره فيهم يبقي فلوسك في عداد المفقودين
وكده قدامك الاستثمار في المعادن أشهرها الدهب والايداعات والاستثمار العقاري
وكل واحد منهم له مخاطره وعائد
الاستثمار العقاري هو اعلي عائد وأعلي مخاطره بس ممكن تأمن نفسك بأنك تشترى في مكان محترم مؤمن بشكل كويس وتأمن أوراقك سواء بصحة توقيع او الأفضل التسجيل ولو عايز تقلل العائد والمخاطرة يبقي متأجرش الا لو لقيت حد تثق فيه بس المشكلة اللي حتواجهك لما تحب تسيل فلوسك حتاخد شويه وقت ومجهود لو انت مش حد بيعرف يبيع
الذهب عائد متوسط ومخاطره متوسطه المخاطرة كلها في الاحتفاظ بالذهب خاصة لو كميات كبيره إنما كاستثمار فلوسك موجوده وقت متحب واتجاه الذهب العام صعودي مبيخسرش ممكن ينزل شويه او يكون بطئ في الصعود إنما عمره مخسر بشكل كبير ولو انت حتضارب فيه وبتفهم في الموضوع ده حتعمل عائد كبير جداً
اما الاستثمار الأمن هو الإيداع البنكى فلوسك محفوظة محدش عارف عنك حاجه وموجودة وقت متعوزها الفكرة انت بتسأل تشترى دولار ولا مصري خلينا أكلمك شويه في الموضوع ده
اولا الدولار بالنسبة لمصر عمله صعبه يعنى انسي ان الحكومه تخللي العائد في البنوك علي الإيداعات الدولارية بتخطي اجمالي العائد بالمصري ليه؟؟ لان لو الحكومة عملت كده مع شعب فهلوى زي مصر في ٤٨ ساعة مش حتلاقي دولار واحد في السوق وكله حيسحب المصري ويحول دولار وبالتالي منغير متحسب كتير اجمالي العائد بالمصري اكبر من الدولار امال اللي بيشترى دولار حيعمل بيه ايه انا أقولك اللي بيشترى ومش بيضارب فيه يبقي بيهزر لان اللي بيكسب ألاعيبه التقيلة في البلد مش الناس العاديه السوق في حيتان بيبقوا عارفين السعر رايح فين والطلب شكله ايه الفتره اللي جايه هم دول اللي بيعملوا ملايين من الدولار
وخد بالك من حاجه كمان اسأل اى حد شغال في الاستيراد عن القرارات اللي عماله تاخدها الحكومه معاهم واد ايه الموضوع بقي صعب جداً انك تجيب اي منتج من بره سواء في المعاملات الورقية او الجمارك او الشروط المطلوبه من هنا ومن بره وبالتالي المستوردين الصغيرين حيخرجوا من السوق وكتير من الكبار حيدأ يفكر جدياً يريح دماغه ويصنع المنتج بتاعه هنا بس ده حتاخد شوية وقت إنما بيحصل لان الحكومه فشلت تسيطر علي الطلب علي الدولارفحيقرف المستورد اللي بيجيب منتج ملهوش لازمه بطريقه غير مباشره " علشان الشكل دوليا يكون مقبول" ويوفر الدولار اللي هو بياخده تعتبر ده فشل حكومى او قرار كويس هم غصب عنهم مضطرين لكده
علشان كده بقولك حتى لو الدولار طلع خلال السنه اللي جايه حيستقر بعد كده وانا أتوقع " وده رأى شخصي وانا مش خبير" انه حيستقر في حدود ١٢.٥ كحد أقصي وفي الحاله دي وديعتي بالمصري العائد عليها حيكون أفضل من الدولار

