..وسائل الحمايه والدفاع عن النفس.....موضوع للمناقشه....

[Eng.Sameh]

طب يا ريت حد فاهم كويس .. يقولنا الأليكتريك شوك ده افضل نوع فيه ايه وبيتجاب منين وبكام .. بس يا ريت معلومات محدده عشان انا ناوي اجيبه ، واهو يكون تحسبا للظروف ، خاصة اني بسافر كتير

[necromancor]

ممكن واي حد بيمون بنزين يحط شويه في ازازه ويسدها بقماشه ويخليها في العربيه ولما يتخانق يعمل مجنون ويولع فيها ويجري ورا الناس اهم حاجه وانت داخل علي الناس تفهم انك مجنون وممكن ترمميها علييهم

[SeiffoZ]

ممكن واي حد بيمون بنزين يحط شويه في ازازه ويسدها بقماشه ويخليها في العربيه ولما يتخانق يعمل مجنون ويولع فيها ويجري ورا الناس اهم حاجه وانت داخل علي الناس تفهم انك مجنون وممكن ترمميها علييهم

مولتوف؟؟؟ لا يا حبيبى النار ممكن تمسك فيك إنت الأول حسب إتجاه الرياح ... و دى بتموت ..

إحنا عايزين سلاح وقائى و ليس قاتل ..

لو قاتل طب ماتعمل قنابل بقى و دى أسهل حاجة فى الدنيا

[survey]

أنا فى العربية معايا ..

أمريكان ستيك صلب ..

سبراى بخاخ (صناعة منزليه) ..

بقيت السلاح سايبه فوق فى البيت مثال :-

1- مسدس باريتا 8 مللى .. (ملحوظة ماسورة صوت فقط و لازم عشان يضرب حى تغير الماسورة كاملة و دى مش عندى ) ..

2- قنبلة صوت ( جبت طريقتها من على النت تعمل صوت و دخان جامد لا بأس بيه لكن غير مؤذية) ..

3- قنبلة دخان (المادة الفعالة كور البنج بونج ) مش حاجة خطيرة يعنى

أصل محسوبكم غاوى سلاح ...

ايه يا عم الحاجات الحلوة دي
وحياتك لو امكن تقول لي على تركيبة الرش او القنبلة

[bob12345]

ممكن واي حد بيمون بنزين يحط شويه في ازازه ويسدها بقماشه ويخليها في العربيه ولما يتخانق يعمل مجنون ويولع فيها ويجري ورا الناس اهم حاجه وانت داخل علي الناس تفهم انك مجنون وممكن ترمميها علييهم

looooooooooooooooooooooooooooooooooooooooooooooooo oooooooooooooooooooool

[Ahmed A Rahman]

مرة كنت رايح اقول محاضرة في نقابة الاطباء.
يعني ولابس كل اللي على الحبل لزوف الايافة
لقيت واحد بنص نقل ماشي ورايا في محور الna
وعمال يزمر لي على طول بس كان في مطب ادامي
المنطقة كانت مكسرة وكنا سايقين على الاولاني يعني مفيش سرعة اصلا.
ولما شاورت له راح داخل في عربيتي من ورا, انتقام يعني.
نزلنا واتخانقنا وكنا على وشك اننا نمسك في بعض.
انا كان معايا اخويا وهو كان معاه واحد ثاني.

حسبتها مع نفسي

اخويا الصغير في كلية الهندسة في السنة الثانية
وانا دكتور لو طاوعت نفسي ومسكت في الواد ده
اخويا حيمد ايده واخوه برضه حيمد ايده



وقفة مع النفس

اذا فرضنا اننا اقوى منهم ومنهم نغلبهم
(احنا بنروح الجيم وهما بيحملوا بضاعة يعني تقريبا واحد)

وقطعنا بعض (ضربنا اعناقهم وضربوا اعناقنا)

وبعدين؟؟؟


انا دكتور لو اخدت ضربة مطوه واحده بس حتهدم مستقبلي لان انت متقبلش ان دكتور يكشف عليك وهو متعلم عليه.

اخويا اللي حيطلع مهندس, واللي بيتمنى انه يشتغل في ميكروسوفت ولا اتصالات, عمره ما حيتعين فيهم غير بواب لو واخد له سكينه في خده, وحيفضل طول عمره فاكرهالي.

