انا اتضحك عليا النهاردة يا جدعان

[Bossy_Fadl]

هي مضحكتش علي حضرتك يا استاذ حسام

هي زي ما بيقولو "بتستقطع" او بترمي جتتها

و معتمدة علي انها بنت و اللي قدامها هيحرج يقولها لا او كفايه كده

ده انا لو حصلي موقف انه يضيع موبايلي و لا شنطتي ممكن بالعافية اروح اطلب موبايل حد علي استحياء و يبقي حلو اوي لو كملت عشرين ثانيه و هابقي ميتة من الكسوف كمان

لكن دي واضح انها واخده علي كده

عموما المواقف اللي زي دي مبينفعش الواحد يتعلم منها دروس

لان كمان حرام حد يطلب مننا مساعده في الشارع و نرده

لانه ممكن يكون محتاجها فعلا

هو بس الموقف يحرق الدم

انت حضرتك جنتل مان اوي

عشان لو انا اللي حصل معايا كده هاجري وراها و مش هينفع اقولكو هاعمل فيها ايه :k48::k48:

مش عشان الفلوس و حياة ربنا بس عشان عدم الاكتراث اللي هي فيه ده

[D . a .\ AYMAN]

نصيحه بلاش تخلي اي حد غريب يستعمل موبيلك ممكن يسبب لك مشاكل جامده جدا
بنت كانت هربانه من اهلها واتصلت بخالها من موبيلي بعد استاذان مني ووجدت تليفوني يرن يسئل عليها اكثر من شخص حتي اني اخبرتهم بمكاني وظروف عملي ولم ي

المصيبة اللى بجد بقى إن ييجي واحد يتكلم من تلفونك ويعمل مكالمة مع واحد تلفونه متراقب ويكلموا مع بعض في تفاصيل جناية مثلا ... طبعا في الظروف اللى زي دي حضرتك اللى هاتتجاب وتتسئل عن الموضوع وإثبت بقى انه كان مجرد واحد معدي في الشارع ... وعلى فكرة الواقعة دي حصلت كذا مرة

أنا شايف ان الحل للموضوع ده ...(عشان ماتبقاش برضه رفضت طلب لواحد مزنوق)... إنك انت اللى تطلب الرقم للشخص المزنوق في المكالمة وانت اللى تكلم الطرف الآخر كمان على السماعة وتفهمه ان فلان عايز يكلمك من تلفوني وانا معرفوش خالص ... والله عاجبه كان بها مش عاجبه خلاص ولو مزنوق فعلا هايوافق

[MissHappy]

المصيبة اللى بجد بقى إن ييجي واحد يتكلم من تلفونك ويعمل مكالمة مع واحد تلفونه متراقب ويكلموا مع بعض في تفاصيل جناية مثلا ... طبعا في الظروف اللى زي دي حضرتك اللى هاتتجاب وتتسئل عن الموضوع وإثبت بقى انه كان مجرد واحد معدي في الشارع ... وعلى فكرة الواقعة دي حصلت كذا مرة

ينهار ابييييييييض

فعلا مشكلة رخمة وموقف ارخم ويحرق الدم



تعيش ومتاخدش منها تانى يا hossam_nasr ان شاء الله

[hossam_nasr]

المشكلة انها بتحسب ان هية كدة شاطرة و لكن اللى هيه مش عرفاه انها كدة بقى عليها دين ليوم القيامة لان دى تعتبر سرقة . اللى يدايق مش الفلوس بس الحركة نفسها حقيرة

[bee]

عارف لما قريت كلامك جه في بالي طريقة جديدة من طرق النصب وتخيلتك بتقول انها حولت 15 جنيه رصيد من تليفونك .. مهي ممكن تحصل وانتي هتفتكرها بتتصل

[احمد عز]

حسبى الله وانعمى الوكيل

[Hany A Fattah]

معلش ياباشا اعمل الخير وارميه البحر
الموضوع ده فعلا انتشر وكانو بيحولو الرصيد كمان بنفس الطريقه

[EZABY]

يا حسام باشا
البنت دي من وجهة نظري عاوزه تتعرف عليك
ولو كبيره يعني ومش صغيره تبقى برضو عاوزه تتعرف عليك
ده احساسي مش اكتر

[EngineerAhmedBadr]

انا الموقف ده حصل فيا قبل كدة و من وقتها حرمت
مفيش احسن من خط اتصلات اوبشنس
لازم يكون عندك رصيد عشان تتكلم دولي:k46:

[ASKAFRAWY]

يا حسام باشا
البنت دي من وجهة نظري عاوزه تتعرف عليك
ولو كبيره يعني ومش صغيره تبقى برضو عاوزه تتعرف عليك
ده احساسي مش اكتر

لا لان ماكنتش لوحدها وبعدين لو حتى عاوزة تتعرف مش بالطريقة دى !!هى فعلا قلة تربية قلة ادب!!فلة حاجات كتير!!

[ASKAFRAWY]

ماتزعلش ياحس ان شاء الله تبقى اخر مرة وتبتدي تتعامل مع الناس بطباعهم!!بلاش لطيبة الزيادة لان اليومين دول الطيب بيقولوا عليه....

[نور القمر]

نصيحة يا بشمهندس حسام خليك طيب زي ما انت حتى لو لقيت اللي بيضحك عليك احيانا
صدقني عمر بني ادم ما يعمل خير بنية حسنة وربنا يضيع عمله حتى لو كان بمجرد دقيقه من موبايلك
لكن في نفس الوقت خليك حريص ومتخليش حد يستغل طيبة قلبك

[Bossy_Fadl]

يا حسام باشا
البنت دي من وجهة نظري عاوزه تتعرف عليك
ولو كبيره يعني ومش صغيره تبقى برضو عاوزه تتعرف عليك
ده احساسي مش اكتر

لو كان ده هدفها تبقي متخلفه بجد

اصلها تبقي عبيطة لو فكرت ان طريقه التعرف عليه هي انها تسحب من رصيده 15 جنيه في مكالمة دولي :k48:

ده كده طبيعي انه هيكرهها من قبل حتي ما يعرف اسمها

و الله العظيم دي تبقي اسمها قلة أدب و قلة تربية

[EZABY]

لو كان ده هدفها تبقي متخلفه بجد

اصلها تبقي عبيطة لو فكرت ان طريقه التعرف عليه هي انها تسحب من رصيده 15 جنيه في مكالمة دولي

هي مبتقاش متخلفه هي تبقى مش محترمه وده اللي انا اقصده من الاول

لا لان ماكنتش لوحدها وبعدين لو حتى عاوزة تتعرف مش بالطريقة دى

مهو عشان مش لوحدها حبت تعمل حاجه متتنسيش

بص لما البنت " الجريئه او المش محترمه " بيعجبها واحد وكانت مستعجله مثلا او الوضع ميسمحش بالتعارف ساعتها ممكن تلاقيها تعمل حاجه غريبه زي دي عشان تضمن انها متتنسيش وانه لما يقابلها في ظروف تانيه هو اللي يبدا الكلام معاها كمان

اصل انا حصللي حاجه شبه كده بس للأسف مش هينفع احكيها

[hossam_nasr]

فعلا زي ما bossy_fadl قالت انا كدة مش طايق ابص فى وشها و بعدين دى اكيد دخيلة على نادي المهندسين لانها كانت بتنادى و تقول يا استاذ.....
اما EZABY ....انا لو شفتها تانى ياريت تيجى على انى مكلمهاش بس بصراحة مش عارف لو شفتها تانى حيكون رد فعلى اية