المنتخب فضحنـا فى جنوب افريقيا فضيحة بجلاااااجـل

[Corolla2010]

بجد الله يخرب بيت عمر اديب كان ماله ومال الموضوع ده
اهه كل حاجه دلوقتى هتيجى عليه و انه السبب فى الهزيمه من امريكا
وهيبقى السبب فى خروجنا من كاس العالم
با شماته ابله ظاظا فينا

[أبومعاذ]

شاهد عيان ينفي إدعاءات جنوب أفريقيا وFilGoal.com ينفرد بتفاصيل السرقة

بقلم: شريف حسن | الأحد ، 21 يونيو 2009 - 19:29| (47720)
25


نفى شاهد عيان لـFilGoal.com الشائعات التي أطلقتها صحف جنوب أفريقيا تتهم فيها لاعبي المنتخب المصري باصطحاب فتيات ليل إلى فندقهم مما أدى إلى سرقة أموالهم.
وزعمت صحيفة "صنداي ورلد" الجنوب أفريقية أن لاعبي المنتخب المصري لم يتعرضوا للسرقة في الفندق، ولكن أموالهم فقدت بعد اصطحابهم فتيات ليل إلى غرفهم لقضاء سهرة حمراء.
وكانت البعثة المصرية قد أبلغت عن حادث سرقة مبالغ مالية قيمتها 2400 دولار من غرف خمسة لاعبين عقب عودة الفريق من مباراة إيطاليا في الجولة الثانية من مباريات المجموعة الثانية.

حسن
وأكد أيمن عيسوي مشجع مصري مقيم في نفس فندق المنتخب في جنوب أفريقيا لـFilGoal.com أن الجميع اكتشف السرقة مباشرة عقب العودة من ملعب المباراة أمام إيطاليا.
وروى عيسوي تفاصيل الواقعة قائلا "عقب عودتنا من الملعب وصعود اللاعبين إلى غرفهم، بدأ البعض في النزول مجددا للاستقبال للشكوى من فقدانه لأموال من غرفته، مما دفع أحمد حسن قائد الفريق للمرور على جميع الغرف ومطالبة اللاعبين بالتأكد من ممتلكاتهم".
وتابع "تم حصر خمس حالات سرقة في غرف كل من أحمد عيد عبد الملك ومحمد شوقي وأحمد رؤوف ومحمد زيدان ومحمد أبو جريشة".

الأمن مشكلة جنوب إفريقيا
وأشار عيسوي إلى أن أحمد عيد كان قد فقد أموال في مرة سابقة ولكنه ظن أنه من أضاعها ورفض الإبلاغ أو إخبار أحدا بالأمر.
وشدد المشجع المصري على أن الفندق الذي يقيم فيه المنتخب يحرسه العديد من أفراد الشرطة مما يستحيل دخول أحد من خارج الفندق إلى غرف اللاعبين حتى الجماهير المصرية أو الإعلاميين وحتى أعضاء مجلس إدارة الاتحاد نافيا ما زعمته الصحف المحلية.



المصدر:

http://new.filgoal.com/Arabic/News.aspx?NewsID=56958

[M.almaghraby]

محدش يعرف يكلم عمرو اديب نهائي و لا يعرف يعمل له حاجة .

[Fouad Ezz]

نص الخبر المشبوه الذى إعتمد علية الـ....... عمرو أديب في هجومة القذر علي الشرفاء

http://www.sundayworld.co.za/News/Article.aspx?id=1021106

واللى يقرأ بعناية يفهم إزاي ان الخبر من مجرد مراسل للصحيفة
وإن البيه عمرو أديب كان بيترجم علي مزاجة بما لا يمت بصلة للمكتوب

مثلا: هو قال وصرحت مديرة الشرطة بأن اللعبين كذا وكذا ..
لكن ترجمة المكتوب هو
بالأمس صرحت "سالي دي بير" المتحدثة الرسمية بإسم الشرطة بأن خمسة لاعبين مصريين فقط تعرضوا للسرقة كما أضافت "يجب أن يؤخذ في الإعتبار أن الحادثة كانت سطو وليس سرقة بالإكراه وأكدت أن خمسة لاعبين فقط قد تعرضوا لذلك" وأضافت " لم يتم إعتقال أحد وأنه قد تم إستجواب عمال الفندق وأنها لا تعلم شيئا عن فتيات الليل"

[r0xer]

حاجة تضحك والله إن منتخب بلد يهدد ميلبعش عشان اعلامي قرأ تقارير صحفية وعرضها على الناس هههههههههههههههههههههه

قمة الرقي و التحضر حقيقي يعني...وال عايزين يصعدوا كاس عالم!

