ما تيجو نضحـك شويــــات :)

[نور العمر]

ايوة كدة صح ....ألف صح
أن نور العمر ترجع تتألق من جديد بمشاركة جديدة و جميلة
نورتى بيتك يا نور العمر بين جميع أخوانك الى بيحترموكى جدا و بيقدروكى و يعزوكى
و شكرااا على تلبية النداء و تقديرك لنا جميعا
بس انا لسة مضحكتش
هى فين النكت انا مش شايف حاجة
طيب زى بعضة
انا هبدأ اول نكتة
=============

فية واحد غبى جداااااا جدااااا حالتة من الاخر بلهة
مالوش فايدة فى الحياة ...قرر انة ينتحر
وهو رايح ينتحر قابلة واحد جارة معرفة ...قال لة رايح فين يا فلان
قالة والله قررت انتحر انا ماليش لزمة فى البلد و لا بفهم اساسا و لو حد سألنى أى سؤال مش بعرف اجاوب
قالة ياراجل لالالالالالا
انت لا غبى و لا حاجة و انا هسألك سؤال و هتجاوبة و مش هتنتحر إن شاء الله
اوكى
قالة فية حاجة لونها ابيض و بيضاوية و شكلها زى اسمها زى لونها و بتطلع كتاكيت ؟؟؟؟
...مش عارف
قالة يااااااا أخى بيضة
كرر نفس السؤال بالمثنى
...مش عارف

يا اخى بيضتين

التالت شرحة


....مش عارف

ياااااااااا اخى 3 بيضات

اخر سؤال

طيب فية حاجة صغيرة ليها 4 رجلين بتأكل الفئران
و لما تقول لها بسبس تقول نيو نيو

قالة ....
لالالالالالالالالالا مش غبى للدرجة دى قوووى يعنى كدة
4 بيضات


لالالالالالالالالالالا دانت ابن ستين غبى
غور فى ستين داهية انتحرررررررر بدل ما انتحر انا :POINTI~2[2]::POINTI~2[2]::POINTI~2[2]::POINTI~2[2]:

[نور العمر]

المهم .. الراجل الغبى المذكور فى مشاركة د/ اليشع

أصلا كان بخيل جدا كمان ..

جاره أقنعه ما ينتحرش ، وتروح ايام و تيجى ايام و ,.... يتجوز

و يخلف ولد واحد .. حبسه فى البيت ولا مدارس و لا مصاريف

ولا دياولو .. الواد كبر لحد ما بقى فى العشرينات وف يوم الواد حس

بزهق شديد .. عاوز يهج م البيت بس مافيش فلوس ، طب يجيب

فلوس من أبوه أزاى وهو عارف ان اقصى فلوس ممكن تخرج من

جيب أبوه هى اتنين جنيه ؟؟؟؟

اخيرا هداه مخو ان الصبح يقول لابوه عاوز اتنين جنيه ........

فطر ابوه و غلى له تفل الشاى بتاع العشا ، ولما لاحظ على ابوه

امارات المخمخه قال له : أبه أبه أبه

ابه : فيه ايه ياه ؟
الواد : ابه عاوز اتنين جنيه بس .

أبه : ليه يخرب بيتك ؟

الواد :يابه ما توجعش قلبى أدينى اتنين جنيه عاوز ازور صاحبى

حسنين ..

ابه بعد تفكير طول النهار : ياد .. ياد .. ياد

الواد : نعم يابه ؟

ابه : خد جنيه ..... وروح ل حسن .

كتر خيره أهو إداله جنيه في الأخر

[نور العمر]

هههههههههههههه

تبرع ولو بجنيه

طيب ما تقوليلنا يا نور انتى مكتئبة من ايه؟؟؟؟

ثانيا هو انتى اسمك نور العُمْر (omr) ولا نور العُمَر(omar)؟

ما ينفعش أقول هنا سبب الاكتئاب عشان انا عاوزة اضحك واشوف الناس كلها بتضحك ..
وأنا إسمي بالعربي نور العُمَر ... يعني نور العمْر بالخليجي

[نور العمر]

:k48::k48::k48::k48:

