صيانة سوني اريكسون

[ahmedhilmy]

سلام عليكم جميع شبااب المنتددي كنت عايز اسال حد يعرف صيانة سوني ارييكسون فين لاني كنت جايب الجهاز من السعودية و معرفش توكيله هنا فين دي حاجة الحاجة التانية اللي راح التوكيل يقوللي ظروفهم ايه لاني سمعت انهم سفاحين . و شكرا مقدما

تم النقل للمنتدي الاجتماعي
مشرف عام 1

[EslaM_NagY]

لو على مكان الصيانة كلم 140 دليل وهم يدولك النمرة والعنوان.

بالنسبة للتجربة معهم معرفش.

[HAMZAWY]

فى واحد فى محى الدين ابو العز فوق راديو شاك امام سور نادى الصيد
وواحد فى اول مكرم عبيد على اليمين

[SHNORY]

سلام عليكم جميع شبااب المنتددي كنت عايز اسال حد يعرف صيانة سوني ارييكسون فين لاني كنت جايب الجهاز من السعودية و معرفش توكيله هنا فين دي حاجة الحاجة التانية اللي راح التوكيل يقوللي ظروفهم ايه لاني سمعت انهم سفاحين . و شكرا مقدما

1

ممكن حضرتك تقوللنا ايه العيب اللي في الجهاز علشان نقدر نساعدك
فيه كذا عضو هنا عندهم مراكز صيانه للمحمول
ومنهم العبد لله

[Karim_Monir]

توكيلهم في اول عبد الرازق السنهوري في مدينة نصر
شانهم شان اي توكيل موبايلات في مصر
المشكلة ان في اجهزة بتكون معقدة في صيانتها فعلا

[SHNORY]

توكيلهم في اول عبد الرازق السنهوري في مدينة نصر
شانهم شان اي توكيل موبايلات في مصر
المشكلة ان في اجهزة بتكون معقدة في صيانتها فعلا

معلومه لمعاليك يا كريم بيك
التكوكيل اخره في الصيانه تغيير مقاومات او غسيل لبورده الموبايل او تنزيل سوفت وير
غير كده بيقولك نغير بورده
اولا لانهم مش بيتعبوا قلبهم كتير في الشغل لانهم مش مستنيين فلوس الصيانه بتاعه العملاء
والدليل انك لما بتروح ويقولك علي سعر بورده مثلا ممكن تلاقيها بقت اغلي من سعر الموبايل
ثانيا فيه حاجات مينفعش التوكيل يعملها علشان سمعته كمثال في الهارد وير مينفعش يعملوا كباري وقفلات جوه الموبايل
او انه يسخن علي اي سي لاعاده تلحيمه وتنشيطه
او انه يفك شفره بدون الرجوع للشركه الام اللي الموبايل مقفول عليها
دا غير اسعاره الغريبه
مره واحد راح التوكيل وعمل حاجه ب350 جنيه احنا كنا بنعملها ب150
والمشكله ان الناس بتروح التوكيل تدفع ال 500 جنيه مثلا وهي مبسوطه وفرحانه والابتسامه من الودن للودن
ولما نعملهم نفس الحاجه ب50 جنيه يقعدوا يفاصلوا ويطلعوا عيننا

التوكيل للي معاه ضمان فقط لا غير
او للي حيغير شاشه لموديل قطع غياره شحيحه في السوق

[M.Osman]

معلومه لمعاليك يا كريم بيك
التكوكيل اخره في الصيانه تغيير مقاومات او غسيل لبورده الموبايل او تنزيل سوفت وير
غير كده بيقولك نغير بورده
اولا لانهم مش بيتعبوا قلبهم كتير في الشغل لانهم مش مستنيين فلوس الصيانه بتاعه العملاء
والدليل انك لما بتروح ويقولك علي سعر بورده مثلا ممكن تلاقيها بقت اغلي من سعر الموبايل
ثانيا فيه حاجات مينفعش التوكيل يعملها علشان سمعته كمثال في الهارد وير مينفعش يعملوا كباري وقفلات جوه الموبايل
او انه يسخن علي اي سي لاعاده تلحيمه وتنشيطه
او انه يفك شفره بدون الرجوع للشركه الام اللي الموبايل مقفول عليها
دا غير اسعاره الغريبه
مره واحد راح التوكيل وعمل حاجه ب350 جنيه احنا كنا بنعملها ب150
والمشكله ان الناس بتروح التوكيل تدفع ال 500 جنيه مثلا وهي مبسوطه وفرحانه والابتسامه من الودن للودن
ولما نعملهم نفس الحاجه ب50 جنيه يقعدوا يفاصلوا ويطلعوا عيننا