السؤال امتى بالرغم من كل اللي فات تحط فلوسك بالدولار أقولك في حاله انك تقدر تسافر بره في اى وقت ساعتها تختار بنك اجنبي تحط وديعتك علشان يوم متحب تسافر متضرر تغير دولار بالسعر اللي حيكون موجود ساعتها واللي أكيد حيكون أغلي من دلوقتي
وخد بالك مصر مفيهاش حاجه بترخص ممكن تثبت إنما ترخص لا فأنت لو اشتريت اى حاجه بتحتفظ بالقيمة " عربيه شقه دهب شاليه فضه ..... اي حاجه " سعرها حيعلى بدرجات متفاوتة إنما حتعلي

رأيي ليك اشترى شويه جنيهات ذهب لما سعرها يريح شويه وخللي إيداعاتك في البنك زى مهي ولو قدرت تشترى عقار صغير في مكان محترم حتكون أكيد كسبان وعيالك حتدعيلك بعد ١٠-١٢ سنه لما تلاقي سعره زياد ٤٠-٥٠ ٪ علي الأقل
أسف علي الاطاله وربنا يوفقك للقرار الصحيح
تحياتى

[ehabouf]

لو بتتكلم في مبلغ كبير ممكن بمنتهى البساطة تشتري شهرياً بالعائد شهادات ب 12.5% وكدة تبقى الفائدة بتاعتك مركبة
حتى لو افترضنا ان الجنيه المصري استمر في الهبوط (لاقدر الله) وعملت نفس موضوع الفائدة المركبة مع الدولار حايكون كل 3 شهور (العائد حايتركن 3 شهور علشان تبدأ تاخد عليه فوائد بدل من شهر واحد) وبكده حاتلاقي ان الشهادات المصري ب 12.5% وعائد شهري افضل

[حسام الغرباوي]

في حلول افضل من كدا

زي مثلا لو بتتكلم عن مليون جنية , فممكن تقسمهم بالشكل دا

25 الف دولار وديعة دولارية حوالي 270 الف جنية


وديعة مصرية 500 الف جنية عائد شهري حوالي 5000 جنية


ال 230 الف جنية اللي باقيين ادفعهم مقدم شقة وادفع ال5000 جنية عائد الشهادة قسط


يبقي كدا وزعت فلوسك دولار وجنية وعقار ...وحتى الجنية مش هتخسر فيه لانك بتحطه في عقار مرتبط بارتفاع الاسعار

[mody112]

بقولك ايه .
فى شقق اخدتها الحكومة بالعافية من هشام طلعت مصطفى فى الرحاب ومدينتي وطرحاها للبيع دلوقتى للجمهور .
خدلك واحدة منهم وفى خلال سنتين تمنها بيزيد النص واهى حته نضيفه جدا ومستويات عاليه وعيشة تانية ولو مبعتهاش ابقى اجرها او اسكن فيها ومتهيالى ان العقارات هى اقل مخاطرة .
كان فى مقاولين اعرفهم كانوا يبنوا العمارة بتاعتهم وميرضوش يبيعوا الا لما يخلصوها خالص وكنت بستغرب منهم خصوصا انهم كان ممكن يبيعو العمارة كلها وهما لسه بيبنوها ولكن كانو بيردوا ويقولو ان العقار بيزيد سنه عن سنه ولو حصل وقيمة العقارات قلت ( وده طبعا احتمال عمره ما حصل ) بيقولو انهم بيخلوها فاضية زى ما هيه لانها لا بتاكل ولا بتشرب ولما الدنيا تشد هتتباع اغلي بكتيير من قبل كده .


وجهة نظر برضه .

