اللحيه في مصر

[Islam_galal]

أعتذر لو اسلوبي به بعض العنف

لماذا نسطح الدين و نختذله في اللحية؟؟؟؟؟
لماذا أصبحت اللحية فقط كافية للحكم علي الناس بالتقوي أو النفاق ؟؟؟؟

لماذا نترك مايرضي الله حتي نعالج قصور الناس في التفكير؟

لماذا نترك ما يرضي الله حتي نرضي الناس ؟

لماذا ؟

[deee]

نفسى الناس تفهم حاجة مهمة جداً ..

الدين عبارة عن (جوهر) وليس (مظهر) ..

اللى عايز يفهمنى إن واحد طالق لحيته لحد بطنه هيبأه بنى آدم مبيغلطش ..

والبنت اللى مش لابسة حجاب تبأه عاهرة وتستاهل الحرق ..

يبأه بيضحك على نفسه .

[ecybrarian]

واضح ان حضرتك لم تقرأ الموضوع جيدا
النقاش بعيد كل البعد عن النقاش الشرعي
هو نقاش حول الحكم علي الناس مسبقا بدون سبب حقيقي و الاساءة للاسلام من خلال هذا الحكم

استاذ عصام: "فقط اردت أن احذر من المراءاة ..."

[Islam_galal]

الدين جوهر و مظهر

روى البخاري ومسلم وغيرهما عن عبد الله بن عمر رضي الله تعالى عنه قال: قال
رسول الله صلى الله تعالى عليه وسلم: (خالفوا المشركين، وفروا اللحى وأحفوا الشوارب)
إذا المطلوب المحافظة علي مظهر معين مميز للمسلم

لماذا نعتبر اللحية دليل ان الانسان لا يخطئ

[Ahmed Eraqy]

نفسى الناس تفهم حاجة مهمة جداً ..

الدين عبارة عن (جوهر) وليس (مظهر) ..

.

الدين جوهر و مظهر معا

[ahmed1981]

حضرتك فهمت كلامى غلط تماااامااا ...
معلش اسمحلى اوضح لك قصدى .
انا اقصد بملهاش اخر يعنى انها مش هتتحل الا لما ينصلح حال الناس .
ثم الرجل اللى انا وصفته ده مثال للمُلتحى الذى يتكسب بطريقة غير شرعية و ممكن يشوه صورة بقية المُلتحين مش اكتر يعنى ...
ثم كمان اللى يلتحى يلتحى واللى ميلتحيش ميلتحيش .
ما الشيخ خالد الجندى وعمرو خالد وغيرهم كثير جدا غير ملتحيين ..
كل واحد حر فى نفسه وانا مغلطتش فى حد ..
بس مادام البلد اللى انت فيها الارهابيين و المتطرفين بيستخدموا اللحية كنوع من النفاق لتحقيق رغباتهم .
يبقي ليه اجيب لنفسي المشاكل واضع نفسي فى محل شبوهات ...
الدين يسر و ليس عسر والاعمال بالنيات واكيد ربنا هيجازيك خير لو خففت لحيتك علشان المشاكل لانه ادرى باحوال الناس ..

البلد هي مصر
فين الإرهاب وفين التطرف ؟؟؟؟؟
الإرهاب إنتهى من مصر منذ فترة
وحتى لو فيه إرهابيين متخفيين تعتقد إنهم سيكونون ملتحين؟؟ كده يبقوا في قمة الغباء وهيتمسكوا بعد خمس دقائق
أكيد هيكونو حالقين وشهم وقفاهم كمان ومسقطين البنطلون والسجاير لا تفارق أفواههم
وبتلك الصفات يستطيعون الهروب من أعين الشرطة الساذجة في مصر

وتخيل إنه في بلد مثل تونس وهي أسوء بلد عربي وبها من الإنحلال الأخلاقي ما يندى له جبين بعض الغربين التي تحاول التمسح بهم حياءاً
المهم
أحد الناس من تونس يقول إنه عندما يقوم ليتوضأ لصلاة الفجر ويخطئ ويضيء أنوار الشقة بطريقة ملفته
ثم ينزل ليصلي الفجر
يفاجأ بعدها بأنه مدعو للتحقيق للتأكد من أنه ليس إرهابي

تفتكر الحل يسيب صلاة الفجر
لا طبعاً

الحل اللي بيعمله إنه بيتسلل ليصلي الفجر في المسجد كأنه لص
ولا يسلم على أي أحد خاصة الملتحين في الطريق

