المنتخب فضحنـا فى جنوب افريقيا فضيحة بجلاااااجـل

[ashouhdy]

يعنى افهم من كده ان انت سعيد باداء امبارح ؟؟

انت راضي عن الاداء بتاع امبارح ؟؟

يا اخى ده مفيش كورة حتى جت فى العرضة و كمان امريكا لها ضربة جزاء صحيحة مليون فى المية لم تحتسب !

نشجعهم لما يكونوا رجالة مش مهم كسبوا و لا خسروا و لكن لما يكون لا فى لعب و لا اداء و لا هجمة وحيدة صح يبقي المفروض حضرتك تراجع نفسك !! و انا مش شايف شيء غريب ان احنا ننتقضهم نقض شديد كمان .

بجد +11111111111
والله العظيم الاعيبة كانوا بيطفشوا الكروة و بيلعبوا اى حاجة وذى ما تيجى تيجى
دة الكلام الصح
امبارح فى راجل كبيير داخ و وقع ع الارض و جابلوة مية بسكر و دوا الضغط
شوف كام واحد حصلة كدة
فعلا كان فية حاجة غريبة فى الماتش دة
وحسن شحاتة نزل بأعجب تشكيل شفتة فى الدنيا ----ضايع

[Amr_Moh]

بعيداً عن موضوع البنات .. حسن شحاتة هو السبب

[2hmed_7osam]

المشكلة اننا بننسى بسرعة!
حد فاكر فضيحة الامارات لما البهوات و معاهم حسن شحاتة راحوا يشحتوا فى الامارات و كل واحد منهم خد علبة الله و اعلم فيها كام و واقفين يضحكوا و يتصوروا ادام الكاميرات!
الناس اللى تعمل كده يطلع منهم اى حاجة.

انتا حضرتك بتتكلم في وادي والموضوع في وادي تاني خالص
هيا ايه فضيحة الامارات دي اللي بتقول عليها

هوا لما بلد عربي شقيق يقوم بدعوتك لبلده لكي يقوم بتكريمك عن ادائك المشرف ولعبك الرجولي ........الخ

اسمها شحاته !!! وانك رايح تشحت ؟؟؟؟؟؟؟؟؟ اي عقل او منطق لبني ادم يعقل الكلام دا
حضرتك البهوات دول حقهم يضحكوا ويرقصوا عشان سيادتك في ذلك الوقت (الرجالة) دول هما اللي كانو كسبانين وبيتكرموا.
.................................................. .................................................. ..
المنتخب المصري في بطولة كأس القارات كل المصرين ونا واحد منهم قلنا
هنلاعب البرازيل يخرابي يالهوي دا هيبقا سييرك مش ماتش دا اول مالبرازيل هتسنتر الاجوان هتمطر علينا
حصل ايه يومها قولي حصل ايه البرازيل بكامل نجومها الاساسين اتقطعوا من اولادنا (الرجالة) ...........
.................................................. .................................................. ...............
ماتش ايطاليا قلنا ايه :
لايعم حلو اوي كدا احنا الطاليلان شافو لعبنا مع البرازيل اكيد هينزلو شادين حيلهم قوي وهيورونا انهم فعلا ابطال العالم حصل ايييييييييييييييييييييييييييييييييه ؟؟؟؟؟؟؟؟؟؟؟؟؟
منتخب مصر (الرجالة) بقيادة (المعلم) يسحق المنتخب الايطالي بكامل نجومه ويعلمه درسا واتكتب ف الصحف الايطالية بالنص الكلام دا
.................................................. .................................................. ......................

وقفه بقا هنا:::::

هل هناك مصري راهن ان المنتخب المصري هيأدي الاداء الرائع دا ويشرف العرب
اصدقائي السعودين كانو بيهنوني وبيتفرجو على الماتشات ومشدودين زيي انا
اصدقائي السودانيين نفس الكلام
اصدقائي السوريين نفس الكلام
اصدقائي الفلسطنين نفس الكلام

وعلى النت جميع العرب حسينا بيهم معانا بيساندونا ويباركولنا على الاداء (الرجولي) بتاعنا وان احنا شرفنا العرب والمسلمين قبل من نكون شرفنا بلدنا مصر مسلمين واقباط وعرفنا العالم ان في منتخب اسمه منتخب مصر
هز عرش البرازيل ودك ايطاليا دكا.
.................................................. .................................................. ..................

