مشكلة كبيرة مع tedata

[champoo]

انا عندى نمرة تانى حاطط عليها تى اى داتا و كان شغال عليه 512 بقالوا حوالى سنتين و لما جت الشركة ضاعفت السرعات بنفس السعر و ياريتهم ما ضاعفوها عندى ...... الخط اتغير 180 درجة اصبحت على الواحد ميجا بعمل داونلود ب 15 كيلو و الكلام ده بدأ يوم 17 - 6 بدات اكلمهم و أسأل فى ايه يقولى عندك مشكلة فى سلك التليفون غيرته كله من البوكس لغايت عندى و بردو المشكلة موجودة قالى أررج الكابل تانى عملته قالى غير الراوتر غيرته و تلكيكات من هذه الشاكلة يعنى بعديها بعشر ايام بعتولى واحد البيت فضل 3 ساعات يجرب كل الحاجات اللى عندى فى البيت و عمل كل ما تتخيلوه و فى الأخر قال لى سعادتك الخط مافيهوش حاجة العيب فى السنترال ( سنترال مصر الجديدة ) تانى يوم واحد راح السنترال قال لى يا بيه العيب فى التفريعة بتاعت سعادتك قلتله خلاص تتغير قالى طبعا و استنيت اسبوع مافيش اى رد رجعت اكلمهم تانى قالى المشكلة من السنترال المهم كلمه منى و كلمه منه قولتله ادينى التيم ليدر كلمت التيم ليدر و اسمه كريم فتحى قالى المشكلة من عندك ممكن تعمل Netstat و تقفل كل الكونكشنز اللى عندك علشان نشوف يمكن يكون فى فيرس هو اللى ساحب السرعة عملت ال netsta و عملت سكرين شوت و بعتها على الإيميل راح قايلى هاكلمك كمان ساعة كلمنى بعديها ب 4 ساعات قالى السكرين شوت مش باينة :K_crying[1]: مش فاهم ازاى بعتها له تانى راح مكلمنى قالى بص يا فندم احنا اقصى خدمة ممكن نقدمهالك فى تى اى داتا للواحد ميجا هى داونلودد 40 كيلو
انا سمعت الجملة ديه و ركبنى غفريت قلتله ده انا كدة ما حصلتش 512 يعنى ما الراجل قال انه المشكلة فى السنترال و ناس كتير من عندكوا قالو ليا من السنترال انت الوحيد اللى مختلف و طبعا كنت بزعق جداً قال هو ده اللى عندنا و راح قافل فى وشى السماعة
اروح ابص على النت الاقيه مفصول
روحت ملكمهم تانى و جمى محروق فعلا راح واحد مكلمنى قالى ده موقوف قلتله من ميين قالى استاذ كريم فتحى قولتله و يوقفهولى بمناسبة ايه و على اساس ايه انا الخدمة ترجعلى حالاً قالى انا ماليش دعوة و معلش مضطر انهى المكالمة و راح هو كمان قافل فى وشى
انا ركبنى عفريت قمت النهاردة الضبح طالع على فرع مكرم عبيد و فرجت عليهم الفرع كله و عملت شكاوى فى كريم فتحى و شريف حمدى التانى اللى قفل فى وشى و خربت الدنيا هناك و بردو ما رضيوش و فى الأخر عرفت انه كريم فتحى ده ال technical support manager فا طبعاًَ خايفين منه
لكوا ان تتخيلوا انه مدير بيعمل كدة
و فى الأخر روحت مكنسل الخدمة بس بردو مش هاسيب حقى فى الناس اللى هزقتنى ديه و لو وصلت لعمل محاضر ليهم فى القسم هاعملهم
ياريت تفيدونى فى مشكلتى ديه

[Terrible_DaRsH]

بص يا باشا من الاخر والله .

يا تاخد حقك بدراعك فى البلد دى , يا أما تطنش و خلاص .

معتقدش ان جهاز حماية المستهلك ممكن يهتم بمشكلة زى دى خصوصا انها مش سلعة مادية , فالاحسن لك يا تقابل كريم ده و تتصرف معاه . يا تشترك مع شركة تانية زى لينك مثلا و خلاص .