التوكيل للي معاه ضمان فقط لا غير
او للي حيغير شاشه لموديل قطع غياره شحيحه في السوق

انا عندي موبيل سوني إريكسون w850 باظ لوحده لما فصلته من كابل الـusb..
كان فات عليه سنة بصراحة يعنى الضمان كان خلص .. وديته التوكيل (دلتا-المنصورة) قعد عندهم 10 ايام تقريباً او اكتر. كل شوية يقولوا هنبعته القاهرة عشان نشوف ممكن المكنة مش عارف بتاعت اية ممكن تصلحة ولا لأ لأن غير كدا لازم ماذر بورد جديدة و دي غالية جداً
و في الآخر لم يتم تصليحه.
بصراحة مجاش في بالي خالص ان انه ممكن يتصلح تاني و اهو محطوط في الدرج .. كل ما بشوفه بزعل اوي من سوني اريكسون ( خاصة اني بعامل موبيلاتي معاملة خاصة جداً )
هل حضرتك عندك فكرة؟

اعتذر لصاحب الموضوع

[SHNORY]

انا عندي موبيل سوني إريكسون w850 باظ لوحده لما فصلته من كابل الـusb..
كان فات عليه سنة بصراحة يعنى الضمان كان خلص .. وديته التوكيل (دلتا-المنصورة) قعد عندهم 10 ايام تقريباً او اكتر. كل شوية يقولوا هنبعته القاهرة عشان نشوف ممكن المكنة مش عارف بتاعت اية ممكن تصلحة ولا لأ لأن غير كدا لازم ماذر بورد جديدة و دي غالية جداً
و في الآخر لم يتم تصليحه.
بصراحة مجاش في بالي خالص ان انه ممكن يتصلح تاني و اهو محطوط في الدرج .. كل ما بشوفه بزعل اوي من سوني اريكسون ( خاصة اني بعامل موبيلاتي معاملة خاصة جداً )
هل حضرتك عندك فكرة؟

اعتذر لصاحب الموضوع

باشا انا حطلب من حضرتك حاجه تعملها
اشحن البطاريه كويس علي اي شاحن خارجي
ووصل كابل اليو لس بي بالكمبيوتر
وبعد كده دوي علي زرار (c) في الموبايل وشوف الكمبيوتر حيحس بيه ولا لاء وحيبدا يعرفه علي انه هارد وير جديد في الكمبيوتر ولا لاء
لو محسش بيه جرب تدوس علي 2&5 وتوصله بالكمبيوتر
ملحوظه
بتدوس علي الزرار وبعد كده بتركب الكابل

لو الكمبيوتر حس بالموبايل يبقي عيب سوفت وير
لو محسش بيه يبقي عيب هارد وير
وفي كلا الحالتين توديه لحد متخصص في صيانه الموبيلات
بس انا طلبت منك تجرب علشان نعرف العيب سوفت وير وفيه امل كبير ان الموبايل يشتغل ولا هارد وير والامل ضعيف نوعا ما

[elpasha009]

أنا بصراحة أختلف معاكم (كريم منير وسنهوري) في الكلام على توكيل سوني إريكسون تحديدا.
كان ليا تجربة مع التوكيل في شهر 10 السنة اللي فاتت وكتبت عنها في منتدى الديفيدي وده نصها:

