مكتئب و تعبان و محتاج نصايحكم

[tasaka]

لكن المشكله في ان الموضوع اللي بيجي عن طريق الزواج بالترشيح ان البنت و اهلها لا يعرفوك ولا تعرفهم و الواسطه اللي موصله بينكم لا تعرفهم كويس و لا تعرفك كويس او علي الاقل لا تعرفك انت كويس
فيبدء الموضوع يتحول لموضوع بيع و شراء عايزين البنت تسكن جنب امها عايزين مش عارف ايه الي اخره من الطلبات العجيبه الصعبه جدا و اللي في بعض الاحيان مستحيل تنفيذها من اساسه

بيتهيئ لى لو عملوا كده بعد ما قابلتهم .. يبقى احد احتمالين
1- طمعانين فيك .. لاعتقادهم ان امكانياتك اكبر مما ذكرت لهم
2- عندهم قلق منك من انك متمسك ببنتهم و موش متردد في البنت .. و بتكون الطلبات حتى يتأكدوا من ان ظنهم خاطئ
3- ناس طماعين بصفه عامه .. و دول لا يلزموك


تصورى الشخصى لك :
1- انك ذكرت لهم امكانياتك بالتفصيل بدون زياده او نقصان .. بمعنى انك واضح و مباشر .. و ده طبعا غير معتاد فى زماننا ده .. فبالتالى بيتصوروا انك معاك اكتر و يبدأ الطمع

2- انك دائما عندك تشكك و تردد كبير اثناء اتخاذ القرار بعد المقابله الاولى .. لانك لا تستطيع حسم اختيارك من المره الاولى .. و ده طبيعى جدا لاى انسان عاقل لارتباط يستمر العمر .. لكن نتيجه ترددك فى القرار بيبدأ اهل البنت يخافوا على بنتهم من الطلاق بعد الزواج

3- قد لا تذكر لهم مثلا انك تمتلك شقه ( برغم انك تمتلكها ) .. لانك تريد التأكد ان البنت ستختارك لشخصك .. و علشان تتأكد انها حتكون معاك على الحلوه و المره .. يعنى انت عايز تأكيد ان الزواج لو تم سيستمر .. و انك لم تعدها بشيئ قد لا تتمكن من تحقيقه لاحقا بعد الزواج

لكن لازم تفهم ان شرط الزواج هو استطاعه الباءه .. بمعنى انها تريد ان تتأكد انك ستوفر لها حياه مريحه .. و ده حقها و قله من النساء من لا تهتم بهذه الامور
و بعد ان تفهم اولوياتها حتى لو كانت من حقها .. لك ان تقرر هل اسبقيات حياتها تناسبك ام لا .. فما يناسب شخص لا يناسب الاخر .. و اعتقد انك من النوع الذى لا يناسبه هذا الامر

[mody1982]

بيتهيئ لى لو عملوا كده بعد ما قابلتهم .. يبقى احد احتمالين
1- طمعانين فيك .. لاعتقادهم ان امكانياتك اكبر مما ذكرت لهم
2- عندهم قلق منك من انك متمسك ببنتهم و موش متردد في البنت .. و بتكون الطلبات حتى يتأكدوا من ان ظنهم خاطئ
3- ناس طماعين بصفه عامه .. و دول لا يلزموك


تصورى الشخصى لك :
1- انك ذكرت لهم امكانياتك بالتفصيل بدون زياده او نقصان .. بمعنى انك واضح و مباشر .. و ده طبعا غير معتاد فى زماننا ده .. فبالتالى بيتصوروا انك معاك اكتر و يبدأ الطمع

2- انك دائما عندك تشكك و تردد كبير اثناء اتخاذ القرار بعد المقابله الاولى .. لانك لا تستطيع حسم اختيارك من المره الاولى .. و ده طبيعى جدا لاى انسان عاقل لارتباط يستمر العمر .. لكن نتيجه ترددك فى القرار بيبدأ اهل البنت يخافوا على بنتهم من الطلاق بعد الزواج

3- قد لا تذكر لهم مثلا انك تمتلك شقه ( برغم انك تمتلكها ) .. لانك تريد التأكد ان البنت ستختارك لشخصك .. و علشان تتأكد انها حتكون معاك على الحلوه و المره .. يعنى انت عايز تأكيد ان الزواج لو تم سيستمر .. و انك لم تعدها بشيئ قد لا تتمكن من تحقيقه لاحقا بعد الزواج

لكن لازم تفهم ان شرط الزواج هو استطاعه الباءه .. بمعنى انها تريد ان تتأكد انك ستوفر لها حياه مريحه .. و ده حقها و قله من النساء من لا تهتم بهذه الامور
و بعد ان تفهم اولوياتها حتى لو كانت من حقها .. لك ان تقرر هل اسبقيات حياتها تناسبك ام لا .. فما يناسب شخص لا يناسب الاخر .. و اعتقد انك من النوع الذى لا يناسبه هذا الامر

