فضفضة ( متجدد )

[sendrella]

السلام عليكم ورحمة الله و بركاته
اسعد الله مسائكم
انا حبيت اكتب الموضوع ده لان اكيد في ناس كتير اوي مننا محتاجة تفضفض ..
كلنا بييجي علينا اوقات ضعف و بنبقى مخنوقين جدا و بنشوف الدنيا سوده
و اوقات كتير بتضيق اوي اوي في وشنا
و ممكن ندور على حد نحكي معاه منلاقيش
طب ايه الحل :
نبكي ؟
و لا نكلم نفسنا ؟
و لا نكتم احساسنا جوانا و خلاص ؟

اكيد مينفعش نكتم احساسنا .. لازم نتكلم و نعبر عن اللي جوانا عشان بالنا يروق و نفوسنا تهدى و نزيح من على قلبنا هموم كتير اوى معكرة صفو حياتنا ..
نعبر عن اللي جوانا سواء كان حزن او فرح او عتاب او ...... الخ
نشارك بعض في افراحنا و في احزانا و في مشاكلنا
اللي عنده فينا مشكله يعرضها و باقي اخواته من الاعضاء يحاولوا يساعدوه
و حتى لو موجدش الحل الامثل يبقى على الاقل خالص فضفض و ارتاح

فخلونا نفضفض لبعض يمكن نرتاح بعد الفضفضة ..

[sendrella]

و انا هبدأ
عندي مشكلة كبيرة اوي و مكرهاني في حياتي كلها
و ببقى نفسي اسيب الدنيا كلها و اروح مكان بعيد
و لا اشوف حد و لا حد يشوفني ولا اتكلم مع حد و لا حد يكلمني

عندي احساس بالظلم و القهر
و للاسف من ناس كنت اتخيلهم قريبين مننا جدا
المشكلة باختصار خلاف على الميراث مع اهل المرحوم بابا
لكن الجانب المعنوي فيها اكبر بكتير
مكنش حد يتخيل ابدا ان ده اللي يحصل في التوقيت ده من الناس دي
ده مكنش العشم ..

انا بس بطلب منكم الدعاء لنا ان ربنا يرفع عنا ظلم العباد
" و ما ربك بظلام للعبيد "
لكن نقول ايه في البشر
مش هقول غير حسبي الله و نعم الوكيل

[fiatto]

الأخت العزيزة سندريلا
هونى على نفسك واصبرى ، لو مقدر لكم ميراثكم هتحصلوا عليه بإذن الله ، ولو مش مقدر لكم فصراع الأقارب معكم بمثابة سبب لابعاده عنكم ، وفى جميع الأحوال يجب أن نؤمن بأنه من السذاجة عدم التسليم بضعف النفس البشرية حتى لو كانت من أقرب الأقرباء ، مثل تلك المواقف يجب أن تكون بمثابة خبرة ومعرفة أكثر بالوجه الحقيقى للحياة وللبشر ، ومع كل صدمة ينضج الانسان ويتخلى عن جزء من سذاجته وبرائته.
لا تتركوا حقكم واستعينوا بالله على مكائد الأعداء وعلى الصدمة فيمن احتسبتموهم أخلاء.

[max_ziro]

ربنا معاكى
اكثرى من الدعاء ...

[pro_samir]

عادى
انا جدى متوفى بقالة 10 سنين تقريبا ولحد الأن مطولناش حاجة من الميراث
و حسبنا الله

[ahmad--ezzat]

عادى
انا جدى متوفى بقالة 10 سنين تقريبا ولحد الأن مطولناش حاجة من الميراث
و حسبنا الله

ربنا يجبلك حقك

[sendrella]

الأخت العزيزة سندريلا
هونى على نفسك واصبرى ، لو مقدر لكم ميراثكم هتحصلوا عليه بإذن الله ، ولو مش مقدر لكم فصراع الأقارب معكم بمثابة سبب لابعاده عنكم ، وفى جميع الأحوال يجب أن نؤمن بأنه من السذاجة عدم التسليم بضعف النفس البشرية حتى لو كانت من أقرب الأقرباء ، مثل تلك المواقف يجب أن تكون بمثابة خبرة ومعرفة أكثر بالوجه الحقيقى للحياة وللبشر ، ومع كل صدمة ينضج الانسان ويتخلى عن جزء من سذاجته وبرائته.

لا تتركوا حقكم واستعينوا بالله على مكائد الأعداء وعلى الصدمة فيمن احتسبتموهم أخلاء.

معاك حق في كل كلمة قلتها يا فياتو
ما هي معادن الناس مش بتبان غير في الاوقات دي
كل شيء بينهار امام الماديات

و حسبي الله و نعم الوكيل

[sendrella]

عادى
انا جدى متوفى بقالة 10 سنين تقريبا ولحد الأن مطولناش حاجة من الميراث
و حسبنا الله

حسبنا و حسبك الله و نعم الوكيل
اللهم اعنا على من ظلمنا

[نور العمر]

سندريلا .... حبيبتي
عاوزة أقولك حاجة مهمة ..... متتعشميش في مخلوق مهما كان درجة قرابته .... ولتعلمي .... إن الصدمات إللي حتقابلك في الناس كل ما العمر يمر بيكي .... أكبر بكتير من إللي شوفتيه وإللي حتشوفيه ... حاولي تقوي نفسك ومعنوياتك ... وتوكلي على الله .... للأسف ... ولا حول ولا قوة إلا بالله ... اهنا بقينا نشوف أيام مفيش خير في حد ولا في مخلوق .... مهما كانت درجة قربته
حصني نفسك بمستقبلك .... ومتحاوليش تبقي تابع لأي ظرف ... اتظلمتي في الميراث ابحثي عن العمل واجعلي راتبه هو ميراثك الحقيقي من الدنيا .... لا تعتمدي على أحد ..مهما كان عشان مش حتاخدي من حد إللي بتحلمي بيه أو بتتمنيه حتى لو كان أقل وأبسط الحقوق .... كوني جاهزة لمفاجآت الحياة .... وربنا يعينك ويحفظك .... ويكتبلك كل خير ... وينصرك بإذن الله

آسفة ... مش عاوزة أخوفك من الدنيا ... عاوزاك بس تعرفيها على حقيقتها ... دنيا .... من الشئء الأدنى ... سبحان الله

[eng.octooo]

موضوع مميز
انا بقا مشكلتى انى طيب شوية فبحس ان الناس كلها بتحاول تستغلنى مش عارف دة عادى من الناس الى حوليا ولا اية

[sendrella]

للاسف يا نور هو ده بقى الواقع المرير
و هي دي بقت الناس فعلا
معاكي وش و من وراكي الف وش
عايزة اقوللك ان انا مش مصدومة ولا حاجة
انا متوقعه كدة من الاول بس كان نفسي يخلفوا ظني

و كفايا اني اقول حسبي الله و نعم الوكيل
ربنا ينتقم من الظالمين
و انا بشكرك اوي على كلماتك الصادقة المعبرة

[sendrella]

موضوع مميز
انا بقا مشكلتى انى طيب شوية فبحس ان الناس كلها بتحاول تستغلنى مش عارف دة عادى من الناس الى حوليا ولا اية

اوكتو خليني اكون صريحة معاك
اللي عندك دي مشكلة
ممكن البعض ميعجبوش كلامي
لكن والله زمننا ده مش زمن طيبة
و كل ما هتكون طيب كل ما الناس هتستغلك اكتر
ما هي اصلها خلاص بقت غابة
كل اللي يقدر على حاجة يعملها
ناسيين قدرة المنتقم الجبار ..

انصحك حرص و لا تخون
الطيبة المفرطة دي مش بتاعة الوقت ده ولا الناس اللي فيه

[fiatto]

الأسوأ من كدة يا جماعة ان التبسط مع الناس والتواضع لهم والسير على مبدأ أذلة على المؤمنين ، بقى يتفهم انك اهبل ويخلى أسافل الناس تتجرأ عليك ، ولما تبقى وقح وهجومى وبراوى الناس تتجنبك وتسترضيك

[eng.octooo]

اوكتو خليني اكون صريحة معاك
اللي عندك دي مشكلة
ممكن البعض ميعجبوش كلامي
لكن والله زمننا ده مش زمن طيبة
و كل ما هتكون طيب كل ما الناس هتستغلك اكتر
ما هي اصلها خلاص بقت غابة
كل اللي يقدر على حاجة يعملها
ناسيين قدرة المنتقم الجبار ..

انصحك حرص و لا تخون
الطيبة المفرطة دي مش بتاعة الوقت ده ولا الناس اللي فيه

والله كلامك صح وانا هاحاول

[نور العمر]

كلامك صح يا سندريلا ....
وكلامك 100000000000000000%000000 صح يا فياتو
للأسف الشديد
والسؤال هنا هو ...... إزاي نقدر نعيش على طبيعتنا وفطرتنا الطيبة مع ناس مينفعش معاهم كدة ؟
وهل الحل إننا نتوحش ... طب حنعلم ولادنا إيه .... الطيبة الحقيقية إللي جوانا ... واللا الوش إللي لازم يتعاملوا بيه مع الناس ؟؟؟؟؟
سؤال محيرني وقاتلني ؟؟ وخصوصاً
بعاني مشكلة كبيرة مع الناس إني جد وواضحة وصريحة ومش بمليون وش ؟؟؟؟ وده ما ينفعش للأسف ؟؟؟ لازم ألون ساعات بجاري الأمور وساعات بزهق واقلب التربيزة على الجميع!!!!!!!
هيــــــــــــــــــــــــــــــــــــــه . . . دنيـــــــــــــــــــــــــــــــــــــــا