إعـــــــلان

Collapse

.

,
See more
See less

ألف مبروك.. تكسب معانا

Collapse
X
 
  • Filter
  • الوقت
  • Show
Clear All
new posts

  • #16
    هههههههههههههههههههههههههههههههههههههههههههههههههه ههههههههه

    ولا فكرتنى بخيبتى من حوالى سنه

    كنا فى النادى انا والمدام والاولاد وفجأه ظهر علينا شاب وسيم وحضراتكم كسبتم معانا وفيلم طويل من الكلام وانا بصراحه كنت رافض لكن مع الحاحه واصراره الممل قبلت مضطرا واذا بنفس الاستماره التى وقعت عليها ثم فوجئت بعدها بنفس الفلوس

    ولكن من حسن حظى ان المكتب كان عندنا مش ايطاليا

    المهم مش دى القضيه القضيه ان فى الخفله بيدبسوك فى حاجه اكبر وده اللى حصل معانا مع احد الجميلات التى تعمل معهم وجلست معنا وهات ياكلام وهات ياقناع وهات يامشروبات كل ده علشان الاقناع واخيرا لقيت نفسى ماضى زى الباشا والغريب ان المدام كمان اقتنعت ازاى ماعرفش

    لكن كان فيه حاجه اخيره ان كنت مش مرتاح نفسيا لانى كنت هاادبس فى حوالى 20 الف المهم بعد مامضيت رجعت فى كلامى وفضلت اتحجج باى كلام لغايه مااقنعتهم ان اجل الاستماره لمده يومين بس وبمعجزه نجحت ورحت مقطعها وواخد مراتى وعيالى وفكيك

    لقيتهم ولاد الايه عمالين تليفونات ليا لكن على مين خلاص انا فلت منهم بمعجزه

    ونصيحه اوعى اى حد منكم ينخدع فى اساليب النصب دى ابدا مهما كان
    [SIGPIC]http://www.nilemotors.net/Nile/signaturepics/sigpic3105_1.gif[/SIGPIC]
    Dr Ibrahim Saad

    Comment


    • #17
      ياااااااااااااااااااااااااااااااااااااااااه، هو لسة الناس دى بتعمل الفيلم دة ولسة فيه ناس بتشربه

      انا شربته من 15 سنة لما كنت لسة متخرج واتدبست فى 10 جنيه برضه علشان احضر حفلة الهوا هوايا فى فندق الفضاء الخارجى، بس الصراحة حسيت ان المشورا مالوش لازمة واستعوضت ربنا فى العشرة جنيه

      بعدها تعرضت لنصباية مماثلة فى احد معارض السلع المعمرة التى تقام فى صوانات، كنت واقف اتفرج على اورجات كهربائية وجة البياع وركب فوق دماغى، حضرتك غاوى اورجات ...اه يا سيدى، طب الأورج ده مميزاته كذا وكذا وكذا، قلت له وماله، قال لى طب حضرتك ممكن تملا معانا استمارة تعارف ولو حابب تشترى الأورج بعد كدة نعمل لك عليه تخفيض، برضه قلت وماله، املا ياخويا اللى انت عايزه، بعد ما ما ملا الاستمارة قال لى ديلوقتى عايزين من حضرتك 10 جنيه رسم الاستمارة ودى تاخدها لما تشرفنا علشان تشترىالأورج، طبعا كانت لسة العشرة جنيه السابقة واجعانى، قلت له نعم ياخويه؟ هى الفرجة عندكم بفلوس وللا ايه، قاللى لأ ده نظام الشركة وطالما حضرتك مليت الاستمارة يبقا لازم تدفع العشرة جنيه، قلت له اولا انا مامليتش حاجة، انت اللى سألتنى على شوية بيانات وانت اللى كتبتها، ثانيا هل انت قبل ما تملا حاجة قلت لى انى هدفع فلوس، المهم فضل واقف على شعره بتاع نص ساعة هيموت وهيطلع من جيبى العشرة جنيه وانا فى سرى حلفت ان لو قرش صاغ طلع من جيبى ابقى مستاهلش لقب راجل، وجاب لى مديره ومدير مديره اللى اتكلم بقله ادب قال يعنى بيخوفنى، ساعة كاملة راحت فى اخد ورد حول ان ده نظام الشركة المدعوقة بتاعتهم وان الاستمارة اتحسبت عليهم، وانا مافيش فى بقى غير ان دى غلطة موظفهم اللى مقالش ان فيه فلوس هتتدفع قبل ملئ الاستمارة، كما ان الاستماره العبيطة اللى اتحسبت عليهم عبارة عن صورة زيروكس غير مرقمة، يعنى لا اتحسبت ولا نيلة، فى النهاية بعد ما الموظف معرفش ياخد منى حق ولا باطل قطع الاستمارة وهو يبصلى بصة بمنتهى القرف، فانا ما كان منى غير انى بعد ما قمت وانا خارج من عندهم قلتها بصوت عالى سمعهم كلهم" نصابين"