لا المواضيع مش بتمشي كده خالص و واضح ان حضرتك ما صادفتش كتير زي ما انا صادفت
المواضيع باختصار ان الجوازت المترتبه جوازات مصلحه مع الفيول المبدئي يبدء الطلبات الصعبه يعني يطلبوا تغيير مكان الشقه علشان يبقي جنب امها اه و الله بتتقال كده او يفاصلوا في كل حاجه شبكه و مهر و خلافه
و هما ناس اقل من العادي
من الاخر يا سيدي الفاضل الناس داخله بمبدء انها بيعه و شروه و لازم يبعوا بأغلي تمن رغم انك غالبا ما بيتعرض عليك بضاعه مزجاه او بالعامي بضاعه راكده و يطلبوا منك طلبات مرهقه ماديه و نفسيا علشانها
لا بغرض انهم يتاكدوا من المستوي المعيشي لأنهم بيبقوا عارفين من قبل اول مقابله انا شغال فين و بيعرفوا يحددوا من ساعتها ان البنت هتعيش عيشه كويسه
صدقني هو طمع و عدم تطبيق لمبادئ الاسلام في التيسير

[tasaka]

لو كل اللى جاء لك كده .. يبقى موش طبيعى ( او انى معرفش الزمن الجديد بتاعكم ده )

يبقى لازم تغير الواسطه ( او الخاطبه ) اللى بتجيب لك عرايس .. لان ممكن جدا يكون هو ده سبب التكرار

و جرب مواقع الزواج .. زيها زى الخاطبه .. انا موش شايف فرق

[mody1982]

لو كل اللى جاء لك كده .. يبقى موش طبيعى ( او انى معرفش الزمن الجديد بتاعكم ده )

يبقى لازم تغير الواسطه ( او الخاطبه ) اللى بتجيب لك عرايس .. لان ممكن جدا يكون هو ده سبب التكرار

و جرب مواقع الزواج .. زيها زى الخاطبه .. انا موش شايف فرق

و الله يا باشا يبدو زي ما حضرتك قولت ان الموضوع هو ان ربنا مش مقدر الزواج لحد دلوقت
لأن فعلا اللي بتعرض له غريب جدا و بشوف حالات حواليا بيتوفقوا في الزواج من بنات ولاد ناس و محترمات و علي قدر من الجمال و كمان من بيوت تعتبر مستريحه ماديا و بيتجوزوا في الشباب دول في ظروف اقل بكتير من اللي كانوا عايشين فيها في بيوت اهاليهم لدرجه اني اعرف واحد ابوه نقاش و عيلته كلها من الناس اصحاب الحرف بس هو الوحيد اللي كمل تعليمه فيهم و بقي مهندس مناسب عيله كبيره و حماه لواء شرطه و عيله زوجته كلها تعليم فرنساوي و مراكز كبيره و مناصب و رغم ذلك وفقوا بيه رغم انه مقدم في الجواز اقل القليل زي ما قولتلك من الواضح انه الموضوع عدم توفيق من عند ربنا

[رامي مصطفى]

ربنا يعينك ويوفقك لزوجه صالحه

[mody1982]

ربنا يعينك ويوفقك لزوجه صالحه

ربنا يخليك يا باشا و لو انا مش عارف حتي لو ده حصل و اتجوزت هبقي سعيد و لا لأ انا بشوف شباب من سن 22 و 23 و متجوزين و صحابي بقالهم متجوزين من 9 الي 7 سنين
ساعات بحس اني حتي لو اتجوزت مش هيبقي جواز زي الناس مش هيبقي حاجه حلوه لو اتجوزت حتي واحده سنها صغيره هتبقي حاسه اني بالنسبه ليها جدو و هتبقي حاسه انها قرفانه مني في كل حاجه في الجواز و لو اتجوزت واحده كبيره فهي اصلا هتبقي بتتجوز بغرض الستر و انها تتسند علي راجل يعني الجواز هيفقد كتير من متعته ساعات بسأل نفسي لما اشوف العيال ال 22 و 23 سنه دول متجوزين و كل واحد فيهم ماشي مع مراته اللي في سنه هما دول اصلا ينفعوا يتجوزوا تبص ليهم تحسهم اطفال يالا هو قدر الله و امره و مش بأختياري و لا برغبتي و لكن ربنا حكم عليا بكده انا لو هتجوز هتجوز و انا في فتره الكهوله اللي هتخليني مش عارف استمتع بحياتي لأني بقيت كبير و عيب ابقي كده و للأٍسف ال12 سنه اللي من بعد التخرج دول ضاعوا في البحث عن الشغل افضل و ان الواحد يجهز نفسه للجواز و مستمتعتش فيهم بأي حاجه لحد ما العمر جري و بقيت اقرب للعجز مني للشباب

[أشويل دنجو]

يامسكين كتار زيك وخصوصا بعد خراب الثوره آخر 2010 2011

[anwar wgdy nou]

تقرب الى الله بذبيحه ( خروف ) بنيه ان ييسر الله لك الزواج من امرأه طيبه صالحه

و لعل هذه القربى تكفر ذنبا اذيت به احدا حولك بدون ان تصد او بدون ان تعلم .. او لعلها تذهب عنك شرا انت لا تعلمه اصابك به احد من حولك ممن تعلم او لا تعلم

و تكون قربى منك الى الله لعل الله يتقبلها منك و يفرج لك كربك و ييسر لك امرك ان شاء الله و يرزقك بالزوجه الصالحه التى تقر بها عينك

و اكثر من الصدقه فى رمضان .. و سلم امرك لله من قلبك و توكل عليه

ههههههه وايه ذنب الخروف في غلطة ارتكبهاشخص متكاسل هههه بمزح