والدي يعاني من إرتفاع ضغط الدم ويرفض العلاج , ما العمل ؟

[ESO101]

الحق والدك بسرعة طالما نزف فاكيد بياخد ادوية سيولة زى الاسبرين

شوف توعية الادوية بسرعة اللى بياخدها وطمنى على الوالد

سألته قالي مش باخد أي أدوية
أنا بفكر أحطله الدواء من غير مايعرف ولكن خايف يكون ليه تبعات سلبية

[ESO101]

هو معرض للفشل الكلوي السريع .وجلطات القلب والسكتات القلبيه والنزيف بالمخ والمياه الزرقاء تسبب فقدان البصر وتلف بالاعصاب ددوالجلطات الرئوية...الخ ... يرجي البدايه معه بقرص كوفرام ١٠/٥٠ واتورستاتين ٤٠ خبه بعد العشاء.. تقبل تحياتي د/ عبد الرحيم الحاكم .. اختصاصي الباطنه والقلب .

جزاك الله خيرًا
أنا قرأت كتير عن خطورة إرتفاع الضغط وكلمته وبعد كلامك كلمته تاني
بس النتيجة وحدة بينفعل في كل مرة أجيبله سيرة العلاج مع إنه شايف قياساته بنفسه
إيه الحل من وجهة نظرك أجيبله العلاج وأحطهوله في العصير من غير مايعرف ولا اعمل ايه
والأمراض دي ممكن تحصل بعد سنوات ولا بتحصل في ظرف أشهر من إرتفاعه

[ESO101]

اللهم اشفى كل مريض و اجعل مرضه احتسابا فى ميزان حسناته ورفع لسيئاته امين
اخى العزيز مشكلة الوالد مشكلة معروفة عند كثير من المرضى و تسمى deny response او عدم الاعتراف بالمرض حيث انه لا يتصور انه اصبح مريض ضغط او مريض سكر و هنا يكون مجرد ذكر اى شئ له علاقة بهذا الموضوع مثل الذهاب للطبيب او وصف علاج يقابل بالعصبية الشديدة و المزيد من الامتناع عن اى علاج.
اذن المطلوب تحديد المشكلة بصورة عامة ثم تحديد العلاج المشكلة
1- الوالد اصبح مريضا مزمنا بالسكر و الضغط
2- عصبى المزاج و يرفض تناول الادوية
الحل
اولا : التعامل مع الوالد بشكل رقيق و غير مباشر و اشراكه فى المشكلة بشكل غير مباشر .......مزيد من التوضيح .....توفر جهاز قياس ضغط بالبيت الافضل زئبقى و الاقل دقة الالكترونى و افضلهم ما يستخدم الساعد و ليس المعصم , و تبدأ الموضوع كلعبة جديدة فى البيت يعنى تقيس ضغط الدم لأفراد الاسرة جميعهم و تاخذوا الموضوع بشئ من الضحك و الهذل و تستبعد الوالد طبعا من القياس , و بعد كام يوم هيطلب هو منك قياس ضغطه مثل باقى افراد الاسرة و هنا سيلاحظ هو فعلا ارتفاع قراءة الضغط عنده عن الاخرين و هذه بداية الاقتناع بالعلاج ..... لا اريد تصعيب الموصوع عليك و لكن يمكن اتباع نفس الموضوع للسكر و لكنه اكثر تعقيدا لضرورة الحصول على الدم.
ثانيا : بدائل الادوية لا تمثل بديل للعلاج و لكنها عامل مساعد و مكمل للعلاج الدوائى
* الحمية فى الاكل : بالنسبة لضغط الدم الاقلال ما امكن من ملح الطعام و المياه الغازية و المعلبات و اى شئ فى هيئئة فوار ,,, مكعبات الشوربة تمثل خطورة شديدة لمرضى السكر.
الكركدية المنقوع البارد و الخرشوف ممتاز لتخفيض ضغط الدم ( و اكرر ليس بديلا عن العلاج)
الترمس و القرفة و الثوم و الخل مستحب رلمرضى السكر
ثالثا التحايل على اسم الادوية بقول بلاش علاج دلوقت بس ناخد منظم فقط لضبط السكر و الضغط و المقصود حاجة مثل الجلوكوفاج و مجموعة تقريبا ليس لها اعرلض جانبية لتخفيض الضغط مثل التارج و عموما اهم من نوع العلاج التغلب على مشكلة الوالد النفسية و العلاج نفسه سهل و بسيط
مع تمنياتى بالشفاء للوالد الكريم