      بعد كدة بقت البلاوى دى بتتحدف عليا فى محطات البنزين وفى اى شارع تجارى امشى فيه، فى الأول كنت حافظ اسطوانة بكررها مرة واحدة وبعيدن اسيبه يخبط دماغه فى الحيط ، كنت بقول" مابشتريش تايم شير،ومبشتريش تأمين ومبشتريش خدمات فندقية ومبشتريش شاليهات ومبشتركش فى قنوات فضائية ومبسافرش سياحة ولا عمرة ولا حج ومبستلمش جوايز"
      لاحقا بقيت اعمل اطرش ، او اكتفى انى اقول"معلش مش فاضى"، وذكرى العشرة جنيه التى خرجت من جيبى غيلة وعنوة من 15 سنة لا تفارقنى
      [SIZE=5][COLOR=navy]سبعاوى[/COLOR][/SIZE]
      _______________________________________________

      Comment


      • #18
        انا اتدبست فى حوار من دول فى المهندسين
        تكون ماشى فى حالك وهوووووب تلاقى شاب وفتاه نطوووووووا لك من الباراشوت وحضرتك وسعادتك وجنابك ومعاليك كسبت معانا بس ممكن تخدش الكارت ده عشان تعرف هديه حضرتك
        وانا اقولهم ششكر ا مش عاوزه ششكرا مستعجله شكرا معلش معنديش وقت
        وهما لا حياه لمن تنادى ماشين ورايا والظاهر انهم بيفطروا فى الشغل سندوتشات غتاته وعصير خليك رخم ولحوح

        فكرت اخلص منهم واسمع عاوزين ايه رغى رغى المهم قالوا لى تدفعى عشرين جنيه دى قيمه حضور حفله الشركه عامله للاعضاء الفائزين
        فى فيلا غريبه كده فى شارع قدام فرغلى المهندسين وادونى ايصال بالعشرين جنيه استرده فى حاله عدم رغبتى اكمل معاهم

        وعليها رحت مع صحبتى ودخلنا الفيلا الغريبه واشوف عائلات داخله وعائلات خارجه باولادهم ولبس ايه وشياكه ايه

        قول ياادى الكسوف انا جايه حفله بجينز معلش بئه

        دخلت استقبلنى شاب واتفضلى وحضرتك تحبى تشربى ايه شاى قهوه بيبز
        هو : حضرتك استلمتى الجايزه بتاعتك
        انا : لا مستلمتش حاجه
        هو : طيب فين الكوبون اللى المندوبين ادوه لحضرتك لما قابلوكى
        انا : معايا اتفضل
        هو : اتفضلى معايا نخدش الكارت ونستلم الهديه
        رحت لقيتهم فاتحين لى كتالوج فيه صور مراوح وغسالات يعنى محل ادوات كهربائيه قولت يارب اكسب ثلاجه 100 قدم
        المهم خدشت الرقم العجيب اللى معايا طلع لى طقم كوبات كده حلزونى لولبى يجيب 10 جنيه

        وقفت اراقب الناس الثانين العجيبه ان كله بيكسب كوبايات رجعت للبنت قولت لها هى كل الارقام تحتها كوبايات ولا ايه قلت لا ده حظ يا فندم

