صيانة سوني اريكسون

[جمال]

يا استاذ شنّورى
كده صح يبقى انا استاهل صيانة مدى الحياة رغم انى بروح التوكيل
انا انصح بالتوكيل فى السونى اريكسون بالذات لان عندهم العدة المناسبة و قطع الغيار الاصلية و الخبرة العالية , وكمان هما ناس ملتزمين جدا فى دلتا بالذات و انا مجربهم
باقى الانواع و خصوصا ال نوكيا التوكيل متعب جدا و معاملتهم سيئة
ده رأيى من خبرة طويلة جدا ( من اول ما الاريكسون نزل مصر ) مع الاريكسون و سونى اريكسون وشركة دلتا

[SHNORY]

يا استاذ شنّورى
كده صح يبقى انا استاهل صيانة مدى الحياة رغم انى بروح التوكيل
انا انصح بالتوكيل فى السونى اريكسون بالذات لان عندهم العدة المناسبة و قطع الغيار الاصلية و الخبرة العالية , وكمان هما ناس ملتزمين جدا فى دلتا بالذات و انا مجربهم
باقى الانواع و خصوصا ال نوكيا التوكيل متعب جدا و معاملتهم سيئة
ده رأيى من خبرة طويلة جدا ( من اول ما الاريكسون نزل مصر ) مع الاريكسون و سونى اريكسون وشركة دلتا

صح صح صح صح صح
هي دييييييييييييييييي
حبيبي يا جمال باشا يا كبيرنا وعميدنا والله
انت ليك كل ما املك مش الصيانه بس
واحشني كتير والله وانفسي اشوفك قريب
شنّورى
اهيه احفظوها بقي فوق النون شده
انا طول عمري نفسي الاقي الشده في الكيبورد ومش لاقيها

[NFS]

انا كان معياه w850 مقعدش معياه اسبوعين, و مره واحده جى اشغله لقيته بيدى شاشه بيضا و يقفل قلت شحن سيبته فى الشحن بتاع ربع ساعه جيت افتح مفيش بردو شاشه بيضا و يقفل تانى, جربت افتحه بتاع 3 4 مرات كده و بعد كده رحت فاتح الكفر و بشوف الباطريه, لقت عليه سائل زى المياه بظبط بس لو ذوقته بلسانك بيلسع زى الباطريه القلم بظبط, و لقيت الباطريه بقت طريه كده غريبه ياعنى, و طبعا الباطريه والبورده اتغير فيهم اللون بتاع المربع الى بيوضح انو فى water damage, و انا متاكد ان السائل ده مش مياه, و ان مفيش حاجه جت عليه, ده انا كنت حاطيت الموبيل فوق case بتاعت الكمبيوتر بظبط, رحت التوكيل, الى فى محى الدين ابو العز, طبعا ماهو الموبيل فى الضمان ده معداش عليه اسبوع, حتى والله الفلوس كانت لسه ماتساحبتش من الcredit, المهندس الى فى الاستقبال قالى ايه ده water damage و مينفعش استلمه منك غير لما تمضى على اقرار ان الموبيل جايلنا و هو فيه سوائل, طبعا قلبت قرد اقرار ايه, انا متاكد ان مافيش مياه وصلت للموبيل خالص, حاولت كتيير بس مفيش خالص قالى مش هيخش الصيانه غير والاقرار مامضى, و بعدين ممكن تكون شويه نضافه كده على البورده و خلاص و كل حاجه تشتغل, بعد كام يوم رحت قالى الموبيل غير قابل للاصلاح, والله بالكلمه كده, و ادانى تقرير مكتوب فيه اكسده شديده على البورده. و الموبيل كده شكرا كنت مخنوق قوى كان سعتها الموبيل ب 2500 جنيه و مقعدش معيا غير اسبوعين, والله رميه تحت السرير فى علبته و معاه التقرير بتاعه, ومعياه موبيل ال جى من العصر الحجرى شغال زى الفل بقاله سنتين اهو.

مش عارف ليه حسيت ان التوكيل استهبلو و ان الموبيل حصله سو تخزين ولا حاجه و البطاريه هى الى طلعت السائل على الموبيل, هو ممكن الباطريه اللثيوم تتطلع سوائل ولا انا بخرف ؟!؟!

[samaa semsem]

السلام عليكم
استاذ shnory
انا عندي استفسار مهم وضوروري انا موبايلي سوني اريكسون p1iوامبارح اتخبط في حديد لاقيت الشاشه اتكسرت والكسر باين من جوا والشاشه على ما اعتقد انها اتحرقت وبصراحه خايفة اروح التوكيل عشان كله بيقول انهم غاليين وانا معرفش التكلفه هتبقى كام
ياريت لو حضرتك تقدر تفدني فالموضوع دا عشان لاحظت انه حضرتك قولت انك عندك صيانه للموبايلات
ارجو الرد وشكرااا

[samaa semsem]

السلام عليكم ورحمة الله
لو سمحت انا موبايلي سوني اريكسون p1i وامبارح اتخبط ف حديد وعلى ما اعتقد ان الشاشه اتكسرت من جوا واتحرقت
فياريت لو حضرتك تقولي مكان الصيانه بتاع حضرتك مكانه فين انا من اسكندرية اصلا
وكمان لو تقدر تقولي التكلفة اد ايه او قم المحل بتاعك
ارجو الرد ضروري
وشكراااااااا

[MohammedAladel]

كان معايا موبايل t700 من سونى إريكسون غيرلته سماعة فى التوكيل فى الدقى مش فاكر فين بالظبط لأنى مش من القاهرة بس هو كان فى الدقى ب 100 جنيه دفعت 20 وعند الاستلام الباقى دفعته بس الأسعار طبعا ناااااااااااااااااار والتوكيل معتقدش إنه بيعمل لحامات نهائى هو بيغير مش أكتر ولا أقل سماعة باظت يشيلها ويحط غيرها شاشة اتكسرت يبدلها بشاشة أصلية غيرها وهكذا لكن حكاية يغير بوردة دى صعبة شوية لأن البوردة هى الموبايل أساسا عليها البروسيزور والأيسيهات وكل حاجة وهى عليها رقم الموبايل يعنى لو اتحرقت البوردة كلها الموبايل اعتبر الشاشة والسماعة اللى فيه قطع غيار