[volociximab]

لو هتشتغل فى الذهب ابعد عن الجنيهات و خليك فى السبايك

[Hussein_Ramdan]

طبعا آراء الأعضاء وافية بشكل كبير بس خلينى أقولك علي حاجه ممكن تبسطلك الموضوع
مبدأياً لازم تكون عارف ان اى استثمار هدفه حاجتين انك تحافظ علي قيمه فلوسك وتحقق أرباح إن أمكن وأنك تلاقي دخل إضافي
الحاجه التانيه اللي لازم نتفق عليها ان مفيش استثمار بيحقق عائد من غير مخاطره وكل المخاطرة محتزيد العائد حيكون اكبر
انت لازم تكون عارف ايه أوجه الاستثمار الرئيسيه اللي متاحة في مصر وهم لو حبيبنا نلخصهم حيكونوا
١- الاستثمار العقاري
٢- الاستثمار في الأوراق المالية
٣- الاستثمار في التجاره والصناعة بأنواعها
٤- الإيداعات البنكيه بأنواعها بالدولار او بالعمله المحلية
٥- الاستثمار في المعادن زى الذهب
وضع حضرتك حسب مفهمت ان حضرتك عندك دخل جيد مش محتاج العائد اللي حيجى في حياتك الخاصه وانت بس خايف علي قيمه الفلوس يبقي ممكن نستبعد الاستثمار في الأوراق المالية والتجارة والصناعة لأنك لو ملكش خبره فيهم يبقي فلوسك في عداد المفقودين
وكده قدامك الاستثمار في المعادن أشهرها الدهب والايداعات والاستثمار العقاري
وكل واحد منهم له مخاطره وعائد
الاستثمار العقاري هو اعلي عائد وأعلي مخاطره بس ممكن تأمن نفسك بأنك تشترى في مكان محترم مؤمن بشكل كويس وتأمن أوراقك سواء بصحة توقيع او الأفضل التسجيل ولو عايز تقلل العائد والمخاطرة يبقي متأجرش الا لو لقيت حد تثق فيه بس المشكلة اللي حتواجهك لما تحب تسيل فلوسك حتاخد شويه وقت ومجهود لو انت مش حد بيعرف يبيع
الذهب عائد متوسط ومخاطره متوسطه المخاطرة كلها في الاحتفاظ بالذهب خاصة لو كميات كبيره إنما كاستثمار فلوسك موجوده وقت متحب واتجاه الذهب العام صعودي مبيخسرش ممكن ينزل شويه او يكون بطئ في الصعود إنما عمره مخسر بشكل كبير ولو انت حتضارب فيه وبتفهم في الموضوع ده حتعمل عائد كبير جداً
اما الاستثمار الأمن هو الإيداع البنكى فلوسك محفوظة محدش عارف عنك حاجه وموجودة وقت متعوزها الفكرة انت بتسأل تشترى دولار ولا مصري خلينا أكلمك شويه في الموضوع ده
اولا الدولار بالنسبة لمصر عمله صعبه يعنى انسي ان الحكومه تخللي العائد في البنوك علي الإيداعات الدولارية بتخطي اجمالي العائد بالمصري ليه؟؟ لان لو الحكومة عملت كده مع شعب فهلوى زي مصر في ٤٨ ساعة مش حتلاقي دولار واحد في السوق وكله حيسحب المصري ويحول دولار وبالتالي منغير متحسب كتير اجمالي العائد بالمصري اكبر من الدولار امال اللي بيشترى دولار حيعمل بيه ايه انا أقولك اللي بيشترى ومش بيضارب فيه يبقي بيهزر لان اللي بيكسب ألاعيبه التقيلة في البلد مش الناس العاديه السوق في حيتان بيبقوا عارفين السعر رايح فين والطلب شكله ايه الفتره اللي جايه هم دول اللي بيعملوا ملايين من الدولار
وخد بالك من حاجه كمان اسأل اى حد شغال في الاستيراد عن القرارات اللي عماله تاخدها الحكومه معاهم واد ايه الموضوع بقي صعب جداً انك تجيب اي منتج من بره سواء في المعاملات الورقية او الجمارك او الشروط المطلوبه من هنا ومن بره وبالتالي المستوردين الصغيرين حيخرجوا من السوق وكتير من الكبار حيدأ يفكر جدياً يريح دماغه ويصنع المنتج بتاعه هنا بس ده حتاخد شوية وقت إنما بيحصل لان الحكومه فشلت تسيطر علي الطلب علي الدولارفحيقرف المستورد اللي بيجيب منتج ملهوش لازمه بطريقه غير مباشره " علشان الشكل دوليا يكون مقبول" ويوفر الدولار اللي هو بياخده تعتبر ده فشل حكومى او قرار كويس هم غصب عنهم مضطرين لكده
علشان كده بقولك حتى لو الدولار طلع خلال السنه اللي جايه حيستقر بعد كده وانا أتوقع " وده رأى شخصي وانا مش خبير" انه حيستقر في حدود ١٢.٥ كحد أقصي وفي الحاله دي وديعتي بالمصري العائد عليها حيكون أفضل من الدولار