        تركتها ومشيت استقبلنى الشاب ثانى
        وقعد يرغى فى حوار شاليهات وتايم شير ومعرفش ايه المهم مطلوب منى دفع 300 الف
        قولت له اعتذر ومش عاوزه

        وطبعا كانت فاتت ساعتين كاملين وانا فى الرغى ده ودماغى صدعت موت وحسيت انى عاوزه مصنع بندول واتخنقت اوى من الحوار وعاوزه انتقم
        قولت له تسمحلى استاذن
        هو : اناااسف بس كان ودى حضرتك تشتركى معانا
        انا : معلش فرصه ثانيه ولا يهمك ان شاء الله
        هو : فرصه سعيده يا فندم
        انا: انا اسعد هـات بئه العشـــــــــــــــــرين جنيه بتاعتى اللى خدها المندوب السامى بتاعكم

        هو : ملامج الصدمه بانت على وشه وتنح وقالى ماهو حضرتك اخذتى الهديه
        انا : ماهى دى هديه وانتم بتقولوا انى سعيده حظ وكسبتها
        والايصال اللى معايا مكتوب فيه من حقى استرادد المبلغ فى حاله عدم الرغبه وانا مش همشى بئه الا اخذ العشرين جنيه
        هو :مينفعش يا فندم حضرتك اشتركتى واستلمتى هديه
        انا : ابتدء صوتى يعلوووووووووو والمكان مليان ضحايا وانتم نصابين والكلام ده
        راح واخدنى قالى طب اتفضلى معايا فى صاله ثانيه قولت له لا قالى طب اتفضلى عند الخزنه استلمى فلوسك

        وهووووووووو عاوز يتخلص منى باى طريقه بس مزعقش والناس تاخذ بالها

        خدت العشرين ملطوششششششش بتوعى والكوبايات الحلزونيه ومشيت
        كنت متغاظه مووووووت لانى نزلت فى حاله اعياء من الجو والرغى وكل شى
        [CENTER][SIGPIC][SIZE=3][B]لا اله الا انت سبحانك انى كنت من الظالمين[/B][/SIZE][/SIGPIC][/CENTER]

        Comment


        • #19
          ياةةةة لسة فى حد بيشرب الحاجات دة
          قاعدة (اى حد يكلمك فى اى حتة متردش علية لانة اكيد عاوز يسرقك)
          انا فى عامل فى بنزينة بقالو 7 سنين بيقولى الفردة اليمين نايمة مع انوا حافظنى و ارد علية و اقلوة خليها نايمة
          shady_elkady Aveo 2008 f-o

          Comment


          • #20
            هههههههههههههههه طب كويس قوى انا كنت فاكرة انى لو اللى انضحك عليا اتارى كتير معايا فى نفس المركب
            انا قبل كده انضحك عليا فى خمسين جنيه فى موضوع التايم شير ده وعاملين حفلة وهلمة وادونى جايزة بس مش صابونة بصراحة ادونى علبة مجوهرات بصراحة كانت شيك واخدت الخمسين جنيه وانا مروحة من غير زعيق ولا حاجة لانى كنت متفقة على كده قبل مااروح مع الراجل اللى عرض عليا الموضوع وكمان مااخدتش وصل بيهم لكن اخدتهم برده والله طلعوا ناس ذوق ذوق ذوق الصراحة
            بس فعلا صدعولى دماغى
            [LEFT][B][I][B][I][U]Senior Client/Server Application Developer[/U][/I][/B][/I][/B][/LEFT]

            [LEFT][B][I]WHY NOT GAIN WITHOUT PAIN:_Alshmokh23[1]:[/I][/B][/LEFT]

            Comment


            • #21
              المشاركة الأصلية كتبت بواسطة shady_elkady مشاهدة المشاركة
              ياةةةة لسة فى حد بيشرب الحاجات دة
              قاعدة (اى حد يكلمك فى اى حتة متردش علية لانة اكيد عاوز يسرقك)
              انا فى عامل فى بنزينة بقالو 7 سنين بيقولى الفردة اليمين نايمة مع انوا حافظنى و ارد علية و اقلوة خليها نايمة
              هاهاهاها نفس الحكاية ..... بس انا باقوله سيبها اصلها كانت صاحية طول الليل
              [RIGHT][FONT=Comic Sans MS][COLOR=navy][SIZE=2][B]Eng.Ahmed Ismail[/B][/SIZE][/COLOR][/FONT][/RIGHT]