[Fouad Ezz]

يعني الست كانت بتدافع عن بلدها مش بتأكد إتهام اللعبين في تقرير رسمب للشرطة زي ما البيه كان بيقول

[ams]

أنا لسة جايب النتيجة النهاردة الصبح ..
و الله ضيعوا لي فرحة النتيجة ..

فرحة
يبقى
مبروووووووووووووووووووووووووووووووووووووووك:b4_388:

[M.Mostafa80]

والله الموضوع ده ياجماعه بالرغم من المستوى الرديئ للعب وعدم التفوق
ألا أن حرام نظلم حد من غير مانتأكد دا جرنال اللى نشر الخبر زيو زى الصحف الصفراء اللى عندنا وفى ناس معروفه ليها مصلحه فى ان سمعه المنتخب تبقى فى الأرض بعد الخساره اللى أتعرضتلها والحاجه دى تايهه عن دماغ الجميع المستوى الجيد أمام البرازيل والأرقى أمام أيطاليا مع الفوز عليهم دى نقطه
النقطه التانيه فعلا مشهور عن جنوب أفرقيا بعدم الأمان فيها وان معدل الجريمه والسرقات عالى جدا هناك
الحاجه بقى الأهم أن عمرو أديب أعلامى ليه كلمه مسموعه المفروض كان يتحرى الدقه جيدا قبل الكلام السئ اللى قاله وأتهم فيه ناس محترمه ومعروف عنها السمعه الطيبه وحتى لو حد كلمو وأستفزو المفروض ما كنش يوقع نفسو فى الغلط ده وانو يشتمهم بالطريقه دى أن شايف بصراحه الموضوع ده من عمر أديب دروب فى مستواه الأعلامى
وبعدين ياجماعه ليه دايما لما يبقى فى فوز نشكر ونرفع اللاعيبه والمدرب السما ولما يبقى فى خساره نجبهم الأرض صحيح مستواهم كان زى الزفت ومنيل بنيله لكن بردو اللعب والرياضه مكسب وخساره وتوفيق من عند الله وربنا مش كاتبلنا أن أحنا نفوز ونصعد
لو أجتمع قوم على أن يضروك بشئ لن يضروك الا أذا كتبه الله لك وأجتمع قوم على أن ينفعوك بشئ لن ينفعوك ألا أذا كتبه الله لك ( انا كاتب الحديث فيما معناه وليس متأكد من الصيغه الخاصه به )والنهايه نترك الأمر فى يد من يفهم ويعلم ليظهر لنا الحقيقه ولا نتسرع ونظلم احد فقد نندم على ما فعلناه

[Ahmed Selim]

دونجا أتسرق النهاردة يا رجالة.............

لما نشوف شرطة جنوب أفريقيا هتطلع تقول أيه المرة دى ؟؟؟

تفتكروا كان جايب فتاة ليل ؟؟؟؟؟

عموماً النهاردة الصبح على نجوم أف أم أتنين مستمعين سبق لهم السفر لجنوب أفريقيا خلال الشهرين اللى فاتو
واحد أتسرق مرة..........و كان قاعد فى نفس الفندق بتاع المنتخب فى بريتوريا
و التانى أتسرق مرتين....أيوة مرتين مرة جوة الفندق و مرة أمام الفندق.

أكيد الناس دى كلها كانت معاها فتيات ليل.

عمرو أديب ده معقد أصلاً فى الكورة...........و كلنا عارفين ليه.....و إن كان ليه الحق ينقل اللى أتقال فهو ملهوش الحق يغلط فيهم............و ملهوش الحق أنه ينتقدهم لأنه مش ناقد رياضى.

[PRO-DRIVE]

حاجة تضحك والله إن منتخب بلد يهدد ميلبعش عشان اعلامي قرأ تقارير صحفية وعرضها على الناس هههههههههههههههههههههه

قمة الرقي و التحضر حقيقي يعني...وال عايزين يصعدوا كاس عالم!

بس قمه الرقي و التحضر انك تشتم الناس !


دوست علي شكر بالغلط

[r0xer]

بس قمه الرقي و التحضر انك تشتم الناس !


دوست علي شكر بالغلط

هي سهلة بس انت مصعبها

انت واحد بيعتمد عليك 80 مليون عشان انت بتلعب كورة احسن من ال80 مليون....وجه واحد من ال80 مليون شتمك وقالك انك اخلاقك وحشة. هتقوم قايل مش لاعب كورة لان واحد من ال80 مليون شتمني وانا زعلت خلاص ومش لاعب؟

يعني مفيش دفاع بالمرة عن عمر اديب ولا اي حد تاني..اخلاقهم ليهم مش لينا ولكن العتب على اللي يقول انه مش لاعب لان واحد حتى مش متخصص طول لسانه!

