إعـــــــلان

**yse** · 02-08-2009, 08:13 PM

انا اللي يقرب مني ادخل فيه بالعربية اصلها مش بتاعتي بتاعة اخويا واكيد في البيت هيقولوا فداك يابرنس طول م انت تمام وفداك الشعب والحكومة كمان .ههههههههههه

**M.Mekawy** · 02-08-2009, 08:51 PM

المشاركة الأصلية كتبت بواسطة walidadel مشاهدة المشاركة

مش عارف بس عموما عموما مفيش اي سبب يخليني انزل لمستوي واحد زي ده و انزل اتخانق معاه انا اسيبه و امشي لانه ماتعرفش ممكن يعمل ايه او ممكن يكون معاه سلاح ولا حاجه و انت ماتعرفش تدافع عن نفسك فممكن يموتك او يعورك زي ماتيجي هاتيجي بقي لكن لو واثق من نفسك اوي يعني ممكن تنزل و انت اعزل حتي و هاتعرف تتصرف مش هتحتاج لاي سلاح او حاجه و بعدين لما تحاول تحمل اي سلاح ابيض لازم تكون متمكن منه او عارف هاتستخدمه ازاي مش شرط انك معاك سلاح ابيض و سهل الاستخدام يبيقي ساعة الجد هاتستخدمه صح ابسط حاجه ممكن اللي قدامك ياخده منك و بدل ماكان السلاح دا انت هاتختدمه علشان تدافع بيييه عن نفسك لا هايتاخد منك و هاتتنفخ بييييييه

ابو وليد , انت فين يا عم , خلاص لواتخانقت مع اى حد هكلمك تتخانق معايا , اوك ؟

**M.Mekawy** · 02-08-2009, 09:22 PM

المشاركة الأصلية كتبت بواسطة hamadamdph مشاهدة المشاركة

شكرا لرد حضرتك الرقيق
انا وانا مرة في الكلية كان فيه واحد صاحبي مشهور انه فتوه وكان كمال اجسام واللي مش عاجبه يقرب ياخد له بوكس ويروح عنيه زرقا.

لقيته مره واحده ربنا هداه وبقى مثلا حد ييجي يهزر معاه او يتريأ عليه, احنا طبعا قلبنا يقف ونحس ان فيه مجزرة حتحصل دلوقتي والشخص اللي بيتريأ ده مش حيروح بيتهم

بصيت لقيته معملش حاجه واخد الكلمة وسكت

قلت له مالك يعني بقالك يومين مضربتش حد و المستشفى قربت تفضى.

لقيته بيقولي اصل انا بقيت اخاف انزل دم من اي حد

فمفهمتش قلت له ليه يعني عدوى؟؟؟؟

قالي هو نقطة الدم فيها كام خلية حمرا

قلت له ايه السؤال العبيط ده فيه دكتور ميعرفش السؤال ده

قلت له فيها خمسة مليون خلية دم حمرا
وخمسة الاف خلية دم بيضا (الجيش اللي بيدافع عنا)
وحوالي 200 الف صفايح دموية (عشان لما نتعور)

لقيته بيبص لي ويقولي وتفتكر في الآخرة الخلية الواحدة على حساب ربنا تتحسب بكام حسنة ؟؟؟

انا بصراحة برقت ومعرفتش ارد :o_stupid[1]::o_stupid[1]::o_stupid[1]:
الواحد لو حسبها كده حيخاف يزعق في اللي ادامه

و الله المشاركتين بتوع حضرتك يسبتوا اخر حاجة
ربنا يفتحها فى وشك و يوقفلك ولاد الحلال

**WalidAdel** · 02-08-2009, 10:12 PM

المشاركة الأصلية كتبت بواسطة m.mekawy مشاهدة المشاركة

ابو وليد , انت فين يا عم , خلاص لواتخانقت مع اى حد هكلمك تتخانق معايا , اوك ؟

هههههههههههههههههههه

ولا كأني اعرفك يابني

**A.Saad** · 02-08-2009, 10:25 PM

المشاركة الأصلية كتبت بواسطة relentless_mayhem مشاهدة المشاركة

أنا فى العربية معايا ..

أمريكان ستيك صلب ..