[A.Saad]

استضافوا واحد في برنامج الكاميرا في الملعب سألوه بتشجع مين قالهم المقاولين العرب قالوله بتحب مين في المقاولين العرب قالهم الجماعة بتوع المحارة


رة واحد بلدياتنا ركب تاكسى وقال للسواق عايز أروح كوكب تانى ، السواق وداه الصحرا ، الراجل بلدياتنا شاف وخلوق فضائى بلدياتنا قاله ايه اللى جابك هنا المخلوق الفضائى قاله و انت ايه اللى جابك هنا أنا حران من الشمس الراجل بلدياتنا قاله وأنا هريدى من الأرض


واحد بيتكلم بالسياسه يقول : كويس ان امريكا اتهمت طالبان ما اتهمتش المدرسة كلها

فيه واحد بلديتنا قرا حكايه ان واحده في امريكا قتلت جوزها والبوليس اكتشف الجريمه بعد 40 سنه لانها دفنت جثه زوجها فى غرفه النوم المهم اخونا عتريس قتل مراته ودفنها فى ارضيه الاوده وتانى يوم البوليس اكتشف الجريمه عارفين ليه مش عشان البوليس شاطر عشان عتريس كان ساكن فى الدور الخامس

[hanystar]

- واحدة سودة قوى ركبها عفريت حاولوا يطلعوه قالهم نفسى أطلع بس مش شايف

- واحد محشش قطع راس أخوه وهو نايم وقعد يضحك ويقول هيتجنن لما يصحى وميلقهاش

- محشش لقى كنز قال كويس فاضل الخريطة

- واحد صعيدى عينوه مدير ملجأ أيتام أول قرار خده إجتماع لأولياء الأمور

- واحدة بتقول لجوزها أطرد السواق دة كان هيموتنى مرتين فى حادثة قالها خلينا نديه فرصة تالتة

- مسطول خبط ظابط وموته راح متصل بـ 122 وقاللهم أنا عايز أبلغكوا إنكم بقيتوا 121

- واحد بيقول لمراته أنا بحب فيتراك جدا قالتله وأنا بحب محمود جدا جدا قالها بس فيتراك دى مربى قالتله ومحمود دة عسل

[نور العمر]

:POINTI~2[2]:
**** حلوين ****
بس مش ملاحظين إن الضحك بقا صعب قوي حد يشارك فيه

[د./اليشع ثابت]

*صعيدي بيتكلم بالسياسه يقول : كويس ان امريكا اتهمت طالبان ما اتهمتش المدرسة كلها

*واحد اسمه نادر تزوج وحدة اسمها نادرة جابو ولد سموه مهدد بالانقراض

*في محشش أذانيه محروقه! سألوه ليش إذنك محروقه؟
قال المحشش: كنت أكوي الغترة ورن الجوال ورديت بالمكوى.
قالوا له والثانيه ليش محروقه؟
قال: ******دق مرة ثانيه!!!


انذار لمخالفة القاعدة رقم 12

مشرف القسم

[نور العمر]

* *واحد اسمه نادر تزوج وحدة اسمها نادرة جابو ولد سموه مهدد بالانقراض

[COLOR=magenta [/COLOR]

[د./اليشع ثابت]

دى بس الى عجبتك

[أشرف العدوي]

ده موقف كان حصلي و كنت قولته قبل كدة في موضوه

عندي حكاية عجيبة شوية حصلت معيا سنة 1999 تقريباً كان لسة شريط تملي معاك نازل اليوم ده ( هو ساعة الموقف انا ما كنتش سايق بس عملت أزمة )

