خبطنى أخدت مفتاحه ومشيت !

[casperinoo]

مش هقولك ايه الصح وايه الغلط...بس شوف انت اتضريت قد ايه... و تخيل الضرر اللي سببته لغيرك قد ايه

[beautiful0mind]

هو رفض فالبداية انه ينزل من العربية عشان لو انت ضربته وهو جوها يبقى تعدى عى موظف حكومى اثناء عمله .....ومعظم اسواقين يخبطه ومينزلوش ولو عمه حدثه جامده اووووى بيسيب اعربية ويجرى عى اقسم
......وبرافو عليك والله

[Sameh]

عملت زيك بس مخدتش المفاتيح خدت العربيه نفسها
عربيه كارو متقفله وربنا كرمها وبقت مكيروباص بس نفس نوع الكائن اللى بيسوق متغيرش خبط عربيه واحد صاحبى لسه جايبنهاله من التوكيل كانت لانسر بوظ الرفرف الشمال ورا خالص وساب العربيه وجرى

نزلنا نسئل يارجاله عربيه مين دى محدش رد
حد يعرفه كلهم عملو عبط بيجاملو صاحبهم

طلعنا كارت رميناة على الارض وخدنا الميكروباص خبناة فى مخزن اسمنت
اولا اتذل يومين على مجمع الفين جنيه وكل دة ومش عارف عربيته فين
قال حرام ورزق عيالى وتاكلو مال حرام قلناله بالظبط كدة احنا بناكل مال حرام ومفتريين ودفع فعلا الفلوس
بس صاحبى الجزمه رجعله الف منهم الخلاصه بلطج تعيش

ماعرفش إنت عملت كدة إزاى الصراحة :) دى تاخد عليها جايزة نوبل

مش هقولك ايه الصح وايه الغلط...بس شوف انت اتضريت قد ايه... و تخيل الضرر اللي سببته لغيرك قد ايه

ماهو ده اللى كان مضايقنى يا أستاذ كاسبرينو ، خصوصاً عشان الطريق إتزحم أكتر ماهو زحمة ، بالنسبة للركاب كانوا خلاص قربوا ينزلوا ، وأصلاً لما ركنت قدام شوية عند المتحف عشان أبص على العربية كويس لقيت واحدة ست وبنتها بيقولوا مش هوا ده اللى خد المفتاح ! يعنى كانوا نزلوا ووصلوا عشان كنا قبل الموقف عل طول ! بس بالنسبة للسواق يستاهل أكتر دول 3 عربيات فى نص دقيقة

هو رفض فالبداية انه ينزل من العربية عشان لو انت ضربته وهو جوها يبقى تعدى عى موظف حكومى اثناء عمله .....ومعظم اسواقين يخبطه ومينزلوش ولو عمه حدثه جامده اووووى بيسيب اعربية ويجرى عى اقسم
......وبرافو عليك والله

فعلاً سبب كل ده إنه مارضيش ينزل للراجل اللى قدامه وعايز يجرى بالمينى باص فخبط عربيتين تانيين مالهومش ذنب فى الموضوع ده ، بس هو مكانش نقل عام كان مينى باص خاص (أتوبيس رحلات)

[Horsepower]

عام واللا خاص المشكلة في السائق
إنت عملت الصح يا سامح باشا و كان ممكن تكسر المفتاح في الكونتاكت ده كدة خراب أكتر لأن خبرتي الحربية مع سائقي الميكروباص (زي ما إنت عارف) خلتني أعمل كدة بعد ما شفت واحد فيهم بيدور العربية بسكينة قصافة لما إتاخد منه المفتاح.
على أي حال تسلم إيدك.
إن شاء الله مايكونش فيه مرات جاية بس لو حصل لا قدر الله إبقى قولو "شخلل علشان تعدي"
الحمد لله على سلامتك يا كبير

[Sameh]

عام واللا خاص المشكلة في السائق
إنت عملت الصح يا سامح باشا و كان ممكن تكسر المفتاح في الكونتاكت ده كدة خراب أكتر لأن خبرتي الحربية مع سائقي الميكروباص (زي ما إنت عارف) خلتني أعمل كدة بعد ما شفت واحد فيهم بيدور العربية بسكينة قصافة لما إتاخد منه المفتاح.
على أي حال تسلم إيدك.
إن شاء الله مايكونش فيه مرات جاية بس لو حصل لا قدر الله إبقى قولو "شخلل علشان تعدي"
الحمد لله على سلامتك يا كبير

أكسره إزاى بس يا أحمد كويس إنى عرفت أخده وهو لسة مش مجمع ، وبعدين بقا إنت اللى نافعك النمر اللى عربيتك والبادجات والكلام ده :)

[Horsepower]

أولا دي نمرة قوات مسلحة وهية السبب إني باتخبط قبل الأكل و بعده مش زي بقيت البنيآدمين مرة في السنة ... أنا مبحسدش طبعا!
معنديش بادجات لأنها ممنوعة لغير زوي السلطة أما النمرة مش بإيدي زي ما إنت عارف و لو بإيدي كنت ولعت فيها

[Dr_Mido]

ماعرفش إنت عملت كدة إزاى الصراحة :) دى تاخد عليها جايزة نوبل

دى باستخدام واحد صديقى كان معانا اسم الدلع بتاع ديزل
بالاضافه لاتنين الكترك كبار

[waleedrahmy]

راجل من ظهر راجل أنت كفاية ضيعت عليه شغل يوم وده بمبلغ محترم وحرقت دمه

[Dr Zezo]