محدش فينا كان في جنوب افريقيا ولا الاعلامي الساقط ( عمرو اديب ) كان هناك

1_الملابسات كلها محدش يعرفها بس قريت على النت ان قناة الحياة بعد ماتش ايطاليا كانت سهرانه مع اللاعبين لحد الساعه 3 فجرا وبتصور والتصوير دا اكبر دليل ان لحد الوقت دا مكنش في بنات ليل ولا حاجة

2_ كاميرات الفندق اكيد اكيد لو في باب اوضة اتفتح ودخلت بنت هتكون البنت دي متصورة برقم الاوضة. في صورة ظهرت ؟؟؟؟ لأ طبعا

3_دلوقتي انا في بلد جايباني عندها عشان العب بطولة اول متسرق هقوم قايل دي بلد بنتxxx واتهم البلد
ولا امشي ف الاجرائات والتبليغ عن حادث السرقة

4_ الاعلامي الساقط مش من حقه ان يوجه اتهام هوا فقط وظيفته الايضاح لاكن كون ان الساقط دا ينعت منتخبنا
بالمنتخب (النجس) والتعدي على اللاعبين بعد مكان طاير بيهم قبلها بيومين ف انا شايف التناقض دا ماهو
الا نوع من البروباجاندا وانه زي مبيقولو كان نايم جاتلو فضيحه صحي قام ناشرها وموجه اتهامات

5_ الاعلامي الساقط اتهم شرف لاعبين محصنين والكلام دا معروف عندنا ف الدين الاسلامي يعني ايه محصن
وايه عقابه

6_ انا لو لاعب وطني جدا وبلدي قبل بيتي وعيالي واهلي وحد طعني فشرفي يغور المنتخب على الكورة على
اللي يلعبها تاني على اللي يخليني العب لأسم بلدي ان شاء الله ف منتخب البلياردو عشان يجرح فيا ويهين كرمتي اصل انا بمثل بلدي فلو اانا كدا فكتير من بلدي كدا

7_المنتخب البرازيلي اتسرق ايه بقا ياترى اللي سرق المرادي اكيد القصه هتتغير بنات الليل بقت مكشوفة
هتلاقي تصريح نازل من البوليس من مصدر (سري) وطبعا (موثوق منه) ازاي متسألنيش يفيد بأن ::
المنتخب البرازيلي كان في رحلة سفاري وقد اثارت مقتنيات اللاعبين الثمينة القرود في المحمية التي توجه اليها اللاعبون فقامت القردة البرية بسرقه محتويات اللاعبين والمدرب الذين تعمدوا اغاظة القرود وهم ف الرحلة

8_ من الطبيعي لو انا بلد هتنظم كاس عالم وطلعلي مصايب زي دي وسرقات وعدم وجود امن حتى ف الفنادق ال خمس نجوم وهيبان ان البوليس بتاعي تعبان هدور على اي حاجة ابعد بيها الشبهات والا كاس العالم تنظيمه هيطير مني وبالسلامة


9_ أسوأ الافتراضات لو في لاعبيين اخلاقهم مش مظبوطة يخافو يعملو كدا لأن ببساطة لو اتقفش معتقدش ان اي حد من اللاعبيه اصحاب السمعه النضيفه هيبص فوشه او حتى يقبل ان يلعب معاه او جمبه

10_ مفيش حد هيسهر سهرة حمرة ويتسرق ويروح زي الاهبل يبلغ انه اتسرق

.................................................. .................................................. .....................

