█◄█◄ (( عايزين نتحاسب بالثانية على مكالمة المحمول)) ►█►█ ‏

[atamim]

زمان لما شركات المحمول قررت تقليل
فترة السماح و زيادة عدد مرات الشحن الناس اجتمعت و قللت المكالمات لحد ما موبينيل و فودافون نزلوا علانات فى الجرايد انهم رجعوا فى كلامهم

دلوقتى عايزين نطالبهم انهم يحسبونا بالثوانى مش بالدقائق
كل مكالمه بنعملها بيخدوا ثمن دقيقة كاملة و احنا بنقفل الخط فى جزء منها فقط و باقى الفلوس بتروح علينا

عايزين نبعت لشركات المحمول و نطالبهم بمحاسبتنا بالثانية
و نجمع كل الايميلات الممكنه و نبعتلهم
و نزن عليهم لحد ما يغيروا نظام المحاسبة للثوانى

انا عملت مجموعة على الفيس بوك علشان نتجمع و كل واحد يشارك على قد ما يقدر

http://www.facebook.com/group.php?gid=103613452389

عايزين نتحاسب بالثوانننننننننننننننننننننننننننننننننننننننننى

[M.ABDEEN]

فكرة حلوة يا باشا ومطبقينها في معظم الدول ما عدا احنا تقريبا وفي الاخر للاسف هو بيبيعلك شوية هواء!!!!!!!!!!

[pro_samir]

Member no 2

يمكن نقدر نعمل حاجة

[SHNORY]

طيب ماهو النظام ده موجود فعلا في موبينيل واسمه الوهات
انا مشترك فيه بقالي كذا سنه
والحساب فيه بالثانيه بحد ادني 20 قرش للمكالمه

[atamim]

member no 2

يمكن نقدر نعمل حاجة

باذن الله نقدر و حتى لو مقدرناش مش حنكون خسرنا حاجة من محولتنا لان دا شيئ حيعود علينا كلنا بالنفع

[atamim]

طيب ماهو النظام ده موجود فعلا في موبينيل واسمه الوهات
انا مشترك فيه بقالي كذا سنه
والحساب فيه بالثانيه بحد ادني 20 قرش للمكالمه

اذا كانت المكالمة اصلا ب 20 قرش للدقيقة يبقى اى الفرق؟

[atamim]

فكرة حلوة يا باشا ومطبقينها في معظم الدول ما عدا احنا تقريبا وفي الاخر للاسف هو بيبيعلك شوية هواء!!!!!!!!!!

طالما فى دول العالم كلها ما عدا احنا يبقى احنا لازم نبقى كمان زيهم محدش احسن من حد

[SHNORY]

اذا كانت المكالمة اصلا ب 20 قرش للدقيقة يبقى اى الفرق؟

الفرق يا باشا انك لو كلمت فودافون 30 ثانيه مش حتتحسب 40 قرش وحتتحاسب 20
ولو كلمت موبينيل 61 ثانيه مش حتتحاسب دقيقتين
انما حتتحاسب 21 قرش تقريبا

[atamim]

الفرق يا باشا انك لو كلمت فودافون 30 ثانيه مش حتتحسب 40 قرش وحتتحاسب 20
ولو كلمت موبينيل 61 ثانيه مش حتتحاسب دقيقتين
انما حتتحاسب 21 قرش تقريبا

انا قعدت ادرو على النظام دا فى موبينيل مش لاقية يا ريت تبعتلى الصفحة اما فودافون و اتصالات مش موجود عندهم النظام دا

[maka]

انا قعدت ادرو على النظام دا فى موبينيل مش لاقية يا ريت تبعتلى الصفحة اما فودافون و اتصالات مش موجود عندهم النظام دا

اتصالات كان عندهم نظام 20 قرش الدقيقة لاى محلول او ارضى

بس اتقفل فى ظروف غامضة

[alisleman]

ياريت نعرف نعمل حاجة لان احنا بنتعرض لنصب جامد من الشركات دى والدليل ال50 عربية اللى هيتوزعوا

[nasr-eldeen]

يا ريت لو أمكن فعلاً الموضوع ده
لإن 90% من إستخدامات المحمول بتكون أقل من دقيقة ولذلك العروض والتخفيضات بتكون بعد الدقيقة الأولى .
في السعودية الحساب بالثانية من أول ثانية سواء محلى أو دولي .

[atamim]

يا ريت لو أمكن فعلاً الموضوع ده
لإن 90% من إستخدامات المحمول بتكون أقل من دقيقة ولذلك العروض والتخفيضات بتكون بعد الدقيقة الأولى .
في السعودية الحساب بالثانية من أول ثانية سواء محلى أو دولي .

خلاص يا جماعة كل واحد يقدر يجيب ايميل و يبعت على موقعهم على خدمة العملاء يكون عمل الى قدر علية

و كل ما يجيلهم الف رسالة يوميا اكيد حيفكروا بجدية

[atamim]

ياريت نعرف نعمل حاجة لان احنا بنتعرض لنصب جامد من الشركات دى والدليل ال50 عربية اللى هيتوزعوا

دى الفكة بس يا باشا انت مشفتش المجمد

[أحمد كمال]

ياريت نعرف نعمل حاجة لان احنا بنتعرض لنصب جامد من الشركات دى والدليل ال50 عربية اللى هيتوزعوا

دى الفكة بس يا باشا انت مشفتش المجمد

انا موظف سابق في فودافون و موظف حالي في احد الشركات الاخرى المنافسة

بس معلش يعني مش فاهم يعني ايه نصب جامد و الدليل ال 50 عربية؟


حضراتكم عايزين الشركات دي تشتغل لوجه الله بدون ارباح ؟؟؟؟؟؟

طبيعي ان الشركات دي بتكسب و ده مش نصب و لا نصب جامد و لا يحزنون ده بيع و شرا و مكسب و اللي مش عاجبه او عايز يوفر ما يرغيش كتير في الموبايل و خلاص

و على فكرة كلنا كنا عايشين من غير الموبايل اغلب سنين عمرنا الموبايل مابقالوش في مصر غير 11 و لا 12 سنة

يعني الشركات دي مش محتكرة سلعة حيوية زي البنزين او الدقيق او الملح او العيش او غيره




مش عيب ان شركة شاطرة زي فودافون تكسب مليارات

و مش عيب خالص - و ماهواش دليل على نصب جامد و لا يحزنون - انهم هيوزعوا 50 عربية تمنهم حوالي 15 مليون جنيه جوايز

ده لتحفيز الناس انها تتكلم اكتر و برضه ارجع و اقول انت فيه عقد بينك و بينهم

و انت رضيت تتحاسب بالدقيقة و ده مش نصب و ده متبع في 90% من شركات الاتصالات في العالم


يا ريت بلاش اتهام للناس بالباطل


روحوا دوروا عاللي كسبانين مليارات من الاحتكار و النصب بجد