مكتئب و تعبان و محتاج نصايحكم

[mody1982]

دلوقت يا جماعه انا كتبت كتير عن اني مش عارف الاقي عروسه و اعتقد في ناس كتير قرت مواضيعي عن الموضوع ده
انا كلها شهرين و هبقي 36 سنه و لسه برضه مش لاقي عروسه بس مش هي دي المشكله
المشكله اني وحيد بمعني الكلمه
اكتشفت اني معنديش اصدقاء و لا اصحاب انا معنديش حد
معنديش حد اخرج معاه و اتفسح معاه معنديش اقعد اشكليه او احكيله لو عندي مشكله
ابويا و امي موجودين اه بس وجودهم لا يغني عن الصداقه
يعني انا لا عارف اتجوز و انشغل في جواز و عيال
و لا عارف يبقي عندي صحاب اقضي وقتي معاهم
معظم الي كانوا صحابي سافروا بره مصر و اخرنا نتقابل مره او مرتين لما ينزلوا اجازه
انا تعبان جدا و محبط جدا لدرجه اني بقيت ساعات بخرج لوحدي بس طبعا خروجي لوحدي بيضايقني اكتر
بشوف الناس حواليا اللي مع صحابه اللي مع مراته و عياله اللي مع خطيبته و انا قاعد اتفرج عليهم
حتي كان ليا زميل في العمل كنت متخذه صاحب و بخرج معاه عمل معايا موقف صعب جدا و سببلي مشكله في الشغل علشان طلع سر بهدف انه يخلي رئيسي يجبرني اساعده في حاجه متعلقه بالشغل
انا مش عارف اعمل ايه
عمري بيتسرب مني و انا في قمه الحزن
انا بدأت اعجز و بقرب علي ال 40 بسرعه و مش عايش اي نوع من الحياه الطبيعيه
دلوقت انا محتاج نصايحكم اعمل ايه في حياتي و اعمل ايه مع الشخص اللي عمل فيا الموقف السيئ ده اتكلم معاه عادي و اعديها علشان الاقي حد اخرج معاه و لا اقاطعه زي ما انا عامل حاليا
طيب اعمل ايه في حياتي العامه
و الله انا بجد فعلا مكتئب تماما و نفسيا متدمر و مش عارف اعمل ايه

[svneleven]

الاصدقاء مش هما حل المشكلة. الزواج هو الحل لان مهما كان ليك اصدقاء هيسيبوك عشان شغل او مشاوير لبيوتهم او لاطفالهم. لازم تدور تاني علي زوجة محترمة و تكون حياة اجتماعية سليمة. فيه مواقع علي النت للزواج. بتدفع اشتراك بسيط عشان تكون جد و ملتزم و مش بتتسلي. دور عليهم انا مش عارف موقع معين. كمان والدك ووالدتك و محيط اسرتك مؤكد في بنات ما اتجوزتش. ممكن تتنازل شوية مش لازم واحده بنت. ممكن واحدة مطلقة طالما بنت ناس و محترمة. صاحبك اللي عمل معاك موقف وحش ما تكلموش و لا تيجي علي نفسك عشان تكلمه عشان تخرج معاه. ما تعالجش غلط بغلط. اعمل لنفسك روتين يعني مثلا روح جيم و ادخل كورسات لتعليم اي حاجه مفيدة و قبل ده كله قرب من ربنا طبعا. الحاجات دي هتحسسك ان حياتك ليها قيمة صدقني.

[mody1982]

الاصدقاء مش هما حل المشكلة. الزواج هو الحل لان مهما كان ليك اصدقاء هيسيبوك عشان شغل او مشاوير لبيوتهم او لاطفالهم. لازم تدور تاني علي زوجة محترمة و تكون حياة اجتماعية سليمة. فيه مواقع علي النت للزواج. بتدفع اشتراك بسيط عشان تكون جد و ملتزم و مش بتتسلي. دور عليهم انا مش عارف موقع معين. كمان والدك ووالدتك و محيط اسرتك مؤكد في بنات ما اتجوزتش. ممكن تتنازل شوية مش لازم واحده بنت. ممكن واحدة مطلقة طالما بنت ناس و محترمة. صاحبك اللي عمل معاك موقف وحش ما تكلموش و لا تيجي علي نفسك عشان تكلمه عشان تخرج معاه. ما تعالجش غلط بغلط. اعمل لنفسك روتين يعني مثلا روح جيم و ادخل كورسات لتعليم اي حاجه مفيدة و قبل ده كله قرب من ربنا طبعا. الحاجات دي هتحسسك ان حياتك ليها قيمة صدقني.

