يا خسارة التعب اللى بنتعبه فى البلد دى

[Dr Zezo]

فعلا معاملة ضابط الجيش في قسم الشرطة مختلفة تماما حتي لوكان متهم ولها قواعد وقوانين معروفة

"وحصلت مع والدي زمان لما كان ضابط احتياط وشد مع ضابط شرطة في كمين مرور "

واعتقد ان التمييز ده طبيعي ومقابل ضئيل لشخص ارتضي بالتضحية بحياته اذا لزم الامر من اجل بلاده ...

ممكن الموضوع يكون كده فعلا

لكن من جهة اخري السطوة والنفوذ هي السيد فعلا في تعاملاتنا اليومية

واحقاقا للحق الموضوع منتشر في كل الفئات و جميع المهن

حتي الاطباء " ليس الكل" يتعاملوا بنفس المنطق مع المريض سواء في المستشفي "عام اوخاص" او في العيادات الخاصة الا من رحم ربي

الموضوع كله مرض متفشي في مجتمعنا

وكل واحد يعامل الناس كما يحب ان يُعامل

[zAzU]

هو ليه دايما الموضوع بيكون ما بين واحد معاه واسطه او هو نفسه الواسطه
والتاني ممعهوش واسطه
طيب لما احنا بيكون معانا واسطه ووبندخل جوه القسم والطرف التاني بيفضل بره ليه ما بنتكلمش ؟؟؟؟؟؟؟؟؟؟
زي ما حضرتك بتدور علي حقك كدكتور وليك مكانتك وزعلان اوي وليك حق طبعا لان في كل المشاركات كانت الدرجه العلميه مكتوبه
فهو كمان من حقه كظابط انه يفرح بروحه ويستعمل حقه اللي القانون اداهوله
واظن انه زي ما قال سياده العقيد خالد حيروح النيابه في عربيه النيابه العسكريه
وممكن يلبس كلابش كمان
وحضراتكم حتروحوا نفس النيابه وكل واحد ياخد حقه
وبتقول ان صاحبك خبط واحد وبعد ما خبطه طلع ظابط
يعني لو كان خبط زبال مثلا كانت حتبقي تمام والدكتور حياخد حقه والزبال حيترمي في الحجز ؟؟؟؟
وعلي فكره
الواسطه مش بتخدم حد بيفتري علي غيره
الواسطه بتستعجلك اجرائات انك تاخد حقك بس
وما ضاع حق وراه مطالب
واللي يبقي يقابل ظابط في معركه سيارات يبقي يدوس عليه بالعربيه
علشان زي ما الناس بتقول دول ولا تيت وميت وغيت
وزي ما يكونوا متخرجين من مصلحه السجون وعليهم احكام
مش ناس محترمه ولاد ناس
اتصرف عليهم واتعلموا ودخلوا كليه الشرطه
ولو فيهم نسبه مش نضيفه
ففيه مليون طريقه للتبليغ عنهم
بس احنا بيكون عندنا رعب من الاحتكاك بالسلطه التنفيذيه اتمني لو نفوق منه
وانا ليا اصحاب ظباط شرطه وجيش ووكلاء نيابه ورؤساء نيابه مشوفتش حد فيهم وحش
كلهم ناس بسيطه ومحترمه

حضرتك الظابط هو اللى جه ضرب صاحبى و هما اصلا عارفين بعض يعنى كان فى بينهم مشكله عائليه لا كان فى ضرب ولا حاجه زى اى مشكله الظابط ده جه من نفسه كده ضرب صحبى ده و مش ب ايده لأ ببلطه!!!!!!!!!!!!!!!!!

[SHNORY]

حضرتك الظابط هو اللى جه ضرب صاحبى و هما اصلا عارفين بعض يعنى كان فى بينهم مشكله عائليه لا كان فى ضرب ولا حاجه زى اى مشكله الظابط ده جه من نفسه كده ضرب صحبى ده و مش ب ايده لأ ببلطه!!!!!!!!!!!!!!!!!