بارك الله فيك
طيب هقولك ملاحظة
أنا في العموم بحب أعمل قياس دوري سريع لأهلي وكل واحد بيكون دافعه الفضول يعرف وزنه وضغطه وسكره
المشكلة إن فيه فرق كبير بيظهر بينا وبين والدي ودا بيخليه منفعل جدًا لما بنقيس معاه كلنا
ويظهر في تعلقياته إنه وفر لنا حياة كريمة على حساب صحته
و كل مرة لما بقيسله بيطلب يشوف قياسي
وأنا سعات كتير بيطلع 100 أو 94 فيقولي مريح نفسك بعد ماصحتي راحت وأنا بربيك
وأنا بسمع تعليقاته وأسكت ويبتدي يجيبلي كل غلطتي اللي عملتها من أيام ماكنت في الثانوية العامة
شايل مني بشكل غريب وبيدور على أي حاجة تنرفزه
فأنا مش عارف أتعامل معاه لإنه سريع الغضب وعلى طول بيسترجع أيام زمان بشكل متكرر و غريب
فمش عارف بصراحة التصرف السليم مع مريض رافض للعلاج و مش بس رافض للعلاج سيرته بتفتح مواضيع مضى عليها سنين

[ESO101]

شفاه الله و عافاه . الضغط و السكر عواقبهم كبيرة للأسف و الاثنين مع بعض طبعا أصعب. لابد من اقناعه بالعلاج . تنظيم الاكل وحده غير كافي . ابي الله يرحمه كان لا يعترف ايضا بالمرض و جاله سكر علي كبر و حاول ينظم الاكل لكن طبعا كان لسه السكر عالي و طبعا في الاخر اضطر ياخذ الدواء لانه خاف من مضاعفات السكر . حاول تجرب اقتراحات الاعضاء و ان شاء الله يقتنع. لكن حتي بعد نزيف الانف برده مش مقتنع انه مريض؟. ربنا يشفيه ان شاء الله

المشكلة هوا عارف كويس إنه مريض ضغط وسكر
وشايف كل حاجة ومش رافض نعمله القياسات
وسعات بيكتبها بنفسه
ونزيف الأنف بيخليه حزين على نفسه أنا حاسس بيه من كلامه
ولكن ممتنع عن العلاج
والله إحترت معاه مش عارف بيفكر إزاي

[Imhotep]

جربت مشروب الكركدية وأنا بنفسي حضرته منقوع لمدة 8 ساعات وحطيتله فيه تلج
وشربه وقست الضغط بعد نص ساعة لسه مرتفع بعد ساعة مرتفع بعد ساعتين مرتفع

واليوم التاني حضرته زوجتي ونقعت كمية اكبر على كمية ماء أقل وقدمناه مثلج وشرب 500 مل منه
وقسته كل نص ساعة و فضل مرتفع
وتالت يوم رفض يشربه وقالي تقيل وملوش لزمة مش بيعمل فرق

أنا مش عارف المفروض ننقع كمية معينة في مقدار مياه معين ولا اللي عملناه صح
ياريت لو مجرب طريقة مجدية تقولي عليها ربنا يباركلك

بص يا باشا انا قولتلك على الكركديه لانى انا نفسى hypertensive و بحاول انتظم على الكركديه و فعلا بيعمل فرق بنسبة 10% معايا بس بشروط...... اولها انه عشان يبدأ يأثر بياخدله بتاع اسبوع من المداومة عليه 3 مرات يوميا...... ثانيا النقع بتاعه يبقى overnight مش مجرد 8 ساعات..... عشان المواد الفعالة تكون اتشبعت فى المشروب بالكامل...... انا متعود انقع دورق سعة 3 كوبايات كبيرة ليلا لاستخدام اليوم التالى بالكامل بحيث يخلص فى ال 24 ساعة التاليين لانه برضه لا يفضل انه يقعد كتير منقوع...... بالنسبة للكمية انا مش بحط كمية معينة بس فعلا ببقى حريص انه يبقى تقيل عشان ضمان التأثير
بس بينى و بينك فى حالة والدك لانها حالة متشعبة فيها امراض متعددة و مضاعفات..... موضوع الكركديه ده هيبقى مجرد عامل مساعد انه يدخله فى نظامه الغذائى مش بديل عن العلاج.....
شافاه الله و عافاه ان شاء الله

[ESO101]

فكر انك ممكن تفقدة فجأة و حسسة انك محتاجلة و لو شاف دموعك وانت من جواك متخيلة مسجى تراة وﻻ يراك .. لو حس بحرقتك و خوفك هيستجيب .. وضح لوالدك انك محتاجلة وان لو رقد انتا هتنهار وشغلك هيضيع و هتتشرد فهمة كدة وخلى اخوك واختك يضغطوا علية بنفس اﻹتجاة الحقيقة انا كنت و ﻻ زلت واخد منك موقف بسبب موضوع ما تعمدت فية اهانة رجل كريم ومن وراء ظهرة. حين قلت لوكنت مكان القاضى لحكمت بكذا وكذا. اسأل الله أن يغفر لك.

