█◄█◄ (( عايزين نتحاسب بالثانية على مكالمة المحمول)) ►█►█ ‏

[atamim]

انا موظف سابق في فودافون و موظف حالي في احد الشركات الاخرى المنافسة

بس معلش يعني مش فاهم يعني ايه نصب جامد و الدليل ال 50 عربية؟


حضراتكم عايزين الشركات دي تشتغل لوجه الله بدون ارباح ؟؟؟؟؟؟

طبيعي ان الشركات دي بتكسب و ده مش نصب و لا نصب جامد و لا يحزنون ده بيع و شرا و مكسب و اللي مش عاجبه او عايز يوفر ما يرغيش كتير في الموبايل و خلاص

و على فكرة كلنا كنا عايشين من غير الموبايل اغلب سنين عمرنا الموبايل مابقالوش في مصر غير 11 و لا 12 سنة

يعني الشركات دي مش محتكرة سلعة حيوية زي البنزين او الدقيق او الملح او العيش او غيره




مش عيب ان شركة شاطرة زي فودافون تكسب مليارات

و مش عيب خالص - و ماهواش دليل على نصب جامد و لا يحزنون - انهم هيوزعوا 50 عربية تمنهم حوالي 15 مليون جنيه جوايز

ده لتحفيز الناس انها تتكلم اكتر و برضه ارجع و اقول انت فيه عقد بينك و بينهم

و انت رضيت تتحاسب بالدقيقة و ده مش نصب و ده متبع في 90% من شركات الاتصالات في العالم


يا ريت بلاش اتهام للناس بالباطل


روحوا دوروا عاللي كسبانين مليارات من الاحتكار و النصب بجد

اول مشاركة بمعلومات مفيدة

حبيت افكرك لما فودافون (كليك) و موبينيل زمان قاموا بتغيير مدة الصلاحية و مدة التحدث لوحدهم و كانوا عايزين يخلوا الناس بالعافية تمشى على النظام الجديد دا

بس لاول مرة الناس اجتمعت و اتفقوا انهم يوقفوا كلام او يقللوة فى يوم معين فى وقت معين فالشركتين حسوا انهم مش حيقدروا يضحكوا على الناس بسهولة فرجعوا مدة الشحن و الصلاحية الى كل الناس اشتركت على اساسها

طبعا كل شركة بتتاجر و تثتثمر من حقها طبعا تكسب

بس بردة الرحمه حلوة كلنا بنقفل المكالمة على اجزاء من الثانية و كتير بلاقيها قفلت على دقيقة و ثانيتين او تلاته

انت كدة استخدم 5% بالكتير قوى من قيمة الدقيقة الى انت دفعتها

و دول كتير قوى عملها انظمة بالثوانى و هما مش احسن منا

اما عن موضوع ال 50 عربية فبعضها طبعا رايح للحبايب دا شيئ مفروغ منه

يا تدى الناس الهدية زى (رسائل او رصيد او اى شيئ كلنا نستفاد بية) او زى ما موبينيل عملت تتكلم بالليل ببلاش لاى رقم موبينيل كدة انت بتحس انك كسبت
اما قرعة بيكون معروف العربية رايحة لمين

و انا اشتركت فى مسابقى تبع تكنولوجيا المعلومات كنا حوالى 370 واحد فاز منهم اتين اخوات و اتنين قرايب و مشاريعهم تافهة تافهة تافهة و قيمة الجوائز مجمعة 5 مليون جنية

فطبعا عارفين العربيات البى ام دبليو رايحة للحبايب و بعض الناس القلائل بس هما الى حيكسبوا

[elassar2010]

انا اتمنى انى اتحاسب على الخدمة الفعلية الى بتتقدملى انما ما باليد حيلة؟؟

[أحمد كمال]

اما عن موضوع ال 50 عربية فبعضها طبعا رايح للحبايب دا شيئ مفروغ منه

فطبعا عارفين العربيات البى ام دبليو رايحة للحبايب و بعض الناس القلائل بس هما الى حيكسبوا

