بخصوص اللابتوب ميني

[amir]

بالظبط كده يا دكتور الله ينور عليك
النصيحة التانية فعلا إنك مش محتاج السيدي نهائي لأنه أولا بيجي معاه ريكفري على الهارد.
الحاجة التانية إنك لو حتى عاوز تنزل نسخة خاصة بيك تقدر عن طريق الفلاش عادي جدا.
أنا منزل نسخة وندوز و2 لينكس بالفلاش وعمري ما عوزت السيدي في حاجة.

ياباشا ويندوز ايه بس
انا حاطه علي جهاز البيت علشان لو اتزنقت في حاجه كده ولا كده
لكن الc drive عامله 10 جيجا
و باقي الهارد 150 d drive
ده بالنسبه للهارد القديم
انما الهارد التاني بتاعي 320 جيجا للينوكس
و كمان الدرايف d عامله ماونت للينوكس باشا

[yehia]

أنا شايف ما شاء الله كل الناس مبسوطة بالـ Netbook أو المينى لابتوب ده ......

بس هو فيه حاجة مش عارف غائبة عننا ولا أنا اللى موسوس حبتين ومزودها شوية ....

هو بالأحرى تساؤل مطروح لأطباء المنتدى وياريت يفيدونا فيه ....

الشاشة بتاعة المينى لابتوب اللى بتبقى 8 بوصة ديه ... مش برده حتسبب اجهاد للعين؟

ومش برده الاجهاد ده على المدى المتوسط حتى مش الطويل ممكن يسبب ضعف فى الابصار ؟ (زى أى عضو فى الجسم أما تفترى عليه)

طب هل سلامة العين تساوى عندنا الفلوس اللى حنشترى بيها وجع القلب لنفسنا ده غير اللى ممكن يتصرف لاحقا - لا قدر الله- لمعالجة أى آثار سيئة ممكن تنتج عن الجلوس لمدد ليست بقصيرة قدام شاشة مينى؟


معلش أنا حبيت أقول الكلمتين دول عشان أخلص ضميرى وأطرح الموضوع للمناقشة من قبل المختصين ... لأنى بصراحة أما قعدت دقائق معدودة قدام نت بوك عينيا تعبتنى فعلا .. وبشكل ملحوظ ... رغم ان أغلب وقتى على الكمبيوتر بيكون على Desktop وشاشته عادية كمان مش Lcd ومحستش بالتعب ده قبل كده

[amir]

. لأنى بصراحة أما قعدت دقائق معدودة قدام نت بوك عينيا تعبتنى فعلا .. وبشكل ملحوظ ... رغم ان أغلب وقتى على الكمبيوتر بيكون على desktop وشاشته عادية كمان مش lcd ومحستش بالتعب ده قبل كده

اقولك انا مع اني مش دكتور عيون بس المثل قال اسئل مجرب ولا تسئل دكتور عيون
بص يا سيدي نفس الموضوع كان بيحصلي لما اقعد علي كمبيوتر اخويا فتره كده (شاشه lcd ) ايام ما كانت شاشتي عاديه
بالبلدي كده لما بتغير من ال سي دي ال عاديه او العكس طبيعي تصدع شويه و عينك توجعك لكن بالاساس شاشات ال سي دي اريح و أمن للعين عن العاديه

[ehab08]

أنا كنت محتار فى أنواع المينى برضه وبالصدفه من كام يوم لاقيت فى كذا موقع على النت ترشيح الASUS برضه وانه أفضل مينى
شكرا يادكتور / أمير على الموضوع ده
وشكرا ل elPasha009
ممكن أعرف مكان المحل وأسمه اللى قلت عليه فى تكنولوجى مول اللى جنب السراج
وهل أشتريت فعلا الجهاز ولا لأ
وأيه راى حضرتك فيه
آسف على الأطاله عليك

[amir]

لسه ما اشترتش
انا بعت اللاب القديم بس لسه شويه علي الفلوس لما تجيني
ان شاء الله في خلال اسبوع او اتنين
بس موجود في المحلات كلها هناك مش متذكر اسم محل معين

[amir]

فلوس اللاب القديم وصلتني و نزلت اشتريته النهارده
eee pc asus 1000h و غالبا البطاريه مش 9 خلايا زي ما كنت فاهم
سعره 1900 جنيه من تكنولوجي مول