حضرتك لو قريت اللي كتبته قبل كده هتعرف اني مش مضرب عن الجواز بس مش لاقي عروسه و العيله عندي مفيهاش حد ببساطه لأن انا طالع في العيله في جيل وسط مفيش حد في سني يا في اطفال لسه داخلين جامعه يا فيه كبار و دول متجوزين من زمان
و بعدين انا متطلباتي في الجواز اقل من العاديه مفيش الكلان بتاعه بيضا و سمرا و شعرها مش عارف ايه بس يبقي شكلها مقبول بالنسبه لي و مرتاح ليه
موضوع الزواج من مطلقه ده مرفوض كليا بالنسبه لي اذا كان الرسول اوصانا بالبنت البكر اتجوز انا مطلقه طيب ليه و ايه الفايده الي هتعود عليا معلش اذا كانت البنات مش بترضي براجل مطلق و تقولك ليه اتجوز واحد زي ده يبقي الاولي بالراجل انه يرفض
عامه ادعيلي ربنا يوفقني و يخرجني من اللي انا فيه

[tasaka]

قول بسم الله .. و قدم فى مواقع الزواج او مكاتب محترمه للزواج

و هو مثل الخاطبه تماما .. ليس هناك اى حرج فى ذلك

انا شايف ان ده هو الحل الوحيد و الامثل .. و لا تنتظر و لا تأمل فى اى مساعده من الاصدقاء و الاهل .. و ابدأ فورا فى ذلك بجديه

و اتفق معك فى موضوع المطلقه كفكره عامه .. لكن لا تننسى ان امنا خديجه رضى الله عنها كانت متزوجه قبل زواجها بسيدنا محمد صلى الله عليه و سلم

[svneleven]

و الله موضوع المطلقة اخالف حضرتك فيه الراي تماما. طالما شئ حلال خلاص الا لو حضرتك بتخضع للتقاليد العقيمة في مجتمعاتنا العربية المتخلفة. الست المطلقة انسانة زيها زي اي انسانه ممكن تكون ظروفها وقعتها مع راجل مش كويس او ما اتوفقوش مع بعض. عامة اتمنالك الخير من كل قلبي و التوفيق و يا ريت تقرا باقي كلامي بشئ من التمحيص.

[Karim Alaa]

والله انت بتوصف حالى انا رغم انى اصغر منك و اتجوزت بس اتجوزت بالظبط عشان انا وحيد ومليش صحاب اخرج معاهم و يوم مخطبت قولت لخطيبتى كده انى محتاج خد فحياتى عشان مبقاش وحيد انا متابع موضوعك بس مش بشكل دقيق بص انت فوت حجات كان ممكن ربنا يكرمك منها و تطلع بعروسه زى الكورسات الى رفضت فكرتها و ساعات شروطك فى العروسه بتبقى مش سهل تلاقيها بسرعه زى منتا محتاج

مش هقولك نصايح بس بما اننا حالنا من حال بعض شوف واحده بنت حلال بس و تصونك و اتجوز الوحده صعبه اوى انا عارف انت حاسس ب ايه حتى انك تزهق و تخرج لوحدك و تضايق كل ده حصلى بالظبط و مش هقولك الجواز خلانى فى نعيم لا خالص بس مبقتش احس بالخوف من بكره بقى و هبقى لوحدى و مليش حد و لما احتاج أخرج ممكن الاقى حد اخرج معاه و اشاركه نجاحى او اشتكيله فشلى يارب يارب كلامى يساعدك و ربنا يكتبلك الى فيه الخير

[mody1982]

