أحلام x أحلام

[Noha.M]

زوجة صديق لي كانت حامل و حلمت أن الرسول صلي الله عليه و سلم أتاها و طلب منها الصبر علي فراق أحد الأهل و توقعت خالتها لأن مرضها عضال

وبعد الولاده حلمت بإحدي قريباتها (متوفاه) تأتي و تأخد ابنها (المولود حديثا) و هي تصرخ فيها ان لا تأخذه و لكن هيهات

توفي الرضيع عن 4 أشهر و لا حول و لا قوة إلا بالله

لا حول ولا قوة الا بالله
لا حول ولا قوة الا بالله
اهي دي الحاجة اللى تخلى القلب يخرج من ضلووعه من كتر الوجع و الالم
يا رب يصبرها و يعوضها خير و لا يكتب على حد ابدا فراق ابنه

[MoToRiZeR]

من تلات سنين حلمت إني رحت أزور خالتي في المستشفي (كانت مريضة فعلاَ) و وجدتها نايمة في السرير و لكن اما بصيت في وشها لقيت ملامحها بتختفي حتي أصبح وجهها بدون ملامح تماماَ .. صحيت من النوم علي موبايل من والدتي بتقولي خالتك إتوفت . الله يرحمها .

[aif]

لا حول ولا قوة الا بالله
لا حول ولا قوة الا بالله
اهي دي الحاجة اللى تخلى القلب يخرج من ضلووعه من كتر الوجع و الالم
يا رب يصبرها و يعوضها خير و لا يكتب على حد ابدا فراق ابنه

يا نهى ... هو فعلا شيء مؤلم ....
لكن لو نظرنا له من زاوية مختلفة ....
ح تلاقية من افضل الاشياء اللي ممكن تحصل ... سواء للطفل او لوالديه
الطفل اللي بيتوفى وهو صغير قبل التكليف .... بيكون في الجنة بمشيئة الله ورحمته و بيسمو دعاميس الجنة .... يعني بيدخلو و يخرجو و يروحو اي مكان زي الطيور.. ..
مش يمكن الطفل البرئ ده لما يكبر ( لو قدر الله له الحياة ) يبقي من شياطين الانس والعياذ بالله ...يبقى ربنا رحمه ورحم اللي حوله بوفاته
اما والديه .... ده من حظهم ... لو صبرو واحتسبو و حمدو الله .... ربنا بيأمر الملائكة انهم يبنو لهم بيتا في الجنة اسمه بيت الحمد
ده غير ان طفلهم بيشفع لهم يوم القيامة
هو ده بالظبط معني اسم الله اللطيف
يعني الامر اللي ظاهره شر .... يجعل الله فيه كل الخير ....
.................
اكتر حلم بيضايقني .... اني باحلم اني رجعت ادخن تاني .... وابقي مضايق من نفسي في الحلم واقول يعني بعد ما ربنا تاب عليا .... وبقالي سنيييين .... ارجع للقرف ده تاني ... واصحي وانا خايف انه يكون بجد مش حلم .... وبعدين افوق واحمد ربنا انه كان حلم

[Noha.M]

يا نهى ... هو فعلا شيء مؤلم ....
لكن لو نظرنا له من زاوية مختلفة ....
ح تلاقية من افضل الاشياء اللي ممكن تحصل ... سواء للطفل او لوالديه
الطفل اللي بيتوفى وهو صغير قبل التكليف .... بيكون في الجنة بمشيئة الله ورحمته و بيسمو دعاميس الجنة .... يعني بيدخلو و يخرجو و يروحو اي مكان زي الطيور.. ..
مش يمكن الطفل البرئ ده لما يكبر ( لو قدر الله له الحياة ) يبقي من شياطين الانس والعياذ بالله ...يبقى ربنا رحمه ورحم اللي حوله بوفاته
اما والديه .... ده من حظهم ... لو صبرو واحتسبو و حمدو الله .... ربنا بيأمر الملائكة انهم يبنو لهم بيتا في الجنة اسمه بيت الحمد
ده غير ان طفلهم بيشفع لهم يوم القيامة
هو ده بالظبط معني اسم الله اللطيف
يعني الامر اللي ظاهره شر .... يجعل الله فيه كل الخير ....
.................
اكتر حلم بيضايقني .... اني باحلم اني رجعت ادخن تاني .... وابقي مضايق من نفسي في الحلم واقول يعني بعد ما ربنا تاب عليا .... وبقالي سنيييين .... ارجع للقرف ده تاني ... واصحي وانا خايف انه يكون بجد مش حلم .... وبعدين افوق واحمد ربنا انه كان حلم