[mexmarine]

انا كريم فتحى .. تأمر بحاجه ((( ههههههههه تخيل ان انا هو و مش قادر تمسكنى ههههه))) انت مافيش حاجه معملتهاش الله يكون فى عونك بجد ,, بلد مفيش فيها اى التزام بالخدمات المفروض تتقدم .. دا انا كان عندى 1 ميجا و كان الداون لود بيوصل لـ120 !!!!

[champoo]

انا كريم فتحى .. تأمر بحاجه ((( ههههههههه تخيل ان انا هو و مش قادر تمسكنى ههههه))) انت مافيش حاجه معملتهاش الله يكون فى عونك بجد ,, بلد مفيش فيها اى التزام بالخدمات المفروض تتقدم .. دا انا كان عندى 1 ميجا و كان الداون لود بيوصل لـ120 !!!!

ارجوك ما تجبليش سيرة الداوندلود انا كنت واحد ميجا و بنزل ب 20

[champoo]

بص يا باشا من الاخر والله .

يا تاخد حقك بدراعك فى البلد دى , يا أما تطنش و خلاص .

معتقدش ان جهاز حماية المستهلك ممكن يهتم بمشكلة زى دى خصوصا انها مش سلعة مادية , فالاحسن لك يا تقابل كريم ده و تتصرف معاه . يا تشترك مع شركة تانية زى لينك مثلا و خلاص .

انا عندى خط تانى عليه فودافون و بصراحة خدمة تحفة و بقالها فترو شغالة عندى و ما شوفتش منها اى مشكال

[Dr_Ahmed_Abdelghany]

مش هتعرف تشترك مع اى شركة تانية لانهم مش هيدوك رقم الالغاء الضرورى للاشتراك مع اى شركة تانية ودا اللى حصل معايا ، انا قاطع الخدمة معاهم من شهرين ورافضين يدونى الرقم لا بالذوق ولا بالعافية ولا بالشكوى ل 155 ولا بأى وسيلة
دلوقت اشتركت من سايبر وطظ فيهم

[mahamedaraby]

انا حصلى مشكله من شركه الانترنت اتصلت ب 155 المشكله اتحلت فى خلال يومين واعتذارت من مدير الفرع وكمان خد خصم 5
% مدى الحياه

وبرضوا كانت تى اي داتا

جرب كده معاهم يمكن واتصل ب 155

[A.Saad]

انا شايف انك تقدم شكوى فيهم مش فى الفرع
لا فى مكتب رئيس مجلس الادارة
جايز كريم افندى ده ياخد جزا
انا مرة مع بنك برده موظفة كلمتنى برخامة وتناكة كدة واشتكيتها فى مكتب المدير العام
تقريبا دى كانت اخر شكوى مستنينها منها وخدت جزا محترم وانذار بالفصل
وكان فيه حد من الاعضاء قال انه اشترك مع شركة تانية وتى اى داتا ماردوش يدوة رقم الاغاء وموظف الشركة التانية قاله هددهم انك هتعمل محضر واما هددهم عملوا الغاء

[tutankhamoun]

لا تترك حقك أبدا .........

لازم تقدم شكوى في المدعوا كريم فتحي لأن بصراحة الموظف اللي يكلم عميل في التليفون بقلة أدب يستاهل أي شئ يجراله .
و بعدين إذا كان عنده مُشكلة فنية و مش عارف يحلها ........ يتصرف بأدب و أحترام و يفهم العميل الكلام ده .
لازم تشتكي الأفندي ......... سيبك من الموظف التاني ........ خليك في رأس الأفعى ...........
تقطع الرأس ............ تقدر تمسك الديل ...... أدام المدير قفل في وشك .......... مستني أيه من الموظف اللي تحته اللي أكيد خايف منه .

و اللي يخليه عمل كدا مع عميل ......... تخيل تصرفاته مع الموظفين اللي تحته .......
فلازم تشتكي ......... و تشتكي .......... و شوف الحل أيه .


فين أيامك يا أنجلترا .......................8 ميجا .............. و قمة الأحترام و ناقص ينزلوا يبوسوا ايدك علشان تفضل معاهم .
هي دي المنافسة ........ مش الأحتكار اللي عندنا .

