سر تعاسه معظم الازواج

[SHNORY]

سيدى الفاضل , أرجو من حضرتك إختيار الالفاظ الموجودة فى مداخلة حضرتك على رد الفاضل كريم منير حيث ان اغلبها شتيمة.

يا ريت لو حضرتك تحطلي خط تحت الالفاظ الي حضرتك شايفها شتيمه يمكن انا ما اخدتش بالي منها ولا حاجه
كمان انا اخدت اقتباس من كلام كريم وقولت كلمتين ميتهياليش ان فيها شتيمه

[احمدعبدالعزيز]

سيدى الفاضل , أرجو من حضرتك إختيار الالفاظ الموجودة فى مداخلة حضرتك على رد الفاضل كريم منير حيث ان اغلبها شتيمة.

معلش يا اخ Sindbad انا مش شايف ان الشنورى غلط فى كريم خالص !!!!!!

[hamedo0]

رغم عدم ميلي للاجتماعي اطلاقا لكن هارد:
اللحاف المشجر هو اللي اختاره لما اختار عروسته والبيئة اللي جايه منها يبقي محدش يلوم الا نفسه
والاوضه ضلمة عشان البيوت والعمارات اللي لازقة في بعض ولو فتحت الشباك هايقولها انتي بتخلي الناس تبص عليكي وتبقي وقعتها سودة
ماهو لو كان فكر من الاول وركب شفاط في المطبخ ماكنتش الريحة خنقته
ولو عملته توست وجبنه هايقولها ايه الكلام الفارغ اللي عاملاه ده

والله كويس انها هيا اللي مستحملاه بترينج التوحيد والنور
ماهو لو كان استضف وجاب جوانتي حراري ماكنش هايلاقي الفوطة (المصرية)في وشه (بقت المصرية هيا المتسخة لا والله ونعم الانتماء للي كاتب مش ناقل)
وهو صاحي الضهر بسلامته على اساس انه يوم اجازته ده لو يوم جمعة ماقامش يصلي ليه
ولو مش يوم جمعة كفاية انها واقفة في المطبخ من الصبح عشان بسلامته يتغدى
يبقي كتر خيرها بقي


برضه هو وذوقه اذا كان هو لابس من التوحيد والنور ماهي طبعا هاتلبسله تيل نادية
اووف على التفرقة العنصرية دي
اطبخي يا جارية كلف يا باشمهندس

مش هاكمل على الباقي لانه غير لائق اني ارد عليه لانه
لا يناسب عقائدنا ولا طباعنا كشرقيين

لكن كل فعل له رد فعل
واذا كان الكرش موجود فانت السبب فيه باكلك زي فرس النهر وعدم لعبك لرياضة
مش هيا السبب باكلها ومعرفش ايه
قليل من العدل يا سادة

اسمحلي ارد علي الموضوع ده جوه الاقتباس علشان دا لازم نحلله كويس قبل ما نرد عليه


بيتهيالي كده حاولت احلل الموضوع بكل بساطه
انا بؤمن بمبدا ان لكل فعل رد فعل
وزي ما كل واحد عاوز من مراته يبقي لازم يعمل علي قد الي هو عاوزه ده
مينفعش اطلب منها تلبس وتحط برفانات وتطبخ احسن اكل وانا مش جايبلها اللي يساعدها علي كده
كان فيه مثل بيقوله اجدادنا
يا جرايه اطبخي
يا سيدي كلف
واتمنالكم حياه سعيده اجمل من اي افلام او روايات
محمد الشنوري

والله الكلام ده زاى الفل:k32: بس مافيش راجل بيعمله
بس انا اول حاجه حعملها ان مراتي مش تخش علي نايل موتورز

[Ahmed Sharaf]

يا ريت لو حضرتك تحطلي خط تحت الالفاظ الي حضرتك شايفها شتيمه يمكن انا ما اخدتش بالي منها ولا حاجه
كمان انا اخدت اقتباس من كلام كريم وقولت كلمتين ميتهياليش ان فيها شتيمه

اسمحلي ارد علي الموضوع ده جوه الاقتباس علشان دا لازم نحلله كويس قبل ما نرد عليه


اقتباس:
أرسل أصلا بواسطة compuland

يستيقظ الرجل صباحا على السرير الأبيض النظيف وشعاع الشمس ضارب في عينيه،(دا علي اساس انه مفيش قدامه مباني تحجب الشمس او جيران تمنعه انه يفتح الشباك وهو نايم من غير ما حد يبص عليه )

