تزايد أعداد المجاهرين بالإفطار

[الصاوي]

القصد ان كل واحد و مزاجه و كل واحد حر في دينه و خلاص
والا هنجري وراهم بالعصيان في الشوارع!!
دع الخلق للخالق

[hazem_khidr]

القصد ان كل واحد و مزاجه و كل واحد حر في دينه و خلاص
والا هنجري وراهم بالعصيان في الشوارع!!

لا مش كل واحد و مزاجه يا استاذ
من راي منكم منكرا فليغيره بيده فان لم يستطع فبلسانه فان لم يستطع فبقلبه و هذا اضعف الايمان.
انما يفطر و كمان يجاهر بفطوره دا مش عارف يتقال عليه ايه.

دع الخلق للخالق

افهم يعني حضرتك تقصد ايه بدع الخلق للخالق ؟؟؟
لو حضرتك تقصد نسيبهم يبقي كده حضرتك مش فاهم معني الكلمه دع الخلق للخالق دي تقولها لمجموعه قاعده عماله تنم و تذم في اشخاص اه ماشي قول دع الخلق للخالق انما لما نيجي علي حاجه غلط ما ينفعش .
يعني لو بنتكلم او نفكر بطريقه حضرتك كده يبقي اللي يسرق يسرق و اللي يقتل يقتل و دع الخلق للخالق .

[الصاوي]

يسرق يسرق و اللي يقتل يقتل

اظن ان الناس دي بتضر غيرها لكن صيام حد من عدمه مبيضرش غير نفسه
طب قولي مثلا المفروض تعملهم ايه؟؟
مش هتلاقي اجابة منطقية صدقني و أكيد البوكس مش هيمشي يلملم فيهم مثلا

[الصاوي]

عايزين تعرفوا ايه اللي جاي كمان:
الناس هتسكر علني و هتحشش علني كمان
الدعارة هتكون عيني عينك ده اذا ما كانتش كده فعلا
الحجاب هيختفي بالتدريج
هتهجر الصلوات الجماعية و ممكن الفردية
هتنتهي موجة الزواج العرفي لعدم الأكتراث بالزواج اصلا
سيباح القمار
الخ

ده البلاوي لسة جية

الجوع بيولد الكفر

[عاشق الفولفو]

عايزين تعرفوا ايه اللي جاي كمان:
الناس هتسكر علني و هتحشش علني كمان
الدعارة هتكون عيني عينك ده اذا ما كانتش كده فعلا
الحجاب هيختفي بالتدريج
هتهجر الصلوات الجماعية و ممكن الفردية
هتنتهي موجة الزواج العرفي لعدم الأكتراث بالزواج اصلا
سيباح القمار
الخ

ده البلاوي لسة جية

الجوع بيولد الكفر

قصدك يعني من علامات الساعة ولا اية؟؟!؟؟ :roll:
وللعلم

هتحشش علني

موجودة و بكثرة

الدعارة هتكون عيني عينك

موجودة

الحجاب هيختفي بالتدريج

الحجاب زي ما هو بل اعتقد انه بينتشر بس للاسف الملابس اللي علي الحجاب اصبحت فاضحة اكثر واكثر
(دي حاجات متهايلي كانت من اسباب حادثة تحرش وسط البلد اللي انا لغاية دلوقت مش عارف حصلت كدة ازاي :?: بل وكررت بنفس السيناريو في راس ابر تقريباً)
ربنا يحفظنا جميعاً

[Heshaam]

علشان حضرتكوا لاحظتوا كام واحد بيفطر او فاطر .. بقى في تزايد في المجاهرين .... سبحان لله , كانوا بيعملوا زمان استفتاءات و بحوث و دراسات علشان يعرفوا النسب دي .. دلوقتي الانسان تقدم .. بقى لما يشوف بس يديك نسبة علطول .

بس برده في وجهة نظر بتقول إن الدراسات ديه بتولد فكرتها بالأساس من المشاهدات التي بتلفت النظر لظاهرة معينة فتبقى الدراسات لاحقة على المشاهدات. (زي مثلا الغلاء المتزايد اللي محاوطنا من كل جانب ده إحنا مشاهدينه وحاسينه وفين وفين اما تيجي دراسة وتكشف فعلا إن في غلاء وتحاول توضح أسبابه)

ومن وجهة نظري إن الأخطر من مجرد تزايد عدد المجاهرين، إنه موقف شركات ومحال بتقدم أكل وشرب على الملأ في نهار رمضان - زي ما الأخ المهاتما وضح في مداخلته - مش بس مجرد واحد أو اتنين اتشافوا وخلاص.

فحاجة زي كده - أبعد من مدلولها الديني كمان - ما هي إلا صورة أخرى للتعبير عن الامبالاة وعدم الاحترام للآخرين وعدم الشعور بالمسئولية تجاه المجتمع ككل.

[PAYOO]

زمان كان فيه ورانا عماره الدور الارضي كان بجنينه
الجنينه دي كانت بتاعت مدام منيره
مدام منيره في رمضان كانت بتتغدي معانا علي المدفع
تخيلوا ليه
علشان ريحت اكلها و هيه بتسخنوا ما تضايقش الناس
و كانت بتجيب لابنها هدوم في العيد و ييجي معانا الصلاه الصبح و يستنانا نصلي و نروح نتفسح مع بعض
مدام منيره قبطيه مصريه جميله
ده موقف من زمان
الان بقه واحد زميل والدتي في الشغل بتحكلي لي انه مجاهر بافطاره و لما كلموه تخيل الرد كان ايه انا بشتري صيامي ب 10 جنيه بفطر بيها صايم كل يوم
انا اتجننت لما سمعت كده لا ده انت مش جاهل بالدين لا و كمان بتفتي
حاجات كتير اتغيرت و اتقلت بركتها حتي نفوس الناس

الجزء الأول من مداخلتك يا هاني بيدينا مثال عن النموذج القبطي الحقيقي والذي نعرفه جميعا وتربينا معه وشاركناه وشاركنا الأفراح والأحزان سواء في الجيره أو المدرسه أو العمل .... ألخ

أما النموذج الأخر في مداخلتك فلن أعلق عليه لأنني لن أستطيع أن أتحدث عنه بطريقه تليق بهذا النموذج

عايزين تعرفوا ايه اللي جاي كمان:
الناس هتسكر علني و هتحشش علني كمان

أنا عاوز اقولك أن في أحياء عشوائية كامله شرب المخدرات فيه شيء عادي جدا

الدعارة هتكون عيني عينك ده اذا ما كانتش كده فعلا

مصر قبل أن تصبح جمهوريه (وحتى بعد أن أصبحت جموهوريه بعامين) كان فيها بيوت مرخصه من قبل الدولة للمارسة الفاحشه والسيدات الموجده بها لديها تصريح رسمي من الدوله (رخصه) لممارسة المتعه الحرام
وحتى الأن توجد دول عربيه بها هذه البيوت وهذا الترخيص

الحجاب هيختفي بالتدريج

طيب وهو الموجود دلوقتي حجاب إللي أنا أعرفه إن الست التي تتبع تعاليم دينها الحقيقيه ترتدي الخمار أو النقاب لكن حتة الإشرب إللي أحنا بنشوفه ده مايتسماش حجاب

هتهجر الصلوات الجماعية و ممكن الفردية
للأسف اغلب الشابا هجرها خلاص

سيباح القمار
الخ

القمار مباح حضرتك في مصر لغير المصريين وموجود في صالات خاصة بالقمار في الفنادق الخمسة نجوم فقط وهو مايعرف باسم Casino ويوجد في مصر أكثر من 32 صالة للقمار

هتنتهي موجة الزواج العرفي لعدم الأكتراث بالزواج اصلا

لسه ماوصلناش للدرجة دي لحد دلوقتي

ده البلاوي لسة جية

الجوع بيولد الكفر

الجوع عمره ما كان له دعوه بالانحلال أعظم الناس في سجل التاريخ الأسلام ليسوا أغنياء وحتى في المسيحيه الرهبان يتخلوا عن كل متاع الدنيا لعبادة الخالق

إذا الفقر ليس له علاقة لاعبادة والأخلاق
إذا يجب أن نبحث لنعرف لماذا تخلفنا عن مسيرة الشعوب المتقدمة
سؤال يطرح نفسه

[eng_mkhalaf]

لا إله إلا الله - ربنا يتولانا برحمته

[mtema99]

ده شيء طبيعي في ظل الصلاحيات اللي بيخدوها النصارى حاليا كأجرائات سياسيه من امريكا
من كثره بناء الكنائس و تحجيم بناء المساجد و سلطتهم القويه و كده
انا و الله مش بعادي في حد بس فيه منهم بجد اتغيروا جدا في ال كام سنه الماضيين

[Heshaam]

الجوع عمره ما كان له دعوه بالانحلال أعظم الناس في سجل التاريخ الأسلام ليسوا أغنياء وحتى في المسيحيه الرهبان يتخلوا عن كل متاع الدنيا لعبادة الخالق

إذا الفقر ليس له علاقة لاعبادة والأخلاق
إذا يجب أن نبحث لنعرف لماذا تخلفنا عن مسيرة الشعوب المتقدمة
سؤال يطرح نفسه

أكيد الفقر - والجوع - سبب رئيسي وجوهري وراء التردي الأخلاقي والتراجع الذن نشهده؛ وإن لم يكن السبب الوحيد إنما بنفاعله مع حالة عامة من الاستبداد والفساد والتمييز. واستحضر هنا القول المنسوب للإمام على ابن أبي طالب - كرم الله وجهه -: "لو كان الفقر رجلا لقتلته".

كثره بناء الكنائس و تحجيم بناء المساجد و سلطتهم القويه و كده

:?: :?: :?: :?: :?: :?: :?:

[Moh.Fahmy]

يا جماعة انا متفق مع هاني بايو في ان الفقر عمره ابدا ما يكون السبب في الانحلال الاخلاقي اللي حاصل و الدليل ان الموضوع ده منتشر في كل الاوساط و جميع المستويات و الطبقات الازمة الحقيقية تكمن في اسلوب التربية لان النهاردة بكل بساطة الاب و الام كل همهم في جمع الفلوس فقط عشان يعرفوا يربوا اولادهم كويس من وجهة نظرهم طبعا
بالعكس الفقر ممكن يخرج اجيال ناجحة لديها التحدي لقهر كل الضغوط الواقعة عليهم و الدليل الدكتور احمد زويل و فاروق الباز و محمد النشائي كلهم من بيئات فقيرة
يا جماعة انا رأي و ان كان البعض حيقول انه رأي متخلف انما ده الرأي اللي انا مقتنع به ...الام....الام ...الام لازم تقعد في بيتها عشان تتفرغ لتربية اولادها التربية السليمة فلا توجد تربية سليمة في حالة عمل الام الا في حالات نادرة و لا يصح تعميمها خصوصا امهات هذه الايام لان الام زمان و ان كانت تعمل فهي كان لديها المقدرة و الوعي ان توازن بين الاثنين و الدليل اننا لم نشعر بهذا الانحلال الا في هذه الايام
زمان لو تتذكروا كانت ساعة الافطار تتوقف فيها الحياة و الان للمتابع مبتفرقش ساعة الافطار او ساعة صلاة العشاء و التراويح
لابد لنا من زرع الوازع الديني لدي ابنائنا و لنبدأ بأنفسنا يعني انا لدي ابني مازن الذي يبلغ الخامسة من عمره و تجدني مهتم جدا بالناحية الدينية عن اي ناحية اخري لانها هي الاساس فلابد ان نزرع في اولادنا السلوك الديني و حفظ كتاب الله لنخرج اجيالا سيحاسبنا عليها الله و رسوله ..اجيال هي ستكون السند لنا حتي بعد مماتنا مصداقا لقول رسول الله صلوات الله و سلامه عليه او ولد صالح يدعو له


محمد فهمي