عند حضرتك مصدر للكلام ده؟ و لا ده مجرد استنتاج شخصي؟

ان بعض الظن اثم ..... و كلام ربنا بينهم و بينك


و تاني باقول انا موظف سابق في فودافون و موظف حالي في شركة منافسة يعني انا اصلا مش من مصلحتي اداقع عنهم بس دي اخلاقيات المهنة

[أحمد كمال]

حاجة تانية

خلط الاوراق صورة من صور الجدل بالباطل

يعني ايه دخل ال bmw و الكلام ده في موضوع الحساب بالثانية؟

اتمنى اننا نجادل بالمنطق و بدون باطل عشان ده مش هيوصلنا لحاجة ..... و مش قصدي هنا في المناقشة دي ..... قصدي في حياتنا كلها

[atamim]

عند حضرتك مصدر للكلام ده؟ و لا ده مجرد استنتاج شخصي؟

ان بعض الظن اثم ..... و كلام ربنا بينهم و بينك


و تاني باقول انا موظف سابق في فودافون و موظف حالي في شركة منافسة يعني انا اصلا مش من مصلحتي اداقع عنهم بس دي اخلاقيات المهنة

حاجة تانية

خلط الاوراق صورة من صور الجدل بالباطل

يعني ايه دخل ال bmw و الكلام ده في موضوع الحساب بالثانية؟

اتمنى اننا نجادل بالمنطق و بدون باطل عشان ده مش هيوصلنا لحاجة ..... و مش قصدي هنا في المناقشة دي ..... قصدي في حياتنا كلها

مصدر كلامى عام و عن تجربة فى مسابقات عدة شركات و هيئات انا او حد من اهلى كان داخل فيها و شاف بنفسة انا بتكلم على المسابقات الى محدش يقدر يعرف نتيجة فرزها ازاى

انا مبرمج و بقولك اى حاجة متاحة انى ادخلها فى الكود طالما عايز نتيجة معينه تطلع

طبعا ان بعض الظن اثم لا جدال فى ذالك و محدش شاف كود اختيار الفائزين اى و دا حيرجع لضميرهم


خلط الاوراق جا فى الرد على رسالة عضو ذكر ال 50 عربية و انت رديت علية فانا بكمل الرد عليكم دا لما تتابع تسلسل الردود يعنى مفيش اى خلط للاوراق

بس بشكرك جدا لان مشاركتك بناءة و احنا بندور على الكلام الى نبنى عليه هدفنا فشكرا لك

[أحمد كمال]

مصدر كلامى عام و عن تجربة فى مسابقات عدة شركات و هيئات انا او حد من اهلى كان داخل فيها و شاف بنفسة انا بتكلم على المسابقات الى محدش يقدر يعرف نتيجة فرزها ازاى

انا مبرمج و بقولك اى حاجة متاحة انى ادخلها فى الكود طالما عايز نتيجة معينه تطلع

طبعا ان بعض الظن اثم لا جدال فى ذالك و محدش شاف كود اختيار الفائزين اى و دا حيرجع لضميرهم


خلط الاوراق جا فى الرد على رسالة عضو ذكر ال 50 عربية و انت رديت علية فانا بكمل الرد عليكم دا لما تتابع تسلسل الردود يعنى مفيش اى خلط للاوراق

بس بشكرك جدا لان مشاركتك بناءة و احنا بندور على الكلام الى نبنى عليه هدفنا فشكرا لك

مصدر كلامك عام ..... طيب يا سيدي يعني حضرتك ما عندكش دليل على ذلك

موضوع مسابقات عدة شركات و هيئات و اهل و معارف حضرتك اللي ما كسبوش

بصفة حضرتك مبرمج .... و بصفتي مبرمج سابقا و محلل أول نظم حاليا ..... اسمح لي اذكرك بنظرية الاحتمالات

تعالى ناخد مسابقة فودافون مثلا

بتتكلم في 20 مليون عميل

كل جنيه بدخلك السحب بفرصة

يعني لو كل عميل كل يوم صرف جنيه - فرضا - يبقى فيه عندنا عشرين مليون متسابق بفرص متساوية

