الأخطاء المطبعية

[نور القمر]

شكرا يانور على موضوعك الظريف

شكرا ليك بشمهندس على مرورك الكريم

علي فكره كل العباقره مش حضرتك بس المشكله في الناس اللي فهمهم علي قدهم مش حيقدروا يتوصلوا للمعلومه اللي طالعه من حضرتك صح
هو انا كلامي بيكون ملخبط للدرجة دي
سؤال بجد .. مع اني براجع على مشاركاتي قبل اعتمادها
فممكن بدل الكيبورد طقم سكرتاريه ومراجعين علشان يبسطوا الكلام لضعاف الفهم من عامه الشعب
العفو يا باشا من تواضع لله رفعه وانا هفضل مع عامة الشعب لحد ما يفهموا لوغاريتماتي ههههههههه
على فكرة موضوع الكيبورد ده اتكرر كتير بس للاسف محدش بيوفي بوعده بالهدية
-وفكرتيني مره كنت بشتغل في شركه متخصصه للبرمجيات القانونيه وكنا عايشين الدور بقي ايامها علشان كانت اول شركه في مصر تعمل البرمجيات دي سنه 99
فمره التليفون رن ولقيت السكرتيره بترد وتقول
مين
ايه
بتقول ايه
ههههههههههههههههههه
كركركركركر
يا خرابي
فقولتلها فيه ايه
قالتلي واحد بيقول انا مش انا دا باين عليه عبيط وبيعاكس وراحت قافله السكه في وشه
وبالبحث والفحص والتمحيص طلع انا مش انا ده هوعلي بيك ابو شنب اللي صاحب الشركه جه من مصر مخصوص علشان يقابله وكان حيمول الفرع في اسكندريه
وعليها مقعدناش شهرين والفرع اتقفل ومسمعتش حاجه عنهم لحد النهارده ههههههههه
واضح انها من سلاله الصحفيين اياهم

مش فاهمة النقطة دي
يعني هو اسمه انا مش انا ولا بيقول العبارة دي ليه
ومش فاهمة ايه موضوع الصحفيين اياهم
بس المهم الفرع اتقفل ....... طيب بالتوفيق ان شاء الله ههههههههههه

[SHNORY]

مش فاهمة النقطة دي
يعني هو اسمه انا مش انا ولا بيقول العبارة دي ليه
ومش فاهمة ايه موضوع الصحفيين اياهم
بس المهم الفرع اتقفل ....... طيب بالتوفيق ان شاء الله ههههههههههه

توضيح وتفسير العبارات
1: هو اسمه علي ابو شنب وهي سمعتها انا مش انا علشان فهمها علي قده
2: الصحفيين المشار اليهم في جملتي هما اللي حضرتك عملتي الموضوع الاساسي ليهم واللي نشروا الاخبار غلط وعملوا الاخطاء المطبعيه

[نور القمر]

توضيح وتفسير العبارات
1: هو اسمه علي ابو شنب وهي سمعتها انا مش انا علشان فهمها علي قده
2: الصحفيين المشار اليهم في جملتي هما اللي حضرتك عملتي الموضوع الاساسي ليهم واللي نشروا الاخبار غلط وعملوا الاخطاء المطبعيه

موضوع سمعت الاسم غلط ده مش دليل ان فهمها على اده
عادي يعني مسمعتش صح لاي سبب ممكن يكون سمعها هو اللي على اده
بس كان المفروض تتأكد تاني هو بيقول ايه
هي تلاقيها كانت بتسمع اغنية انا مش انا لمدحت صالح كتير ومعلقة معاها
اما موضوع الصحفيين فهم كمان فهمهم مش على ادهم دي اخطاء مطبعية ملهمش علاقة بيها ومش بعيد يكون منهم صحفين كبار دلوقت

علشان كدة انا مربطتش بين الصحفيين في موضوعي وبين السكرتيرة لان مفيش اي ترابط بينهم