استفسارات عن مواتير المياه

[Elawany13]

ودى هدية منى ليك، عن طريقة ولوازم تركيب الموتور الكهربائى بالبالونة والأوتوماتيك

حد يعرف ايه فائدة التحضير الذاتى (أو المضخة الموضحة فى الصورة ) اللى بتكون راكبة فى آخر الماتور
والماتور اللى مفيهوش تحضير ذاتى ايه مشكلته ؟

[lonedoctor]

غريبة موضوع بتاريخ قديم وتم فتح باب المشاركة فيه مرة اخرى
موضوع البالونة ده خلاص راحت عليه والان فيه جهاز اوتوماتيك جديد بيسموه فى مصر فلوماك لانه البالونة والاوتوماتيك القديم اصلا سيستم فاشل وغالبا لازم يعطل ويتغير كل سنة اما الاخر بيعتمد على فتح واغلاق الحنفية لفتح واغلاق الموتور
افضل المواتير كالبيدا بلا منازع صوت منعدم تماما وعمر افتراضى طويل والغالى تمنه فيه
انا لسة شاريه للفيلا عندى واحد حصان بالاوتوماتيك بتاعه 2200 جنيه من شركة الشرق اللى فى وسط البلد
مع العلم الضمان 6 شهور بس وتناكة ابوهم مالهاش حد كانك رايح تشحت منهم
افضل سيستم تضمن بيه ماية بشدة محترمة جدا تجيب تانك (خزان)بولى ايثيلين 1000 لتر ب 800 ج وتحطه فوق السطح وتجيب موتور نص حصان بس يرفع على الخزان والخزان يغذى الشقة هتضمن اشياء ممتازة جدا
مياة مندفعة بشدة اقوى من اى موتور اساسا فى اى وقت تفتح الحنفية
ماية تكفى 6 افراد 3 ايام لو حصل انقطاع مياه
توفير كهربا تشغيل الموتور بشكل كبير لانك ممكن تشغله مرتين فى اليوم ب يعبى الخزان كل مرة لن تتعدى نص ساعة
ده افضل حلول المياه عن تجربة واقعية فى شقة وفيلا
تقبل تحياتى

[mouraddesk]

مش عارف الحوار لسه مفتوح و الا لا بس عن تجربه شخصيه اهم حاجه تعمل قفص الموتور لان الموتور الكالبيدا اتسرق و جبت مكانه صينى من باب يتحرق و لا يتسرق و كان نفسى اجيب كالبيدا بس بقى غالى قوى بالاضافة انه مغرى للسرقة