إعـــــــلان

Collapse

.

,
See more
See less

نصائح لإختيار الشقة المناسبة!

Collapse
X
 
  • Filter
  • الوقت
  • Show
Clear All
new posts

  • #16
    فكرة الأول أو الثامن ترجع مباشرة للمنظر اللي قدامك ..
    يعني لو فيه قدامك عمارة يبقى العالي أفضل لأنك هتبقى مجروح
    لو مفيش يبقى الأول أحسن لو مش مجروح لأنه هيرحمك من حاجات كتير جداً منها تعطل الأسانسير وفي حالة الكوارث وخلافه ..

    الشرقي أحسن من الغربي طبعاً .. ودي معلومة يمكن إخوتي وأصدقائي فوق لم يعرفونها وأنا نفسي عرفتها على كبر ..

    الشرقي الشمس بتضرب فيه الصبح بس .. بتبقى هادية وحنينة وبعد الظهر هتلاقي الشمس في الغربي حتى الغروب يعني صباح الشوي ..

    أفضل الجهات لو فيه واجهة واحدة بس هي :
    الشرقي
    الشمالي (البحري ) وده لأن الشمس مبتدخلوش أصلاً
    الغربي
    الجنوبي (القبلي )

    أما لو فيه واجهتين فأفضلهم :
    البحري الشرقي
    البحري الغربي
    القبلي الشرقي
    القبلي الغربي

    وأفضلهم جميعاً البحري القبلي لكنه لا يتوافر إلا لو كانت شقتك على مساحة العمارة كلها أو نصفها على أقل تقدير ..
    وشقة سعيدة يا نادر
    [CENTER][COLOR="DarkRed"][SIZE="4"]ما عاد يجدي الكلام ..[/SIZE][/COLOR][/CENTER]

    Comment


    • #17
      المشاركة الأصلية كتبت بواسطة TIMODAX مشاهدة المشاركة
      السلام عليكم مبروك عليك و ليك انشاء الله
      ممكن أعرف أخبار ألأسعار , و نظام الدفع و سمعت أنا حاجة عن ان الأراضي وضع يد و كلام من النوع ده فهل ده صحيح
      [CENTER][COLOR="RoyalBlue"]Our deepest fear is not that we are inadequate. Our deepest fear is that we are powerful beyond measure.[/COLOR][/CENTER]

      Comment


      • #18
        متشكر جداً يا جماعة علي الردود...
        انا رحت هناك تاني إمبارح...
        الدور الأول إتدفعلها عربون...و الثامن إتباعت...فاضل التاسع...اللي هو أخر دور...يعني بخ

        اللي عاجبني في العمارة دي انها كانت خلصانة تماماً...و واجهتها و تشطيب السلالم و المداخل علي أعلي مستوي في المنطقة كلها...عشان كده إتخطفت..

        بس النصائح اللي قولتوها بقيت أخد بالي منها ...يعني بقيت فاهم الدنيا أكتر...

        بالنسبة لمنطقة الزهراء

        المتر يتراوح بين 2000 لحد 2500...بس الحاجات الكويسة جداً بتبقي في حدود 2300...

        كل الأراضي كانت ملك لجمعيات (زي شمال سيناء و تنفيذ الأحكام...إلخ)...و بتبيعها لمقاولين و مستثمرين...اللي بدورهم بيبنوا لحسابهم...

        طبعاً لازم تروح الحي برقم القطعة اللي انت ناوي عليها..و تتأكد ان تراخيصها مظبوطة و المرافق متوافق عليها و كل الكلام ده...

        عيب المنطقة دي هي التكدس الرهيب...يعني هي فيها حوالي 200 برج...كل برج 10 أدوار...يعني تخيل الزحمة و الركنة هاتبقي عاملة إزاي

        و عيب تاني هو ان الغرف الداخلية (النوم يعني) كلها بتبص علي المنطقة الحرة بين العمارات...يعني تفتح شباك الغرفة تلاقي بينك و بين الجار 5 متر فقط...و ده عامل نوع من الخنقة و عدم الراحة

        عيب ثالث هو التفاوفت الرهيب في جودة الواجهات...يعني العمارات هناك تحس إنها سمك لبن تمر هندي...كل واحدة شكل و لون و تشطيب...في حاجات بأمانة تقرف تبص عليها...

