عودة القراصنة !!!

[ASKAFRAWY]

حضرتك متاكده انها سفينه حراسه مش تكتك حراسه !!!!!!!!
اصل كلمه سفينه دي كبيره اوي وسفينه حراسه يعني سفينه مسلحه او سفينه حربيه
يعني ايه تتخطف من شويه مرتزقه
اصل بديهي كده انا مينفعش اسرق مدفع رشاش بسكينه او مسدس لازم تكون عندي قوه ضاربه اكبر من اللي حسيطر عليها
فلو فعلا كانت سفييييييينه وحراسه يبقي اكيد اتسيطر عليها ببوارج حربيه او بغواصه علي الاقل
مش بشويه حراميه راكبين مراكب
الا لو كانت بتحرسهم من العين بقي وعليها خرزه زرقا بدل المدافع علشان السفن اللي وراها متتحسدش
كده واضح جدااااااااا
ان الموضوع مش مجرد شويه قراصنه وخلاص
والله اعلم الحقيقه فين
والحمد لله ان والدك رجعلكم بالف سلامه ربنا يخليهولكم ويحفظه

شنورى باشا هى فعلا سفينة حراسة و وارد جدا انها تتخطف من شوية المرتزقه لان مهما كان حجم سفينة الحراسة فان عدد لنشات القرصنة بيكون اكبر و صعود القراصنة على السفينة بيكون بطريقة غير شرعية يعنى انت ماتلحقش تشوفهم و هم طالعين على السفينة و دة بيصعب عملية المراقبة و التحكم لقبطان السفينة
دى صورة لسفينة الحراسة



,ودى صورة oil tanker الذكرتها الاخت مسلمة و مع ان حجمها هائل لكن اتخطف قبل كدة تانكر بشحنته كاملة



ودى صورة للنشات القراصنة التى قد تصل الى 8 -10 قوارب لشل حركة اى سفينة و باقل وقت ممكن ودول متدربين على اعلى مستوى و بيتم تمويلهم بالسلاح من الدول الكبرى

[aif]

طيب نفسك الناس تبطلها ليه دي حتى اكلة جميلة
عموما حتى لو غليت انا مبقتش اشتريها وباكل التونة البيتي بس

معلهش انا باتكلم برة الموضوع
هو التونه فيها مشكلة كمان .... يعني تونة خنزير مثلا ...
انتو مش بتاكلوها ليه ياريت تطمنونا
.....
دكتورة مسلمة
الحمد لله على سلامة والدك ....بصراحة انا لو مكانه ارفض الابحار في هذه المنطقة ... دي تهلكة
...
لو رجعنا للموضوع الاصلي
انا بأشبة القراصنة واللي بيعملوه بصدام حسين لما غزا الكويت
..
لو فرضنا ان فيه واحد قوي و معروف عنه انه شرس و معاه سلاح ..... ومن حوله جيران اثرياء و عندهم كل حاجة .... والراجل القوي الشراني ده اصبح فجأة فقير وماعندوش ما يكفي لأطعام اطفاله لأي سبب من الاسباب .... ومعاه سلاح .... وشايف اللي حوله بيتمتعو بملذات الحياة وهو مش لاقي ياكل والسلاح موجود ... ح يعمل ايه ؟؟؟؟؟
صدام ..... الامريكان سخنوه لايجاد مبرر لوجودهم في المنطقة ..... راح محتل الكويت
.... وطبعا يعتبر حط صباعة في فيشة الكهربا ... وايده مبلوله كمان
القراصنة بقي ..... يعملو ايه .... البلد في خراب من 20 سنة من ساعة سياد بري ما هرب .... ومعاهم اسلحة من نتاج الحروب المتواصلة ..... وبيطلو على منطقة حيوية للملاحة الدولية ... يبقى متوقع منهم ايه ؟؟؟؟
اللي بيحصل ده نتيجة تقاعس العالم عن السعي لحل مشكلة الصومال ... والناس اللي هناك بيموتو من الجوع .... يبقى لما يبلطجو في البحر علشان يعيشو .... ده متوقع والمفروض يكون الساسة متوقعينه قبل مني

[Mzeid]

و الله يا نور موضوع جميل جداااااااااا

و بعيد عن الهزار أنا والدى (ربان أعالى بحار) و لسة جاى من شغل ليه فى منطقة عدن و كان خط سيره انه بيعدى فى منطقة نشاط القراصنة

والدى يعمل على تانكر بترول و كان معاه سفينة كارجو(أى حاملة بضائع) و كانت معاهم سفينة حراسة بتحميهم

تخيلى ايه اللى حصل يا نور

سفينة الحراسة هى اللى اتخطفت

و كل اللى شغال على الخط ده بالفعل عندهم رعب لأن اللى عاش مش زى اللى سمع

بس والدى بيقولى الموضوع باين انه مش مقتصر على الصومال بس و واضح انها مافيا عالمية بتمولها الدول الكبرى

ربنا يحفظ الجميع

الف حمد لله على سلامة والد حضرتك ..
و انا بطبيعة دراستي تدربت على سفينة غاز L.N.G. TANKER و الحمد لله نزلت منها بسلام في يناير ..
السفينة دي - معلش في اللفظ انيل من سفينة والد حضرتك لأنها بتشيل غاز مسال بالتبريد و على سطحها متقسمة DANGEROUS ZONES و ممنوع إستعمال الموبايل عليها لأن موجاته ممكن تؤدي لا قدر الله إلى بوووووووووووووم المركب كلها دة طبعا بالإضافة إلى عدم إستخدام أي وسائل إشعال و الراديو مش VHF لا كان UHF يعني وسائل حماية كثيرة ..


هي أخت اللي في الصورة دي بالضبط ..



تخيلي لما مركب زي دي تكون معدية في منطقة قرصنة و المراكب لما بتقاوم القراصنة بيطلقوا عليها النار يعني في ثواني ممكن تكون ..

قبل ما نعدي عملنا DRILLS في حالة حدوث قرصنة التصرف هيكون إزاي ..

و لما كنا معديين سفينة حربية فرنسية إتصلت بينا و طلبت معلومات عن السفينة و عن الطاقم و قالت انها مكلفة بحمايتنا من ساعة الدخول حتى الخروج من المنطقة ..
و الحمد لله عدينا بسلام ..

[muslimah_dentist]

جزاكم الله خيرا على الدعاء لوالدى

سلمكم الله من كل سوء

مأعتقدش ان والدى هيشتغل على الخط ده تانى

و ربنا يحفظ الجميع

[ASKAFRAWY]

جزاكم الله خيرا على الدعاء لوالدى

سلمكم الله من كل سوء

مأعتقدش ان والدى هيشتغل على الخط ده تانى

و ربنا يحفظ الجميع

اللهم امين..هو شغل البحر كدة للاسف مخاطره مافيهاش هزار...وللاسف بيكون صعب جدا انك تختارى الخط الهتشتغلى عليه
هو عموما الواحد طول ما هو مؤمن بالله و ان قدرى هشوفه سواء فى البحر..فى البر..او حتى على فراشى فبيسلم للامر الواقع و بيسافر مع السفينة
للاسف مجال صعب جدا

[eng.octooo]

هههه وانا الى كنت فكر ان الامم المنتحوصة هى الاقوى بين دول الحوض النيلى الامازونى