انا ساكن في اول فيصل بعد الكوبري على طول المهم الي عارف المنطقة دي يعرف اد ايه هي زحمة بالذات أشارة شارع احمد كامل مع فيصل في اتجاه الجيزة مع نزلة الكوبري من شارع السودان و الجيزة
المهم انا في اليوم دة نزلت اصلي الفجر و قابلت ناس صحابي في الجامع المهم صلينا و روحنا قعدنا في الكافيه و الوقت سرقنا
الساعة 9 صباحاً
مروح و بعدي الشارع من عند اشارة احمد كامل لقيت نفسي لزقـــــــــــــــــــــــت في الشارع اشد رجلي مش راضية تتشد الشارع وقف و الاشارة وقفت و انا مش عارف فيه ايه المهم بشد رجلي جامد الشبب اتقطع بشد التانية الفردة التانية اتقطعت
ساعتها مخي اتشل عن التفكير بقيت مش فاهم حاجة خالص
المهم العسكري جالي و حاول يفهم انا مش عارف افهمه حاجة لاني اصلاً مش فاهم حاجة و تخيلوا بقى شارع فيصل الساعة 9 الصبح عند اشارة احمد كامل و لا ميدان رمسيس في عز الزحمة
المهم اقعد احاول مفيش فايدة و العربيات تزمر و الناس الي في الاشارة زهقوا و الي عمال يشتم في الحكومة ( مش عارف ليه لحد انهاردة كانوا بيشتموا في الحكومة ) و انا واقف في نص الشارع زي العبيط بجد و الله شكلى كان متخلف
المهم ناس ربنا يكرمهم كانو راكبين ميكروباص مسكوا ايدي و قعدو يشدوا فيا ( على فكرة دي أصعب مرحلة علشان ساعتها كانت رجلي نفسها هي الي لزقت و مع الشد في الم فظيع ) لحد ما طلعت معاهم الميكروباص و نزلوني قدام على جنب
جات واحدة ست كبيرة كانت راكبة عربية لانسر نزلت و فتحت شنطة العربية و اديتني جزمة قالتلي يا ابني انت زي ابني و اخوكم كان نفسه الارض تتشق و تبلعه موقف زي الزفت المهم انا رفض اخد الجزمة خالص و اتصلت بواحد صاحبي جابلي شبب من البيت عنده .

تفتكروا ده حصل ليه

كانو بيسفلتوا الشارع باليل و لما الشمس طلعت سيحت البلاك الي هما بيعملوا بيه الشارع ده و العبد لله كان الضحية
( قعدت حوالي 3 اسابيع ما أعديش من الحتة دي )

و ده لينك الموضوع للي عايز يضحك بجد

http://www.nilemotors.net/Nile/showthread.php?t=28453&highlight=%E3%E6%DE%DD

[wkisho2005]

- واحدة سودة قوى ركبها عفريت حاولوا يطلعوه قالهم نفسى أطلع بس مش شايف

- واحد محشش قطع راس أخوه وهو نايم وقعد يضحك ويقول هيتجنن لما يصحى وميلقهاش

- محشش لقى كنز قال كويس فاضل الخريطة

- واحد صعيدى عينوه مدير ملجأ أيتام أول قرار خده إجتماع لأولياء الأمور

- واحدة بتقول لجوزها أطرد السواق دة كان هيموتنى مرتين فى حادثة قالها خلينا نديه فرصة تالتة

- مسطول خبط ظابط وموته راح متصل بـ 122 وقاللهم أنا عايز أبلغكوا إنكم بقيتوا 121

- واحد بيقول لمراته أنا بحب فيتراك جدا قالتله وأنا بحب محمود جدا جدا قالها بس فيتراك دى مربى قالتله ومحمود دة عسل

هههههههههههههههههههههههههههههههه انت مجررررررررررررررررررم

[أبو إياد]

صبى كسلان جدا شغال مع ميكانيكى كل اما المعلم يقول له هات مفك ، يقول له كمان شويه ...بكره ... مش وقته. ، وفى يوم لمبة الورشة اتحرقت ، المعلم قاله ركب اللمبه قال له دى حاجة سهلة قوى ، وشاله المعلم على كتفة واستنى دقيقة دقيتين ربع ساعه مافيش حاجة ركبت ، قال له المعلم انت مركبتش اللمبه ليه؟؟؟؟؟؟؟؟؟؟؟؟ قال له اللمبه قلاووز وانت اللى مبتلفش يا معلم