سبراى بخاخ (صناعة منزليه) ..

بقيت السلاح سايبه فوق فى البيت مثال :-

1- مسدس باريتا 8 مللى .. (ملحوظة ماسورة صوت فقط و لازم عشان يضرب حى تغير الماسورة كاملة و دى مش عندى ) ..

2- قنبلة صوت ( جبت طريقتها من على النت تعمل صوت و دخان جامد لا بأس بيه لكن غير مؤذية) ..

3- قنبلة دخان (المادة الفعالة كور البنج بونج ) مش حاجة خطيرة يعنى

أصل محسوبكم غاوى سلاح ...

ممكن اعرف ايه عبوة البخاخ الصناعة المنزلى
و ياريت شرح لباقى الحاجة

**MoToRiZeR** · 03-08-2009, 03:03 AM

انا كان لسة الموضوع ده بيدور في دماغي لأن شفت إتنين في إشارة واحد خبط التاني التاني نزل قبل ما يبص عالعربية قام مدي التاني بالبونية في وشه !

قلت ده لو حصل معايا هيبقي إيه الموقف .. طب لو معاه ناس ؟؟ لو انا معايا أهلي ولا صحابي ؟!

لازم يبقي فيه وسيلة دفاعية .. بس للأسف فيه ناس بتستعبط اما يبقي معاها حاجة شبه سلاح و بتستعمله في الهجوم عالناس و فاكرة ده الدفاع عن الحق .

و طبعاَ ممكن فعلاَ ناس تزنقك في الشارع و تنزل فيك ضرب و محدش يمد إيده يحوش حتي البوليس .. و لو قررت تبلغ البوليس هتتبهدل زيادة و تلاقيهم بيتعاملوا معاك أكنك المتهم (في تجربة سابقة اما إتسرقت مني حاجات) .

انا متابع المناقشة لأني لسة مش قادر أخد قرار
انا مسالم برضه و مليش في الخناق .. ممكن أتعصب ممكن أشتم إنما مش همسك في واحد و نضرب بعض !

**SeiffoZ** · 03-08-2009, 03:35 AM

المشاركة الأصلية كتبت بواسطة a.saad مشاهدة المشاركة

ممكن اعرف ايه عبوة البخاخ الصناعة المنزلى
و ياريت شرح لباقى الحاجة

المشاركة رقم 22 ..

البخاخ ده حاجة زى بتاعت البرفان بس صغيرة جدا و ساعات على شكل قلم جيب عادى جدا ...

هتلاقيها عند بتوع العطور التركيب ب 4 جنيه

**أشرف فتحى** · 03-08-2009, 03:37 AM

المشاركة الأصلية كتبت بواسطة motorizer مشاهدة المشاركة

انا متابع المناقشة لأني لسة مش قادر أخد قرار
انا مسالم برضه و مليش في الخناق .. ممكن أتعصب ممكن أشتم إنما مش همسك في واحد و نضرب بعض !

أستاذ محمود....

انا متأكد ان ثمانين من الميه على القل مننا مسالم ومش بتاع مشاكل...ومش ممكن نتخيل اننا نمسك فى حد ونضربه....لكن لو الحد ده هو اللى جالك ومسكك وعايز يضربك .....هتعمل أيه؟

صدقنى الكلام سهل لكن دى تجربه مهينه جدا جدا جدا.....يعنى تبقى راجل محترم ولابس كويس وعربيتك بالشئ الفلانى ويجى طفل كبير يتهجم عليك...وتضطر تدافع عن نفسك بإيدك..!!!!!

وللأسف رد فعل الناس بيبقى فى منتهى السلبيه....بل بالعكس .....الناس بتطلع من تحت الارض تتفرج عليك وتزعل لو الخناقه خلصت بسرعه ومن غير إصابات....

ومهما كانت النتيجه....يعنى حتى لو مسكت الشخص ده وعلمته الادب بطريقته...الاثر المعنوى بيفضل معلم جواك....

معقول ده؟

فى حد كده؟

طب لو كنت مقدرتش عليه كان هيعمل فيا يه؟

طب أمسح إزاى الشتيمه من مخ بناتى وزوجتى؟

يبقى اليكتريك ب 350 جنيه أحسن وأوفر......

