خبطنى أخدت مفتاحه ومشيت !

[أحمد سالم]

والله اللى عملته عين العقل
انا مره حصل معايا الموقف اللى حصل معاك ده
واتصرفت بالعقل وياريتنى عملت زيك
شوف انا عملت ايه اولا قفلت على ميكروباص كان هيئة نقل عام
وكلمت النجده واستنيتهم حوالى ساعه والركاب نزلو من عند الراجل المهم كلمتهم تانى 30 مره دون جدوى لا وده كان فين فى المعادى
واتراى عربيه النجده تبعد عندى ب امتار شفتها بعدين وانا ماشى بتركن تحت كوبرى
المهم اخر المطاف الراجل طلع بعربيته وكان هيكمل على عربيتى وقالى ابقى ورينى بقى هتعملى ايه وعندك نمرة العربيه خدها
طبعا اتضايقت جدا وطلعت على اسم امعادى قالولى لا انت كنت فى الصف الثانى من الطريق ده تبع قسم البساتين روحت رايح قسم البساتين قالولى لا ده تبع المعادى المهم بعد مباحثات ومحايلات واللذى منه عملت محضر ومعاينه واللذى منه برده
وروحت
فى الاخر كسبت ايه كسبت انى اتعطلت زياده وغرمت
وفعلا زى ماقالى الراجل اللى خبطنى ابقى ورينى هتعمل ايه (ولا عملت حاجه)
على شان كده انا بحييك على اللى انت عملته

[tamohsen]

انا شايف انك عملت الصح الصراحه بس فكرتني بواقعه كانت في ميدان الالف مسكن سواق ميكروباص بردوا و المره دي بقي عربيه هيونداي اكسنت و متفيمه اسود الكلام ده تقريبا من سنه و نص علي ماتذكر يعني المهم الاكسنت كانت بتجري ورا الميكروباص و ام كاسر عليه نزل زاحد ماشاء الله زي مابيقولوا كده 6*9 المهم نزل البيه طبق سواق الميكروباص و حطوا في شنطة الامسنت و مشي
هههههههههههههه
كل الناس كانت واقفه مبلمه الراجل اتخطف و احنا واقفين و بتاع بس كان منظر مضحك اوي
الواد التباع قاعد يجري وؤا العربيه و انا مشيت علي كده
عموما يعني سواقين الميكروباص دول حلال فيهم اي حاجه

هههههههه

[zeyad1810]

اكيد انت كدة ماخدتش حقك بس كل اللى حصل انك ارتحت شوية بس بردة انت هتغرم تصليح العربية بتاعتك وانت مالكش ذنب
سواقين الميكروباص دول بالذات يخبطلك العربية وتلاقية هو اللى نازل من عربيتة علشان يتخانق معاك ويفهمك انك انت اللى غلطان علشان ماتقدرش تقولة حاجة

[د.محمد الشيخ]

هي البلد ديه ماتعرفش تاخد فيها حقك غير بالدراع

طبعاً انت ماختش حقك بس نفست عن غضبك شويه

بس برده ممكن ترجعله المفاتيح في الموقف

تمام كده بس اوعى تحاول ترجع المفتاح والا حتبقى فريسة سهلة لكل سواقين الموقف وحتندم انك عملت كده .
ومتقلقش على المفتاح لانهم عندهم بداله كتير .

[أحمد سالم]

لالا اوعى تروحله الموقف
لحسن تلاقيه عمل عنتر ابن شداد قدام زمايله السواقين
وهما طبعا هيجاملوه

[Sameh]

لأ مش هروح أكيد ، ربنا يسترها ونحتسب أى مصيبة عند ربنا

[waled369]

أنا شايف انه يستاهل و علشان بجاحته خليه يروح يعمل مفتاح جديد على حسابه
بس هتروح تصلح عربيتك على حسابك و أمرك لله

[eino666]

تسلم ايدك
هى دى الرجولة والجدعنة
ويا سلام لو كام قفا طرقعوا كن يبقى 100 100
*************************
محمود عينو

[MMamdouh]

يستاهل

MMamdouh

[Dr_Mido]

عملت زيك بس مخدتش المفاتيح خدت العربيه نفسها
عربيه كارو متقفله وربنا كرمها وبقت مكيروباص بس نفس نوع الكائن اللى بيسوق متغيرش خبط عربيه واحد صاحبى لسه جايبنهاله من التوكيل كانت لانسر بوظ الرفرف الشمال ورا خالص وساب العربيه وجرى

نزلنا نسئل يارجاله عربيه مين دى محدش رد
حد يعرفه كلهم عملو عبط بيجاملو صاحبهم

طلعنا كارت رميناة على الارض وخدنا الميكروباص خبناة فى مخزن اسمنت
اولا اتذل يومين على مجمع الفين جنيه وكل دة ومش عارف عربيته فين
قال حرام ورزق عيالى وتاكلو مال حرام قلناله بالظبط كدة احنا بناكل مال حرام ومفتريين ودفع فعلا الفلوس
بس صاحبى الجزمه رجعله الف منهم الخلاصه بلطج تعيش

[lancerevolution]

هو دا الصح
أنا ححكيلك على حاجة ممكن مش حتصدقها واحد عربية خبطته كان راكب متسكل و انا كنت قاعد على سور صغير فوق الرصيف الواد طار جه فيا أنا أنقذته من الموت لسه حقوله فيك حاجة الواد طار على العربية و خد المفتاح من الكونتاك و قال مش حديلك المفتاح غير لما المكنة تتصلح عشان مش بتاعتى لحد لما جه صاحب المكنة و حلوها ودى لو مكنش عمل كدا مكنش خد حاجة خالص

[ahit]

تصرفك سليم جدا
غالبية الناس دى بتاخد المواضيع بالعافية و تمشى تخبط فى عربيات الناس و تقفل عليهم و هكذا
ربنا يهدى الجميع

[A.Saad]

الله ينور عليك أنت أخدت حقك و حق كل اللي بتوع الميكروباص و الميني باص داسوا عليهم قبل كده

و للأسف هو ده اللي لازم يحصل في بلد القانون فيها مابيجب لكش حقك

و ماتزعلش علي الركاب لأنهم يستاهلوا لانهم جهلة و سلبيين و مش حاسيين باللي أنت فيه

مش شايف ان الكلام ده مبالغ فيه على ناس بتركب مواصلات
ولاحظ ان حتى لو وقفوا مع العضو اللى عربيته اتخبطت
هل كان موقف السائق هيتغير

[M.Osman]

بجد انا لو مكانك مش عارف اعمل اية فى الغابة دى !!!!؟؟؟؟

[MoToRiZeR]

عااااااااااش