ياجماعة الموضوع ده إهداء إلى كل محبي السوني إركسون وخصوصا أستاذي والسبب الرئيسي لشرائي سوني إركسون M.Rgb.
الموضوع إن أنا إشتريت سوني إريكسون من حوالي شهر P1I تقريبا جديد جدا مفيهوش خدش واحد بس من غير ضمان بسعر تحفة جدا.
المهم الموبايل كان شغال زي الحلاوة معايا: لحد من إسبوع بالظبط البكرة اللي في الجنب بدأت تهيس.بقيت شغالة الإتجاهين إتجاه واحد.بمعنى إني لما أنزلها تحت تنزل عادي ولما أطلع فوق برده تنزل تحت.
طبعا إضايقت جدا وفكرت إني أجرب حظي وأروح التوكيل وأشوف هيقولوا إيه.
المهم رحت التوكيل يوم الثلاثاء الساعة 12 الظهر فرع مكرم عبيد وتقريبا مكنش فيه حد غيري في التوكيل.دخلت على الموظف وحكيت الحكاية وقالي هي بتتغير عادي وتمنها 120 جنيه وهتستلم الجهاز بعد 48 ساعة.
بصراحة أنا كنت متخيل إنها أغلى من كده بكتير جدا ده لو كانت موجودة أصلا:).المهم فكرت إني أعمل كام مكلمة كده في السريع وأدور على حد يسلفني موبايل لممدة يومين وأبقى أرجعلهم بليل أسيب الموبايل يتعمل وأمري لله.
المهم مشاغل الحياة شغلتي ونسيت الموضوع خالص لحد يوم الخميس الصبح قررت أخد أجازة اليوم ده وأنام طول اليوم وطبعا أقفل الموبايل.فقولت طيب أوديه بقى بما إني كده ولا كده مش محتاجه وأمري لله.وفعلا بقيت في التوكيل على الساعة 1 تقريبا وقابلت مهندس خدني وقعدنا في غرفة لوحدنا وشاف المشكلة وقالي هتتكلف 125.قولتله مش مهم الفلوس حتى لو هتتكلف أكتر بس أستلم الجهاز النهاردة.
الراجل قالي لا مينفعش النهارده هتستلمه بعد 48 ساعة.وتقريبا الراجل حس إني مضايق فرجع قالي طيب ثواني أنا هطلع الورشة أشوفه ممكن يخلصوه النهاردة ولا لأ.طبعا مش عاوز أقولكم إرتحت قد إيه.المهم للأسف نزل بعد 5 دقايق وقالي أنا أسف جدا بس بجد هما فوق قالولي عندهم أجهزة كتير ومش هينفع النهاردة فممكن تخليها بكرة الساعة 6.طبعا أنا شكرته جدا على تعبه معايا وسألته سؤال غبي جدا :).قولتله هو الموبايل هيبان إنه إتفك وإتبهدل وكده :) الراجل بصلي وضحك وقالي إنت جايب الموبايل التوكيل مش محل على ناصية الشارع:)
المهم تاني يوم الجمعة (مواعيد العمل يوم الجمعة من 4 عصرا ل10 بليل)إتصلت بيهم الساعة 4:30 سألت على الموبايل قالولي خلص.رحت التوكيل جري وإيدي على قلبي وخايف بقى من إن يكون العيب لسه موجود أو الموبايل شكله إتبهدل أو ...........ألخ.
المهم فوجئت بالمفاجأة الكبيرة جدا وهي إن الموبايل أقسم بالله مفيهوش خدش واحد وحتى مكان المسامير مش باين إنها إتفكت أصلا والبكرة متغيرة فعلا لأنها بقيت أتقل من الأول لأنها جديدة.
المفاجأة التانية بقى إن الحساب 110 جنيه فقط شاملة ضريبة المبيعات:)
بجد أنا مش عارف أقول إيه على قمة الذوق في التعامل والإحترافية في الشغل والأمانة للناس اللي شغالة هناك:)
أنا أول مرة أشتري موبايل ويحصل فيه مشكلة.وبصراحة من كتر مابسمع من أصدقائي في التوكيلات التانية كنت قلقان جدا وأنا رايح التوكيل ده.
أنا والله العظيم قررت إني لما أشتري موبايل تاني هيبقى طبعا سوني إريكسون وكمان هشتريه بالضمان مهما كان فرق السعر لأن فعلا يستاهل.
وفي النهاية أحب أقول شكرا ليكي سوني إريكسون على إختيار توكيل ممتاز ليكي في مصر.
وشكرا ليكي شركة الدلتا على المحافظة على ثقة العميل ورضائه.