**MoToRiZeR** · 03-08-2009, 03:44 AM

فعلاَ يا أستاذ أشرف ده اللي دار في دماغي

انا مش همسك في حد و هخلص الموضوع ودي
إنما لو حد ده واطي و مش هيرضيه إلا إنه يمد إيده عليا هعمل إيه!! خاصة لو هو جسدياَ يخلص عليا بسهولة أو معاه أفراد تانيين .. هتضرب و أقول انا مسالم !؟ طب لو معايا أمي .. أختي .. حد أعرفه راكب معايا .. هعمل إيه و شكلي قدامهم و قدام نفسي هيبقي إيه .. أكيد هتبقي مصيبة .. بس هي الفكرة إني مش لاقي حل قانوني و سليم .. يعني انا دلوقت لو تعرضت لموقف و إتضربت مثلاَ .. و بعدها جبت إليكتريك شوكر و جم في لجنة قالولي قضية سلاح .. يبقي الواحد يولع في نفسه ولا يعمل إيه

**M.Osman** · 03-08-2009, 03:44 AM

يبقى اليكتريك ب 350 جنيه أحسن وأوفر......

و لو انا اتمسكت بيه؟

**mahmoud_magdy** · 03-08-2009, 03:56 AM

انا بقى نفسيتي تعبانه جدااااااا من موقف حصلي النهارده
انا في الغالب مبعرفش امسك اعصابي بس في نفس الوقت مبمدش ايدي على أي شخص الاول الا اذا هو مد ايده عليا ودي محصلتش بقالها فتره كبيره اكتر من 5 سنوات
النهارده بقى حصلت
وزعلان جدا من نفسي اني مديت ايدي على شخص وكانت مجرد زقه ومنع انو يمد ايده عليا ومن غير شتيمه واحده ولا حتى لفظ سئ
انا مبخافش لكن جوايا بيحصل نوع من الخوف على نفسي
اخاف اتعور في وشي مثلا لاقدر الله (وان شاء الله مش هتحصل )

المكان كان في شبرا الخيمه ( وما ادراكم ما هذه المنطقه )
عبث وعدم نظام وعدم اخلاقيات وعدم وعدم من هنا لحد اسوان مثلا
بيئه متشرده ناس ضايعه في الاخلاق قذاره ما بعدها قذاره
الحمد لله طلعت من البيئه ( الحي ) ده وقدرت اكون لنفسي شخصيه محترمه تحترم في اي مكان بس للاسف بيتقال عليه غلبان لمجرد الاحترام اللي بيتفهم غلط
بجد النهارده ومن كام سنه متخانقتش فيها ومش عاوز اصلا ده حصل
وبسببها ضاعت مني نضاره شمس غالية الثمن
ومتدايق اوي وعمال بلوم في نفسي من اللي ورطت نفسي فيه ومحبش اني اكون بتخانق في وسط الشارع ابدا ولا حد يحس بيا ولا صوتي يعلى ( مسالم مسالم يعني )
بس بجد اكتشفت انو غلط والمسالم ده بيكون كتير اوي فريسه
والحق لازم يتاخد عنوه وباديا عشان محدش هيجيبو ليا
( معلش ان قلت افضفض عشان مخنوق جدااااااااا ) ومازلت

انا كان نفسي في اليكتريك او اي وسيلة دفاع غير ايدي عشان مكانش ليا نفس اضرب خااااااالص ولذلك منعت المتهجم عليا فقط

بصراحه وسيلة الدفاع هي أأمن حاجه للناس المسالمه

اسف اني غيرت الموضوع بس لاقيته بيشترك في اللي حصل معايا النهارده

الناس بقت شرسه جداااا ولسانهم عاوز القطع وتوقع اي حاجه من اي حد لذلك لازم وسيلة دفاع عشان البلد مبقتش مسالمه ومفيش اخلاق خالص بالعكس تماما
بس ياترى هو الواحد لازم يكون ليه سلطه عشان يعرف يدافع عن نفسو !!!! ( أكيد )