يبقي بغض النظر عن انه ظابط يا باشا
حضرتك تاخد اجرائاتك القانونيه كامله
تشوفلك محامي كويس وتاخد حقك وتشرده
انت قلبك محروق علشان هو غلطان واتعامل كويس جوه القسم
بس ماهو برضه مش صايع علشان يتاكل علي قفاه
يا جماعه ضع الظباط حساس جدا
وطالما اتبلطج ومسك بلطه اتاكد انه حيتجازي وحيتعاقب اكتر من لو كان حصل الموقف ده من اي شخص عادي
وسلامه صاحبك وربنا يعافيه من ما ابتلاه
ويا ريت الناس متاخدش الكل بذنب الواحد
حقك حيجيلك والمحكمه العسكريه مبترحمش
اذا كانوا وهما في شغلهم مطلعين عينهم فما بالك لما يعمل بلطجي وماسك بلطه
هو فاكر روحه هندي احمر رايح يحرق معسكر البيض

[zAzU]

وبالنسبة لموضوع قسم الشرطة...اتخيل منظر الظابط ده ولا العسكري وهو واقف في لجنة مرور في عز الشمس ولا المطر وطالع عين اهله وانت زي الباشا في عربيتك...وهو بيحاول يتنطط عليك عشان نقص ما في شخصيته-مش كل الظباط طبعا لأن فيه منهم ولاد ناس ومحترمين كتير- اتخيل منظره وهو طالع في مطاردة ومعرض للقتل...ولا بتاع الجيش اللي من يوم ما دخل الكلية وهو بيتحط عليه من الصغير قبل الكبير...اهانة وكبت حرية وبهدلة في الصحراء وفي كل حته
واتخيل منظر المسئول الكبير وهو واقف قدام ربنا يوم القيامة بتحاسب بالقرش والسحتوت...يتحاسب على اللي عمله في حياته وفي الناس وعلى اللي ناس عملته بسببه

اتخيل ده كله واكتر...
واحمد ربنا مليون مرة...انه جعللك سبب من اسباب رحمته في الأرض"الشفاء"

طب يا دكتور م احنا برده بيتحط علينا فى الكليه قلة ذوق و انعدام ضمير و نظام اقل حاجه تتقال عليه انه نظام فاشل و الواسطه فى اعظم صورها موجوده عندنا ههه لما تدخل ل دكتور شفوى و يبهدلك اسئله عمرك مسمعت عنها اصلا و وتتشتم لأنك ازاى مش عارف الحاجات دى هههه و تاخد 30 من 60 و زميلك يدخل لنفس الدكتور يقوله what's ur name?هههههه و سلملى على بابا 60من60 و لما رئيس القسم يلغيلنا سؤال فى المحاضرات و يجيبوه فى الامتحان ب 12 درجه و نشتكى يقولك الحرب خدعه هههههههه والله ضحكنا ساعتها
قلتلى ايه احسن معادله بقى ؟؟هههههه بس ابدأ ازاى و انا عندى باطنه؟؟؟

[ضيف]

حضرتك (مشكورًا) ممكن تتوجه مع صاحبك و شهود العيان - بما يرضي الله - و على الشرطة العسكرية عدل و

يتم عمل محضر بالواقعة ، وقتها تأكد صاحبك بكل تأكيد حقه يرجع له .

و زي ما وضح أ / محمد شنوري تجيب محامي ، و الأفضل محامي مخضرم بالمحاكم العسكرية

.

بكرر تاني يكون الموضوع بما يرضي الله .

[D . a .\ AYMAN]

من الآخر انت اللي بتعمل احترام لنفسك.
طبيعي ان الظابط يبقي له تقديره في منطقة عمله ونفوذه وهي قسم الشرطه... زي بالظبط مالدكتور له احترامه وتقديره في منطقة عمله ونفوذه وهي المستشفي...

