والدي يعاني من إرتفاع ضغط الدم ويرفض العلاج , ما العمل ؟

[ESO101]

والدي عنده سكر ( من النوع الثاني ) واتبعنا معاه حمية
وعرفنا نسيطر على معدل السكر طبيعي بدون أدوية
المشكلة دلوقتي إنه ضغطه مرتفع من أشهر وحاولنا معاه حميات وعلاج طبيعي و لكن مفيش فايدة ينزل يومين العلاج ويرتفع تاني
ضغطه بيتراوح بين 148 إلى 158 ويزيد في بعض الأيام إلى 180 والإنبساطي من 86 إلى 100
بعض الأحيان بينزل من الأنف قطرات دم وبعض الأحيان حركة لا إرادية في الحاجبين
عمره 57 سنة
الوضع بشكل عام إنه عصبي جدًا وسريع الإنفعال ويرفض أخذ أي أدوية أو الذهاب للدكتور
وهوا عندي في زيارة وأنا مش عايز أضغط عليه ومش قادر أسيبه بدون علاج
عايز أوضح إن العلاقة بيننا كانت متأزمة لفترة ولسه من كام شهر إبتدت تتحسن فمفيش مجال لأي توتر بينا
وهوا بينفعل جدًا لما أكلمه عن حاجته لأدوية أو مراجعة الدكتور
فإيه العمل معاه وأنا مش قادر أسكت وأسيبه كدا

[ESO101]

للتوضيح
ضغطه دلوقتي 168 على 96 ونزف من الأنف في الصبح وهوا نايم دلوقتي وأنا جنبه
خايف يحصله حاجة
عندي خيارين
أطلبله الإسعاف وأخده للمستشفى بالعافية
أو أجبله دكتور وهوا يتصرف معاه

[م أحمد]

هات طبيب أفضل

مش حلوة خالص تجيبله اسعاف و بالعافية و ممكن ما يرجع لكش تانى

النظام الغذائى مهم فى موضوع الضغط و ممكن تقدم له مشروبات تنزل او تضبط الضغط

[The_ambitious]

ربنا يشفيه شفاءاً لا يغادر سقماً

[Imhotep]

مشروب الكركديه المنقوع يخفض ضغط الدم بنسبة 10% على الاقل .... و له فوائد صحية اخرى عديدة..... 3 مرات يوميا.... و مع المعدلات اللى ذكرتها ممكن ضغطه ينخفض الى 140/90 اى ما يسمى prehypertensive و هى مرحلة ما قبل الاحتياج لعلاج للضغط المرتفع و الثبات عليها

[volociximab]

لانه مريض سكر المفروض الضغط اقل من 135/80
اقترح تستشير طبيب بحالته كاملة و هو يوصيك بعلاج قرص واحد يوميا و انت بود تقول له حبه واحده مش هتفرق لو اخدتها كل يوم و تبسط الامر بالنسبة له
و يا ريت لو تعمل له سكر تراكمي لانه اذا كان غير مهتم بالعلاك فاحتمال يكون غير ملتزم بالاكل و فى الغالب الاكل مش كفاية

[الفجر]

الحق والدك بسرعة طالما نزف فاكيد بياخد ادوية سيولة زى الاسبرين

شوف توعية الادوية بسرعة اللى بياخدها وطمنى على الوالد

[دعبدالرحيم]

هو معرض للفشل الكلوي السريع .وجلطات القلب والسكتات القلبيه والنزيف بالمخ والمياه الزرقاء تسبب فقدان البصر وتلف بالاعصاب ددوالجلطات الرئوية...الخ ... يرجي البدايه معه بقرص كوفرام ١٠/٥٠ واتورستاتين ٤٠ خبه بعد العشاء.. تقبل تحياتي د/ عبد الرحيم الحاكم .. اختصاصي الباطنه والقلب .