ماتش امريكا جينا قولنا ايه :

احنا بس نتعادل يعمي ونتأهل
لا يعم احنا نجيب سكووور عالي ف امريكا دي اتغلبت من الفرق اللي احنا بهدلناهم

اتغلبنا 3 صفر ومكنش في فريق بيلعب كورة و مش لاقيين ( الرجالة ) ف الملعب لييييييييييه ؟؟؟
الخطة ولا اللاعيبة ولا ايه بالظبط دا كلام يخضع لوجهات النظر المختلفه.

.................................................. .................................................. ....................

حسن شحاته لاعيبته في منهم اللي اتصاب زي زيدان - ومعوض
والاغلب منهم حصلهم اجهاد هتقولو اجهاد ايه وبتاع ايه
شوفو ماتش ايطاليا حصل فيه ايه شوفو اللاعيبة الايطاليين كان وشهم عامل ازاي شوفو تعبو ازاي وهما بيلعبو
وحنا كنا صامدين الصمود دا عامل زي اكنك عندك جهاز ومشغله وضاغط عليه اكيد مش هيستحمل على طول وهاييجي وقت هيكون محتاج اصلاح او صيانه

قريت رد ف الموضوع هنا بيقول ان الفريق الكويس هوا اللي بيكسب على طول لو على كدا
يبقا البرازيل كانت احسن مننا ف الماتش

وعلى كدا يبقا كاس العالم مش لازم نعمله بطوله وهوا كدا كدا فريق واحد الي هياخده

مفيش حاجة اسمها الفريق الكويس بيكسب على طول

الفريق الكويس بيكسب مرة واتنين وتلاته تيجي عليه اوقات بيكون محتاج تعديل تجديد دماء تعدل خططي عشان
كل حاجة حواليك بتتغير مش انتا بس اللي بتتغير
ولو كلامي غلط كان زمانا مغلوبين من البرازيل بدستة اهداف

اعتذر لطول الرد اللي وصل لشكل المقالة لاكني كتبته من حرقة دمي من الاعلامي الساقط
والناس اللي بتدافع عنه ولأني اثق ف اولادنا الرجالة واثق فاخلاقهم ودينهم
مش زي الاعلامي الساقط اللي بيسقف لدينا الرقاصة وبيتصور وسط عارضات الازياء ((وبيبوس الواااااوااااااا))

[Abo_Lina]

أتفق معاك يا أحمد حسام ..
و شد حيلك المنتخب محتاجك ..


سبحان الله كيد عمرو أديب إرتد عليه و فعلا سقط في أعين الكثيرين و أصبح من أكتر الشخصيات المكروهة

[2hmed_7osam]

أتفق معاك يا أحمد حسام ..
و شد حيلك المنتخب محتاجك ..


سبحان الله كيد عمرو أديب إرتد عليه و فعلا سقط في أعين الكثيرين و أصبح من أكتر الشخصيات المكروهة

والله العظيم لو بس حد بصلي وقالي تيجي تلم الكور هاجي والمها بس اكون من المنتخب

حى بعرف العب كورة والله

وعمرو اديب سقط خلاص من نظري واشكرك على اتفاقاك ف الرأي معايا واحنا دورنا دلوقتي:
ندافع مش ندين لحد مانقطع الشورت ف البسين

[Abo_Lina]

يا كابتن أحمد حسام بتعرف تلعب كورة طبعا يا كابتن
كفاية تجربتك مع أياكس و توتنهام
و ياللا يا ميدو..إديلو في ...إيدو

[2hmed_7osam]

هههههههههههههه ربنا يخليك يباشا

[ashouhdy]

يا ميدو انا اللى قلت الفريق الكويس لازم يحافظ ع مستواة مش يكسب ع طول
لكن احنا كنا محتاجين جون واحد
اذاى بدافع عن خطة حسن شحاتة فى اللعب
مش الاجهاد اللى ضيعنا
التشكيل الغريب اللى ضيعنا
والاهم ان الاحتياطى بتاعنا لسة مفيش خبرة
ذى مشكلة النادى الاهلى دلوقتى
ممكن ترد ع اسئلتنا
1)حمص ملعبش لية
2)لية غير مكان احمد فتحى
3)لية اصر ع الكرات العارضية العالية و هما اطول منا بكتيييييير
4)لحد اخر دقيقة مصمم ع العرضية
و فين اوكا و لية معرفناش نجيب جون يتيم
لية 30كرة عرضية متلمسوش من لاعبيتنا

