فيرس قنوات ميلودى فى تزايد ويقتحم بيوتنا يوميا ..........

[sokasoon]

بعد ما قريت الموضوع امبارح كنت بقلب في التلفزيون بالصدفه و لقيت ميلودي افلام في وشي قولت يمكن يكون فيها فيلم ولا حاجه.
لقيت شاب الاعلانات بتاعهم في تحدي جديد و اعلان اتفه و اقذر مما تتصورون .موجود اليه بقي؟
واحد واقف و عامل فيها ظريف و بيقول نكت و الشاب بتاع ميلودي و مراته اياها اللي انتو عارفينها دي و ابنهم الاسمر اللي طالع في البخت جديد ماشيين ف سمع صاحبنا اللي و هو بيستظرف مع حابه قام لابس النظاره بتاعه و لما لبسها شاف الشاب اللي بيستظرف علي شكل بيضه!!!!!!(طبعا كل الشباب فهمت هما قصدهم ايه )
و قام طاير مكسر الراجل اللي وقع علي الارض علي شكل صفار و بياض........
شوفتوا الوقاحه يا تري مفيش حد بيقف للناس دي خالص كده دا بقت مسخره بجد

• مش كده وبس يا حازم اكتر من كده كمان
  
  فى اعلان فيه فتاه فى البلكونة وترقص بملابس داخلية رجالية
  
  وقال ايه بتقلد شاكيرا شوفت اكتر من كده وقاحة

[sokasoon]

• نتيجة التصويت لحد دلوقت
  
  نعم اشاهدها دائما
  17% [ 5 ] عدد المصوتين
  
  اشاهدها احيانا انا واسرتى
  48% [ 14 ] عدد المصوتين
  
  لا لم اشاهد هذه القنوات
  34% [ 10 ] عدد المصوتين
  
  مجموع التصويتات : 29
  
  وده بيدل انهم نجحو فى انهم يجذبو الشباب بطريقتهم القذرة
  
  وغالبا الاسرة تشاهد هذه القنوات

[Abdallah]

بالطبع انا اتفق معكم فى ان اسلوب الاعلانات تجاوز كل الخطوط الحمراء وهذا لا يصح ولكنى مجبر ان اشاهد هذا العبث احيانا, هتقولولى ليه هقولكم علشان بنتى بتعشق اغنية نانسى عجرم بتاعة الاطفال دى وطبعا علشان تاكل لازم نجيبلها طنط نانسى وانتوا عارفين الباقى بقة.
عايز انوه على حاجة يا شباب وهو انى ممكن انتقد اى شىء واى شخص ولكن بعيدا عن التجريح يعنى من الاخر كدة بدون شتيمة, وانا مش عايز حد يقول انى بحجر على حريات والكلام الكبير دة, انا مجرد مش عايز حد يدخل عندنا ويقول علينا ناس لسانها طويل ولا انتوا ايه رأيكم؟؟؟

[Karim_Monir]

انا شيلت كل قنوات الاغاني من بيتي تماما
وكمان القنوات زي ميلودي الزبالة دي اول ما ابتدوا تحدي المل شلتهم
اجمل ما في الموضوع ان زوجتي لما بتشوف حاجة مش كويسة في اي قناة بتقول للبنت ده غلط وتخليها هيا تدور وشها او تغمض عينيها
لانها لو انا طفيت او شيلت هايجي يوم وتشوفه عند زميل او قريب او في اي حتة
فيبقي لازم الدافع والحافز موجدين جواها مش من برة

ربنا يتوب علينا منهم
بس اجمل ما في الموضوع ان ربنا بيعلي فيهم عشان ياخدهم اخذ عزيز منتقم