يعني فرصة حضرتك في المكسب 1 على 20 مليون

يعني 0.00000005

طيب حضرتك بتقول الاهل و المعارف ما كسبوش برضه

طيب حضرتك نفترض انك من عائلة كبيرة العدد

نقول مثلا 500 من عائلة الوالد و 500 من عائلة الوالدة و 1000 زيهم من عائلة الزوجة

يعني 2000 قرايب

و نقول حضرتك اجتماعي جدا و عندك زيهم اصحاب و معارف

يعني 4000

برضه تبقى فرصة فوز واحد منهم 4000 على 20 مليون

يعني 0.0002 ...... يعني ترجمة كلامي ان لو كل واحد مجموع معارفه 4000 شخص فرصة مكسب واحد من معارفه هي 2 لكل عشرة الاف يعني من كل عشرة الاف شخص فيه شخصين واحد من معارفهم كسب

و دي برضه نسبة ضئيلة جدا



و بحكم اشتراكي انا و انت في المهنة انا موافقك ان اي حد يقدر يحط في الكود اي حاجة

بس بحكم عملي في فودافون سابقا و في منافس لها حاليا اقول لك ان ده مستحيل يحصل لتطبيق معايير جودة و رقابة رهيبة و ان مش شخص واحد هو اللي بيشتغل في البرنامج لا ادارات كاملة

و لو فرضا واحد اتجنن و عمل كده هيبقى خايف يتكشف و يترفد و يروح في داهية و يخسر مميزات وظيفته

اخيرا و ليس اخرا موضوع الحساب بالثانية حمله و عبئه على الشبكة و على نظم المحاسبة بالذات للكروت المدفوعة مقدما عالي جدا و لو الشركات حاسبت بالثانية مش هتخسر كتير بس العملاء اللي هيشتكوا بعد كده من المشاكل

[atamim]

مصدر كلامك عام ..... طيب يا سيدي يعني حضرتك ما عندكش دليل على ذلك

موضوع مسابقات عدة شركات و هيئات و اهل و معارف حضرتك اللي ما كسبوش

بصفة حضرتك مبرمج .... و بصفتي مبرمج سابقا و محلل أول نظم حاليا ..... اسمح لي اذكرك بنظرية الاحتمالات

تعالى ناخد مسابقة فودافون مثلا

بتتكلم في 20 مليون عميل

كل جنيه بدخلك السحب بفرصة

يعني لو كل عميل كل يوم صرف جنيه - فرضا - يبقى فيه عندنا عشرين مليون متسابق بفرص متساوية

يعني فرصة حضرتك في المكسب 1 على 20 مليون

يعني 0.00000005

طيب حضرتك بتقول الاهل و المعارف ما كسبوش برضه

طيب حضرتك نفترض انك من عائلة كبيرة العدد

نقول مثلا 500 من عائلة الوالد و 500 من عائلة الوالدة و 1000 زيهم من عائلة الزوجة

يعني 2000 قرايب

و نقول حضرتك اجتماعي جدا و عندك زيهم اصحاب و معارف

يعني 4000

برضه تبقى فرصة فوز واحد منهم 4000 على 20 مليون

يعني 0.0002 ...... يعني ترجمة كلامي ان لو كل واحد مجموع معارفه 4000 شخص فرصة مكسب واحد من معارفه هي 2 لكل عشرة الاف يعني من كل عشرة الاف شخص فيه شخصين واحد من معارفهم كسب

و دي برضه نسبة ضئيلة جدا



و بحكم اشتراكي انا و انت في المهنة انا موافقك ان اي حد يقدر يحط في الكود اي حاجة

بس بحكم عملي في فودافون سابقا و في منافس لها حاليا اقول لك ان ده مستحيل يحصل لتطبيق معايير جودة و رقابة رهيبة و ان مش شخص واحد هو اللي بيشتغل في البرنامج لا ادارات كاملة

