تزايد أعداد المجاهرين بالإفطار

[Akram]

آآآآآآآآآآآآآآآآآآآآآآآآآآآآآآآآآآآآآآآآآآآمين

[Abonora]

زمان كان فيه ورانا عماره الدور الارضي كان بجنينه
الجنينه دي كانت بتاعت مدام منيره
مدام منيره في رمضان كانت بتتغدي معانا علي المدفع
تخيلوا ليه
علشان ريحت اكلها و هيه بتسخنوا ما تضايقش الناس
و كانت بتجيب لابنها هدوم في العيد و ييجي معانا الصلاه الصبح و يستنانا نصلي و نروح نتفسح مع بعض
مدام منيره قبطيه مصريه جميله
ده موقف من زمان
الان بقه واحد زميل والدتي في الشغل بتحكلي لي انه مجاهر بافطاره و لما كلموه تخيل الرد كان ايه انا بشتري صيامي ب 10 جنيه بفطر بيها صايم كل يوم
انا اتجننت لما سمعت كده لا ده انت مش جاهل بالدين لا و كمان بتفتي
حاجات كتير اتغيرت و اتقلت بركتها حتي نفوس الناس

+1

[hazem_khidr]

كان معايا واحد في الامارات كان بيفطر طول الشهر و قدامنا و عيني عينك يشرب ميه و الادهي من كده انه ساعه الفطار يجي يفطر و يتخانق علي الاكل كمان و حاجه اخر قرف لحد ما شديت في يوم عليه و قولت للناس يا انا يا هو في الفطار و بعد الموقف دا بيومين اتمسك و هو في وضع مخجل و اتكنسل !!!!!
و برضه مش بيتعظ
حسبي الله و نعم الوكيل في الاشكال دي

[محمدايهاب]

اقتباس:

السمكري اللي كان بيعملي عربيتي كان بيدخن

المشكلة يا كريم هي أن في شيخ حلل التدخين بحجة إنها دخان و ليست طعام أو شراب!!!!!!!
اقتباس:

زمان كان فيه ورانا عماره الدور الارضي كان بجنينه
الجنينه دي كانت بتاعت مدام منيره
مدام منيره في رمضان كانت بتتغدي معانا علي المدفع
تخيلوا ليه
علشان ريحت اكلها و هيه بتسخنوا ما تضايقش الناس
و كانت بتجيب لابنها هدوم في العيد و ييجي معانا الصلاه الصبح و يستنانا نصلي و نروح نتفسح مع بعض
مدام منيره قبطيه مصريه جميله
ده موقف من زمان

كان في لاعب جورة مسيحي بيقول أنه صام مع الفريق 29 يوم من رمضان و اليوم الأخير ماعرفش يصوم لأنه كان عيان !!!!!

[OsKaR]

هل تعلموا أنه لا توجد عقوبة في الإسلام على الإفطار في رمضان ، فقد جعله الله عز وجل له وحده وهو يجزي به .
ولكن العقوبة على من يجاهر بالفطر في نهار رمضان .. فاللي عايز يفطر ولا يتمسك بشعائر دينه .. هو حر .. مسلم عاصي ولا انسان فاسق ، ولكن أن يمس الشعور العام للصائمين فهذا يدل على الاستهانة بشعائر الله تعالى ، والاستهانة بجموع الناس .

:?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?:
ده كلام برضه ايه بقى الكفاره و افطار المساكين :roll: :x

[Chicco]

الحكاية دي بقالها كذا سنة و الغريب إن محدش من المجاهرين بيستحي يعني لا دين ولا أخلاق. يا تري الأيام الجاية مخبيالنا إيه

[د.أحمد سمير]

هل تعلموا أنه لا توجد عقوبة في الإسلام على الإفطار في رمضان ، فقد جعله الله عز وجل له وحده وهو يجزي به .
ولكن العقوبة على من يجاهر بالفطر في نهار رمضان .. فاللي عايز يفطر ولا يتمسك بشعائر دينه .. هو حر .. مسلم عاصي ولا انسان فاسق ، ولكن أن يمس الشعور العام للصائمين فهذا يدل على الاستهانة بشعائر الله تعالى ، والاستهانة بجموع الناس .

:?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?:
ده كلام برضه ايه بقى الكفاره و افطار المساكين :roll: :x

يا سيدي الفاضل العقوبة في الإسلام أو في القانون معناها عقوبة دنيوية وليست العقوبة الدينية ، والعقوبات في الإسلام هي الحدود والقصاص والتعزير فقط ، أما العقوبات الدينية كالكفارات فهي لتكفير الذنوب ، ومردها بين العبد وربه فقط ، يعني لا يمكن للحكومة أو لولي الأمر إجبارك على إخراج كفارة ما ، إذ المستفيد من الكفارة هو أنت .
أرجو أن تكون الصورة قد اتضحت .