عندك حق فعلا
ييا رب يكون سبب دخولهم الجنه و يشفعلهم
هو بس الم الفراق بيبقي صعب شوية , يا رب يصبرهم يا رب

---------

بس دي معلووومة جديدة انك كنت بتدخن :) اوعى ترجعلها و يا رب يثبتك يا رب :)

[أبومعاذ]

قال رسول الله صلى الله عليه و سلم في الحديث الصحيح:
رؤيا المؤمن جزء من أربعين جزءا من النبوة ، وهي على رجل طائر ، ما لم يحدث بها ، فإذا تحدث بها سقطت ، ولا تحدث بها إلا لبيبا ، أو حبيبا
معنى الحديث إن الرؤيا لا يكون لها تأويل محدد وتكون غير ثابتة حتى يتم تأويلها فإن تم تأويلها وقعت و نصح الرسول من رأى الرؤيا ألا يحدث بها إلا لبيبا أو حبيبا

[Noha.M]

قال رسول الله صلى الله عليه و سلم في الحديث الصحيح:
رؤيا المؤمن جزء من أربعين جزءا من النبوة ، وهي على رجل طائر ، ما لم يحدث بها ، فإذا تحدث بها سقطت ، ولا تحدث بها إلا لبيبا ، أو حبيبا
معنى الحديث إن الرؤيا لا يكون لها تأويل محدد وتكون غير ثابتة حتى يتم تأويلها فإن تم تأويلها وقعت و نصح الرسول من رأى الرؤيا ألا يحدث بها إلا لبيبا أو حبيبا

جزاك الله كل خير على التذكرة

[iunknown]

اصعب حلم اللي بيقومني من احلي نومه مفزوع اني بحلم اني لسه طالب و داخل امتحان و ما اعرفش حاجه عن الماده اللي حمتحن فيها و الحلم دا بيقتلني و بلاقي نفسي قايم مفزوع و اقول لحمد لله..

بس الاسوأ منه بمراحل اني بحلم اني لسه ما خلصتش الجيش (مخلص من 8 سنين) وان النهاردة اخر يوم في الاجازة
شعور بشع لأقصى درجة

[Noha.M]

من تلات سنين حلمت إني رحت أزور خالتي في المستشفي (كانت مريضة فعلاَ) و وجدتها نايمة في السرير و لكن اما بصيت في وشها لقيت ملامحها بتختفي حتي أصبح وجهها بدون ملامح تماماَ .. صحيت من النوم علي موبايل من والدتي بتقولي خالتك إتوفت . الله يرحمها .

صعبة اوى دى يا موتوو :(

البقاء لله :(

[MoToRiZeR]

صعبة اوى دى يا موتوو :(

البقاء لله :(

ميرسي يا نهي

من الأحلام الغريبة بقي أني لوقت قريب كنت بحلم إني سقطت في إمتحان التاريخ بتاع الثانوية العامة ! إن الإمتحان جه صعب و انا قاعد في اللجنة مش عارف أعمل حاجة .. و النتيجة أصلا طلعت من 6 سنين .. معقول الثانوية العامة مأثرة في الواحد كدة ؟ :k37:

و من الأحلام المعدنية حلمت إن و انا مارلين مانسون كنا صحاب و نزلنا الشارع قعدنا نقتل في الناس و نضحك .. و نجيب واحد نسحله تحت العربية و نضحاااااااك .. و أقوم مطلع مسدس مموتلي إتنين تلاتة و هو يضحاااااك .. كان حلم مسخرة بصراحة

[Noha.M]

ميرسي يا نهي

من الأحلام الغريبة بقي أني لوقت قريب كنت بحلم إني سقطت في إمتحان التاريخ بتاع الثانوية العامة ! إن الإمتحان جه صعب و انا قاعد في اللجنة مش عارف أعمل حاجة .. و النتيجة أصلا طلعت من 6 سنين .. معقول الثانوية العامة مأثرة في الواحد كدة ؟ :k37:

و من الأحلام المعدنية حلمت إن و انا مارلين مانسون كنا صحاب و نزلنا الشارع قعدنا نقتل في الناس و نضحك .. و نجيب واحد نسحله تحت العربية و نضحاااااااك .. و أقوم مطلع مسدس مموتلي إتنين تلاتة و هو يضحاااااك .. كان حلم مسخرة بصراحة