السؤال امتى بالرغم من كل اللي فات تحط فلوسك بالدولار أقولك في حاله انك تقدر تسافر بره في اى وقت ساعتها تختار بنك اجنبي تحط وديعتك علشان يوم متحب تسافر متضرر تغير دولار بالسعر اللي حيكون موجود ساعتها واللي أكيد حيكون أغلي من دلوقتي
وخد بالك مصر مفيهاش حاجه بترخص ممكن تثبت إنما ترخص لا فأنت لو اشتريت اى حاجه بتحتفظ بالقيمة " عربيه شقه دهب شاليه فضه ..... اي حاجه " سعرها حيعلى بدرجات متفاوتة إنما حتعلي

رأيي ليك اشترى شويه جنيهات ذهب لما سعرها يريح شويه وخللي إيداعاتك في البنك زى مهي ولو قدرت تشترى عقار صغير في مكان محترم حتكون أكيد كسبان وعيالك حتدعيلك بعد ١٠-١٢ سنه لما تلاقي سعره زياد ٤٠-٥٠ ٪ علي الأقل
أسف علي الاطاله وربنا يوفقك للقرار الصحيح
تحياتى

الصراحه ردك كافى وثرى
بص ياسيدى بنسبه لموضوع الاستثمار العقارى هو فعلا اعلى عائد وفعلا اعلى مخاطره ياعم انا اعرف ناس اشترت فى التجمع الخامس ارقى مكان واتنصب عليه ههههههههه
والصراحه القرف بتاع الايجار وانا كل شهر اقول لحد هات الايجار ووجع دماغ وخالى بالك هو فعلا الاسعار بتعلى فى الاعقارات بس على الورق يعنى وقت التنفيذ بيبقا صعب وبياخد وقت جامد جدا انا فى واحد فى العماره عندنا عرض شقتو سنتين على ما اتباعت
هو مميز فعلا بس الواحد مش عايز يرمى قرش يقعد زاى البيت الوقف
فعلا بالنسبه بتاعييت العائد بتاع الدولار اعلى من المصرى فعلا صعب حتى لو الدولار بيرتفع بردو العائد بالجينه المصرى اعلى ومهما يحصل هيجى يوم ولازم يتم التحويل لمصرى بسبب ان الواحد اصلا عايش فى مصر مش هياكل ويشرى وياكل العيال والمدارس بالدولار
وفعلا يافندم الاستيراد بقا شبه مستحيل وصعب جدا جدا جدا جدا
والاستيراد فعلا شبه متوقف وفعلا بداء التصنيع هنا فى منتجات كتير اولها الفوانيس زاى مانتا شايف رمضان دة مفيش فوانيس مستورده
وعلى السنه الى جاى هيكون زاى ما ماحضرتك بتقول 12.5 فى السواد مش الرسمى وفعلا بردو الموضوع مش مجزى
خلاصه الموضوع ان خلاص فكره الدولار خلاص باظيت عشان القفزه الى عملها مش هتحصل تانى فى مقابل عائد مميز من البنوك للتدعيم معا اضافه استثمار صغير بالعائد