ملحوظه مهمة:

-عنوان التوكيل:
شركة الدلتا

1-39 محمد توفيق دياب متفرع من مكرم عبيد - مدينة نصر - بجوار راديوشاك - ت :22873063
2-98 محي الدين أبو العز - المهندسين - ت :37487300
3-7 محمود أبو العلا - كفرة عبده - رشدي - الإسكندرية - ت:5424581
4-برج شجرة الدر - المشاية السفلية - أمام نادي تجديف الشرطة - المنصورة - ت:2252029

-مواعيد العمل طوال أيام الإسبوع من 10 صباحا إلى 10 مساء ماعدا يوم الجمعة من 4 عصرا إلى 10 مساء.

-بتدفع 20 جنيه مصاريف كشف على الموبايل ولما بيتصلح بتم خصمهم من فاتورة الإصلاح.

-فيه هناك دفع بالفيزا.

-كان فيه كذا عميل هناك وأنا بستلم وكان باين عليهم الرضا لما إستلموا أجهزتهم :)


بالمناسبة ناس كتير في قسم السوني إريكسون هناك راضيين تماما عن أداء التوكيل.

[SHNORY]

ياباشا الاستاذ بيقول انه راح التوكيل قعد 10 ايام وقالوله حتغير بورده
وحضرتك روحت غيرت زرار دفعت فيه حوالي 10% من تمن التليفون
مع انك لو غيرته بره كان ممكن يكلفك حوالي 40 او 50 جنيه
يعني لو هو راح يغير البورده حيقولوله 2000 جنيه بقي طالما الزرار ب120
فرق التوكيل من المحلات اللي علي الناصيه هي قطع الغيار المتوفره
وربنا يغنينا كلنا ونبقي من رواد التوكيل

[elpasha009]

يا أستاذ سنهوري حضرتك متلخبط في حاجة:)
الأخ اللي راح التوكيل غير الأخ صاحب الموضوع:)
وإسمحلي أرد على حضرتك:
أولا سعر الزرار في التوكيل (هو في الحقيقة بكرة مش زرار لتليفون بيصنف من التليفونات العالية في الأداء والتكلفة) بالنسبة لسعر التليفون في الوقت ده لا يتعدى 4% من تمنه.مع الأخذ في الإعتبار زي مقولت لحضرتك إن التلفون بيصنف من التليفونات العالية والمعقدة.

تاني حاجة وهي أهم حاجة في الموضوع إن الفنش بتاع الشغل بجد كان تحفة.ويمكن هي ديه النقطة المهمة جدا إن التلفون ده ملوش وشوش أو كافر ممكن تغيره لما يتبهدل فكان لازم يكون اللي هيشتغل فيه يشتغل بنظافة عشان ميبهدلش الشكل الخارجي.طبعا ده غير الكلام اللي حضرتك عارفه بتاع ده الوكيل ومضمون وثقة ومش عارف إيه.

تالت نقطة إني أصلا برد على حضرتك وكريم منير في نقطة إن التوكيل مش كويس أو مش محترف.الحكاية كلها إني بعرض تجربة كوسية وإيجابية حصلت معايا ولما كتبت عنها كانت كل الردود إيجابية ناحية التوكيل وكله أيد كلامي من ناحية الحرفنة بتاعتة التوكيل.

أخر حاجة أحب أقول لحضرتك إن كل الكلام اللي فات لا يقل أو ينقص من شأن أي واحد صاحب محل صيانة موبايل بالعكس كل التليفونات النوكيا اللي بتحتاج تصليح بعملها عند محلات صيانة واثق فيهم وعمري مافكرت أروح التوكيل أبدا غير في السوني إريكسون لأني سألت كتير عن صيانته وكانت النتيجة هي (جرب التوكيل الأول)

تحاياتي لك يا أستاذ سنهوري وربنا يوسعها عليك وعلينا ويرزقنا بالحلال جميعا (قول امين).