ويمسح وجهه بيده استعدادا للفوقان ثم ينزل من على السرير وهو يرتدي التي شيرت البادي الأبيض (طالما نايم بتي شيرت قطن ابيض يبقي اكيد الراجل رايق ومتظبط ماديا)

مع شورت كاروه قصير ويبحث عن زوجته ليجدها في المطبخ تجهز التوست والجبن المطبوخ(ارخص طقم بوكسر 60 جنيه التوست والجبن المطبوخ معرفش تمنهم بالظبط )

وترتدي فقط تيشيرت أبيض طويل يصل حتى فوق الركبة بعشرين سنتيميتر وترتدي فوقه (لانها اكيد قضت ليله جميله في حضن زوجها وتمتعوا بما احله الله عليهم )

مريلة مطبخ ربما أطول من التيشيرت الأبيض من الأمام ثم يقف الرجل خلفها مباشرة ويقبلها (علشان نفس السبب اللي فات)

ويرمي نفسه على الكرسي المجاور لترابيزة المطبخ ليصنع الكابتشينو حتى يصحصح. (اظن ان حجم المطبخ اللي فيه ترابيزه ده مش موجود في اي حته )


كل هذا بالطبع لا يحدث في الواقع، ولكن يحدث فقط في الأفلام والمسلسلات الأجنبية (ومليون واحد وافقين وراهم بيصوروهم)

التي يتربى عليها الرجل ويعتقد أنه فور زواجه سيفعل ذلك وستكون زوجته على هذه الشاكلة،(لما يكون بيته علي هذه الشاكله )

ولكن الصورة الواقعية ستختلف تماما عن الصورة السابقة،

فسوف يستيقظ الرجل من تحت اللحاف المشجر ويجد الحجرة ضلمة كحل لا داخلها شمس ولانور (علي قد فلوسه )

لأن زوجته مقفلة الشبابيك عشان محدش يجيله نزلة برد رغم أن نزلة البرد مكمكمة في المنزل(من الرطوبه بتاعه الشقه اللي من الداخل اللي جايبها علي قد حاله برضه)

ونفسها تلاقي باب شباك اتفتح عشان تخرج منه،

ثم يمسك الرجل أنفه بسبب ريحه البصل وغلي اللحمة وهبو المطبخ

ثم ينزل من على السرير وهو يرتدي ترينج التوحيد والنور ليذهب إلى زوجته في المطبخ(بيمسك انفه علشان مستخسر يشتري شفاط للمطبخ وترينج التوحيد والنور جاله هديه في جوازه)

لتنظر له نظرة الضحية للذئب البشري وكأنه السبب في العيشة الضنك،(علشان هو فاهم الدنيا غلط وفكره ان الزوجه لتلبيه رغبته وخلاص)

ثم تحدف له الفوطة المتسخة المصرية الشهيرة وتقول له ارفع اللحمة من ع النار (فوط المطبخ غاليه عليه فبيجيب اي كهنه قديمه من عنده ويعملها فوطه للمطبخ او ممكن يكون بعفانته مسح بيها الجزمه وباظت علي كده واتحولت لخرقه)

فهي تجهز طعام الغداء منذ الصباح،(علشان البوتاجاز 2 عين فيهم واحده مسدوده)

وبالطبع كل ذلك وهي ترتدي جلابية وتحتها بنطلون وتيشيرت هاي كول صوف. (لما يقبض الجمعيه حيجيبلها روب بالقسط هو حيشرب مخدرات ولا حيكسي الوليه ماهو اي هدمه حتدفيها)


المصايف بقى

الرجل ينبهر بهذا الممثل الأجنبي الذي يحتضن زوجته على الشاطئ وهي ترتدي مايوه قطعتين(كل اللي حواليه لابسين قطعتين واحيانا قطعه واحده من الاتنين)

ثم يرتميا سويا على الرمال ويتدحرجا إلى أن يصلا إلى البحر

ثم يعودا ويتدحرجا بالعكس على الرمال على الشاطئ الهادئ الخالي من أي بني آدم،(علشان مفيش حمار رمي ازازه بيره كسرها علي الرمله ممكن تدخل في ضهره وتعمله شلل رباعي)

ولذلك يحلم الرجل بأن يكون هو هذا الممثل صاحب العضلات والذي يرتدي البوكسر(شرحت موضوع البوكسر فوق)

وأن تكون معه هذه الفتاة الرشيقة الجميلة التي ترتدي هذا الكاش مايوه وتضع 'صن بلوك' على يديها،(السن بلوك بتاع ايفا المصري كان ب55 جنيه من سنتين)