جزاك الله خيرًا
ومايرضنيش تكون واخد موقف مني ياصاحبي ..
أنا لو قاضي لن تأخذني بالظالمين شفقة .. هل تلومني ؟

أنت أخ وعزيز وأنا لم أخن الأمانة التي حملتني و لم أخلف الوعد فرفقًا بي

[ESO101]

بص يا باشا انا قولتلك على الكركديه لانى انا نفسى hypertensive و بحاول انتظم على الكركديه و فعلا بيعمل فرق بنسبة 10% معايا بس بشروط...... اولها انه عشان يبدأ يأثر بياخدله بتاع اسبوع من المداومة عليه 3 مرات يوميا...... ثانيا النقع بتاعه يبقى overnight مش مجرد 8 ساعات..... عشان المواد الفعالة تكون اتشبعت فى المشروب بالكامل...... انا متعود انقع دورق سعة 3 كوبايات كبيرة ليلا لاستخدام اليوم التالى بالكامل بحيث يخلص فى ال 24 ساعة التاليين لانه برضه لا يفضل انه يقعد كتير منقوع...... بالنسبة للكمية انا مش بحط كمية معينة بس فعلا ببقى حريص انه يبقى تقيل عشان ضمان التأثير
بس بينى و بينك فى حالة والدك لانها حالة متشعبة فيها امراض متعددة و مضاعفات..... موضوع الكركديه ده هيبقى مجرد عامل مساعد انه يدخله فى نظامه الغذائى مش بديل عن العلاج.....
شافاه الله و عافاه ان شاء الله

جزاك الله ألف خير
طبقت كلامك بحذافيره وظهرت النتائج إمبارح 135 والنهردة 133
وقلت أصور النتيجة حتى يستفيد منها أي مريض ضغط أو أحد أقاربه يعاني من هذا المرض


ربنا يفتح لك أبواب مغفرته وفضله ورزقه ويمن عليك بالصحة والعافية أنت ومن تحب
من إمبارح توقف نزيف الأنف تمامًا الحمدلله بفضل الله ثم وصفة الأخ إمحوتب
ياريت اللي عنده مريض ضغط يتبعها ويدعي للراجل دا لأنه صاحب معروف لن أنساه

[Imhotep]

جزاك الله ألف خير
طبقت كلامك بحذافيره وظهرت النتائج إمبارح 135 والنهردة 133
وقلت أصور النتيجة حتى يستفيد منها أي مريض ضغط أو أحد أقاربه يعاني من هذا المرض


ربنا يفتح لك أبواب مغفرته وفضله ورزقه ويمن عليك بالصحة والعافية أنت ومن تحب
من إمبارح توقف نزيف الأنف تمامًا الحمدلله بفضل الله ثم وصفة الأخ إمحوتب
ياريت اللي عنده مريض ضغط يتبعها ويدعي للراجل دا لأنه صاحب معروف لن أنساه

يااااه الحمد لله..... الف حمد الله على سلامة والدك
دى احسن حاجة سمعتها النهاردة
و صدقنى انا كل اللى كتبتهولك عن تجربة شخصية يسبقها قراءة مستفيضة لأى حاجة بعملها من كل الجوانب و من مراجع عديدة لتأكيد المعلومة و يمكن عشان كده ربنا بيكرم...... ما تتصورش سعادتي اد ايه ان والدك اتحسن و بطريقة طبيعية و بدون ازعاج الادوية اللى هو بيكرهها.....
حاول تستخدم النتيجة الحلوة دى نفسيا و تعطيه دعم نفسى و امل فى التحسن و الشفاء بإذن الله بشرط الاهتمام بنفسه و صحته و ربنا يكمل الشفاء
الف حمد الله على سلامته و ربنا يتمم شفاؤه من كل النواحى ان شاء الله

[volociximab]

المشكلة الانتظام

[ESO101]