انا مش عاوزة اقولك ازاى الثانوية النيلة دى مأثرة معايا و بجد بحلم احلام منيلة بنيييلة و انى محلتش و الورقة بتتسحب منى .شوف مع ان انا اصلا كنت هندسة و اصعب ميت مرة من ثانوية عامة بس بجد الضغط العصبي بتاع الثانوية العامة مخلى الواحد لحد دلوقتى لما يحلم بيها يصحي متعكنن و مخضوض و بجد بحمد ربنا و بسجدله شكر انه حلم مش حقيقة :k48:

[aif]

الحلم اللي مش ممكن انساه ...
كنت في الجامعة تقريبا ... وحلمت ان انا و والدي والدتي واخويا واختي ...يعني العيلة كلها ... اننا في مكة عند البيت اللي كنا ساكنين فية هناك زماااان ....
وصحيت حكيت الحلم لوالدتي ... وهي الله يرحمها كانت روحها معلقة بمكة .... طبعا استغربت ... احنا كنا رجعنا من السعودية بقالنا سنين ... قالتلي ربنا يجمعنا هناك ... بس ازاي ... ده كل واحد في مكان شكل ... انا في مصر واخويا في اسكندرية والباقي في اشغالهم ودراستهم ....ازاي نتجمع كلنا هناك .... يسمع منك ربنا يا بني
وتمر السنون ...... زي اللي بتيجي في الافلام العربي .....
وانا اسافر السعودية واشتغل في جدة .... وبعدي بشهور اخويا برضه يشتغل في جدة .... وبعد سنتين اختي تتجوز وتيجي جدة مع جوزها .... ونعمل زيارة لوالدي ووالدتي ... ونروح كلنا نعمل عمرة ..... لكن يمنعو العربية من دخول منطقة الحرم ... نضطر نركن بعيد ونتمشي لغاية الحرم .... ونلاقي نفسنا فيييين .... عند البيت اللي كنا ساكنين فية من زمااااان من حوالي 20 سنة ..... ونقف في نفس المكان اللي شوفته في الحلم .... كلنا .... العائلة بالكامل ..... وانا مذهول ...مش مصدق .... حاسس اني باحلم ....وجيت جنب والدتي الله يرحمها وقولتلها ... فاكرة الحلم اللي حكيتهولك زمان يا ماما ...... اهو كان كدة بالظبط .... كانه بيتعاد قدامي .....وطبعا هي بقت مستغربة زيي لأن ماكانش حد يعرف الحلم ده غيرها
ولغاية دلوقت لما اروح مكة لازم اروح عند بيتنا القديم ومدرستي الابتدائية والاعدادية ..... وكل ما اروح هناك افتكر الحلم الغريب ده

[TaoTao]

الأحلام اللي بتتكرر كتير معايا:
- الامتحان: وله أشكال كتير، ممكن ماعرفش احل أو الوقت يمر من غير ماكتب حاجة، وساعات مايكونش امتحان ولجنة وكدة، مرة حلمت بنفق والدفعة كلها المفروض تعديه (كنت في أولى هندسة) وكلهم عدوا ماعدا أنا.
- السقوط: بس الوقعة بتكون وانا ع الأرض، يعني دايماً أكون ماشي ع الأرض واتشنكل واقوم من النوم مخضوض (لم أحلم بالسقوط من علٍ كل السقطات من ع الأرض :))
- الكائنات الهلامية: أروح مكان -غالباً يكون مكان انا عارفه- وفجأة الاقي حيوانات غريبة (شبه اللي بتطلع في برنامج عالم سمسم والمابيت شو اللي هي كلها شعر وبتمشي على رجلين وفمها واسع جداً) وحسب الظروف يا إما نلعب مع بعض يا إما يجروا ورايا لحد ماصحى من النوم وانا بانهج من كتر الجري! وفيه كمان من نفس النوع إني ألاقي سمك الزينة اللي كان عندي بيعوم في الهوا برة حوض السمك :)
- الكلب: ساعات احلم بكلب بيعضني في إيدي (غالباً لما أصحى ألاقي نفسي نايم على إيدي اللي اتعضت وابتدت تنمل)

أما أغرب حلم: حلمت مرة إني نايم وباحلم، وبعدين والدتي ندهت علي تصحيني (في الحقيقة مش في الحلم) رحت صحيت من الحلم لقيت نفسي لسة نايم! وبعدين صحيت تاني :D
افتكرت ساعتها مادة هياكل البيانات (Data Structures) إني عملت Push مرتين يبقى لازم اعمل Pop مرتين عشان الـ Stack يبقى فاضي :D

[iunknown]

افتكرت ساعتها مادة هياكل البيانات (Data Structures) إني عملت Push مرتين يبقى لازم اعمل Pop مرتين عشان الـ Stack يبقى فاضي

ممكن تعمل Flush مرة واحدة هيؤديلك نفس الغرض