ميه ميه

ربنا يعوض عليك و يرحمنا برحمته من الهبل اللي عايشين فيه

و حضرتك اللي عملته ده عين العقل و لو ينفع الواحد يعمل اكتر من كده يبقي احسن

دا لسه لوري راجع عليا بضهره في قلب الزحمة في المرج و جرح لي الكبوت منه لله

[نور العمر]

إمبارح مينى باص ماشى قدامى خبط العربية اللى قدامه ، صاحب العربية نزل يتخانق معاه ، سواق المينى باص مارضيش ينزل وقام راجع ورا عشان يطلع منه فخبطنى وخبط عربية تانية جنبى عشان يوسع لنفسه وبعدين مشى عادى جدا كأنه سايق مركب فى البحر

جريت وكسرت عليه وأول حاجة عملتها من غير ولا كلمة فتحت باب عربيته وأخدت المفتاح من الكونتاكت عافية كدة وهو لسة مش مجمع أنا بعمل إيه ، وبعدين روحت على عربيتى أشوف إيه التلفيات وأنا متأكد خلاص إن هو هينزل ويجى ورايا ، لقيت الرفرف بقا منديل كلينكس والإكصدام فيه شوية تلفيات من الجنب ، طبعاً البيه بدأ نظرية خدوهم بالصوت وبيقوللى أنا ماخبطكش دى مخبوطة من الأول ! والعربيتين التانيين اللى هو خبطهم معايا لسة واقفين أصلاً ! للأسف شتمتوا وهو راجل كبير بس غاظنى أوى إنه كداب وبجح ، وقلتلوا يا رخصك ومحضر يا تدفع وتخلص دلوقتى ، طبعاً البيه مارضيش وزعيق وهات المفاتيح وكلام فارغ والركاب نزلوا وبقت المشكلة معايا أنا عشان واخد المفاتيح ومعطل الطريق والركاب ، حصل خير جت فى الصاج قلتلهم هتصلحوها إنتم ؟ ماحدش نطق طبعاً ، لقيت مافيش منه رجا ركبت عربيتى وقلتله حصلنى على النقطة اللى فى الميدان عشان نعمل المحضر ، أنا زى أبوك ومش عارف إيه طب هات المفتاح الأول وبعدين نتفاهم وجرى ورا العربية يخبط عليها عشان الطريق كان زحمة وماشى بطىء ، سيبته فى الآخر ومشيت ومعايا المفاتيح لما لاقيته لسة بيكمل إستهبال وروحت عملت محضر برقم العربية وأنا عارف إن المحضر مش هيجيب حاجة بس قولت تحسباً عشان هو مايروحش يعمل محضر وخصوصأً إن الخبطة عندى أنا من قدام ، وقلت كفاية هيتعطل ساعة ولا إتنين ويضيع عليه دور وشوية فلوس ويمكن يجى ونش ويسحبله عربيته

المشكلة إنى حاسس بذنب كبير لأنى عطلت الطريق وكمان الركاب إضطروا ينزلوا بدرى (كنا قبل موقف عبد المنعم رياض على طول) ، بس أنا مش حاسس بأى ذنب ناحيته هو لأنه كذاب وسايق الهبل وخبط 3 عربيات منهم 2 بدون داعى خالص ، وأنا معتبر العطلة بتاعته هو والفردة ولا الإتنين اللى هيروحوا عليه قدام اللى عمله

المشكلة كمان إن المفاتيح لسة معايا ومش عارف أعمل فيها إيه ؟؟ أروح أسرق المينى بص !

بهزر طبعاً

إيه رأيكم هل أنا ظلمته ؟؟

للأسف مقدرش أقولك غلطان ...بصراحة أول طرق علاج مشكل المرور إلغاء الميكروباصات ... وده مستحيل ... هنا اقترح ( إنشاء شركة ميكروباص العاصمة ) عشان تمشي وفقا لقواعد وقوانين محترمة...
بس روح سلم المفاتيح في القسم أو نيابة المرور .. عشان ميرميش عليك أي مسئولية جنائية ..... وكان لازم يكون معالك شهود في المحضر أو ارقام العربيات إللي اتخبطت معاك ... او أي شاهد عيان .... والله المستعان ...

[l0new0lf]

انت حظك انك وقعت مع راجل كبير مش بتاع مشاكل
مع انى بعمل اكتر من اللى انت عملته بس انا مانصحش حد يعمل كده (لانى عارف كويس انا بعمل ايه و بتعامل ازاى و بسرعه و معنديش استعداد اضيع اليوم فى اقسام البوليس و مش منتظر فلوس تصليح من واحد سواق و لو غالبا لو قليل الادب هيصلح عربيته بتمن التلفيات الى عندى و هيتعالج كمان )
انت كده كده هتصلح لنفسك
ف تصلح لنفسك, و الا تتبهدل على ايد واحد عربجى مالهوش ديه (و مبلبع حاجه) و ممكن ينزل يخبطك بحاجه وممكن زمايله يقفوله و يجاملوا على حساب صحة سيادتك, و برضه هتصلح لنفسك!

[karimone]

طب ماقولتش... انت بتعمل ايه علشان نستفيد منك... و ممكن نعمل زيك برده..!!!!

[shenoo]

والله انت معلم...ربنا يكتر من امثالك..و يا رب بتوع الميكروبصات و الاتوبيسات يتعلموا شوية ذوق في السواقة..