يااااه الحمد لله..... الف حمد الله على سلامة والدك
دى احسن حاجة سمعتها النهاردة
و صدقنى انا كل اللى كتبتهولك عن تجربة شخصية يسبقها قراءة مستفيضة لأى حاجة بعملها من كل الجوانب و من مراجع عديدة لتأكيد المعلومة و يمكن عشان كده ربنا بيكرم...... ما تتصورش سعادتي اد ايه ان والدك اتحسن و بطريقة طبيعية و بدون ازعاج الادوية اللى هو بيكرهها.....
حاول تستخدم النتيجة الحلوة دى نفسيا و تعطيه دعم نفسى و امل فى التحسن و الشفاء بإذن الله بشرط الاهتمام بنفسه و صحته و ربنا يكمل الشفاء
الف حمد الله على سلامته و ربنا يتمم شفاؤه من كل النواحى ان شاء الله

أنا كنت فقدت الأمل في العلاج الطبيعي بالنسبة للضغط ولكن النتيجة دي كانت مشجعه
مش هعرف أوصفلك راحته النفسية لما شاف الأرقام دي ولما توقف النزيف
كل الشكر لحضرتك بجد أنا مدين ليك
الدكتور اللي جاله زيارة بكلمه أتابع معاه حالة والدي وقلتله عن النتيجة
فطلب مني النظام اللي إعتمده والدي للسكر وللضغط عشان يجربه مع مرضاه
يعني الفائدة دي هتوصل لناس حضرتك يمكن متعرفهمش خالص
جزاك الله عن هذا المعروف كل خير

[ESO101]

المشكلة الانتظام

مشكلة الأنتظام تشمل العلاج بالأدوية
بس السلبية الملاحظة في المرضى اللي بيتعالجوا بالأدوية فقط
إنهم مابيتابعوش قياسات السكر والضغط بشكل يومي و بيكتفوا بالعلاج
لكن العلاج بالحمية صحيح محتاج دقة في المتابعة بس كمان محتاج متابعة مستمرة للقياسات
هو مرض وإبتلاء لازم يتقبله كجزء من نظام حياته للأبد

[ESO101]

الضغط بقاله يومين مرتفع جدًا ووصل لأرقام أول مرة أشوفها
191 \ 112
والدكتور كان كتبلي على دواء في حالة ارتفع losartan
وأخده إمبارح بعد جهد جهيد
لكن الضغط لا يزال مرتفع بشدة والنهردة 191 على 112
والدكتور قالي الدواء دا مفعوله تراكمي يعني لازم ياخده لفترة عشان يجيب نتيجة
طيب إيه العمل حاليًا وهوا مرتفع بعد ما أخد الدوا
بالرغم إنه مستمر على الكركدية والنظام الغذائي ولكن مع كدا الضغط إرتفع بشكل غريب
لو أخدته للمستشفى إيه الإجراء المتبع عشان ينزلوا الضغط ؟ وهل ممكن يتعمل في البيت ؟
لأنه مش عايز يروح المستشفى وهضطر للأسف أخده بدون إرادته على حسب رأي الدكتور
فلو فيه أي إمكانية إنه ينخفض في البيت ياريت

[Imhotep]

هل جد جديد قد يكون سببا فى هذا الارتفاع المفاجئ؟ سواء في الحالة النفسية او ادوية جديدة او لخبطة فى نظام الاكل مما قد يؤدى الى تأثير جانبى متمثل فى هذا الارتفاع الحاد المفاجئ؟
اصل الارقام دى لازم تنزل بسرعة لانها عالية جدا

[ESO101]

هل جد جديد قد يكون سببا فى هذا الارتفاع المفاجئ؟ سواء في الحالة النفسية او ادوية جديدة او لخبطة فى نظام الاكل مما قد يؤدى الى تأثير جانبى متمثل فى هذا الارتفاع الحاد المفاجئ؟
اصل الارقام دى لازم تنزل بسرعة لانها عالية جدا

هوا بيتابع شغله في مصر يمكن دا أثر على نفسيته .. الله أعلم
بحسب كلام الدكتور نزوله السريع ممكن بس ليه أضرار
وخيرني بين إنه ينزله بسرعة أو نصبر وننزله بالتدريج
كل دكتور له رأي مختلف

[Imhotep]

هوا بيتابع شغله في مصر يمكن دا أثر على نفسيته .. الله أعلم
بحسب كلام الدكتور نزوله السريع ممكن بس ليه أضرار
وخيرني بين إنه ينزله بسرعة أو نصبر وننزله بالتدريج
كل دكتور له رأي مختلف

لا حول ولا قوة الا بالله..... يبقى هو ده المتغير اللى طرأ.... يبقى بالاضافة لرأى الدكاترة لازم يبعد دماغه عن الشغل شوية او يشيل ايده منه خالص..... لانه مش ناقص كفاية عليه الاهتمام بصحته..... و لو ممكن سفرية للاستجمام لو ينفع