و لو فرضا واحد اتجنن و عمل كده هيبقى خايف يتكشف و يترفد و يروح في داهية و يخسر مميزات وظيفته

اخيرا و ليس اخرا موضوع الحساب بالثانية حمله و عبئه على الشبكة و على نظم المحاسبة بالذات للكروت المدفوعة مقدما عالي جدا و لو الشركات حاسبت بالثانية مش هتخسر كتير بس العملاء اللي هيشتكوا بعد كده من المشاكل

اخى الفاضل شكرا على ردك

و ارجو اعادة قرائة كل ردودى السابقة لان يبدو ان احد ردودى لم تقرآها

انا بقول على مسابقة فى البرمجة انا و شباب من خريجى هندسة حاسبات متخرجين من 8 سنين و شغالين فى السوق و دخلنا بافكار مشاريع كبيرة السوق محتاجها و مشاريع تنفع تقدمنا

الجوائز كانت 5 مليون جنية

الى فازوا فيها مشاريعهم تافهة قدام مشارعنا

و فية اخين كسبوا و 2 قرايب كسبوا و مشاريعهم بسيطة جدا

و انا والدى صادف واحد عارفة كسب فى مسابقة زمان بعد اعلان الفائزين قالولهم يا تكملوا ثمن الجائزة من جيبكم و تخدوها يا ندفعلكم مبلغ و تسيبوها و انا والدى الله يرحمة صادق و لا نذكية على احد

و غيرى و غيرة مواقف مع مسابقات و ليس 500 زى ما بتقول لا انا بقول لك على احداث مباشرة امامنا

ليس فى كود اختيار المتسابق فقط تتحكم لكن يمكنك التحكم فى بياناته مجرد تغيير خانه فى قاعدة البيانات تفرق

المهم

شكلك متشدد جدا فى الموضوع دا بدون داعى

و العضو الى فتح سيرة ال50 عربية اتكلم على المكسب العام للشركات

يا ريت فى مشاركة قادمة ليك لو الفكرة عجبتك شارك معانا فى طلبنا

لو مش عايز اتشرفنا بمعرفتك و عرفتنا معلومات جديدة

و شكرا لك

[ابو حسين]

فكرة حلوة يا باشا

عايزين نتحاسب بالثواننننننننننننننننننننننننننننننننننننننن

[أحمد كمال]

اخى الفاضل شكرا على ردك

و ارجو اعادة قرائة كل ردودى السابقة لان يبدو ان احد ردودى لم تقرآها

انا بقول على مسابقة فى البرمجة انا و شباب من خريجى هندسة حاسبات متخرجين من 8 سنين و شغالين فى السوق و دخلنا بافكار مشاريع كبيرة السوق محتاجها و مشاريع تنفع تقدمنا

الجوائز كانت 5 مليون جنية

الى فازوا فيها مشاريعهم تافهة قدام مشارعنا

و فية اخين كسبوا و 2 قرايب كسبوا و مشاريعهم بسيطة جدا

و انا والدى صادف واحد عارفة كسب فى مسابقة زمان بعد اعلان الفائزين قالولهم يا تكملوا ثمن الجائزة من جيبكم و تخدوها يا ندفعلكم مبلغ و تسيبوها و انا والدى الله يرحمة صادق و لا نذكية على احد

و غيرى و غيرة مواقف مع مسابقات و ليس 500 زى ما بتقول لا انا بقول لك على احداث مباشرة امامنا

ليس فى كود اختيار المتسابق فقط تتحكم لكن يمكنك التحكم فى بياناته مجرد تغيير خانه فى قاعدة البيانات تفرق

المهم

شكلك متشدد جدا فى الموضوع دا بدون داعى

و العضو الى فتح سيرة ال50 عربية اتكلم على المكسب العام للشركات

يا ريت فى مشاركة قادمة ليك لو الفكرة عجبتك شارك معانا فى طلبنا

لو مش عايز اتشرفنا بمعرفتك و عرفتنا معلومات جديدة

و شكرا لك

سيدي الفاضل

حدوث كوسة في مسابقة البرمجيات اللي بتقول عليها مش معناه ان كل المسابقات كوسة

و برضه حدوث ما حدث في المسابقة اللي كسب فيها معرفة والدك برضه مش معناه ان كل المسابقات كده