[pro_samir]

مش قادر افهم ازاى كنت شغال كويس 512 ولما بقيت 1 ميجا السرعة باظت

ومش لاقى اى تفسير غير انهم ممكن يكونو مشغلين اكتر من عميل على خط واحد !! ودى حصلت فعلا مع واحد قريبى واكتشف انة مع ناس تانية على خط واحد وانهم واخدين نفس الـip

قد يكونو عملو كدة معاك بعد الأبجريد ؟! احتمال الله أعلم

مكانش المفروض تزعق معاة الا لما توصل لحل وعايز اقولك ان 90% من الناس اللى شغالين فى المجال دة حرامية إلا من رحم ربى .. يشغلو خطوط وميدخلوهاش على السيستم وطبعا فلوسها فى جيوبهم ، ويشغلو خطوط مفتوحة على انها ليمت ويضربو الفرق وبلاوى كتير

حاول تشوف بقى موضوع المحضر دة أو أى حد كبير فى الشركة يمكن حقك يرجعلك أو تعرف تكنسل الخط

و الأدارة بتاع الشركة فى شارع التحرير فى الدقى جرب تروح هناك يمكن توصل لحل مع حد أو حد معرفة يكنسلك الخط

[egyptianmafia]

I had a similar problem with Link...but they said that I did not pay 4 or 5 month even though I have paid but through the courier company that comes to your house and you pay the guy and he gives you a white slip

Anyways...that courier was supposed to tell Link that I have paid but didnt....so my connection was disconnected and when I called they said I didnt pay...ezay we mesh ezay...I have the receipts with me here and all and still no connection

I went to their address in Helipolis and made a scene and still nothing....

at that time there was no 155 that NTRA number....so I was stuck with no internet

I ended up getting a wasta to get a new line installed to my house because Link did not want to give me a cancellation number and got a new DSL company which is great ever since (touch wood lol)

I even told them Link to take me to court because according to them I did not pay...and I was like...if someone owes me money I will take them to court.....and their answer was that it is not worth it

this story was back in 2006 and until now 2009 I apparently did not pay Link....lol

and they did not even bother try to call me in the 3 years past to ask for the money....lol

[elassar2010]

بص يباشا انت حضرتك تاخد اجازة يوم من الشغل وتاخد واحد صاحبك من زوات الصوت العالى والقوى كدة وتروح من الصبح
وانت وصاحبك تزعقوا وياحبذا لو فى عملاء كتير فى اليوم دة وحضرتك نزعق وصاحبك يزعق وتروح القسم تعمل بلاغ وتقولهم انك هتعمل بلاغ وتفهمهم انك فاضى مافيش وراك حاجة النهاردة ويا انا ياانتم وانت هناك تكلم حماية المستهلك وعلى فكرة هتلاقى عملاء كتير انضموا لحضرتك وهيقفوا معاك لانهم هم نفس المشكلة
النتيجة انهم هيبوسوا ايدك ورجلك وهيعملولك الى انت عايزة ويمكن اكتر

[micromoud]

عليك وعلى جهاز حمايه المستهلك ياباشا ... وما تقلقش هيجيبولك حقك ان شاء الله

[tata12001]

بص يا باشا أنا حصلتلي نفس المشكلة لم كنت 256 وألي أعمل حوارات net state والكلام د وفي الأخر ألي إن شاء الله الخدمة حترجع خلال 48 ساعة وفعلاً رجعت في الوقت د.
المهم سواء TEDATA أو Link الاتنين خدمتهم زفت لأني مجرب حركات ومواقف كتير منهم تخنق.
بس كل الي أئدر أؤلهلك لو معك فواتيرك كلم جهاز حماية المستهلك وإشتكيهم. وهما إن شاء الله حيجبولك حقق. حتلئلهم سايت على ال-net

[Abo_Lina]

أحسن حاجة عملتها إنك قولتلنا على الموقف ده و أنا هانصح اي حد عاوز يشترك نت إنه يبعد عن الشركة المذكورة دي ..
و موقف الموظف ده غريب و يدل إنه مش طبيعي..مفروض يعملوا كشف نفسي على الموظفين ..أو يرموه في حتة مايكونش له تعامل مع الناس فيها