كل ده دار في ذهني في لحظة لما بدأنا احنا الاربعة نتلامس وحنبدأ نرزع في بعض, والموضوع اصلا كان اكصدام واتطبق وحيترد ثاني.

رحت لامم اخويا وشاورت على سواق النص نقل وبصيت في عنيه وقلت له : أنا ثمن الرفرف ده حاخده منك يوم القيامة وساعتها مش حتعرف تزعق لانك خابطني قاصد انك تنتقم مني.

ورحت ماشي بالعربية.

الغريبة اني على ما وصلت مدينة نصر بعد عشر دقايق لقيت نص نقل هاجمه عليه من الجنب ولقيت نفس الراجل بيقول لي معلهش يا عم سامحني

قلت له خلاص يا عم

مشيت بالعربية على ما وصلت لقبل مطلع كوبري اكتوبر لقيته جه وقف جنبي في آخر اشارة وقال لي سامحني يا بيه الشيطان شاطر وعينه كانت مكسورة بطريقة مكنتش حعرف اعملها لو قعدت اضرب فيه يومين (كانت نظرة عينه بتقول سامحني في الدنيا احسن ما نتخالص في الآخرة)

لدرجة اني ضحكت وقلت له خلاص يا عم ربنا يستر طريقك, فضل مستنيني لحاد ما عديت وحسيت انه متعمد انه ميعدينيش او ميسبقنيش.

الموضوع ده بقاله اكثر من سنة بس بفتكره كل ما احس اني عايز اخنق واحد نص نقل او مقطورة يكسر علي وانا ماشي على الطريق لاني ساكن في الرحاب فطريقي طريق السويس والدائري على طول, فاقول لنفسي كبر دماغك بدل ما نتحاسب مع بعض يوم القيامة.

اخويا نفسه اللي كان ابويا عمال يديله في خطب وحكم عن ازاي الواحد لازم يسوق هادي الاعصاب, لقيته بعد كده لما طلع رخصه وحد يكسر عليه او يعدي لازق فيه وهو ماشي بسرعة الاقيه يقول مع الف سلامة.

بصراحة مفيش احلى من انك تكبر دماغك حتى لو كنت عايش في بلد فيها ناس ملهاش دمغه اصلا.

[sha2e]

بقيت السلاح سايبه فوق فى البيت مثال :-

1- مسدس باريتا 8 مللى .. (ملحوظة ماسورة صوت فقط و لازم عشان يضرب حى تغير الماسورة كاملة و دى مش عندى ) ..

2- قنبلة صوت ( جبت طريقتها من على النت تعمل صوت و دخان جامد لا بأس بيه لكن غير مؤذية) ..

3- قنبلة دخان (المادة الفعالة كور البنج بونج ) مش حاجة خطيرة يعنى

أصل محسوبكم غاوى سلاح ...

بعد ده كله انا رأي تجبلك أر بي جيه اسهل
او لو حته استعمال يبقى يا سلااااااااااااااااااام :10D5C8~1107:

[Ahmed Samy]

بصراحة مفيش احلى من انك تكبر دماغك حتى لو كنت عايش في بلد فيها ناس ملهاش دمغه اصلا.

روح يا شيخ ....

الله يكرم أصلك

[كابوس الليل]

طب يا ريت حد فاهم كويس .. يقولنا الأليكتريك شوك ده افضل نوع فيه ايه وبيتجاب منين وبكام .. بس يا ريت معلومات محدده عشان انا ناوي اجيبه ، واهو يكون تحسبا للظروف ، خاصة اني بسافر كتير

تانى ؟؟؟
من عينينا
اولا تقريبا ملهوش رخصة لانها محرم دوليا ولما بيخش دولة بيبقا متهرب وكل اليكتريك شوك وليه قوة يعنى 1000فولت 2000 فولت وهكذا وبيبقا فيه لمبة كشاف يعنى وبيبقا بلشحن لما طروح بيتك تحته فى الشحن زى الموبيل بلظبط وبيتغير سعره حسب قرابة الشخص الى حيجلبهولك يعنى لو حبيبك وكدة حيخدمك فى سعره لاكن لو صديقك عادى يبقا بدايته من 320 وبيوصل لحد 2000 جنيه عشان بيبقا قوة الفولت بتاعه عليا

[Mystique]

مرة كنت رايح اقول محاضرة في نقابة الاطباء.
يعني ولابس كل اللي على الحبل لزوف الايافة
لقيت واحد بنص نقل ماشي ورايا في محور الna
وعمال يزمر لي على طول بس كان في مطب ادامي
المنطقة كانت مكسرة وكنا سايقين على الاولاني يعني مفيش سرعة اصلا.
ولما شاورت له راح داخل في عربيتي من ورا, انتقام يعني.
نزلنا واتخانقنا وكنا على وشك اننا نمسك في بعض.
انا كان معايا اخويا وهو كان معاه واحد ثاني.