**Terrible_DaRsH** · 03-08-2009, 04:10 AM

المشاركة الأصلية كتبت بواسطة musiccairo مشاهدة المشاركة

انا بقى نفسيتي تعبانه جدااااااا من موقف حصلي النهارده
انا في الغالب مبعرفش امسك اعصابي بس في نفس الوقت مبمدش ايدي على أي شخص الاول الا اذا هو مد ايده عليا ودي محصلتش بقالها فتره كبيره اكتر من 5 سنوات
النهارده بقى حصلت
وزعلان جدا من نفسي اني مديت ايدي على شخص وكانت مجرد زقه ومنع انو يمد ايده عليا ومن غير شتيمه واحده ولا حتى لفظ سئ
انا مبخافش لكن جوايا بيحصل نوع من الخوف على نفسي
اخاف اتعور في وشي مثلا لاقدر الله (وان شاء الله مش هتحصل )

المكان كان في شبرا الخيمه ( وما ادراكم ما هذه المنطقه )
عبث وعدم نظام وعدم اخلاقيات وعدم وعدم من هنا لحد اسوان مثلا
بيئه متشرده ناس ضايعه في الاخلاق قذاره ما بعدها قذاره
الحمد لله طلعت من البيئه ( الحي ) ده وقدرت اكون لنفسي شخصيه محترمه تحترم في اي مكان بس للاسف بيتقال عليه غلبان لمجرد الاحترام اللي بيتفهم غلط
بجد النهارده ومن كام سنه متخانقتش فيها ومش عاوز اصلا ده حصل
وبسببها ضاعت مني نضاره شمس غالية الثمن
ومتدايق اوي وعمال بلوم في نفسي من اللي ورطت نفسي فيه ومحبش اني اكون بتخانق في وسط الشارع ابدا ولا حد يحس بيا ولا صوتي يعلى ( مسالم مسالم يعني )
بس بجد اكتشفت انو غلط والمسالم ده بيكون كتير اوي فريسه
والحق لازم يتاخد عنوه وباديا عشان محدش هيجيبو ليا
( معلش ان قلت افضفض عشان مخنوق جدااااااااا ) ومازلت

انا كان نفسي في اليكتريك او اي وسيلة دفاع غير ايدي عشان مكانش ليا نفس اضرب خااااااالص ولذلك منعت المتهجم عليا فقط

بصراحه وسيلة الدفاع هي أأمن حاجه للناس المسالمه

اسف اني غيرت الموضوع بس لاقيته بيشترك في اللي حصل معايا النهارده

الناس بقت شرسه جداااا ولسانهم عاوز القطع وتوقع اي حاجه من اي حد لذلك لازم وسيلة دفاع عشان البلد مبقتش مسالمه ومفيش اخلاق خالص بالعكس تماما
بس ياترى هو الواحد لازم يكون ليه سلطه عشان يعرف يدافع عن نفسو !!!! ( أكيد )

متزعلش من اللى حصل .

انا نفس النظام برده , عمرى ما مديت ايدى على حد و لا شتمت حد الا لو هو اللى بدا و بتعامل مع كل الناس باحترام لان دى اخلاقى الحمد لله .

و لكن انا عودت نفسي لو الحظ قدر لى انى اتعامل مع ناس زبالة و مخها بايظ لازم اتعامل معاهم بنفس شخصيتهم و الا هكون ضحية .

احساس انك مسالم و مش هتتخانق و تيجى مرة واحدة تتخانق ده انا عارف انه صعب و لكن مادام انت نيتك سليمة فربنا معاك دايما .

**mahmoud_magdy** · 03-08-2009, 04:18 AM

عموما قدر الله وما شاء فعل
حسبي الله ونعم الوكيل ( مليش غيرك يارب )
الجهل اتعمم وبقى الاساس ولا ايه مش عارف
الاخلاق انعدمت والسئ بقى قدوه ولا ايه مش فاهم

خير وسيله للهجوم الدفاع
ولازم وسيله للدفاع
ممكن طلب صغير ( منين اقدر اجيب الكتريك شوك ) انا هعمل سيرش على الاماكن على الانترنت وياريت لوحد يعرف مكان يقول عليه
شكراااا

Comment

Comment

إعـــــــلان

.

..وسائل الحمايه والدفاع عن النفس.....موضوع للمناقشه....

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment