عودة القراصنة !!!

[نور القمر]

القصة دي نقلتها من موقع الي كاتبها قرصان صديق قصدي قبطان صديق
واليكم كلامه بالنص
:

:

:

:

النهاردة بقى هحكيلكم حكاية جميلة من تأليفى واخراجى لأ وبالعربى كمان
يعنى محدش محتاج أنيس عبيد بتاع ترجمة الافلام الاجنبى بتاعت زمان
المهم بعد ما تقروا الحكاية لازم تقولولى رايكم بصراحة ولاننا كابتن بحرية
زى ما انتو عارفين ( تحية كبيرة للقرصان الكبير هشام بك اللى مطنشنا من زمان )
حكاية النهاردة عن الكراصنة قصدى القراصنة وكفاح أسم الله عليها
الولايات المتحدة البرجوازية الموضع بقى بأختصار عن .... بقول أية متيجوا
نقرى الحكاية .....
عـــــــودة القراصنــــــــــة



أعلنت الولايات المتحدة البرجوازية عن صعوبة السيطرة على الكراصنة ( اللى هما القراصنة ) الصوماليين لأنهم ولاد جنية وقد صرح ناطق عسكرى تخين المستوى ان القراصنة الله يحرقهم فى ليلتهم التركواز ، ولاد جنية من كذا ناحية لأنهم عندهم امكانيات فززززيعة ( اللى هى فظيعة ) بيستخدومها ... خد مثلا القوارب الخشبية السريعة اووى اووى ( واو اتين اووى ) اللى مش موجود زيها فى الولايات المتحدة البرجوازية لأ ومش بس قوارب سريعة لأ كمان عندهم لاسلكى( لأ بتهرجوا ) !!! وأكد سعادة الناطق تخين المستوى انو رغم الصعوبات اللى بتوجها الولايات المتحدة البرجوازية فى السيطرة على القراصنة ولاد الجنية رغم ضعف الامكانيات بتاعت الولايات المتحدة البرجوزية من حاملات طائرات ومدمرات وبوارج بحرية دة غير الاقمار الصناعية اللى عندها يا عينى على الكام وكالة استخبارات زى "السى اى اية " و"دى فى دى" و" الدبليو سى"ومشاة البحرية والبرية ومشاة الطرق العادية الا ان ولاد الجنية مش بيابنو بالليل بالذات لان لونهم اسود دة غير حالة الرعب اللى بيسببو لجنود الولايات المتحدة البرجوازية لان القراصنة ولاد المفترية بيلبسو جلدة على عين واحدة ودة بيسبب حالة من الخوف لجنود البتاعة المتحدة البرجوازية وعشان كدة طالب الناطق تخين المستوى دعم حلف الناتو والدول الاوروبية ومنظمة التجارة العالمية والاتحاد الافرواسيوى ودول عدم الانحياز وبطاريق القطب الشمالى وشركة صيانكو لاصلاح العربات والدكو اللى ورا مصنع السكر اللى فى الحوامدية وانت مدى ضهرك للطريق ... وقال الناطق ان المفروض يدعموا الولايات المتحدة البرجوازية على الاقل بـ 2 مليون عسكرى او حتى 7 مليون عسكرى يدووووب عشان يقدروا يسيطروا على منطقة الكرن ( اللى هى القرن ) الافريقى ويرجعو السلام للمنطكة ( اللى هى برضو المنطقة ) زى ما نجحوا بالتلاتة قبل كدة فى العراق وافغانستان ولبنان كما طلب الناطق تخين المستوى الدول والشعوب العربية بدعم الولايات المتحدة البرجوازية فى حربها العادلة على القراصنة ولاد الجنية وانهم يدعو عليهم ولو ممكن يكنسو عليهم السيدة يبقى خير وبركة .. واهو كلو بثوبوا ... وختم الناطق تخين المستوى تصريحاتة للـ "بى بى من غير سى "ووجة رسالة شديدة اللهجة للكراصنة بعد ما كشف راسة وقال ... ربنا يهدكم يا بعدة يا وحشيييين هنرفع عليكم قضية خلع من المنطكة فى مجلس الامن
فيما رد قرصان بلاد بونت ( اللى هى الصومال ) على تصريحات الناطق التخين بتاع الولايات المتحدة البرجوازية ان اللى مربوهوش ابوة وامة القراصنة تربية .
سلامـــو عليكـــم

[SHNORY]

نفهم من كده ان الاهلي والكفار حيلعبوا مع بعض في الدور النهائي؟

[نور القمر]

الحركة دي خطر على الصحة اليومين دول
متنساش ان في امراض خطيرة اليومين دول

[SHNORY]

الحركة دي خطر على الصحة اليومين دول
متنساش ان في امراض خطيرة اليومين دول

معلش الجوع كافر

[ASKAFRAWY]

المربهوش ابوه و امه القراصنة يربوه!
انا اول مرة اخد بالى من الموضوع دة بصراحة بس تقريبا كدة الموضوع بعيدا عن الهزار صعب جدا السيطرة عليه و للاس فيه سفن باكملها اتخطفت و تم تغيير اسمها و مةت كامل طاقمها على يد القراصنة..وربنا ستر علينا

[Mzeid]

هههههههه
قصة جميلة تسلم ايدك استاذة نور ..

بس مشكلة القراصنة دي لها حل
المراكب تعدي من المياه الإقليمية لدولة اليمن دة باللإتفاق و الترتيب معاها طبعا ..
و طبعا المياه الإقليمية هتكون تحت مراقبة و حماية قوات خفر السواحل

و كنت في الفترة اللي فاتت فكرت في حل للمشكلة دي و كنت هبعت لل imo بس للأسف لما الموضوع هدي شوية مبعتهوش

[نور القمر]

المربهوش ابوه و امه القراصنة يربوه!
انا اول مرة اخد بالى من الموضوع دة بصراحة بس تقريبا كدة الموضوع بعيدا عن الهزار صعب جدا السيطرة عليه و للاس فيه سفن باكملها اتخطفت و تم تغيير اسمها و مةت كامل طاقمها على يد القراصنة..وربنا ستر علينا

ربنا يستر عليك وعلى الجميع

هههههههه
قصة جميلة تسلم ايدك استاذة نور ..

بس مشكلة القراصنة دي لها حل
المراكب تعدي من المياه الإقليمية لدولة اليمن دة باللإتفاق و الترتيب معاها طبعا ..
و طبعا المياه الإقليمية هتكون تحت مراقبة و حماية قوات خفر السواحل

و كنت في الفترة اللي فاتت فكرت في حل للمشكلة دي و كنت هبعت لل imo بس للأسف لما الموضوع هدي شوية مبعتهوش

طيب ما تبعته مش يمكن المشكلة تتحل على ايدك

[medo55]

مممممممممممم المشكله اصلا مش عند اليمن بس دي كمان بعد ما تعدي اليمن بتتخطف في وسط المحيط

هول الحل دول العالم كلها تبعت سفن حربيه وتعمل طوق حولين الصومال وتمنع اي حد يخرج منها الا بعد التفتيش وبدون سلاح ,, اي نعم الموضوع مكلف لكن لازم يضمنو سلامة المنطقه في مقابل سلامة تجارتهم


شاطرين بس عاملين حظر على كوريا الشماليه ويقولك هنفتش السفن بتاعتها لما تخرج من عندها ,,, ما يتشطرو على بتوع الصومال شوية شباب ما بين 19 و 30 سنه والله اعلم

[النوبي]

انا سمعت ان التونه هتغلي بسبب الموضوع ده الكلام ده صح ولا غلط ياريت التأكيد
لاني مش باكل تونه ونفسي الناس تبطلها ههههههههههههههههههههههههههه
بس المعلومه بجد ياريت تاكيد

[نور القمر]

طيب نفسك الناس تبطلها ليه دي حتى اكلة جميلة
عموما حتى لو غليت انا مبقتش اشتريها وباكل التونة البيتي بس

[muslimah_dentist]

و الله يا نور موضوع جميل جداااااااااا

و بعيد عن الهزار أنا والدى (ربان أعالى بحار) و لسة جاى من شغل ليه فى منطقة عدن و كان خط سيره انه بيعدى فى منطقة نشاط القراصنة

والدى يعمل على تانكر بترول و كان معاه سفينة كارجو(أى حاملة بضائع) و كانت معاهم سفينة حراسة بتحميهم

تخيلى ايه اللى حصل يا نور

سفينة الحراسة هى اللى اتخطفت

و كل اللى شغال على الخط ده بالفعل عندهم رعب لأن اللى عاش مش زى اللى سمع

بس والدى بيقولى الموضوع باين انه مش مقتصر على الصومال بس و واضح انها مافيا عالمية بتمولها الدول الكبرى

ربنا يحفظ الجميع

[نور القمر]

حمدا لله على سلامته يا مسلمه
وربنا يحفظه من كل شر
انا مش عارفه ايه كمية الشر الموجودة حوالينا في كل حاجة دي
ربنا يتولانا برحمته مبقاش في امان في حاجة ابدا

[SHNORY]

و الله يا نور موضوع جميل جداااااااااا

و بعيد عن الهزار أنا والدى (ربان أعالى بحار) و لسة جاى من شغل ليه فى منطقة عدن و كان خط سيره انه بيعدى فى منطقة نشاط القراصنة