والله انت بتوصف حالى انا رغم انى اصغر منك و اتجوزت بس اتجوزت بالظبط عشان انا وحيد ومليش صحاب اخرج معاهم و يوم مخطبت قولت لخطيبتى كده انى محتاج خد فحياتى عشان مبقاش وحيد انا متابع موضوعك بس مش بشكل دقيق بص انت فوت حجات كان ممكن ربنا يكرمك منها و تطلع بعروسه زى الكورسات الى رفضت فكرتها و ساعات شروطك فى العروسه بتبقى مش سهل تلاقيها بسرعه زى منتا محتاج

مش هقولك نصايح بس بما اننا حالنا من حال بعض شوف واحده بنت حلال بس و تصونك و اتجوز الوحده صعبه اوى انا عارف انت حاسس ب ايه حتى انك تزهق و تخرج لوحدك و تضايق كل ده حصلى بالظبط و مش هقولك الجواز خلانى فى نعيم لا خالص بس مبقتش احس بالخوف من بكره بقى و هبقى لوحدى و مليش حد و لما احتاج أخرج ممكن الاقى حد اخرج معاه و اشاركه نجاحى او اشتكيله فشلى يارب يارب كلامى يساعدك و ربنا يكتبلك الى فيه الخير

و الله يا باشا ما رفضت فكره الكورسات بس اصلا معنديش وقت ليها شغلا غالبا بيخلص 6 مساء و انا ساكن بعيد عن وسط البلد الي فيه اماكن الكورسات يعني علشان اوصل لمكان كورس هيبقي 8 بالليل و نقول الكورس ساعتين و ارجع بيتنا يبقي 12 بالليل
انا نفسي اتجوز بس مش لاقي و الموضوع ربنا مش ميسره خالص كأن ربنا كاتب عليا افضل عازب
كويس اني لقيت حد فاهمني و حاسس بيا و عارف حجم المعاناه اللي انا فيها

[volociximab]

اكتشفت اني معنديش اصدقاء و لا اصحاب انا معنديش حد
كلنا كذلك-كلنا مشغولون
معنديش حد اخرج معاه و اتفسح معاه معنديش اقعد اشكليه او احكيله لو عندي مشكله
بعد الزواج لن تجد لا وقت و لا اصدقاء
ابويا و امي موجودين اه بس وجودهم لا يغني عن الصداقه
يعني انا لا عارف اتجوز و انشغل في جواز و عيال
و لا عارف يبقي عندي صحاب اقضي وقتي معاهم
معظم الي كانوا صحابي سافروا بره مصر و اخرنا نتقابل مره او مرتين لما ينزلوا اجازه
انا تعبان جدا و محبط جدا لدرجه اني بقيت ساعات بخرج لوحدي بس طبعا خروجي لوحدي بيضايقني اكتر
بشوف الناس حواليا اللي مع صحابه اللي مع مراته و عياله اللي مع خطيبته و انا قاعد اتفرج عليهم
حتي كان ليا زميل في العمل كنت متخذه صاحب و بخرج معاه عمل معايا موقف صعب جدا و سببلي مشكله في الشغل علشان طلع سر بهدف انه يخلي رئيسي يجبرني اساعده في حاجه متعلقه بالشغل
عادى
انا مش عارف اعمل ايه
عمري بيتسرب مني و انا في قمه الحزن
انا بدأت اعجز و بقرب علي ال 40 بسرعه و مش عايش اي نوع من الحياه الطبيعيه
دلوقت انا محتاج نصايحكم اعمل ايه في حياتي و اعمل ايه مع الشخص اللي عمل فيا الموقف السيئ ده اتكلم معاه عادي و اعديها علشان الاقي حد اخرج معاه و لا اقاطعه زي ما انا عامل حاليا
كبر دماغك
طيب اعمل ايه في حياتي العامه
و الله انا بجد فعلا مكتئب تماما و نفسيا متدمر و مش عارف اعمل ايه