و على فكرة عملية تغيير في قاعدة البيانات في شركة بالحجم ده برضه مش سهلة زي ما انت فاكر

و على فكرة فيه بنك السنة قبل اللي فاتت كان كل عملية بتعملها ب 500 جنيه عالكريدت كارد بيدخلك السحب ب Entry

و انا كنت باتجوز وقتها و طحنت الكارت و كسبت الجايزة التانية (رحلة للغردقة 3 ايام هاف بورد لشخصين بالطيران) و اخدتها و عملوا حفلة و حضرت الحفلة و تمام جدا و مفيش اي حاجة

يعني فيه امل برضه ان فيه اماكن بتعمل مسابقات مش كوسة

و لا ايه؟

[atamim]

يعني فيه امل برضه ان فيه اماكن بتعمل مسابقات مش كوسة

و لا ايه؟

نسيت اقول لك فى قرعة توزيع اراضى برج العرب بالاسكندرية اتنين اخوات طلعوا فى قطعتين ارض جمب بعض و على نواصى و قدام نادى سموحة الجديد الى حيتفتح فى برج العرب


المهم

طبعا فية امل بس بردة مردتش عليا معايا فى موضوع المحاسبة بالثوانى ولا لقى؟

[atamim]

فكرة حلوة يا باشا

عايزين نتحاسب بالثواننننننننننننننننننننننننننننننننننننننن

ادى الكلام ولا بلاش يا له يا رجالة همتكم معانا

[أحمد كمال]

طبعا فية امل بس بردة مردتش عليا معايا فى موضوع المحاسبة بالثوانى ولا لقى؟

اكيد انا رأيي مش هيكون موضوعي بحكم عملي في شركة من الشركات التي لا تطبق النظام ده

و انا يهمني انكم تصرفوا فلوس اكتر عشان الواحد مننا يقبض

باهزر طبعا

[D . a .\ AYMAN]

اتصالات كان عندهم نظام 20 قرش الدقيقة لاى محلول او ارضى

بس اتقفل فى ظروف غامضة

دا ماكانش نظام دا كان عرض لفترة محدودة

و لو فرضا واحد اتجنن و عمل كده هيبقى خايف يتكشف و يترفد و يروح في داهية و يخسر مميزات وظيفته

ما هي المشكلة إن مش ممكن واحد صغير هوة اللى هايعمل كده دا لو كان هايتعمل هايبقى نظام بأكمله هوة اللى بيتحرك بناء على أوامر من واحد بس هوة اللى عايز كده .... أو حتى الواحد ده يكون من الناس اللى ماعليهاش رقابة أو من قيادات الشركة اللى ماحدش ممكن يقولهم حاجة .. ويغير هوة الأكواد بنفسه

طبعا دا ظن ولا أعني إنه هايحصل بس لو حد عايز يعمله عادي هايتعمل

بمناسبة الموضوع بقى ... في حاجة لازم الكل يعرفها إن الشركات دي بتحاسب بعضها وكمان بتحاسب الحكومة والشركة المصرية للإتصالات والشركات الدولية من خلال خطوط الربط الدولي ... كل دا بيكون المحاسبة فيه بالثانية فقط لا غير .. يعني لما نطالب بيها نبقى مش بنطلب حاجة هاتخسرهم دا إحنا بطلب نتحاسب زى ماهما بيتحاسبوا

بالإضافة كتخمين مني إن شركة إتصالات في المستقبل هاتعمل كده زي ماعملت في السعودية شركة موبايلي لأنهم في الآخر شركة واحدة


------------------------

[أحمد كمال]

