هم يبكى وهم يضحك

[osamaesm]

أستاذ كريم / ممكن تقوله يشغلنى عنده حتى سلكه كهربا للمبة اللى مش بتنور دى وقوله مش هاخد كتير يادوب 8000 يورو بس فى الأسبوع
يا عينى على الـعز - اللهم لا حسد
صحيح يا ولاد
هم يضحك - و هم يبكي- و هم بورجر - و هم يا جمل

انا ممكن اشتغل ب 4000
انا برده بشوف حجات كده بتيجي من بره بحس انها منتهي السفه

[madyyuri]

عن
خالد بن الوليد رضي الله عنه قال : جاء أعرابي إلى رسول الله صلى الله
عليه وسلم فقال : يا رسول الله : جئت أسألك عما يغنيني في الدنيا والآخرة
فقال رسول الله صلى الله عليه وسلم سل ما بدا لك :

قال : أريد أن أكون أعلم الناس فقال صلى الله عليه وسلم : اتق الله تكن أعلم الناس.

قال : أريد أن أكون أغنى الناس فقال صلى الله عليه وسلم : كن قانعا تكن أغنى الناس.

قال : أحب أن أكون أعدل الناس فقال صلى الله عليه وسلم : أحب للناس ما تحب لنفسك تكن أعدل الناس.

قال : أحب أن أكون خير الناس فقال صلى الله عليه وسلم : كن نافعا للناس تكن خير الناس.

قال : أحب أن أكون أخص الناس إلى الله فقال صلى الله عليه وسلم : أكثر ذكر الله تكن أخص الناس إلى الله.

قال : أحب أن يكمل إيماني فقال صلى الله عليه وسلم : حسن خلقك يكمل إيمانك.

قال : أحب أن أكون من المحسنين فقال صلى الله عليه وسلم : اعبد الله كأنك تراه وإن لم تكن تراه فإنه يراك تكن من المحسنين.

قال : أحب أن أكون من المطيعين فقال صلى الله عليه وسلم : أدّ فرائض الله تكن من المطيعين.

قال : أحب أن ألقى الله نقيا من الذنوب فقال صلى الله عليه وسلم : اغتسل من الجنابة متطهرا تلقى الله نقيا من الذنوب.

قال : أحب أن أحشر يوم القيامة في النور فقال صلى الله عليه وسلم : لا تظلم أحدا تحشر يوم القيامة في النور.

قال : أحب أن يرحمني ربي يوم القيامة فقال صلى الله عليه وسلم : ارحم نفسك وارحم عباده يرحمك ربك يوم القيامة.

قال : أحب أن تقل ذنوبي فقال صلى الله عليه وسلم : أكثر من الاستغفار تقل ذنوبك.

قال : أحب أن أكون أكرم الناس فقال صلى الله عليه وسلم : لا تشكو من أمرك شيء إلى الخلق تكن أكرم الناس.

قال : أحب أن أكون أقوى الناس فقال صلى الله عليه وسلم : توكل على الله تكن أقوى الناس.

قال : أحب أن يوسع الله عليّ في الرزق فقال صلى الله عليه وسلم : دم على الطهارة يوسع الله عليك في الرزق.

قال : أحب أن أكون من أحباب الله ورسوله فقال صلى الله عليه وسلم : أحب ما أحب الله ورسوله تكن من أحبابهم.

قال
: أحب أن أكون آمنا من سخط الله ورسوله يوم القيامة فقال صلى الله عليه
وسلم : لا تغضب على أحد من خلق الله تكن آمنا من سخط الله يوم القيامة.

قال : أريد أن تُستجاب دعوتي فقال صلى الله عليه وسلم : اجتنب أكل الحرام تستجاب دعوتك.

قال : أحب أن يسترني ربي يوم القيامة فقال صلى الله عليه وسلم : استر عيوب إخوانك يسترك الله يوم القيامة.

قال : ما الذي يُنجي من الخطايا ؟ فقال صلى الله عليه وسلم : الدموع والخضوع والأمراض.

قال : أي حسنة أعظم عند الله تعالى ؟ فقال صلى الله عليه وسلم : حسن الخلق والتواضع والصبر على البلاء.

قال : أي سيئة أعظم عند الله تعالى ؟ فقال صلى الله عليه وسلم : سوء الخلق والشح المناع.

قال : ما الذي يسكن غضب الرب في الدنيا والآخرة ؟ فقال صلى الله عليه وسلم : الصدقة الخفية وصلة الرحم.

قال : ما الذي يطفئ نار جهنم يوم القيامة ؟ فقال صلى الله عليه وسلم : الصبر في الدنيا على البلاء والمصائب.

قال الإمام المستغفري : ما رأيت حديثا أعظم وأشمل لمحاسن الدين وأنفع من هذا.
رواه الإمام بن حنبل

....*&&&....* ربي اغفرلي وارحمني وتبي على ادخلني الجنة وللمسلميين جميع .

ربي تبت اليك فغفرلي ذنبي

[PoweRPassioN]

يا عينى على الـعز - اللهم لا حسد
صحيح يا ولاد
هم يضحك - و هم يبكي- و هم بورجر - و هم يا جمل

[PoweRPassioN]

بغض النظر عن "العزيز" اللى اشترى الحاجات دى وبغض النظر عن مصدر فلوسه واللى مايخصناش وحتى مانقدرش نتأكد من حرمانيته، انا باستأذنكوا نبص للموضوع من زاوية تانية

انا شايف ان المسأله نسبيه تماما، لو الواحد دور هاتلاقى ان الشوكولاتات اللى بتجيبها لابنك او فسحته فى الملاهى تعتبر بذخ بالنسبة لواحد مش لاقى ياكل ماشى جنبك..... عزومتك لمراتك (فى فرايدايز حتى) تعتبر بذخ لاتنين مخطوبين بقالهم 3 سنين وبيحاولوا يشتروا عفشهم ....والاسبويلر اللى بتركبة يعتبر بذخ لواحد مش قادر يسمكر عربيته .... والعربية الهاى لاين (ايا كانت) اللى تدفع فيها 10000 زيادة علشان فتحة سقف تعتبر بذخ بالنسبه لواحد يادوبك معاه تمن الفئة المانيوال .... العربية البى ام الفئة السابعه بذخ لصاحب العربية اللانسر (مثلا يعنى) ...شقتك على النيل تعتبر بذخ لواحد جايب شقة فى اسكان الشباب .... فيلتك فى التجمع تعتبر بذخ لواحد صاحب شقة قديمة على النيل ........ وهكذا دواليب !!!!

القصد من كل ده ايه ... امتى الواحد يحس بالبذخ، لما يحس ان التصرف خرج من اطاره الطبيعى او الكافى .... طيب ايه هو اصلا الطبيعى او الكافى .... ماهو ده يختلف من واحد للتانى ... كل واحد منا راكب عربية لن تقل مثلا عن 40000 فى حين ان آلاف من الناس مش لاقية 200 جنيه ياكلوا هما وولادهم لمده شهر وهايقولوا علينا نفس الكلام ده بصورة او بأخرى (وباسمع بودانى واكيد كلكوا سمعتوا)

لما يكون معايا 4 او 5 مليار وصرفت على فيلتى ولا قصرى 30 مليون مش ده شبه "شوية" لما يكون معايا 150000 وصرفت على عربيتى "ترويش" 10000؟او حتى شوية توضيب وتغيير السيراميك وللا الرخام فى شقتى؟ .... مابنعملش كده؟ .... لو بنسبة وتناسب هاتلاقيها هى هى ...

ارجو ان نقطتى تكون وضحت

الله ينور
هو دا اللي كنت عايز اوضحه بالضبط

[mrghost]

امال هيدى للى بيركب الحاجات دى كام بقى !!!!!!!!!!!!!!!!!!!!!!!!!!!!!!!!
ولا الفيلا نفسها مبنيه بكام!!!!!!!!!!!!!!!!!!!!!!11

[نور القمر]

ههههههههههههههه ناس معاها فلوس حقها تعيش بقى انتوا متغظين ليه ههههههههه

حقد طبقي بعيد عنك الناس بقت نفسيتها وحشة اوي ههههههههههههههههههه

[عزيز محمد]

تذكري أن كثيرا من الصحابة كانوا أغنى الأغنياء ومن الحلال
و كانوا ينفقون من أموالهم ببذخ لشراء متعتهم ..ولكنهم كانوا يرجون متع الآخرة فكان انفاقهم للآخرة ..

من فضلك يا دكتور أحمد توضح من هم "الصحابة الذين كانوا ينفقون من أموالهم ببذخ لشراء متعتهم".

[MTAK]

من فضلك يا دكتور أحمد توضح من هم "الصحابة الذين كانوا ينفقون من أموالهم ببذخ لشراء متعتهم".

اعتذر لك يا دكتور احمد انى ارد فى سؤال لك.

الاخ الكريم
حاسس ان فيه سوء فهم
بس اسمحلى اسئلك من وجهة نظرك ما هى متع الصحابة التى تتخيل انهم كانوا ينفقون عليها
-----
ثانيا
حاسس من ردك استنكار العبارة
حاسس انك قصدك ان الصحابه لم يكن لهم متع
---
يا ترى ايه وجهة نظر حضرتك

[عزيز محمد]

اعتذر لك يا دكتور احمد انى ارد فى سؤال لك.

الاخ الكريم
حاسس ان فيه سوء فهم
بس اسمحلى اسئلك من وجهة نظرك ما هى متع الصحابة التى تتخيل انهم كانوا ينفقون عليها
-----
ثانيا
حاسس من ردك استنكار العبارة
حاسس انك قصدك ان الصحابه لم يكن لهم متع
---
يا ترى ايه وجهة نظر حضرتك

يا افندم أكرمك الله بالصحة والعافية،

بالنسبة لأولا: هل السؤال ده موجه ليا ؟ أم لدكتور أحمد سامى؟
لو حضرتك موجهه ليا فالإجابة هى معرفش. أنا كمان عاوز أعرف ما هى تلك المتع.

ثانيا: مش موضوع استنكار قد ما هو اندهاش (أنا مش مثقف فيما يخص سيرة الصحابة الكرام، لكن مش قادر أتخيل إزاى كانوا بيصرفوا ببذخ على متعهم).

ولك جزيل الاحترام والتقدير

[Karim_Monir]

بغض النظر عن

لما يكون معايا 4 او 5 مليار وصرفت على فيلتى ولا قصرى 30 مليون مش ده شبه "شوية" لما يكون معايا 150000 وصرفت على عربيتى "ترويش" 10000؟او حتى شوية توضيب وتغيير السيراميك وللا الرخام فى شقتى؟ .... مابنعملش كده؟ .... لو بنسبة وتناسب هاتلاقيها هى هى ...

ارجو ان نقطتى تكون وضحت

لاء ياباشا مش مهم يصرف كام على ايه
يعني لما واحدة زي هيفاء تعمل فرح بكام مليون وتجيب فستان بكام مليون ده مش بذخ بغض النظر عن حلال وحرام انت بتتكلم عن مفهوم البذخ
اصل الشخص محل الخلاف محل تساؤلات كثيرة جدا عن مصدر امواله وثرائة السريع وماعرفش مصادر دخل سريع في العصر الحديث سوى مصادر قليلة جدا ومعظمها غير مشروع اللي توصل واحد من رجل اعمال اقل من العادي لمليادير وانا وانت فاهمين

لما يكون واحد عشان يعمل بسين وده شوفته الصيف الماضي في مارينا يعمل بسين مساحتة مساحة فيلا كاملة في القصر بتاعة
البسين مغطى بسطح زجاجى ويسحب على قطعتين للداخل تحت الارض
ولما يتغطى البسين بالزجاج(الغير قابل للخدش عشان الشكل)
بيحط فوقة ترابيزة وكراسي وناس تقعد فوقية عشان تاكلويكون البسين منور من تحتهم اضواء تحت المية
ده عشان يقعد يتغدى
اوعى تقولي اصله عمل كدة بعد مطلع الزكاة واطعم الفقراء
مش هاقولك القصر متكلف كام هاقولك البسين بس وتغطيتة متكلفة كام

مش عارف لما يعلنو عن برامج رحلات الى القمر اللي بالملايين كام واحد من مصر هايطلع يتفسح في القمر

حسبى الله ونعم الوكيل

[نور القمر]

افضل مقارنه بين رجل الاعمال اياه وهيفاء وهبي توضح اللي اقصده من مشاركتي اللي فاتت
وبغض النظر عن فلوس الطرفين حلال ولا حرام
لكن على الاقل هيفاء متأكدين انها فلوسها مسرقتهاش من حد وكل مليم معاها اخدته برضا صاحبه
اذن من حقها تتمنظر براحتها وتجيب فستان بملايين ومحدشله حق يتكلم نص كلمة عليها

اما رجل الاعمال فبرضو كلنا متأكدين ان فلوسه وثروته مجمعهاش من الناس برضاهم اذن تعتبر مسروقة من الشعب الغلبان اذن من حقنا نقول حسبي الله ونعم الوكيل وده اقصى حاجة نقدر عليها


انا من حوالي اسبوعين شوفت حلقة من البرنامج الجديد بتاع عمرو الليثي اسمه واحد من الناس وكان مصور في منطقة عشوائيات مش فاكرة اسمها
الناس هناك عايشين في عشش صفيح والعيلة كلها في عشة واحدة
والتواليت مشترك للمنطقة كلها
وبيقولوا انهم اليوم اللي يفطروا فيه ميتغدوش
ولو اتغدوا يبقه مفيش عشى
حياة منتهى القسوة والالم

[MTAK]

يا افندم أكرمك الله بالصحة والعافية،

بالنسبة لأولا: هل السؤال ده موجه ليا ؟ أم لدكتور أحمد سامى؟
لو حضرتك موجهه ليا فالإجابة هى معرفش. أنا كمان عاوز أعرف ما هى تلك المتع.

ثانيا: مش موضوع استنكار قد ما هو اندهاش (أنا مش مثقف فيما يخص سيرة الصحابة الكرام، لكن مش قادر أتخيل إزاى كانوا بيصرفوا ببذخ على متعهم).

ولك جزيل الاحترام والتقدير

استاذ عزيز محمد
بداية اشكر لك ردك الذى اثلج صدرى فى نقطة مناقشه محترمة
---------
من وجهة نظرى "و ليس رد عن دكتور احمد "
المتع تختلف باختلاف المكان و الزمان
يعنى العربيه المايباخ متعه بالنسبة للعربيات
و العربيه الاستون ايييه مش عارف كانت متعه فى الخمسينات
و العربه الحنطور المتقفله و متنجده هى قمة رفاهية زمان شويه
و الحصان الاشهب العربى بزمان اكتر شويه
و كمان المتعه بتاعتك تختلف عن بتاعتى
يعنى انا مثلا و لا يفرق معايا الجاجوار من المرسيدس كلهم ركوبه.
---------
روى البخاري عن أنس بن مالك رضي الله عنه قال: كان أبو طلحة أكثر الأنصار بالمدينة مالاً من نخل، وكان أحب أمواله إليه "بيرحاء" (اسم بستانه من النخل)، وكانت مستقبلة المسجد، وكان رسول الله صلى الله عليه وسلم يدخلها، ويشرب من ماء فيها طيب.. قال أنس: فلما أنزلت هذه الآية: {لَن تَنَالُواْ الْبِرَّ حَتَّى تُنفِقُواْ مِمَّا تُحِبُّونَ} [سورة آل عمران: 92].. قام أبو طلحة إلى رسول الله صلى الله عليه وسلم، فقال: يا رسول الله، إن الله تبارك وتعالى يقول: {لَن تَنَالُواْ الْبِرَّ حَتَّى تُنفِقُواْ مِمَّا تُحِبُّونَ}، وإن أحب أموالي إلي "بيرحاء".. وإنها صدقة لله أرجو بِرَّها وذُخْرَهَا عند الله.. فضعها يا رسول الله حيث أراك الله.. فقال رسول الله صلى الله عليه وسلم: «بخٍ!! ذلك مال رابح! ذلك مال رابح!.. وقد سمعتُ ما قلتَ، وإني أرى أن تجعلها في الأقربين»، فقال أبو طلحة: "أفعل يا رسول الله".. فقسمها أبو طلحة في أقاربه وبني عمه..
"

[نور العمر]

مش شرط يكون ملياردير حرامي وماصص من دم الشعب
هو ممكن يكون صاحب فكر اقتصادي عمل فلوس من لا شيء
فكر في استثمارات صح .. تجيبله ربح 500% بسهولة
زي اللبس .. والأكل .. والاتصالات .. والاستيراد والتصدير
الشعب بتاعنا مش مكتوف الأيدي ... احنا بس ( مبنعترضش )
وإللي بيسعروا بيه بندفعوا ... إللي بيدفع التمن ويتعب هو فعلاً إللى معهوش ... لكن إللي معاه ومستورة ما بيفتحش فموا ... تفتكرو واحد زي د/أحمد بهجت .. بتاع دريم وجولدي وغيره ... حرامي .. بنا نفسه من دم الشعب ... معتقدش ... وصدقوني المحترمين كتيير ...

وربنا يستر علينا من البخيل مش من الاغنياء
أتمنى كتيير يغتنوا غنا فاحش ... بس ما يبخلوش بزكاة المال في مصارفها الشرعية ..

[Ghamrawy]

بصراحة ان شايف انه يعمل اللى عايز يعمله فلوسه و هو حر فيها ....انا عن نفسى لو ربنا اراد ان يكون معايا فلوس بكم مهول حاعمل زيه و اكتر منه بس بعد لما اخلص حق ربنا فى نعمته اللى رزقنى بيها

[kloda]

اسمحيلي أختلف معاكي
اولا ..كون الفلوس حلال ولا حرام مش دي النقطة لأنها ممكن تكون حلال ...و رد الفعل مش هايختلف وقتها
ولو الراجل ده حرامي و سارق فلوسنا يبقى مش قضيتنا هو بيصرف فلوسنا دي ازاي (بسرف ولا بحرص) لأننا كده كده مسروقين .

النقطة الأهم ...
مين قال ان الأغنياء فلوسهم بيكون فيها حرام ؟؟
تذكري أن كثيرا من الصحابة كانوا أغنى الأغنياء ومن الحلال
و كانوا ينفقون من أموالهم ببذخ لشراء متعتهم ..ولكنهم كانوا يرجون متع الآخرة فكان انفاقهم للآخرة ..

مش لازم اللي يتعب في فلوسه ما يصرفهاش ..دول و عذرا في اللفظ(أغبياء) بالعكس ..أجمل فلوس تتصرف هي الفلوس اللي تعبت فيها
امال أنا تعبت ليه ؟؟ علشان أشوف ورقة في البنك فيها كام مليون ؟؟ ولا أنزل البسين المزيكا تشتغل ؟؟!!!

مصدر الفلوس مش النقطة
النقطة ان في ناس بتستكتر على غيرها النعيم
زي اللي بيسرق ماركة عربياتنا
بيقول برضه اننا حرامية و مش تعبانين في الفلوس
مع اننا و الله تعبانين ومش حرامية

تحياتي

كلام مظبوط جدا جدا احي حضرتك علية
معلش انا لو معايا فلوس و حلال و مخرج زكاتي و كل حاجة تمام و راضي ربنا سبحنة و تعالي
و عايز اجيب اباجورة ب مليون جنية و نفسي فيها طبعا حجيبها عشان دة حقي
و لا ايةةةةةةةةةةة؟؟؟؟