[ehab08]

ألف مبروك وربنا يبارك لك فيهومنتظرين تقييم حضرتك ليه

[elpasha009]

فلوس اللاب القديم وصلتني و نزلت اشتريته النهارده
eee pc asus 1000h و غالبا البطاريه مش 9 خلايا زي ما كنت فاهم
سعره 1900 جنيه من تكنولوجي مول

مبروك يا دكتور على الجهاز بس إزاي البطارية مش 9 خلية؟؟هي مكتوب عليها كام ah؟؟؟

[amir]

دكتور أمير
نصيحة لوجه الله خليك في الأسوس EeePC موديل 1000H أو 1000HE ودول الميزة اللي فيهم:
1-الشاشة 10 بوصة وبالتالي القراءة فيها أحسن بكتير من 8 أو 9 بوصة.
2-تقدر تركب أو تغير الرامات والهارد وكارت الوايرليس بسهولة جدا غير موديلات تانية كتير.
3-الكيبورد وضعيتها وزرايرها ممتازة جدا وزي الكيبورد العادية بالظبط (كمان الكيبورد في موديل 1000HE إتحسنت أحسن من 1000H)
4-بطارية 6 خلية وبتفضل شغالة بالضبط 5 ساعات وإنت طالع (موديل 1000HE بيجي ببطارية 9 خلية بتفضل 9 ساعات بس مش موجودة في مصر)
5-الوايرليس بتاعه يعمل بتقنية A/B/G/N وكمان على تردد 2.4 و5 جيجا.
6-إنتشار رهيب جدا في العالم ومبيعات خرافية وتقدر تعمل سيرش بسيط جدا على الجوجل هتلاقي ناس من كتر حبهم فيه عملو عليه شوية تعديلات وبقى تاتش سكرين:)
7-في موديل من 1000HE بيجي مدمج معاه موديم 3G.يعني تحط شريحة المحمول وتشتغل نت علطول من غير الموديم أبو 500 جنيه بتاع أي شركة من شركات المحمول.
8-السماعات وكمان المايك ستيريو.
9-مش فاكر حاجة تاني دلوقتي:)
د/ أمير الجهاز ده معايا من شهر 12 اللي فات وأنا أصلا شغال في السودان والإمارات ومصر يعني مبكملش في أي بلد من دول شهر وأتنقل.وشغلي والله العظيم في الصحراء.أنا مش عاوز أقول لحضرتك شكل الجهاز عامل إزاي دلوقتي وكمان وقع مني كذا وقعة محترمة.
البطارية مع كل الإستخدام ده ولسه زي ماهي مبتقلش عن 5 ساعات.
الجهاز كنت شاريه ب2700 من شهر 12 ودلوقتي على ما أعتقد إن الموديل الأعلى اللي هو 1000HE بقى ب2500 في مصر و2250 في السعودية والإمارات.

نسيت أقول لحضرتك إني شغال عليه 24 ساعة وشغال بثلاثة أنظمة تشغيل (وندوز و2 لينكس) وبشتغل كل حاجة عليه ماعدا الجرافيك شغل بسيط جدا.
حاجة كمان بسيطة جدا وهي إنك لو عملت سيرش على كل الموديلات الموجودة قدامك مش هتلاقي حاجة فيها كل المميزات ديه وبالسعر ده.

بالظبط كده يا دكتور الله ينور عليك
النصيحة التانية فعلا إنك مش محتاج السيدي نهائي لأنه أولا بيجي معاه ريكفري على الهارد.
الحاجة التانية إنك لو حتى عاوز تنزل نسخة خاصة بيك تقدر عن طريق الفلاش عادي جدا.
أنا منزل نسخة وندوز و2 لينكس بالفلاش وعمري ما عوزت السيدي في حاجة.

ألف مبروك وربنا يبارك لك فيهومنتظرين تقييم حضرتك ليه

مبروك يا دكتور على الجهاز بس إزاي البطارية مش 9 خلية؟؟هي مكتوب عليها كام ah؟؟؟

ادي التقييم اللي انا اشتريت علي اساسه
البطاريه مكتوب عليها 6600 mah
بالنسبالي فالتقييم الشخصي بتاعي هياخد وقت طويل شويه