              [CENTER][FONT=Book Antiqua][SIZE=4][COLOR=blue]You Can't Never Ever to Keep a Nice Car [/COLOR][/SIZE][/FONT][FONT=Book Antiqua][SIZE=4][COLOR=blue]in [/COLOR][/SIZE][/FONT][FONT=Book Antiqua][SIZE=4][COLOR=blue]This Country....!!! :_Alshmokh08[1]: S.O.S
              [/COLOR][/SIZE][/FONT][CENTER][sor2]http://www.wasit.net/alrowad/images/hit.gif[/sor2]

              [/CENTER]
              [/CENTER]
              [CENTER][URL="http://www.nilemotors.net/Nile/55709-a.html"][SIZE=5][COLOR=seagreen]كل شيء عن السيراتو[/COLOR][/SIZE][/URL]

              [CENTER] _______________[B]
              [COLOR=Blue][B][SIZE=2]اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..[/SIZE][/B][/COLOR][/B]

              [B][COLOR=Blue][B][SIZE=2] اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..[/SIZE][/B][/COLOR][/B]
              [/CENTER]
              [B][COLOR=Blue][B][SIZE=2]
              اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك[/SIZE][/B][/COLOR][/B]

              _______[COLOR=Blue]_______________
              [/COLOR][shfaf2]http://www7.0zz0.com/2011/11/29/23/575740455.gif[/shfaf2] [/CENTER]

              Comment


              • #22
                الحوار ده ضيع يوم كامل من ايام شهر العسل لما كنت فى شرم الشيخ
                برده نفس الكلام بس اسلوب راقى جدا وتتحس انك بتتنوم مغناطيسيا

                واخده منى 50 جنيه وقطعوها نصفين

                نص معايا ونص معاهم
                وطبعا كده لازم احضر الميتج تانى يوم علشان استلم الهدية واتفرج على القرية بتاعتهم

                اول ما دخلت اخدت الخمسين جنيه بتاعتى
                روحت وجلس معايا واحد من المبيعات وقعد يشرحلى ازاى المصرين مبيعرفوش يستمتعوا بأجازاتهم ولازم ننظر للمستقبل وكلا كبيررررررر جدا ملهوش اى لازمة

                وبعد حوالى ساعتين من الحديث والنقاش والرفض التام من ومحاولة اقناعنى بشتى الطرق والمديرين

                سابونى فى حالى ومشيت
                بس اخدت هدية عبارة علبة مجوهرات صدف + انهم وصلونا لمكان اسمه الف ليله وسهرنها هناك
                [SIZE=3][COLOR=navy][gdwl]
                [SIZE=3][COLOR=navy]سبحانك اللهم وبحمدك ، أشهد أن لا إله إلا أنت أستغفرك وأتوب إليك[/COLOR][/SIZE]
                [/gdwl][/COLOR][/SIZE][SIZE=4][COLOR=navy][/COLOR][/SIZE]
                [SIZE=4][COLOR=navy]مـحـمـد الـطـويـل - إسـكـنـدريـه[/COLOR][/SIZE]

                Comment


                • #23
                  ناس كتير اتعرضت للموقف ده
                  وانا عن نفسي اتعرضت له كذا مرة
                  بس لاني كنت سمعت من ناس قبل كدة اتنصب عليها فكنت عارفه الاشتغالة


                  كان ممكن الموضوع يكون هادف وفيه توعيه للاعضاء بشغل النصب ده من غير ما ننزله بقصه منقوله فيها جمل جريئة وخصوصا لما تكون من بنت
                  طبعا الجمل اتحذفت من الادارة
                  ده غير المعاني اللي بين السطور اللي تتفهم مثلا من جملة زي (تبخرت أحلام الأجازة الجميلة مع مونيكا )دي طبعا على سبيل المثال

                  Comment

                  Working...
                  X