حسبتها مع نفسي

اخويا الصغير في كلية الهندسة في السنة الثانية
وانا دكتور لو طاوعت نفسي ومسكت في الواد ده
اخويا حيمد ايده واخوه برضه حيمد ايده



وقفة مع النفس

اذا فرضنا اننا اقوى منهم ومنهم نغلبهم
(احنا بنروح الجيم وهما بيحملوا بضاعة يعني تقريبا واحد)

وقطعنا بعض (ضربنا اعناقهم وضربوا اعناقنا)

وبعدين؟؟؟


انا دكتور لو اخدت ضربة مطوه واحده بس حتهدم مستقبلي لان انت متقبلش ان دكتور يكشف عليك وهو متعلم عليه.

اخويا اللي حيطلع مهندس, واللي بيتمنى انه يشتغل في ميكروسوفت ولا اتصالات, عمره ما حيتعين فيهم غير بواب لو واخد له سكينه في خده, وحيفضل طول عمره فاكرهالي.

كل ده دار في ذهني في لحظة لما بدأنا احنا الاربعة نتلامس وحنبدأ نرزع في بعض, والموضوع اصلا كان اكصدام واتطبق وحيترد ثاني.

رحت لامم اخويا وشاورت على سواق النص نقل وبصيت في عنيه وقلت له : أنا ثمن الرفرف ده حاخده منك يوم القيامة وساعتها مش حتعرف تزعق لانك خابطني قاصد انك تنتقم مني.

ورحت ماشي بالعربية.

الغريبة اني على ما وصلت مدينة نصر بعد عشر دقايق لقيت نص نقل هاجمه عليه من الجنب ولقيت نفس الراجل بيقول لي معلهش يا عم سامحني

قلت له خلاص يا عم

مشيت بالعربية على ما وصلت لقبل مطلع كوبري اكتوبر لقيته جه وقف جنبي في آخر اشارة وقال لي سامحني يا بيه الشيطان شاطر وعينه كانت مكسورة بطريقة مكنتش حعرف اعملها لو قعدت اضرب فيه يومين (كانت نظرة عينه بتقول سامحني في الدنيا احسن ما نتخالص في الآخرة)

لدرجة اني ضحكت وقلت له خلاص يا عم ربنا يستر طريقك, فضل مستنيني لحاد ما عديت وحسيت انه متعمد انه ميعدينيش او ميسبقنيش.

الموضوع ده بقاله اكثر من سنة بس بفتكره كل ما احس اني عايز اخنق واحد نص نقل او مقطورة يكسر علي وانا ماشي على الطريق لاني ساكن في الرحاب فطريقي طريق السويس والدائري على طول, فاقول لنفسي كبر دماغك بدل ما نتحاسب مع بعض يوم القيامة.

اخويا نفسه اللي كان ابويا عمال يديله في خطب وحكم عن ازاي الواحد لازم يسوق هادي الاعصاب, لقيته بعد كده لما طلع رخصه وحد يكسر عليه او يعدي لازق فيه وهو ماشي بسرعة الاقيه يقول مع الف سلامة.

بصراحة مفيش احلى من انك تكبر دماغك حتى لو كنت عايش في بلد فيها ناس ملهاش دمغه اصلا.

شكرا على الرد العاقل جدا..فعلا عجبني كلام حضرتك

الواحد ممكن بإيده يقوم الدنيا وممكن برضو يهديها وتخلص الأمور بسلام لو حصل موقف من المواقف البايخة ف الشارع.
يا جماعة وانا بقرا الموضوع ف الأول قلت طبعا هجيب اليكتريك شوك واطلعه وأهوش بيه وخصوصا إني بنت مليش ف ضرب وخناق
بعدين لقيت ردود الأعضاء وأنا منهم دخلت ف ضرب وعجن وسلاح حي وقنابل..اتخضيت
احنا للدرجادي الانتقام عندنا مهم..داحنا كدة هنعيش ف غابة

يا جماعة في ناس ف الشارع حتى لو هي اللي غلطانة مش هتعترف وعندها استعداد تكبر الخناقة وتوسعها,,ومتضمنش مهما كان اللي قدامك ده تصرفه هيبقى ازاي دلوقتي ولا بعدين حتى ولا مين سانده سواء بلطجية أو ناس واصلين..يعني هتنجيب لنفسنا مشاكل..