شفت ازاي سهلة وانت اللي مصعبها؟!

[Ahmed Selim]

صارت بعثة منتخب البرازيل المشاركة في كأس القارات بجنوب إفريقيا ثاني من يتعرض لحادث سرقة بعد المنتخب المصري.
وقال رودريجو بايفا المتحدث الرسمي للمنتخب البرازيلي فجر الاثنين في تصريحات لوسائل الإعلام الأمريكية إن كارلوس دونجا المدير الفني اكتشف فقدان بعض الأموال والملابس من الفندق يوم الجمعة، ولكنه لم يعلن عن السرقة سوى يوم الأحد.
وأشار بايفا إلى أنه تحدث مع السلطات المحلية، وأنه يعتقد أن السرقة حدثت أثناء وجود المنتخب البرازيلي في رحلة سفاري.
وكانت بعثة المنتخب المصري قد تعرضت لسرقة نحو 2400 دولار وتم اكتشاف السرقة بعد العودة من مباراة إيطاليا يوم الخميس الماضي.
ونشرت صحف شعبية في جنوب إفريقية أنباء غير صحيحة عن تعرض المنتخب المصري للسرقة بواسطة بعض بنات الليل عقب قضاء سهرة حمراء، وهو ما نفته البعثة المصرية جملة وتفصيلا.
ويأتي الحادث الثاني ليدحض ادعاءات الشرطة الجنوب إفريقية التي سربت معلومة السهرة الحمراء في محاولة لإخلاء مسؤوليتها عن واقعة السرقة التي تعرض لها منتخب مصر.

http://new.filgoal.com/Arabic/News.aspx?NewsID=56986

[Terrible_DaRsH]

انا خالى اتسرق لما راح جنوب افريقيا من سنتين و ده شيء عادى جدا و العالم كله عارف كدا .

حتى عمرو اديب قال انهم هناك بيسرقوا علب البيف مش فلوس بس .

و لكن انا مش فاهم ايه دخل السرقة فى هزيمة المنتخب !!

لماذا لم يرد لاعب او مدرب او مسئول عن سبب الهزيمة لحد الان ؟

لماذا لم يجاوبنا شحاته عن سبب عدم نزول محمد حمص المتالق !

لماذا لم يجاوبنا ايضا عن تغيير مكان احمد فتحى عن مكانه المفضل اللى بيبدع فيه !

لماذا لم يجاوبنا عن الاداء السيء و عدم وجود روح الفوز و الاداء الرجولى ؟

لماذا لم يجاوبنا عن سبب اننا لم نرى هجمة واحدة منظمة !

لماذا و لماذا و لماذا !! و محدش بيرد علينا يبقي لازم نصدق البيان بقي .

لو اللاعبين واثقين من نفسهم , كانوا عللوا سبب الهزيمة و قالوا انهم ماكنوش رجالة فى الماتش و انهم استهتروا بالخصم و كانوا ردوا على حكاية السرقة فى المؤتمر و عملوا شكوى فى المسئولين بجنوب افريقيا و بعد كل دا كانوا عاتبوا عمرو اديب .

لكن دول ما صدقوا انهم يمسحوا سبب الهزيمة فى عمرو اديب و يقلبوا الناس على عمرو اديب بدل ما يشيلوا هما المسئولية .

و ده ما حدث بالفعل للاسف !

[ashouhdy]

خلاص خلصت الحدوتة كدة و مسكنا كلنا فى حكاية السرقة و عمرو اديب
والمنتخب معاة الحجة الجاهزة لكل المصايب اللى جاية و اللى رايحة:
1)اللاعيبة متأثرة نفسيا بسبب الشائعات
2)الهزائم التالية كانت نتيجة لعدم وقوف احد بجانبنا فى محنتنا الحالية
3)فقدنا الثقة فى مشجعينا بسبب تصديقهم للاتهامات وبذلك فقدنا التركيز

حجج حجج للصبح ولا حد حيحاسبهم على كارثة امبارح ولا حاجة وكل اللف والدوران حيكون ع حوار البنات اياة

بصراحة بأة يتحرق المنتخب اللى مش مقدر شعور الناس و يقولك اية يعنى خسرنا ماتش بلا نييييييييلة و هو يعنى كسبتوا كام ماتش

خلاص يا جدعان افرحوا الحجة جاهزة

[M.almaghraby]

بصراحة بأة يتحرق المنتخب اللى مش مقدر شعور الناس و يقولك اية يعنى خسرنا ماتش بلا نييييييييلة و هو يعنى كسبتوا كام ماتش

تمام الكلام دا ...............