متفق معاك في كده

ماحنا ياما بنتبهدل في العيادات وييجي إبن دكتور تاني زميل صاحب العيادة يدخل هو الأول قبل جميع الموجودين ... وفي مكتب المحاماه الزبون صاحب القضية اللى ربحها كبير هوة ده بس اللى ليه الإحترام ... وفي مكاتب اساتذة الجامعات يكون زملائهم وأبنائهم فقط من لهم المعاملة الطيبة ... والمدرسين .. والمهندسين ... و ... و ...

ومش معنى كده إن ده هو اللى ماشي خلاص

لأ طبعا ياما برضه إتعاملنا من جميع الفئات المذكورة سابقا بكل الحب والود والإحترام ... لأن الموضوع مش موضوع مهنة الموضوع موضوع تربية ... في إنسان متربى وفي إنسان قليل الذوق أيا كانت مهنته بقى

وياما دخلنا أقسام بوليس وإتعاملنا فيها وحش وإحنا لينا مراكزنا برضه .. وبرضه مانساش إني كذا مرة دخلت فيها قسم بوليس وإتعاملت زي الفل وبمنتهى الإحترام وبدون الإفصاح عن شخصيتي نهائي ... يعني اللى عاملني بإحترام ده لم يكن يهمه من الذي أمامه ولكنه هو في ذاته محترم

مع احترامي ما ينفعش الظابط يركب العربية و الدكتور يركب البوكس لمجرد ان الظابط ظابط حتى لو غلطان ......

و بمنطقك منطقة عمله و نفوذه هي مصر كلها يعني احنا نهج بقى !

منطقة نفوذ ضابط الشرطة محددة بدائرة القسم الذي يعمل به فقط مش مصر كلها

فعلا موضوع الحصانة دة غريب بالنسبة لضباط الجيش
الحصانة بتكون لتسهيل عمل معين لازم يكون فية عامل مشترك بين السلطتين علشان يكون فية حصانة زى المحامى كاطرف والقضاء والداخلية والنيابة كاطرف
انما الداخلية والجيش مافيش عامل مشترك بينهم غير اللقب ضابط وعميد وهكذا

الموضوع مش موضوع حصانة الموضوع إن الجيش ليه تنظيماته وقوانينه المستقلة تماما عن الحياة المدنية العادية في بعض الأمر وليس كله ... وضباط الجيش لا يتم التحقيق معهم إلا بواسطة النيابة العسكرية ولا تتم محاكمتهم إلا أمام المحاكم العسكرية وهذه ليست حصانة ولكنه تنظيم داخلى خاص بالجيش ويستثنيه من النظام العام

هو ليه دايما الموضوع بيكون ما بين واحد معاه واسطه او هو نفسه الواسطه
والتاني ممعهوش واسطه
طيب لما احنا بيكون معانا واسطه ووبندخل جوه القسم والطرف التاني بيفضل بره ليه ما بنتكلمش ؟؟؟؟؟؟؟؟؟؟
زي ما حضرتك بتدور علي حقك كدكتور وليك مكانتك وزعلان اوي وليك حق طبعا لان في كل المشاركات كانت الدرجه العلميه مكتوبه
فهو كمان من حقه كظابط انه يفرح بروحه ويستعمل حقه اللي القانون اداهوله
واظن انه زي ما قال سياده العقيد خالد حيروح النيابه في عربيه النيابه العسكريه
وممكن يلبس كلابش كمان
وحضراتكم حتروحوا نفس النيابه وكل واحد ياخد حقه
وبتقول ان صاحبك خبط واحد وبعد ما خبطه طلع ظابط
يعني لو كان خبط زبال مثلا كانت حتبقي تمام والدكتور حياخد حقه والزبال حيترمي في الحجز ؟؟؟؟
وعلي فكره
الواسطه مش بتخدم حد بيفتري علي غيره
الواسطه بتستعجلك اجرائات انك تاخد حقك بس
وما ضاع حق وراه مطالب
واللي يبقي يقابل ظابط في معركه سيارات يبقي يدوس عليه بالعربيه
علشان زي ما الناس بتقول دول ولا تيت وميت وغيت
وزي ما يكونوا متخرجين من مصلحه السجون وعليهم احكام
مش ناس محترمه ولاد ناس
اتصرف عليهم واتعلموا ودخلوا كليه الشرطه
ولو فيهم نسبه مش نضيفه
ففيه مليون طريقه للتبليغ عنهم
بس احنا بيكون عندنا رعب من الاحتكاك بالسلطه التنفيذيه اتمني لو نفوق منه
وانا ليا اصحاب ظباط شرطه وجيش ووكلاء نيابه ورؤساء نيابه مشوفتش حد فيهم وحش
كلهم ناس بسيطه ومحترمه

