فضفضة ( متجدد )

[أبو إياد]

كلنا بنقول الناس بقت وحشة ... وناسيين إننا بردوا ناس ... يعني أكيد احنا حلويين في وسط الناس الكتيير الوحشيين دووووول... اتمنى ذلك ... وأتمنى نربي ابناءنا على مكارم الاخلاق ... ونزرع نبتة من الناس خيريين .. أهو كله صلاح في المجتمع ..

اه بس المشكله يا استاذه ان احنا اتربينا على الكلام ده وفى الاخر احنا تعبانيين وبنشتكى
ده مش معناه ان احنا نهمل فى تربيه اولادنا انما نشوف ايه اللى كان ناقص فينا ولما احتجناه ماقدرناش نعمله ونزرعه ونعلمه لاولادنا

[SHNORY]

الحمد لله انه الموضوع انتهى نهاية كويسة

عقبالنا بقى لما نخلص احنا كمان و نسترد حقوقنا
احنا ممكن نكون فعلا يا شنوري ناقصنا التخطيط المحترم اللي بتقول عليه ده
عشان احنا اصلا كلنا خبرتنا في الحياة قليلة و منعرفش الا الاساليب الدوغري
لكن هم مااااااااشاء الله عليهم
اساتذة في الملاوعة و تغيير الحقائق
حسبي الله و نعم الوكييييييييل

ادعيلنا ربنا يكشف عنا الغمة دى بقى

والله يا سندريلا الموضوع مش صعب بس هو بيحتاج شويه تركيز وفهم للنفسيات المحيطه بيكي واي حد ممكن يعمل كده بس لازم يتحكم في اعصابه ويفكر كويس ومش حتخسري حاجه بالمحاوله
حاولي تكسبيهم وتقربي منهم حتي لو من ورا قلبك لحد ما توصلي للي انتي عاوزاه وكخطوه مبدئيه ممكن تحاولي تقربي منهم وترجعي علاقات القرابه (شكليا بس لحد ما تاخدي حقك )
ولو عاوزه مشوره فانا ممكن اكون معاكي خطوه بخطوه
بس لازم تحسسيهم انك متساويش من غيرهم وانك ضعيفه ومحتاجه حمايتهم قبل ما تكوني محتاجه حقك منهم
من الاخر كده لازم تتسللي جوه دفاعاتهم علشان تعرفي اولك من اخرك وتقدري تحددي حقوقك فين وتاخديها كمان

والله يا جماعة واستغفر الله العظيم .. أنا في موضوع الميراث ده وفي حالة البنات ... بفضل أن يتصرف المالك في ماله على عين حياته... إما بتأمين بناته كما يجب وترك جزء من الميراث للقسمة الشرعية .. وإما الوصية للبنات بـ 1/3 التركة مع نصيبهم في النص والباقي من النصف الآخر يكون لصالح الورثة الآخرين ...
مبحبش تتساب عايمة لان الناس بقت وحشة ومتصدق ... ومحدش بيفكر في أي أولويات .. أو المفروض .. أو الأصول المهم يورث
أما بالنسبة للمعاش .. أفضل تكون مكتوبة فيه وصية أن تكون للزوجة والابناء فقط ... ده بصراحة ... أو الابناء فقط ... ده لو ظروف أمه وأبيه كريمة ومش محتاجين شئء فعلاً ... وربنا يرحم الجميع ... الأحياء والأموات .

دا حيكون درس لينا احنا في المستقبل اننا منثقش في ان فيه حد غيرنا حيجيب حقوق اولادنا من بعدينا

[sendrella]

والله يا سندريلا الموضوع مش صعب بس هو بيحتاج شويه تركيز وفهم للنفسيات المحيطه بيكي واي حد ممكن يعمل كده بس لازم يتحكم في اعصابه ويفكر كويس ومش حتخسري حاجه بالمحاوله
حاولي تكسبيهم وتقربي منهم حتي لو من ورا قلبك لحد ما توصلي للي انتي عاوزاه وكخطوه مبدئيه ممكن تحاولي تقربي منهم وترجعي علاقات القرابه (شكليا بس لحد ما تاخدي حقك )
ولو عاوزه مشوره فانا ممكن اكون معاكي خطوه بخطوه
بس لازم تحسسيهم انك متساويش من غيرهم وانك ضعيفه ومحتاجه حمايتهم قبل ما تكوني محتاجه حقك منهم
من الاخر كده لازم تتسللي جوه دفاعاتهم علشان تعرفي اولك من اخرك وتقدري تحددي حقوقك فين وتاخديها كمان

والله يا شنوري بحاول بكل جهدي اعمل كدة و اني ابتسم في وشهم
و ببقى مشمأزة جدا من مجرد المحاولة دي
و ان احنا بنات بقى و ملناش غيرك يا عمي و الكلام ده
بس محدش عبيط في الزمن ده والله يا شنوري
ده للاسف يوديني البحر انا و مية زيي و يرجعنا عندنا جفاف
و هو كمان على فكرة عايش الدور معانا عالاخر
انا بابا و انا ماما و انا انور وجدي و الكلام ده
و احنا طبعا وراه .. انت بابا و انت ماما و انت انور وجدي برده
عارف بقى نظرية مبروم على مبروم
اهو الوضع كدة بالظبط
طب ياريت الاقي عندك الحل الامثل و التخطيط السليم
دي تبقى خدمة العمر لبنات مسكينات يتيمات مكسروات الجناحات :K_crying[1]:

[نور العمر]

حسستني يا شنوري .. إن سندريلا داخلة الكنيسيت ...... ربنا يستر

[Fadi Ezzat]

موضوع مميز
انا بقا مشكلتى انى طيب شوية فبحس ان الناس كلها بتحاول تستغلنى مش عارف دة عادى من الناس الى حوليا ولا اية

انا زيك بالظبط ونفسى الاقى حل للمشكلة دى

[نور القمر]

انا زيك بالظبط ونفسى الاقى حل للمشكلة دى

انا كنت زيكم الناس بتستغلني ومازلت بس قاومته الى حد ما
يعني لما الاقي حد يستحق وهو كشخصية مش هايتأخر لو احتجته مش ببخل عليه بأي خدمة
لكن لما الاقي شخص مستغل ومعندوش اي استعداد لرد الجميل بنسحب بهدوء او بطنشه او لو رخم اوي ولحوح اجيبهالو على بلاطه

[SHNORY]

حسستني يا شنوري .. إن سندريلا داخلة الكنيسيت ...... ربنا يستر

والله يا نور الواحد لو داخل الكنيست اهو بيبقي عارف انه داخل وسط يهود وعلي فكره بعيدا عن موضوع انهم يهود فاليهود احسن ناس في التعاملات الماديه وكلمتهم ليها احترامها (دا علي مستوي البيزنس )ورجال اعمال ناجحين جداااااااااا
انما النوعيه التانيه بتاعتنا فدي بتبقي كانك داخله وسط عقارب وتعابين ويهود وذئاب وتبقي عامله زي اللي بيحارب علي مليون جبهه