اعتقد لو حضرتك قعدت مع نفسك ممكن تجد مشكلة فى طريقة بحثك او تفكيرك جعلت الامور معقدة امامك بالنسبة للزواج
رمضان اتى اشغل نفسك برمضان و حاول تخرج منه انسان جديد
بالنسبة لصاحبك كبر دماغك انت لن تصلح الكون-و زميل العمل مفروض عليك بحكم العمل

[ahmed76]

هدى نفسك كده وروح اشترك فى جيم ودلع نفسك واشترى اللى نفسك فيه - وماتقولش هاوصل اربعين واعجز علشان فيه ناس متجوزه بتحقد عليك - بعدالجواز لا هتلاقى وقت تروح ولا تيجى - روح جيم وخد كورسات فى مجالك والبنات على افى من يشيل ومافيش جواز اساسا مع الظروف الحاليه يعنى تقعد تختار وتحط رجل على رجل وشوف واحده متدينه تساعدك علشان ما تنكدش عليك باقى حياتك - فيه ناس بتبدأ بدرى وتفشل بدرى وفيه ناس بتتجوز بعد الاربعين وبعد الخمسين وربنا يرزقك بالزوجه الصالحه

[mody1982]

هدى نفسك كده وروح اشترك فى جيم ودلع نفسك واشترى اللى نفسك فيه - وماتقولش هاوصل اربعين واعجز علشان فيه ناس متجوزه بتحقد عليك - بعدالجواز لا هتلاقى وقت تروح ولا تيجى - روح جيم وخد كورسات فى مجالك والبنات على افى من يشيل ومافيش جواز اساسا مع الظروف الحاليه يعنى تقعد تختار وتحط رجل على رجل وشوف واحده متدينه تساعدك علشان ما تنكدش عليك باقى حياتك - فيه ناس بتبدأ بدرى وتفشل بدرى وفيه ناس بتتجوز بعد الاربعين وبعد الخمسين وربنا يرزقك بالزوجه الصالحه

كلامك مظبوط يا باشا لكن تذكر ان بعد الجواز في عيال و تربيه
لما تتجوز بعد الاربعين و بعد الخمسين هيبقي فيك نفس تربي العيال دي و لا هتستحمل دوشتهم و مشاكلهم
هتبقي بدأت تعجز و مش طايق اي حاجه
غير انك اصلا هتطلع معاش و العيال دي علي احسن الظروف لسه متخرجه يعني مش هتلحق تعمل ليهم حاجه تشيلها لمستقبلهم
موضوع الجيم انا ناوي عليه مع اني مش عارف هيفيد بايه في الظروف اللي انا فيها
موضوع الكورسات بالنسبه ليا صعب لان ساعات الشغل عندي طويله و مليش مواعيد ثابته فمش هعرف اظبط نفسي مع كورس معين و لو خدت كورس هيبقي من باب التسالي و مش هتسفيد فيه عمليا في شغلي
ادعيلي بس ربنا يوفقني للصح

[tasaka]

كلامك مظبوط يا باشا لكن تذكر ان بعد الجواز في عيال و تربيه
لما تتجوز بعد الاربعين و بعد الخمسين هيبقي فيك نفس تربي العيال دي و لا هتستحمل دوشتهم و مشاكلهم
هتبقي بدأت تعجز و مش طايق اي حاجه
غير انك اصلا هتطلع معاش و العيال دي علي احسن الظروف لسه متخرجه يعني مش هتلحق تعمل ليهم حاجه تشيلها لمستقبلهم

و اى واحد يضمن منين اصلا ان ربنا كاتب له انه يرزق باولاد ؟؟ .. ممكن يكون هو او زوجته عقيم

و اى واحد يضمن منين اصلا انه ممكن يتزوج صغير السن ( عمره 20 سنه مثلا ) .. و ان ربنا يتوفاه صغير السن و يترك عده اطفال بدون ما يؤمن لهم مستقبلهم اصلا ؟؟ اعلم انك لا تؤمن مستقبل اطفالك و لكن مطلوب منك الاخذ بالاسباب فقط


لازم تتوكل على الله و لن تستطيع مهما حاولت السيطره الكامله على تنظيم حياتك .. و ده برضه فيه شق انك لا تثق بالله و لا تتوكل عليه كامل التوكل .. و ده قد يكون سببب الدرس الذى تتلقاه الان ( احتمال وارد )

