جماهير الإسماعيلي .. ليه كدة !؟

[momo10000]

يا جماعة ياريت منخلطش الامور...

بعيد عن اي تعصب او حب لاي لون....

اللي حصل امبارح دا قلة ادب ملهاش كلام تاني ...

ومكنش من قله ولا حاجة....

الاستاد كلة يا جماعة.... ايوة الاستاد كلة... كان بيشتم وبيقل ادبة...

بس هي خلاصة ...

العيب اما يطلع من اهل العيب ميبقاش عيب ...

[Sharky]

طارق باشا

واضح إنك مقتنع بوحهة نظرك و أنا فى نفس الوقت مقتنع بوجهة نظرى تماما و شرحت فيها سبب الإحتقان جاى منين


بالنسبة لإعلام الزمالك يوجد العديد من الإعلامين زملكاوية و على رأسهم
خالد الغندور - محمد سيف - خالد جبر - على بركه و غيرهم فى الجرايد القوميه و المعارضه

و على فكرة معظم قيادت النظام زملكاوية
فى الأخر الإختلاف فى وجهات النظر لا يفسد للود قضية

[human]

طبعا يا شاركى مافيش فساد للود
:)

خالد الغندور - محمد سيف - خالد جبر - على بركه و غيرهم فى الجرايد القوميه و المعارضه

طيب هات اسم واحد عدل!! ده كلهم عاهات يا شاركى

و يارب الاحترام يسود الملاعب و الناس تهدى شويه

[محمد فريد]

بصوا يا جماعه من الاخر انا ارفض ان اى حد يشتم الاسماعيلى او يشتم اهل محافظتى
لكن احب اوضحلكم حاجه انا ساكن قدام الاستاد و90 % من الجمهور طلبه مدارس صنايع وشباب صغير السن جاهل وكثرة فاسده يعنى من الاخر كلهم عيال ومقولكمش بعد الماتش ايه اللى حصل امن مركزى على الشوارع كلها عشان يمنعوا تكسير العربيات بعد لما خرج المتفرجين من الاستاد ثائيرين جدا وعربيتنا كانت هتتكسر امبارح

على قد مانا متضايق من اللى حصل من الجمهور الاسماعيلى كمان انا متضايق من جمهور الاهلى اللى ولع الصواريخ من اول ربع ساعه وبقم يرموها على الامن عيب والله كده

وفى الاخر احنا كلنا اخوه وعيب لما بعض الاعضاء يخرجوا عن شعورهم ويردوا بشتايم

[نور القمر]

مش عارفه ليه كل ما يكون في ماتش بين فريقين في مصر وادخل موضوع هنا بالذات في نايل موتورز احس كأن الفريقين دول واحد مصري والتاني اسرائيلي مثلا
او هندي وباكستاني او عراقي وامريكي

بجد بنتعامل مع بعض كأننا اعداء
يعني ايه اسمعلاوي ولا اهلاوي مش في الاخر كلنا مصريين ودي في الاخر مش قضية امن قومي نخسر بعض علشانها او نزعل من بعض علشانها
طيب لو في الماتش في ناس كانوا مشاكسين بغض النظر عن كونهم اسمعيالاوية ولا غيره ده مش معناها ان كل مشجعين الفريق الاسمعلاوي بنفس الاخلاق ومش معناه ان كل اهل اسماعيليه بنفس الاخلاق
كل مكان فيه الكويس والوحش
يعني انا شوفت موضوع تاني في المنتدى ده على نفس الموضوع الناس داخلة تشتم في بعض
طب ليه ..... بجد في حاجات كتير اولى اننا نهتم بيها وننفعل علشانها وناخد موقف تجاهها من مواضيع الكرة

[khaledazizeg]

مش عارفه ليه كل ما يكون في ماتش بين فريقين في مصر وادخل موضوع هنا بالذات في نايل موتورز احس كأن الفريقين دول واحد مصري والتاني اسرائيلي مثلا
او هندي وباكستاني او عراقي وامريكي

بجد بنتعامل مع بعض كأننا اعداء
يعني ايه اسمعلاوي ولا اهلاوي مش في الاخر كلنا مصريين ودي في الاخر مش قضية امن قومي نخسر بعض علشانها او نزعل من بعض علشانها
طيب لو في الماتش في ناس كانوا مشاكسين بغض النظر عن كونهم اسمعيالاوية ولا غيره ده مش معناها ان كل مشجعين الفريق الاسمعلاوي بنفس الاخلاق ومش معناه ان كل اهل اسماعيليه بنفس الاخلاق
كل مكان فيه الكويس والوحش
يعني انا شوفت موضوع تاني في المنتدى ده على نفس الموضوع الناس داخلة تشتم في بعض
طب ليه ..... بجد في حاجات كتير اولى اننا نهتم بيها وننفعل علشانها وناخد موقف تجاهها من مواضيع الكرة

كلام زى الفل