مره واحد تاجر كتاكيت ماشي بالعربيه وفيها كتاكيت وقفته لجنه تموين وقال له المفتش: الكتاكيت دي بتأكلهم ايه؟ رد عليه وقال له : ذرة يا بيه..... فقال له المفتش انتو ما بتفهموش حاجة الكتاكيت دي بتاكل علف........ وراح عمله غرامة 1000 جنيه.... راح مشي التاجر بالعربيه وهو في الطريق وقفته لجنه تموين تاني وقال له المفتش انتي بتوكل الكتاكيت دي ايه قال له رد عليه بوكلهم علف يا بيه فقال له المفتش انتي حمار انت بهيم دي بتاكل ذرة وعمل له غرامه 1000 جنيه وبعد شويه وهو ماشي وقفته لجنه تموين تاني وقال له المفتش انت بتوكل الكتاكيت دي ايه قال له يا بيه انا كل يوم الصبح ادي كل كتكوت جنيه وهو ياكل اللي عايزه

مرة واحد كان راجع من لندن فقابلة واحد صاحبة فقال لية: اتعلمت حاجة جديدة يعني اتعلمت انجليزي كويس. فقاله: ايوة طبعا. فقاله: طب يعني إيه تعالى هنا بالانجليزي. قاله: كام هير. ماشي ولما تقوله روح هناك. قاله: بسيطة اروح هناك واقولة كام هير




مره مجموعة نمل متغاظين من فيل راحوا واقفين على شجره ولما كان معدى من تحتها راحوا كلهم نطين عليه علشان يفطسوه راح الفيل هز جسمه فكلهم وقعوا من عليه إلا نمله واحده إسمها فوزى راح النمل إللى تحت مناديين عليه وقالوله ..إخنقه يا فـــــــــــوزى




عملوا مسابقة لتعجيز الكمبيوتر كل ما حد يسأله سؤال يجاوب عليه فى اقل من دقيقة جه واحد بلدياتنا حط ورقة فيها السؤال بتاعه الكمبيوتر اتحرق وطلع دخان قالوا له : سؤالك كان ايه بلدياتنا : جلت له ابو جردان جبل ما يخلف جردان كان اسمه ايه؟




اتنين حراميه دخلوا بيت واحد منهم دخل البلكونه ، شوية وصاحب البيت دخل عليه فقالوه انت بتعمل ايه هنا؟ قالوه انا كنت بحارب اليهود بالطياره و بدمر فيهم ، لحد لما طيارتي عطلت و انا نطيت بالبراشوت و نزلت في بلكونتك ..... قالوه ايوه كده تعجبنى ، مش التاني اللي قاعدلي في البانيو و بيقول علي نفسه من الضفادع البشريه!!

[أبو إياد]

زوج بيتمعن في عقد زواجه
قالتله مراته مالك؟
قالها بدور علي تاريخ إنتهاء العقد

[EslaM_NagY]

واحد راح يستقبل صاحبه الى مسافر بقاله 20 سنة من المطار فلما روحوا الاول بيقول للتانى انت سافر 20 سنة عملت ايه ؟؟
الثانى : انا اتعلمت الفلسفة.
الاول : يعنى ايه فلسفة؟؟
الثانى : صعب شىء اتعلمته فى 20 سنة اشرحهولك فى دقيتين.
الاول : طب اى مثال صغير.
الثانى : طب خد المثال ده – لو ليك واحد صاحبك معاه كلب دا معناه ايه؟؟ معناه ان هم عندهم بيت عشان الكلب – وبما ان هم عندهم بيت عشان الكلب يبقى هم عندهم فيلا وحاطين فى الجنينة بتاعتها بيت الكلب – وبما ان هم عندهم فيلا يبقى معاهم فلوس – وبما انهم معاهم فلوس يبقى ام صاحبك مش حتحتاج تشتغل رقاصة عشان تصرف على البيت – يبقى الفلسفة هى انى عرفت ان ام صاحبك مش رقاصة عشان ابنها معاه كلب فهمت.
الاول اتبسط اوووووووى انو فهم الفلسفة – راجع بقى يتنطط على اصحابه فسأل واحد منهم : انتوا عندوكوا كلب.
صاحبه قالوا لا.
قالو : يبقى انك امك رقاصة.