[ali ashraf]

علاج المشكلة الاساسية

اللهم اشفى كل مريض و اجعل مرضه احتسابا فى ميزان حسناته ورفع لسيئاته امين
اخى العزيز مشكلة الوالد مشكلة معروفة عند كثير من المرضى و تسمى deny response او عدم الاعتراف بالمرض حيث انه لا يتصور انه اصبح مريض ضغط او مريض سكر و هنا يكون مجرد ذكر اى شئ له علاقة بهذا الموضوع مثل الذهاب للطبيب او وصف علاج يقابل بالعصبية الشديدة و المزيد من الامتناع عن اى علاج.
اذن المطلوب تحديد المشكلة بصورة عامة ثم تحديد العلاج المشكلة
1- الوالد اصبح مريضا مزمنا بالسكر و الضغط
2- عصبى المزاج و يرفض تناول الادوية
الحل
اولا : التعامل مع الوالد بشكل رقيق و غير مباشر و اشراكه فى المشكلة بشكل غير مباشر .......مزيد من التوضيح .....توفر جهاز قياس ضغط بالبيت الافضل زئبقى و الاقل دقة الالكترونى و افضلهم ما يستخدم الساعد و ليس المعصم , و تبدأ الموضوع كلعبة جديدة فى البيت يعنى تقيس ضغط الدم لأفراد الاسرة جميعهم و تاخذوا الموضوع بشئ من الضحك و الهذل و تستبعد الوالد طبعا من القياس , و بعد كام يوم هيطلب هو منك قياس ضغطه مثل باقى افراد الاسرة و هنا سيلاحظ هو فعلا ارتفاع قراءة الضغط عنده عن الاخرين و هذه بداية الاقتناع بالعلاج ..... لا اريد تصعيب الموصوع عليك و لكن يمكن اتباع نفس الموضوع للسكر و لكنه اكثر تعقيدا لضرورة الحصول على الدم.
ثانيا : بدائل الادوية لا تمثل بديل للعلاج و لكنها عامل مساعد و مكمل للعلاج الدوائى
* الحمية فى الاكل : بالنسبة لضغط الدم الاقلال ما امكن من ملح الطعام و المياه الغازية و المعلبات و اى شئ فى هيئئة فوار ,,, مكعبات الشوربة تمثل خطورة شديدة لمرضى السكر.
الكركدية المنقوع البارد و الخرشوف ممتاز لتخفيض ضغط الدم ( و اكرر ليس بديلا عن العلاج)
الترمس و القرفة و الثوم و الخل مستحب رلمرضى السكر
ثالثا التحايل على اسم الادوية بقول بلاش علاج دلوقت بس ناخد منظم فقط لضبط السكر و الضغط و المقصود حاجة مثل الجلوكوفاج و مجموعة تقريبا ليس لها اعرلض جانبية لتخفيض الضغط مثل التارج و عموما اهم من نوع العلاج التغلب على مشكلة الوالد النفسية و العلاج نفسه سهل و بسيط
مع تمنياتى بالشفاء للوالد الكريم

[lena jo]

شفاه الله و عافاه . الضغط و السكر عواقبهم كبيرة للأسف و الاثنين مع بعض طبعا أصعب. لابد من اقناعه بالعلاج . تنظيم الاكل وحده غير كافي . ابي الله يرحمه كان لا يعترف ايضا بالمرض و جاله سكر علي كبر و حاول ينظم الاكل لكن طبعا كان لسه السكر عالي و طبعا في الاخر اضطر ياخذ الدواء لانه خاف من مضاعفات السكر . حاول تجرب اقتراحات الاعضاء و ان شاء الله يقتنع. لكن حتي بعد نزيف الانف برده مش مقتنع انه مريض؟. ربنا يشفيه ان شاء الله

[عﻻء سالمان]

فكر انك ممكن تفقدة فجأة و حسسة انك محتاجلة و لو شاف دموعك وانت من جواك متخيلة مسجى تراة وﻻ يراك .. لو حس بحرقتك و خوفك هيستجيب .. وضح لوالدك انك محتاجلة وان لو رقد انتا هتنهار وشغلك هيضيع و هتتشرد فهمة كدة وخلى اخوك واختك يضغطوا علية بنفس اﻹتجاة الحقيقة انا كنت و ﻻ زلت واخد منك موقف بسبب موضوع ما تعمدت فية اهانة رجل كريم ومن وراء ظهرة. حين قلت لوكنت مكان القاضى لحكمت بكذا وكذا. اسأل الله أن يغفر لك.