أنا عن نفسي بحاول أحط ف دماغي اني مأذيش حد عامة وف المواقف دي بالذات حتى لو كان غلطان عشان ربنا ميردليش..انا بسيب ربنا ينتقملي بس بعد ما أعرفه غلطه بالكلام مش أكتر..
وبعد ما قريت الموضوع ده..قررت أكتر اني أتمالك أعصابي ف مواقف زي دي

[Eslam.Elrefaey]

أنا أمشى عادى ولى الحساب من عند الله

[Ahmed A Rahman]

الواحد ممكن بإيده يقوم الدنيا وممكن برضو يهديها وتخلص الأمور بسلام لو حصل موقف من المواقف البايخة ف الشارع.

يا جماعة وانا بقرا الموضوع ف الأول قلت طبعا هجيب اليكتريك شوك واطلعه وأهوش بيه وخصوصا إني بنت مليش ف ضرب وخناق
بعدين لقيت ردود الأعضاء وأنا منهم دخلت ف ضرب وعجن وسلاح حي وقنابل..اتخضيت
احنا للدرجادي الانتقام عندنا مهم..داحنا كدة هنعيش ف غابة

شكرا لرد حضرتك الرقيق
انا وانا مرة في الكلية كان فيه واحد صاحبي مشهور انه فتوه وكان كمال اجسام واللي مش عاجبه يقرب ياخد له بوكس ويروح عنيه زرقا.

لقيته مره واحده ربنا هداه وبقى مثلا حد ييجي يهزر معاه او يتريأ عليه, احنا طبعا قلبنا يقف ونحس ان فيه مجزرة حتحصل دلوقتي والشخص اللي بيتريأ ده مش حيروح بيتهم

بصيت لقيته معملش حاجه واخد الكلمة وسكت

قلت له مالك يعني بقالك يومين مضربتش حد و المستشفى قربت تفضى.

لقيته بيقولي اصل انا بقيت اخاف انزل دم من اي حد

فمفهمتش قلت له ليه يعني عدوى؟؟؟؟

قالي هو نقطة الدم فيها كام خلية حمرا

قلت له ايه السؤال العبيط ده فيه دكتور ميعرفش السؤال ده

قلت له فيها خمسة مليون خلية دم حمرا
وخمسة الاف خلية دم بيضا (الجيش اللي بيدافع عنا)
وحوالي 200 الف صفايح دموية (عشان لما نتعور)



لقيته بيبص لي ويقولي وتفتكر في الآخرة الخلية الواحدة على حساب ربنا تتحسب بكام حسنة ؟؟؟

انا بصراحة برقت ومعرفتش ارد
الواحد لو حسبها كده حيخاف يزعق في اللي ادامه

[Medo007]

مرة كنت رايح اقول محاضرة في نقابة الاطباء.
يعني ولابس كل اللي على الحبل لزوف الايافة
لقيت واحد بنص نقل ماشي ورايا في محور الna
وعمال يزمر لي على طول بس كان في مطب ادامي
المنطقة كانت مكسرة وكنا سايقين على الاولاني يعني مفيش سرعة اصلا.
ولما شاورت له راح داخل في عربيتي من ورا, انتقام يعني.
نزلنا واتخانقنا وكنا على وشك اننا نمسك في بعض.
انا كان معايا اخويا وهو كان معاه واحد ثاني.

حسبتها مع نفسي

اخويا الصغير في كلية الهندسة في السنة الثانية
وانا دكتور لو طاوعت نفسي ومسكت في الواد ده
اخويا حيمد ايده واخوه برضه حيمد ايده



وقفة مع النفس

اذا فرضنا اننا اقوى منهم ومنهم نغلبهم
(احنا بنروح الجيم وهما بيحملوا بضاعة يعني تقريبا واحد)

وقطعنا بعض (ضربنا اعناقهم وضربوا اعناقنا)

وبعدين؟؟؟


انا دكتور لو اخدت ضربة مطوه واحده بس حتهدم مستقبلي لان انت متقبلش ان دكتور يكشف عليك وهو متعلم عليه.