و ساعطيك مثال .. انت درست بجد للحصول على شهاده مناسبه تمكنك من ايجاد عمل مناسب .. يمكنك من تجهيز نفقات زواجك .. يعنى نظمت امورك بحيث لا تترك شيئا للظروف فى الاعداد للحصول على زوجه و بيت .. و الان ليس لديك اى مشاكل ماديه فى الاعداد للزواج .. و لكن بالرغم من ذلك لم تتزوج لانك لابد ان تعلم انك و اى منا لا يملك سيطره مطلقه على مجريات حياته .. لديك بعض السيطره و ان تأخذ بالاسباب .. لكن لابد من التوكل الكامل من قلبك على الله و اكثار الدعاء بان ييسر الله لك امرك


للله سنن فى الخلق و الحياه .. لماذا خلقنا الله باحتياج الى الطعام مثلا .. انظر الى الطير الصغير يترك اطفاله و يخرج قبل شروق الشمس ساعيا بجهد و عزم الى احضار الرزق لاطفاله .. و هو يدرك انه ترك اطفاله فى خطر الموت من كائنات مفترسه اخرى تترقب

لن تأتى زوجه لتقع بين يديك حتى لو انتظرت لسن الستين .. لابد ان تسعى بجهد و عزم على الحصول على ذلك .. و لابد من ان تمتلك العزيمه و الاراده و التصرف القوى الحاسم للحصول على المرأه التى رأيت انها مناسبه و تستحق .. لابد ان تمتلك المبادره و الفعل .. ان فعلت ذلك فستحصل على ما تريد .. اما التردد و الانتظار على امال فلن يجديك نفعا نهائيا و مطلقا

انت حزين و فى حاله نفسيه سيئه ( سلبيه ) .. اى امرأه تقابلها ستحس بهذا فورا .. و لكنها لن تستطيع فهم انك تملك كل مقومات الزواج من مال و خلق و غيره و ان حزنك هذا مؤقت نتيجه الوحده .. كل ما ستفهمه ان الارتباط بك سينقلها الى هذه الحاله الحزينه .. و بالطبع ستنفر و تبتعد

لا يجب ابدا ان تظل فى هذه الحاله .. لانها ستنفر اى امرأه منك ( معظمهم )

صدقنى عن تجربه حقيقيه قريبه جدا منى .. اخشى ان تظل الى سن الستين بدون زواج ان استمريت على هذا الحال .. و التجربه القريبه منى .. رجل ذو مركز مرموق و شهاده جامعيه من كليات القمه و حاله ماديه ممتازه و من اسره ذات مستوى اجتماعى ممتاز و ذو خلق و كل شيئ ممتاز فيه .. و لم يكن المال ابدا احد طموحاته .. بل كانت امنيته هى الحصول على زوجه طيبه و اسره صغيره سعيده فقط لا غير .. و حتى الان هو اعزب للاسف

فاحذر .. انا ادق لك ناقوس الخطر .. لان بحالتك النفسيه دى و عدم تحركك .. للاسف اراك تسير فى نفس الطريق .. انتبه جيدا .. حدد المرأه التى تريدها و اتخذ خطوات قويه و احصل عليها

Grap what you want

[tasaka]

تقرب الى الله بذبيحه ( خروف ) بنيه ان ييسر الله لك الزواج من امرأه طيبه صالحه

و لعل هذه القربى تكفر ذنبا اذيت به احدا حولك بدون ان تصد او بدون ان تعلم .. او لعلها تذهب عنك شرا انت لا تعلمه اصابك به احد من حولك ممن تعلم او لا تعلم

و تكون قربى منك الى الله لعل الله يتقبلها منك و يفرج لك كربك و ييسر لك امرك ان شاء الله و يرزقك بالزوجه الصالحه التى تقر بها عينك

و اكثر من الصدقه فى رمضان .. و سلم امرك لله من قلبك و توكل عليه

[amr011111]