[ESO101]

هات طبيب أفضل

مش حلوة خالص تجيبله اسعاف و بالعافية و ممكن ما يرجع لكش تانى

النظام الغذائى مهم فى موضوع الضغط و ممكن تقدم له مشروبات تنزل او تضبط الضغط

جبتله طبيب وقالي أنا هتكلم معاه وخليك إنتا برا
وكلمه وطلع قالي كملوا معاه في الحمية
رغم أننا عملنا كل حاجة والضغط ينزل شوية بعد مايصحى من النوم
ويرتفع بمجرد مايقوم يتحرك ويتكلم ويمارس نشاطه العادي

[ESO101]

ربنا يشفيه شفاءاً لا يغادر سقماً

اللهم آمين
جزاك الله خيرًا

[ESO101]

مشروب الكركديه المنقوع يخفض ضغط الدم بنسبة 10% على الاقل .... و له فوائد صحية اخرى عديدة..... 3 مرات يوميا.... و مع المعدلات اللى ذكرتها ممكن ضغطه ينخفض الى 140/90 اى ما يسمى prehypertensive و هى مرحلة ما قبل الاحتياج لعلاج للضغط المرتفع و الثبات عليها

جربت مشروب الكركدية وأنا بنفسي حضرته منقوع لمدة 8 ساعات وحطيتله فيه تلج
وشربه وقست الضغط بعد نص ساعة لسه مرتفع بعد ساعة مرتفع بعد ساعتين مرتفع

واليوم التاني حضرته زوجتي ونقعت كمية اكبر على كمية ماء أقل وقدمناه مثلج وشرب 500 مل منه
وقسته كل نص ساعة و فضل مرتفع
وتالت يوم رفض يشربه وقالي تقيل وملوش لزمة مش بيعمل فرق

أنا مش عارف المفروض ننقع كمية معينة في مقدار مياه معين ولا اللي عملناه صح
ياريت لو مجرب طريقة مجدية تقولي عليها ربنا يباركلك

[ESO101]

لانه مريض سكر المفروض الضغط اقل من 135/80
اقترح تستشير طبيب بحالته كاملة و هو يوصيك بعلاج قرص واحد يوميا و انت بود تقول له حبه واحده مش هتفرق لو اخدتها كل يوم و تبسط الامر بالنسبة له
و يا ريت لو تعمل له سكر تراكمي لانه اذا كان غير مهتم بالعلاك فاحتمال يكون غير ملتزم بالاكل و فى الغالب الاكل مش كفاية

جبتله دكتور وشاف قياساته للضغط والسكر
أنا عامله جدول بنسجل فيه كل يوم 6 قراءات للضغط و3 قراءات للسكر
السكر مظبوط لأننا عرفنا نوصل لحمية مناسبة طعمًا وبياكل وجباته وهو مبسوط وبيشرب شاي بسكر كمان والسكر بيفضل تحت 120
أنا بنفسي كل يوم بقيسه ومتأكد أنه السكر مظبوط
ولكن التراكمي يمكن يتطلب قياسه في المستشفى وهوا رافض بشكل قاطع دخول المستشفى
لكن رأي الدكتور اللي زاره إن السكر ممتاز وطلب مني يعرف الأكل اللي بياكله ومظبطله السكر كدا
المشكلة في الضغط .. كل المحاولات للحمية إنتهت بدون أي نتيجة تذكر
والدكتور قالي طالما السكر عرفتوا تظبطوه خلاص حاولوا كمان في الضغط بدون أدوية
وقالي لازم وزنه ينزل شوية .. مع العلم إنه مخفف أكل خالص ووزنه مش بينزل
وخايف أي تغيير في كمية الأكل ينزل عنده السكر لأنه بياكل كمية بسيطة جدًا
أنا مستغرب إزاي وزنه مش بينزل على النظام دا ؟ ولو هسمع كلام الدكتور هنزله وزنه إزاي ؟ وهوا بنفسه قالي يمشي بس دي الرياضة الوحيدة المسموحة
وهل الضغط ممكن يفضل مرتفع لحد ماينزل وزنه من غير مايتسببله بأي ضرر ؟

ولو يتسبب بضرر وجبتله أنا حبة تنزل الضغط وحطيتهاله في العصير بدون ما أقوله هل فيه مشكلة تترتب على الحل المؤقت دا ؟