ولكن في الزواج يا عزيزي انسى كل هذه الخيالات تماما،

فسوف تذهب إلى شاطئ يعج بآلاف المواطنين الذين يبحلقون لأي دراع معدي أمامهم،(الشواطئ الخاصه غاليه عليه )

كما أنك لن تأخذ راحتك معها لأنها مشغولة بإعداد الساندويتشات وكأنها في الجونينة يوم شم النسيم،(علشان عنده الرحله تساوي اكل ثم اكل وهي بتعمل الساندويتشات علشان ممعوش فلوس يغديهم بره)

بالإضافة إلى أن الكرش الذي سيظهر لك بسبب أكلاتها سيمنعك من ارتداء البوكسر،(المكرونه والبطاطس ارخص اكل وبيملي بيهم البيت ولاظم طبعا العيش البلدي مع كل حاجه وبعد كده يدخل ينام زي الخرتيت بعد الاكل)

فضلا عن أنها سوف تتحول إلى كائن غير متناسق التضاريس (ماهي بتاكل معاه من نفس الاكل سالف الذكر )

يجبرها على ألا ترتدي الاختراع الذي يسمى كاش مايوه (برضه لنفس السبب حتحتاج ملايه سرير مش كاش مايوه)

وستكتفي بجلابية مليئة بالتطريز إذا كانت حالتها مستعصية،

أو ترتدي بنطلون برمودا ضيق إذا كانت روشة طحن ومعه شبشب بلاستيك بصباع

وعادة ما يكون بمبي أو لبني وستجلس على كرسي صغير على الرمل أمام البحر مباشرة

وتدلدل رجليها وترفعهما مع كل موجة ببلاهة غريبة وستكون في قمة السعادة ثم تلف وتنظر لك وتقول (ماهي ما صدقت خرجت من القمقم فلازم الحاجات دي تكون غريبه عليها)

' المية حلوة قوي النهاردة .. تعالى خد شاندوشت بلوبيف'(المناسبات عندنا الكائن الرئيسي فيها هو الاكل )

كل هذا وأنت جالس خلفها على الكرسي الأخضر الكبير تحت الشمسية وتنظر لها من فوق الجورنال (صعبان عليه ال20 جنيه تكلفه الفسحه )

وتتحسر على الكاش مايوه والكرة الشاطئية لأن الوضع أصبح حلل محشي وطاولة وجلابية.

حضرتك ممكن تراجع الكلمات باللون الازرق واسفلها خط وانت تعرف اية اللى اقصدة , وانا مقلتش انك شتمت الفاضل كريم منير زى ما العضو الفاضل قال..
سيدى الفاضل ارجو ان يكون إختلاف وجهات النظر لا يفسد للود قضية وتقبل تحياتى وإحترامى

[SHNORY]

حضرتك ممكن تراجع الكلمات باللون الازرق واسفلها خط وانت تعرف اية اللى اقصدة , وانا مقلتش انك شتمت الفاضل كريم منير زى ما العضو الفاضل قال..
سيدى الفاضل ارجو ان يكون إختلاف وجهات النظر لا يفسد للود قضية وتقبل تحياتى وإحترامى

لو حضرتك مصمم ان كلامي جارح اوي كده مع ان محدش علق عليه
وكله كلام عادي
ممكن حضرتك تبعت تقرير مشاركه سيئه للاداره وهما يحكموا فيها
حضرتك زعلت من كلمه معفن وحمار وخرتيت
ومعلقتش علي المايوهات والقبلات والكاش مايوه لانها كلها فيها تلميحات
دي ايقونه تقرير المشاركه السيئه يا باشا
سلام وتقبل تحياتي

[Ahmed Sharaf]

أستاذى الفاضل , الموضوع مش مستاهل شكوى للإدارة , كل ما فى الموضوع انى وضحت وجهة نظرى اللى ممكن تتفق او تختلف مع وجهة نظرك او اى من الاعضاء الافاضل .
ودة لا يمنع تقديرى لحضرتك او باقى الاعضاء وإحترام وجهات النظر مهما إختلفنا .

[compuland]

لأ طبعا بس المفروض الزوجين يتعاونوا إنهم يحتفظوا بحد أدنى من شكل العلاقة الجميلة بينهم و تانى بكرر شكل مش موضوع يعنى يحاولوا على قد ما يقدروا روتين الحياة ما يطغاش بشكل كامل على حياتهم و لو حتى باستغلالهم المناسبات أعياد ميلاد جواز أجازات تبقى فرصة يرجعوا فيها لمراهقة ما قبل الزواج و يعتبروا نفسهم لسة مااتدبسوش قصدى مااتجوزوش.