والاهم لية حتى فى الوقت الضايع كنا عمالين نشتت الكورة بعيد و نباسى لبعض كأننا احنا الكسبانيين و احمد حسن ماشى بالكورة يلف حوالين نفسة ! و كل الهجمات المرتدة متلقيش غير واحد بس اللى معاة الكورة و الباقى ورا
لية معرفناش نكسر مصيدة التسلل اللى كانت واضحة من اول نص ساعة


دة اللى يهمنا مش بنات ليل وبتاع

[MoToRiZeR]

مينفعش تناقش المدير الفني في إختياراته لأن هو اللي قاعد مع الفريق و بيدربه و شايف حالة اللعيبة مش إحنا .

لو كنا خسرنا في ماتش إيطاليا كان برضه حد هيقول : ممكن تجاوبني عالأسئلة دي :

1) ليه حمص لعب !؟ ده عمره ما شارك مع المنتخب .. أول ما أجربه أجربه قدام إيطاليا !

2) ليه مصر يلعب أوكا رغم إنه واضح أوي إنه لسة منسجمش مع الفريق في ماتش البرازيل !

3) مين عبد الملك ده .. يا جماعة و الله إحنا بنلاعب إيطاليا مش كفر أبو طشت !

المدير الفني بيكون له رؤية بيراهن عليها ساعات بتجيب و ساعات بتخيب .
مع الملاحظة إن حسن شحاتة مكانش موفق فعلاَ في الماتش ده
بس ده مش مبرر إن الموضوع يتحول لمحاكمة عسكرية .. و إلا نحط التشكيل إحنا بقي و يشيلوه خالص

و يبقي تشكيل المنتخب عن طريق مسابقات زيرو تسعمية .. لمحمد زيدان في الهجوم إضغط الرقم 3 !

بالمناسبة فين الأعضاء اللي قالت فيه تقارير و صور !؟

[Terrible_DaRsH]

يا محمود خلى بالك .

لو كنا خسرنا 241 \ 0 امام ايطاليا مكناش هنتكلم عن التشكيل نهائي لان ده المتوقع . اللاعيبة كتر خيرها طلعوا رجالة و لعبوا برجولة و كسبنا .

لكن قدام امريكا كان فى 900 علامة استفهام فالموضوع ميمشيش بالبساطة اللى انت بتقولها دى !

امبارح كانوا مستضفين الجهاز الفنى للمنتخب على الايه ار تى .

و سال شحاته ليه اوكا ملعبش و ليه احمد فتحى لعب فى غير مكانه .

رد بكل برود : دى مبررات الهزيمة اللى الناس بتقولها راح المذيع مكرر السؤال شحاته مردش عليه برده !!

هو غامر و فتى من دماغه وحب يشيل اوكا و حمص لماتش اسبانبا و هو حفز اللاعيبة انهم يجيبوا اهداف من اول المباراة و ده طبعا اثر سلبي و خلاهم مستهترين و مستعجلين .

كنا مطالبين بالفوز بثلاثية خرجنا منها احنا بثلاثية ..!!

مهما حصل و مهما اتقال فشحاتة برده اخطا فى التشكيل و ادارة المباراة .

[Abo_Lina]

احنا مفهومنا للرياضة و الكورة غلط في غلط
طب ما ايطاليا بطلة العالم كانت محتاجة تفوز علشان تتأهل و فشلت و شالت تلاتة..عادي بيحصل
حسن شحاتة و اللاعبين متفقين إن الإعلام من حقه ينتقد و لكن في النهاية ده مدير فني من حقه يفكر و يجتهد و ممكن يصيب و ممكن يخطئ
دي رياضة مش معادلة حسابية معروفة النتيجة مسبقا و الهزيمة جزء من اللعبة