[د.أحمد سمير]

المشكلة يا كريم هي أن في شيخ حلل التدخين بحجة إنها دخان و ليست طعام أو شراب!!!!!!!

أخي محمد إيهاب .
جمال البنا ده مش شيخ .. ده عامل سكة حديد ، وهو شقيق الإمام حسن البنا رحمه الله .
وأقل ما يقال عنه انه مخرف ، رجاء عدم إطلاق لفظ شيخ على هذه الأشكال .
الشيخ هو من حاز علماً في الدين ، وفي هذه الأيام مدار العلم التأهيل الجامعي المتخصص ، لذا فالشيخ هو من حاز مؤهلاً في العلوم الدينية والشرعية فقط

[3mr Farrag]

طيب حد سمع علي اللي بيفطر علي سيجاره محشيه (حشيش) :shock: .....
في ناس في الجامعه بتعمل كده....بجد الواحد مش عارف يقول ايه
و صحيح اللي بيفطروا عيني عينك كتروا اوي.....نفسي اعرف لو هما مش فاكرين ان ربنا مش شايفهم....طيب و الناس اللي حواليهم علي الاقل مش بيتكسفوا من منظرهم قدامهم....

ولا البنات اللي في الجامعه ...دا اللي بيفطر ارحم منهم.....دول بيفطروا الناس معاهم كمان
انا عن نفسي باعود في بتنا قبل الفطار علشان الواحد مش ناقص قرف...كفايه في الايام العاديه واللي بيعملوه

[عاشق الفولفو]

ولا البنات اللي في الجامعه ...دا اللي بيفطر ارحم منهم.....دول بيفطروا الناس معاهم كمان

+ 99999999999999999999999999999999999999999999999999 99999999999999999
انا بطلت اروح الجامعة في رمضان حتي ولو حصل اية دة غير المناظر اللي بشوفها علي الكورنيش والسيارات في الشوارع الجانبية في نهار رمضان شهر المغفرة والعتق من النار

اللهم لاتحملنا مالا طاقة لنا به واعفو عنا واغفر لنا يا راحم الراحمين

[HESHAM AMIN]

حسبنا الله و نعم الوكيل

[CryptonX]

علشان حضرتكوا لاحظتوا كام واحد بيفطر او فاطر .. بقى في تزايد في المجاهرين .... سبحان لله , كانوا بيعملوا زمان استفتاءات و بحوث و دراسات علشان يعرفوا النسب دي .. دلوقتي الانسان تقدم .. بقى لما يشوف بس يديك نسبة علطول .

[الصاوي]

بهدوء يا جماعة بهدوء
أرى ان الصوم مثله كمثل العبادات أي ان المفطر كتارك الصلاة والزكاه و غيرهم من الأركان
فاستنكار أفطار الناس مث استنكار ترك الصلاة و باقي العبادات
و ربنا يهدي و خلاص

[hazem_khidr]

بهدوء يا جماعة بهدوء
أرى ان الصوم مثله كمثل العبادات أي ان المفطر كتارك الصلاة والزكاه و غيرهم من الأركان
فاستنكار أفطار الناس مث استنكار ترك الصلاة و باقي العبادات
و ربنا يهدي و خلاص

برضه ما اختلفناش يعني احنا بنتكلم عن حاجه غلط و المفروض ما تحصلش.مش معني اننا بنتكلم عن الجزئيه دي اننا مقتنعين ان ترك الصيام بس اللي غلط و باقي الاشياء مش غلط

[عاشق الفولفو]

اقتباس:

بهدوء يا جماعة بهدوء
أرى ان الصوم مثله كمثل العبادات أي ان المفطر كتارك الصلاة والزكاه و غيرهم من الأركان
فاستنكار أفطار الناس مث استنكار ترك الصلاة و باقي العبادات
و ربنا يهدي و خلاص


برضه ما اختلفناش يعني احنا بنتكلم عن حاجه غلط و المفروض ما تحصلش.مش معني اننا بنتكلم عن الجزئيه دي اننا مقتنعين ان ترك الصيام بس اللي غلط و باقي الاشياء مش غلط

علي الاقل الصلاة و الزكاة اللي بيتركهم ماحدش بيعرف علي عكس اللي بيجاهر بالافطار كل الناس بتشوفه ومنهم من يتاذي بمنظرة