[SHNORY]

يا أستاذ سنهوري حضرتك متلخبط في حاجة:)
الأخ اللي راح التوكيل غير الأخ صاحب الموضوع:)
وإسمحلي أرد على حضرتك:
أولا سعر الزرار في التوكيل (هو في الحقيقة بكرة مش زرار لتليفون بيصنف من التليفونات العالية في الأداء والتكلفة) بالنسبة لسعر التليفون في الوقت ده لا يتعدى 4% من تمنه.مع الأخذ في الإعتبار زي مقولت لحضرتك إن التلفون بيصنف من التليفونات العالية والمعقدة.

تاني حاجة وهي أهم حاجة في الموضوع إن الفنش بتاع الشغل بجد كان تحفة.ويمكن هي ديه النقطة المهمة جدا إن التلفون ده ملوش وشوش أو كافر ممكن تغيره لما يتبهدل فكان لازم يكون اللي هيشتغل فيه يشتغل بنظافة عشان ميبهدلش الشكل الخارجي.طبعا ده غير الكلام اللي حضرتك عارفه بتاع ده الوكيل ومضمون وثقة ومش عارف إيه.

تالت نقطة إني أصلا برد على حضرتك وكريم منير في نقطة إن التوكيل مش كويس أو مش محترف.الحكاية كلها إني بعرض تجربة كوسية وإيجابية حصلت معايا ولما كتبت عنها كانت كل الردود إيجابية ناحية التوكيل وكله أيد كلامي من ناحية الحرفنة بتاعتة التوكيل.

أخر حاجة أحب أقول لحضرتك إن كل الكلام اللي فات لا يقل أو ينقص من شأن أي واحد صاحب محل صيانة موبايل بالعكس كل التليفونات النوكيا اللي بتحتاج تصليح بعملها عند محلات صيانة واثق فيهم وعمري مافكرت أروح التوكيل أبدا غير في السوني إريكسون لأني سألت كتير عن صيانته وكانت النتيجة هي (جرب التوكيل الأول)

تحاياتي لك يا أستاذ سنهوري.

يا باشا لولا اختلاف الاراء لبارت السلع

وعلي فكره انا شنوري shannory
امنيه حياتي الاقي حد ينطقها صح
اللي حينطقها صح حعمله صيانه لاي حاجه بتتبرمج في الدنيا مدي الحياه ببلاش

[elpasha009]

طيب الحمد لله إن مش أنا لوحدي اللي نطقتها غلط وإلا كنت هشك في نفسي
أسف جدا يا أستاذ شنوري:)

[SHNORY]

طيب الحمد لله إن مش أنا لوحدي اللي نطقتها غلط وإلا كنت هشك في نفسي
أسف جدا يا أستاذ شنوري:)

لا يا باشا متقلقش دي الناس كلها كده مش انت بس
هو انت دلوقتي نطقتها صح بس انت بتروح التوكيل فالعرض مش حيسري عليك
ههههههههههههههههههههههههههههه

[ahmedhilmy]

شنوري بيه كريم بيه و جميع الاخوة الاعزاء اللي تكرموا بالمرور و ترك خبراتهم مع التوكيل جزيل الشكر لكم جميعا شنوري بيه انا جهازي w960 و زي ممعاليك عارف ده من اجهزة السوني اريكسون الحديثة و طبعا اكيد حضرتك عارف انه تتش سكرين اللي حصل انه كان علي الشاشة لزقة دخل تحتها حاجة فشلتها و ع الاسف الاسف اتشالت لزقة اكثر من شفافة معاها و متهيالي دي ليها علاقة بالتتش و من بعدها تلاتة ارباع الشاشة شغالة تتش و ربعها لأ و بالتالي مبقتش عارف استخدم الجهاز لاني في اوبشنز كتير بتطلع في الربع البايز ده في ناس قالوا انهم في التوكيل هيرجعوا يركبوا الجزء بتاع التتش اللي انا شيلته ده تاني ايه راي حضرتك و لو الموضوع ليه حل عند حضرتك هسعد بالتعرف عليك و لو مفيش تنصحني بايه مع جزيل الشكر و الامتنان مقدما