مبدئيا النظام بتاع اتصالات كان 19 قرش مش عشرين

و ماكانش عرض لفترة محدودة

كان نظام بس اتقفل الاشتراك فيه لاسباب معينة

بس اللي اشترك فيه خلاص النظام مازال ساري معاه زي الفل مدى الحياة الا لو هو غير نظامه



ثانيا بالنسبة لموضوع قيادات الشركة ..... فانا ماعتقدش ان حد من قيادات الشركة في فودافون عنده الخبرة الفنية او ال Know-how انه يقدر يعدل في كود برنامج و ده شبه مستحيل

بالنسبة لموضوع الشركات و محاسبتها لبعض

حضرتك تقصد ال Interconnect او ال Interconnection fee

بمعنى لو واحد من الشبكة س كلم واحد من الشبكة ص

الشبكة س هي اللي هتاخد فلوس من المشترك بتاعها

بس ص مش هتاخد حاجة

لانه استقبل المكالمة

بس هما اتكلفوا و جزء من شبكتهم انشغل بوقت المكالمة

فبياخدوا من س التكلفة

ارجع و اقول موضوع الحساب بالثانية في ال Interconnection ده غير صحيح

لان اصلا كل شركة مع شركة بتبقى ليها اتفاق منفصل

ممكن يكون اتفاق بين س و ص بالثانية

بس بين س و ع مش بالثانية

و العكس


و زي ما قلت موضوع المحاسبة بالثانية ده بيحمل عالشبكة و انظمتها تحميل رهيب جدا

بالنسبة لموضوع اتصالات و موبايلي

هما مش شركة واحدة تحديدا

اتصالات الاماراتية مساهم ب 70% من اتصالات مصر

و مساهم بتقريبا - مش متاكد - 25% من موبايلي

و الادارة مختلفة و مستقلة بذاتها تماما

عالعموم انا شايف سعر الدقيقة في مصر بقى معقول جدا

يعني لو بتتكلم على نظام اهلا كل الناس - اللي الاشتراك فيه اتقفل بس لو كنت لحقته - 19 قرش الدقيقة لاي محمول او ارضي

و لو بنتكلم على سوبر رصيد

و هنفترض انك دايما هتشحن ب 40 و تاخد 80

الدقيقة فيه لاي محمول ب 40 قرش

بس انت اصلا واخد الرصيد بنص تمنه

يعني الدقيقة كأنها بعشرين قرش


يعني خلاص كسور الدقيقة مابقتش خسارة وهمية

زي زمان

كان الكارت تمنه 115

15 جنيه منهم ضريبة مبيعات

و عشرين جنيه رسوم ادارية

يعني كان بيديك رصيد 80 جنيه

و كانت الدقيقة ب 175 قرش

لما تحط عليها الضريبة و المصاريف الادارية (اضرب في 115 على 80) يعني الدقيقة المحلية كانت ب 251 قرش

يعني اما تكسر الدقيقة كنت بتتعور جامد

دلوقتي عشرين قرش ..... صلي عالنبي مايجيبوش باكو شمعدان يعني :)

[speed demon666]

اتصالات كان عندهم نظام 20 قرش الدقيقة لاى محلول او ارضى

بس اتقفل فى ظروف غامضة

هو متقفلش في ظروف غامضة ولا حاجة ده كان عرض لأول 2 مليون مشترك و الاعلان كان واضح و الميزه فيه ان الدقيقة ب19 قرش للأرضي و الموبايل و فعلا بعد ماكملو ال2 مليون قفلو الاشتراك فيه
الحمد لله انا لحقت أشترك فيه

أما بالنسبه لموبينل فيها نظام الثانيه و انا مشترك فيه من زمااااااااان و اشتراكه الشهري 5 جنيه في ناس كتير مشتركه فيه , في الأيام العاديه الدقيقة ب40 و الجمعة السبت ب 20 قرش طبعا من موبينيل لموبينيل ب20 قرش في أي وقت

أما فودافون لسه مفيش حاجه زي كده ما عدا فودافون ايزي و كلامنا بس الفايده لما تكلم من فودافون لفودافون