الله عليك متفق معاك في كل حرف قلته بارك الله لك

[أحمد كمال]

منطقة نفوذ ضابط الشرطة محددة بدائرة القسم الذي يعمل به فقط مش مصر كلها

ده عالورق .......بس اللي بيحصل ايه؟؟؟

[جمال]

ضابط القوات المسلحة يخضع ل قانون الاحكام العسكرية سواء داخل او خارج الوحدة العسكرية ولا يخضع للقانون المدنى
هو ده الفرق
علما بان قانون الاحكام العسكرية اشد كثيرا جدا من القانون المدنى

[M.almaghraby]

انا مش حرد لان كل الاعضاء الكرام قالوا رايهم و وصلنا الي راي واحد

لكن انا بس حقول ان نظام التمييز بين المواطن العادي والظابط العسكري امام الداخلية والقضاء دا مش موجود فاي دولة " مش محترمة حتي "

لان حسب معرفتي المفروض كله سواسية مش كل واحد ييجي ويفصل محكمة علي حسب شغلته يعني!!!!!!

دا رايي يا جماعة

و بغض النظر عن اي حاجة

انا بتاسف جدا للعقيد خالد عن انو انزعج من مشاركتي وليه حق طبعا بس لانه رجل في مقام والدي و من اكتر الناس الي بحترمهم و بحبهم فالمنتدي

فا ياريت ميكونش زعلان :)

[asbeats]

طب يا دكتور م احنا برده بيتحط علينا فى الكليه قلة ذوق و انعدام ضمير و نظام اقل حاجه تتقال عليه انه نظام فاشل و الواسطه فى اعظم صورها موجوده عندنا ههه لما تدخل ل دكتور شفوى و يبهدلك اسئله عمرك مسمعت عنها اصلا و وتتشتم لأنك ازاى مش عارف الحاجات دى هههه و تاخد 30 من 60 و زميلك يدخل لنفس الدكتور يقوله what's ur name?هههههه و سلملى على بابا 60من60 و لما رئيس القسم يلغيلنا سؤال فى المحاضرات و يجيبوه فى الامتحان ب 12 درجه و نشتكى يقولك الحرب خدعه هههههههه والله ضحكنا ساعتها
قلتلى ايه احسن معادله بقى ؟؟هههههه بس ابدأ ازاى و انا عندى باطنه؟؟؟

والله يا دكتور ياما شفنا من العينات دي دوقونا المر الوان ...بس في الآخر اتخرجنا...

عارف ايه اكتر حاجة ندمت عليها بعد ما اتخرجت...اني كنت احيانا كتير ببقى ملتزم واحضر السكاشن والروندات عشان متاخدش غياب واصدق اللي يقول الدكتور الفلاني هيحطك في دماغه والكلام الفاضي ده كله...ويقولك في درجات على الحضور...وكله في الآخر هلس...ندمت على كل ساعة حضرتها وما استفدتش وضيعت قصادها ساعة كان ممكن احضرها مع محاضر اقوى وافضل واستفيد منه اكتر...

من الآخر بلطج...بس بالعقل...

بجد ركز اويييييييييييييييييييييي انك تفهم و تتعلم مش انك تلم درجات وصدقني هو ده الصح ... لأن بعد التخرج اذا مكانش لك بوست في الجامعة هتلاقي نفسك مع الاف الأطباء في (السوق) والبقاء في مجالنا للأشطر والأقوي في الممارسة الطبية-مش اللي جايب درجات اكتر في الكلية-

والله الموفق