تخيل الموقف التالي والذي حدثني به تونسي كان في زيارة لمصر
إذا أراد أن يتكلم مع صديق له ملتحي في الشارع
يقفان موجهين ظهريهم لبعض وبينهم مسافة عدة أمتار ويتكلمون وكل واحد موجه وجهه لجهة أخرى ويمسك جريدة أو يشرب حاجة ساقعة
تخيل الموقف
طبعاً لأن عندهم الغباء زاد عن عندنا فأصبح إذا تكلم إثنان ملتحيان في الشارع فمعناه أنهم يخططون لقلب نظام الحكم

طبعاً مهما حصل فلن نأخذ تصريحا بتعطيل أحكام الإسلام وسننه للتهرب من إساءة الأحكام المسبقة من بعض أفراد ومؤسسات المجتمع

فالحال في مصر أفضل بكثير من تونس وغيرها
ورغم ذلك هم يصرون على سنة نبيهم صلى الله عليه وسلم ويطلقون لحاهم
ونحن ولله الحمد حالنا أفضل

[deee]

يعنى انا إماكنتش اربى دقنى والبس جلبية ..
وامسك السبحة فى إيدى .. والبش شال على راسى ..
واتكلم بالعربى الفصيح ..
اكون مش مسلم .. منحل .. متطرف .. فاسق ..


لأ كلام منطقى فعلاً .

[عمرو عمارة]

يعنى انا إماكنتش اربى دقنى والبس جلبية ..
وامسك السبحة فى إيدى .. والبش شال على راسى ..
واتكلم بالعربى الفصيح ..
اكون مش مسلم .. منحل .. متطرف .. فاسق ..


لأ كلام منطقى فعلاً .

يا سيدي الفاضل ماحدش قالك البس جلبية وشال وإمسك سبحة وإتكلم عربي فصيح

اللحية فرض سواء كنت ملتزم أم غير ملتزم.....زي الصلاه كده بضبط.....ممكن تلاقي واحد بيصلي وبيسمع أغاني أو بيشرب سجاير عافانا الله وإياك

[زهير فكري]

انا سعيد جدا بهذا النقاش المحترم الراقي ,بس عشان نوضح الموضوع و نحدد الهدف الحقيقي منه و هو انه لا يختلف اثنين ان تربيه اللحيه شيء محمود و مرغوب و سنه مؤكده ( علي حسب علمي و يراجعني احد اذا كنت علي خطأ) و لا ينكر ذلك احد , و الدليل علي ذلك استخدام المحتالين اللحيه دلاله علي مكانتها و ان من يطلق اللحيه وصل الي مرتبه عاليه من الورع و مراقبه الذات او عالم ذو شأن كبير , و لكن ما ذكرته في مشاركتي السابقه كان مجرد تحليل لسلوك و شخصيه انماط معينه من البشر في الحياه اليوميه او اعرفهم عن قرب , و ليس هجوما علي اللحيه و تربيتها لا سمح الله , اي انني ارصد الواقع( يعني ببساطه فانا اتتبع الفكره التي قادت هذا الشخص لتربيه لحيته او الدافع وراءاطلاقه فلو كان دافع ايماني بحت فهنيا له علي ذلك اما لو كان دافع ظاهري فسيتحول الي النماذج اللي ذكرتها) , و انا لا انكر ان في ناس محترمين و يخافون الله و ملتحيين و لكن دول قله قليله جدا تكاد تكون نادره , لذلك فمن الافضل ان تتعامل مع الاشخاص بسلوكياتهم و اللحيه دي تخصه هو و ده اللي بحاول اعمله الآن .و شكرا مره تانيه

[ecybrarian]

وتخيل إنه في بلد مثل تونس وهي أسوء بلد عربي وبها من الإنحلال الأخلاقي ما يندى له جبين بعض الغربين التي تحاول التمسح بهم حياءاً
المهم

أخي الفاضل..انا معك تماما في إن تونس من الدول التي لها اتجاهات رسمية غبية (واكرر رسمية) ضد الإلتزام الديني وهذا ما نرفضه تمام الرفض. لكن صدقني يا أخي أن التوانسة في مجملهم شعب يخاف الله. مثلهم في ذلك مثل كل شعوب المنطقة وكل المسلمين. ولعلك تعرف أن أحد علماء الإسلام التوانسة وهو الشيخ والعالم الجليل محمد الخضر حسين كان شيخا للأزهر في الفترة ما بين(1952م - 1954م) ايام ما مكان اختيار شيخ الأزهر بالإنتخاب بين صفوة العلماء.

اما الإنحلال الموجود في تونس فهو لا يزيد عن ما هو موجود في مصر أو دول أخرى كثيرة حولنا.