اخويا اللي حيطلع مهندس, واللي بيتمنى انه يشتغل في ميكروسوفت ولا اتصالات, عمره ما حيتعين فيهم غير بواب لو واخد له سكينه في خده, وحيفضل طول عمره فاكرهالي.

كل ده دار في ذهني في لحظة لما بدأنا احنا الاربعة نتلامس وحنبدأ نرزع في بعض, والموضوع اصلا كان اكصدام واتطبق وحيترد ثاني.

رحت لامم اخويا وشاورت على سواق النص نقل وبصيت في عنيه وقلت له : أنا ثمن الرفرف ده حاخده منك يوم القيامة وساعتها مش حتعرف تزعق لانك خابطني قاصد انك تنتقم مني.

ورحت ماشي بالعربية.

الغريبة اني على ما وصلت مدينة نصر بعد عشر دقايق لقيت نص نقل هاجمه عليه من الجنب ولقيت نفس الراجل بيقول لي معلهش يا عم سامحني

قلت له خلاص يا عم

مشيت بالعربية على ما وصلت لقبل مطلع كوبري اكتوبر لقيته جه وقف جنبي في آخر اشارة وقال لي سامحني يا بيه الشيطان شاطر وعينه كانت مكسورة بطريقة مكنتش حعرف اعملها لو قعدت اضرب فيه يومين (كانت نظرة عينه بتقول سامحني في الدنيا احسن ما نتخالص في الآخرة)

لدرجة اني ضحكت وقلت له خلاص يا عم ربنا يستر طريقك, فضل مستنيني لحاد ما عديت وحسيت انه متعمد انه ميعدينيش او ميسبقنيش.

الموضوع ده بقاله اكثر من سنة بس بفتكره كل ما احس اني عايز اخنق واحد نص نقل او مقطورة يكسر علي وانا ماشي على الطريق لاني ساكن في الرحاب فطريقي طريق السويس والدائري على طول, فاقول لنفسي كبر دماغك بدل ما نتحاسب مع بعض يوم القيامة.

اخويا نفسه اللي كان ابويا عمال يديله في خطب وحكم عن ازاي الواحد لازم يسوق هادي الاعصاب, لقيته بعد كده لما طلع رخصه وحد يكسر عليه او يعدي لازق فيه وهو ماشي بسرعة الاقيه يقول مع الف سلامة.

بصراحة مفيش احلى من انك تكبر دماغك حتى لو كنت عايش في بلد فيها ناس ملهاش دمغه اصلا.

بصراحة كلامك لا غبار عليه
شكرا جدا
وانا اتوقع طول ما الواحد كويس ومحترم
محدش هيعمل معاه حاجة
يعني دلوقتي انا مش بتاع مشاكل متوقعش ان حد يجي يعمل معايا مشاكل الا اذا كان بقى الراجل عقله مش سليم
نصحية مهمة جداااااااااااا مني
قبل ما تركب العربية وتبدا تسوق حط اعصابك في تلاجة
والله هتلاقي الدنيا وردي معاك وعن تجربة
يعني ساعات ابقى نازل محروق دمي ومدايق
واتعفرت عالناس ونقعد نشوح لبعض وارجع البيت محروق دمي اكتر او نكون في مكان فسحة تبقى بدل ما هي فسحة تبقى خروجة غم
وساعات بقى قبل ما اركب احط اعصابي في تلاجة
بحس ان الدنيا تمام اوى ى ى ى ى وكلنا بنشاور لبعض واتفضل ونوزع ابتسامات ونعزم على بعض لو هو مثلا جاي في وشي اخليه يعدي الاول وهكذا
وشكرا

[محمد محمد]

قيل لأحد الأئمة تسعة اعشار الراحة فى التغافل فقال بل كلها فى التغافل

[M.Osman]

بصراحة مفيش احلى من انك تكبر دماغك حتى لو كنت عايش في بلد فيها ناس ملهاش دمغه اصلا.

و الله مش عارف اقولك اية!
هو دا الكلام
مهو بصراحة مش هينفع كل واحد خربشلي العربية و لا عمللي كذا ادب معاه خناقة ( انا اصلا عمري ما اتخانقت )
و بعدين حاجة زي دي فعلا ممكن تأثر على مستقبلي...

و اهي ماشية كدا و خلاص ... و حسبي الله و نعم الوكيل في دا مجتمع !