بص يا باشمهندس انا هجيب لك من الاخر. طبيعه الدراسه المعقده فى كلية الهندسه مع بعض التربيه المنغلقه بتبقى هى السبب اللى بيخلى معظم شباب هندسه ناجحين علميا ولكنهم غير ناجحين اجتماعيا وده مش عيب. السبب التانى المهندس بيبقى معظم الوقت شكاك الا من رحم ربى ( أقصد بشكاك انه بيفكر فى كل نقطه وبيبقى قلوق من اى موقف يحصل وبيدى له كذا تفسير ) يعنى مثلا حد جابله عروسه يقول ومخدهاش لابنه ليه. فحاول لما تشوف بنت وفيها مواصفات معظمها كويسه تدخل الموضوع ونيتك خير وان شاء الله ربنا هييسر الامور.
وطبعا أولا وأخيرا بيبقى نصيب وبالتوفيق

[tasaka]

بص يا باشمهندس انا هجيب لك من الاخر. طبيعه الدراسه المعقده فى كلية الهندسه مع بعض التربيه المنغلقه بتبقى هى السبب اللى بيخلى معظم شباب هندسه ناجحين علميا ولكنهم غير ناجحين اجتماعيا وده مش عيب. السبب التانى المهندس بيبقى معظم الوقت شكاك الا من رحم ربى ( أقصد بشكاك انه بيفكر فى كل نقطه وبيبقى قلوق من اى موقف يحصل وبيدى له كذا تفسير ) يعنى مثلا حد جابله عروسه يقول ومخدهاش لابنه ليه. فحاول لما تشوف بنت وفيها مواصفات معظمها كويسه تدخل الموضوع ونيتك خير وان شاء الله ربنا هييسر الامور.
وطبعا أولا وأخيرا بيبقى نصيب وبالتوفيق

كلام حقيقى جدا جدا جدا

فى العاده تكون الاسره قد قامت بكل الاحتياطات للحفاظ على ابنها بعيدا عن اى شيئ يمكن ان يبعده عن طريق التفوق .. بمعنى اقرب الى توفير حياه شبه مثاليه بعيدا عن الواقع الحقيقى الذى هو الاغلب الاعم .. خصوصا اذا كان مستوى الاسره المادي جيد

و ضيف عليه ان الاساس موش فى الدراسه المعقده و بس .. بل فى كون التوجه من البدايه هو للالتحاق بهندسه بدلا من كليات كثيره اخرى .. يعنى التركيبه اصلا كده حتى قبل دخول الكليه

يعنى بنكون عايزين نعمل Optimize حتى للزواج

للاسف الذكاء الزياده و الدقه الزائده بتتعب الانسان اكثر ما بتريحه

و الشاب الذكى المستقيم الناجح عمليا .. قليلا ما يتيسر له الاحتكاك بواقع الحياه الفعلى قبل التخرج لكى يتفهم طبائع النفوس البشريه .. بشرها و خيرها و رغباتها و شهواتها .. بل استطيع ان اقول ان مثل هذا االشاب لا يريد ان يفهم او يتقبل فكره وجود مثل هذه النفوس ( و هو ليس بمخطئ فى هذا )

[mody1982]

اخواني الاعزاء من حيث التحرك انا بتحرك كتير جدا و ببحث كتير جدا
لكن المشكله في ان الموضوع اللي بيجي عن طريق الزواج بالترشيح ان البنت و اهلها لا يعرفوك ولا تعرفهم و الواسطه اللي موصله بينكم لا تعرفهم كويس و لا تعرفك كويس او علي الاقل لا تعرفك انت كويس
فيبدء الموضوع يتحول لموضوع بيع و شراء عايزين البنت تسكن جنب امها عايزين مش عارف ايه الي اخره من الطلبات العجيبه الصعبه جدا و اللي في بعض الاحيان مستحيل تنفيذها من اساسه
للأسف المحيط بتتاعي مفيهوش احتكاك ببنات علشان اختار منهم و اعرفها و تعرفني و يبقي ساعتها الجواز احسن و اسهل كتير لأنها اختارتين بناء علي معرفه لكن بالطريقه التقليديه بيكون الموضوع مزاد و اللي يدفع اكتر يشيل