والدى يعمل على تانكر بترول و كان معاه سفينة كارجو(أى حاملة بضائع) و كانت معاهم سفينة حراسة بتحميهم

تخيلى ايه اللى حصل يا نور

سفينة الحراسة هى اللى اتخطفت

و كل اللى شغال على الخط ده بالفعل عندهم رعب لأن اللى عاش مش زى اللى سمع

بس والدى بيقولى الموضوع باين انه مش مقتصر على الصومال بس و واضح انها مافيا عالمية بتمولها الدول الكبرى

ربنا يحفظ الجميع

حضرتك متاكده انها سفينه حراسه مش تكتك حراسه !!!!!!!!
اصل كلمه سفينه دي كبيره اوي وسفينه حراسه يعني سفينه مسلحه او سفينه حربيه
يعني ايه تتخطف من شويه مرتزقه
اصل بديهي كده انا مينفعش اسرق مدفع رشاش بسكينه او مسدس لازم تكون عندي قوه ضاربه اكبر من اللي حسيطر عليها
فلو فعلا كانت سفييييييينه وحراسه يبقي اكيد اتسيطر عليها ببوارج حربيه او بغواصه علي الاقل
مش بشويه حراميه راكبين مراكب
الا لو كانت بتحرسهم من العين بقي وعليها خرزه زرقا بدل المدافع علشان السفن اللي وراها متتحسدش
كده واضح جدااااااااا
ان الموضوع مش مجرد شويه قراصنه وخلاص
والله اعلم الحقيقه فين
والحمد لله ان والدك رجعلكم بالف سلامه ربنا يخليهولكم ويحفظه

[SHNORY]

حمدا لله على سلامته يا مسلمه
وربنا يحفظه من كل شر
انا مش عارفه ايه كمية الشر الموجودة حوالينا في كل حاجة دي
ربنا يتولانا برحمته مبقاش في امان في حاجة ابدا

بصي يا نور
الحاجات دي طول عمرها موجوده بس احنا مكناش بنشوفها
ومع تطور الاعلام وااتصالات عنينا اتفتحت ولما اتفتحت بقينا عاملين زي الانسان البدائي لما شاف النار
وطلعتلنا معلموات كتير وموضات كتير
والموضوع اتحول ما بين منفذ ومتفرج
بس الموضوع كبير ولو اتفتح حيغير مسار الموضوع الاصلي
والشر لما بيزيد الخير بيزيد علشان لو الشر طغي يبقي علي الدنيا السلام

[muslimah_dentist]

حضرتك متاكده انها سفينه حراسه مش تكتك حراسه !!!!!!!!
اصل كلمه سفينه دي كبيره اوي وسفينه حراسه يعني سفينه مسلحه او سفينه حربيه
يعني ايه تتخطف من شويه مرتزقه
اصل بديهي كده انا مينفعش اسرق مدفع رشاش بسكينه او مسدس لازم تكون عندي قوه ضاربه اكبر من اللي حسيطر عليها
فلو فعلا كانت سفييييييينه وحراسه يبقي اكيد اتسيطر عليها ببوارج حربيه او بغواصه علي الاقل
مش بشويه حراميه راكبين مراكب
الا لو كانت بتحرسهم من العين بقي وعليها خرزه زرقا بدل المدافع علشان السفن اللي وراها متتحسدش
كده واضح جدااااااااا
ان الموضوع مش مجرد شويه قراصنه وخلاص
والله اعلم الحقيقه فين
والحمد لله ان والدك رجعلكم بالف سلامه ربنا يخليهولكم ويحفظه

أستاذ شنورى حضرتك ماتعرفش كنا فى الفترة ديه كنا قلقانين على والدى ازاى

و كنا كل شوية على اتصال لغاية أما عدى من المنطقة ديه على خير

و بالفعل كانت سفينة حراسة لأن حضرتك زى ما انت عارف ان تانكر البترول بتبقى سفينة ضخمة جدا بيصل وزنها الى أكثر من طن بالاضافة للسفينة الكارجو بتبقى حاجة مهولة

سفينة الحراسة كانت تابعة لشركة يمنية بس ماتقلقش حكومة اليمن قدرت ترجعها تانى

بس بصراحة والدى كان بيحكيلنا حاجات تشيب

زى مثلا من كتر الخوف اللى كان بيملى قلب البحارة كانوا لو شافوا حد مقرب عليهم كان بيرموا نفسهم فى الميا

و زى ما هو أكدلى أما رجع ان الموضوع مش بس الصومال ديه مافيا عالمية

يعنى أمريكا لو حطت الموضوع ده فى دماغها مش هتخلصه فى ثانية

ربنا يرحمنا جميعا