بالمناسبة أنا زرت تونس وأعرفها جيدا

[deee]

يا سيدي الفاضل ماحدش قالك البس جلبية وشال وإمسك سبحة وإتكلم عربي فصيح

اللحية فرض سواء كنت ملتزم أم غير ملتزم.....زي الصلاه كده بضبط.....ممكن تلاقي واحد بيصلي وبيسمع أغاني أو بيشرب سجاير عافانا الله وإياك

ممكن اعرف حضرتك فرضتها بناءاً على اى اساس ؟؟

من وانا (عيل صغير) وانا اعرف ان ال(دقن) سنة مش فرض ..

ممكن تفيدنى .. جزاك الله كل خير .

[ahmed1981]

يعنى انا إماكنتش اربى دقنى والبس جلبية ..
وامسك السبحة فى إيدى .. والبش شال على راسى ..
واتكلم بالعربى الفصيح ..
اكون مش مسلم .. منحل .. متطرف .. فاسق ..


لأ كلام منطقى فعلاً .

حضرتك ممكن تقرأ الموضوع من الأول وتعرف هو بيتكلم في إيه وبعدين ترد

[ahmed1981]

أخي الفاضل..انا معك تماما في إن تونس من الدول التي لها اتجاهات رسمية غبية (واكرر رسمية) ضد الإلتزام الديني وهذا ما نرفضه تمام الرفض. لكن صدقني يا أخي أن التوانسة في مجملهم شعب يخاف الله.

أنا عارف كده
وحضرتكم اللي فهمتني غلط

ولو راجعت كلامي هتلاقيني بتكلم عن راجل متدين بصلي الفجر وملتحي والضغوط الحكومية هناك عليهم

[abdalla45]

اللحيه اختلف العلماء فيها فمنهم من قال انها فرض ومنهم من قال انها سنه ..(يعني يا فرض ياسنه) وجاء اليوم اللي لو الانسان نفذ امر الله تعرض للسخريه والاضطهاد من مدعي الحريه والديموقراطيه ...يعني لو واحد عمل شعره سبايكي ولا لبس سلسله ولا ربى ذقنه زي تامر حسني ..قلنا عليه انه حر في اللي يعمله ودي حريه شخصيه ...ولو واحده ماشيه في الشارع من غير هدوم قلنا عليها حره في حياتها الشخصيه ...انما الناس في مصر بتتجنن لو شافوا واحد او واحده ملتزمين بتعاليم الله ..لو واحد ملتحي ومقصر الجلابيه ولا واحده منتقبه قلنا عليهم متشددين وفاهمين الدين غلط وبيحسسونا اننا كفره وكلهم منافقين .. وعالفكره انا مش ملتحي ..ليه مايبقاش عندنا حريه شخصيه ..ونسيب الملتحيين في حالهم زي ماسيبين الشباب اللي مسقط بنطلونه ومبين البوكسر ...وبعدين تسمع واحد يقولك ياعم الملتحين دول كلهم ولاد .......... ليه ياعم؟ ..اصلي روحت عند ميكانيكي ملتحي وخربلي العربيه وسرقني ..يعني علشان واحد تشتم الملتحين كلهم وتعمم ....ياريت الناس تسيب الناس دول في حالهم وتسيبوهم يطيعوا امر الله ...ومايسخروش من امر من اوامر الله عز وجل.......وشكرا

معروف بردودك الجميله بس بصراحه ياريت الى يكتب رد فخير الكلام ما قل ودل عشان المواضيع بتبقى طويله وبتعمل ملل للى بيقرأها وشكرا ليكو كلكو

[Terrible_DaRsH]

طب يا استاذ اسلام و يا استاذ احمد ..
ايه هو حل المشكلة !!
بعيد عن الارهاب خالص ولو ان فى فترة ظهرت جماعات تحت باند الدين وعملوا عمليات ارهابية ..

احنا دلوقتى قدامنا مشكلة ..

يا ترى حلول حضراتكم ايه للموضوع ده . !!

بس صدقونى مش هتلاقوا حل للمشكلة دى وحتى لو فكرتوا فى وجود حل لها ..

لان اللى فى القلب لا يعلمه الا الله وطرق العلاج بتاتى عن طريق التحاور والفكر الجديد وانا معتقدش اننا هنقعد مع كل واحد مُلتحى ونشوفه هل هو متدين صحيح ام متطرف ..

ودى والله يا جماعة مش سلبية ولكن دى الحقيقة ..

و يا ريت محدش يفهم الكلام غلط او يفسره على كيفه ..
شكرا .