و رد خاص على آخر سؤال لو نفسنا تقلدوا الغرب فى كل حاجة كان أولى نتجوز من الغرب أفضل بدل التقليد

انا ضد الجواز من الاجانب اساسا
اذا كان الجواز من نفس الجنسيه مع اختلاف بسيط فى وجهات النظر يبقى مشكله
فما بالك من الجواز بجنسيه مختلفة حتى لو كانت عربيه
انا رأى المصرى للمصرى
النيل رواهم والخير جواهم
هو فيه زى خفه دم المصريين

وعلى رأى اللى ما تتسماش اللى مش مصريه
انا مصرى وابويا مصرى

الموضوع من اوله لاخره كوميدى
يوضح الفرق بين ما يتخيله الشباب قبل الجواز وبين الواقع بعد الجواز

ده لسه ماقلتش الفرق لما العيال تيجى والمصاريف تزيد والمرتب يطير

بالنسبه لموضوع

على فكرة الكلام ده غلط خالص وغير واقعى يمكن كان صح فى القرن اللى فات ولا من 20 ولا 30 سنة

لكن الستات دلوقتى هى اللى بتشتكى تلاقى الزوجة انيقة وشيك مهتمة بنفسها جدا والزوج شكله استغفر الله العظيم مش كلهم طبعا
الستات اتعلموا الدرس واهتموا باناقتهم ورشاقتهم والرجالة العكس
تلاقى الست ماشية مش باينة جنب جوزها اصلا هى ياعينى مفيش شوية شوية هتختفى ومش بتاكل وبتعمل ريجيم على طول عشان تعجب البيه وهو بياكل ولا همه يعمل 3 ولا 4 منها
اللى يشوفها جنبه يفتكرها بنته
فبلاش ظلم للستات بقا وكل واحد يبدا بنفسه ويبص فى المرايا قبل ما يتكلم ويعيب على زوجته

مش كل الستات بتعمل كده
وبردو مش كل الرجاله
الاغلب فى مجتمعنا ان الراجل هوا اللى بيشتغل ده لو لاقى شغل يعنى
والست فى الاغلب بتبقى فى البيت
فتلاقى الراجل اصلا بيعمل مجهود طول اليوم وبيحرق الدهون طبيعى
وبيحرق دمه كمان طبيعى
وفى بعض الناس بيبقى عندهم قابليه للزياده لو شرب ازازه حاجه ساقعه تبان عليه وتحسى ان وزنه زاد
انما الستات
لو بتشتغل يبقى ربنا معاها وتبقى مظلومه ووراها هم ما يتلم
الشغل والعيال وشغل البيت والزوج
الله يكون فى عونها
وانحنى احتراما للمرأة العامله بس بشرط ان عملها لا يؤثر على بيتها وجوزها وعياله
أزاى بقى معرفش؟؟
والمفروض ان جوزها يشلها من على الارض شيل
لان فعلا المرأه العامله الناجحه اسطورة بجميع المقايس

انما لو مش بتشتغل يبقى ملهاش حجة
المفروض انها تبقى ملاك بقى
انما الواقع خصوصا فى اول سنين جواز
تبقى قاعده لوحدها فى البيت ومافيش حاجه فى حياتها غير جوزها
فتلاقيها غصب عنها اول لما تصحى من النوم تكلم جوزها فى الشغل
الراجل بقى مش بيفهم ده
ويقولها عايزة حاجه او فى حاجه حصلت
منا لسه نازل من البيت
ويبقى مخنوق انها بتكلمه لسبب هوا مش عارفه ومش حاسس بيه
احب اقول لهاذا النوع من الرجال انها ولاول مرة فى حياتها تبقى قاعده لوحدها بين اربع حيطان
فلازم بردو نقدر ده
لما يرجع بقى من الشغل
تلاقيها بردو وغصب عنها تقوله اتأخرت ليه
يقولها انا كنت فى الشغل هو انا بلعب يعنى
قومى حضرى الاكل انا مش ناقص
بردو ده غلط تماما من الناحيتين
لازم الزوجه تفرق فعلا بين واحد راجع طلعان عينه وزهقان من نفسه
وبين واحد راجع من النادى او كان قاعد مع اصحابه
وغلط من ناحيه الراجل فى الرد
لازم يتعامل من مبدأ انها بردو قاعده لوحدها واكيد اعصابها مشدوده بردو

اسف ان كنت طولت عليكم