        بس في المقابل المنطقة دي ليها مميزات كتير:
        1- في المعادي...يعني قريبة من كل حاجة..
        2- جنبك نادي وادي دجلة لو مشترك أو ناوي تشترك
        3- كارفور 5 دقائق منك
        4- الدائري 5 دقائق منك...يعني القاهرة كلها
        5- المستوي هناك معقول...يعني معظم العربيات اللي راكنة من فئات متوسطة و حديثة

        و بيعملوا شارع دلوقتي هناك إسمه شارع الخمسين...هايوصل من عند برج فودافون في شارع الزهراء الرئيسي...لحد الصينية اللي عند شركة البوتجاز اللي علي أول طريق العين السخنة..
        [CENTER][SIGPIC][/SIGPIC][/CENTER]

        Comment


        • #19
          لو عندك حساسيه فى صدرك لا تسكن هناك

          Comment


          • #20
            المشاركة الأصلية كتبت بواسطة mahgary مشاهدة المشاركة
            لو عندك حساسيه فى صدرك لا تسكن هناك
            متشكر علي النصيحة يا باشا...

            ساعات بتجيلي...بس علي فترات متباعدة...

            و المنطقة هناك خلاص مبقاش فيها صحراء أساساً...و كلها سنتين و هاتبقي مبنية كلها
            [CENTER][SIGPIC][/SIGPIC][/CENTER]

            Comment


            • #21
              معلش سؤال بس يا جماعة...

              الأشخاص اللي بيمشوا معايا يفرجوني علي الشقق...السماسرة يعني

              المفروض أديلهم حاجة بعد الفرجة ولا لأ؟؟؟

              مع العلم ان في منهم بوابين و مهندسين و مندوبين مبيعات و علي كل شكل و لون...فا الواحد مابيبقاش عارف يعمل إيه

              الواحد منهم بيقعد يلف معايا في الشمس لما بيتهري...و في الأخر باخد نمرته و شكرا سلام

              في الاول كنت بادي فلوس...لكن لما بقيت أنزل في الإسبوع مرتين لاقيت إني أوفرهم أحسن لتمن الشقة ....:)

              إيه رأيكم؟
              [CENTER][SIGPIC][/SIGPIC][/CENTER]

              Comment


              • #22
                بلاش الدور الأول يا نادر .. انا ساكن في الدور الأول و لو واحد و صحابه ماشيين بالليل و واحد شتم التاني بحس إن اللي قال الشتيمة ده قاعد معايا في الأوضة ! لو عيال جم يحششوا تحت الشجرة اللي قدام شباك أوضتي بعمل دماغ معاهم انا فوق لأن كل الدخان بيخشلي .. و المنطقة لو هادية دلوقت متعرفش كمان سنتين هتبقي عاملة إزاي .. انا رأيي التالت يبقي ظريف جداَ لو العمارة دي كلها بخ كدة كدة فا حطه في بالك و إنت بتدور في عمارات جديدة .. لا هيبقي مشكلة لو الأسانسير عطل ولا قريب من الشارع .
                [COLOR="gray"]
                [CENTER]Leadership is based on inspiration, not domination[/CENTER][/COLOR]

                Comment


                • #23
                  المشاركة الأصلية كتبت بواسطة MoToRiZeR مشاهدة المشاركة
                  بلاش الدور الأول يا نادر .. انا ساكن في الدور الأول و لو واحد و صحابه ماشيين بالليل و واحد شتم التاني بحس إن اللي قال الشتيمة ده قاعد معايا في الأوضة ! لو عيال جم يحششوا تحت الشجرة اللي قدام شباك أوضتي بعمل دماغ معاهم انا فوق لأن كل الدخان بيخشلي .. و المنطقة لو هادية دلوقت متعرفش كمان سنتين هتبقي عاملة إزاي .. انا رأيي التالت يبقي ظريف جداَ لو العمارة دي كلها بخ كدة كدة فا حطه في بالك و إنت بتدور في عمارات جديدة .. لا هيبقي مشكلة لو الأسانسير عطل ولا قريب من الشارع .
                  يا محمود انا في نفس موقفك أساساً:)

                  بقالي 22 سنة عايش في الشارع...

                  يوميا جارنا و هو معدي في الشارع باسمع صوت التفة بتاعته علي الأرض (و ما قبلها من تحضير)
                  العيال (و ما أدراك العيال)...لعب و تنطيت و شتايم و كوره تنطلك في البلكونة و خبط و رزع في العمارة...مرستان
                  ريحة السجاير...
                  عوادم السيارات
                  صوت السيارات و هي معدية بيرجرج زجاج الغرف
                  صوت القطط أثناء موسم التزاوج (مش بهرج)

                  عموماً الحمد لله علي نعمة السكن...فيه ناس مش لاقيه برميل يناموا فيه

                  انا فعلاً حاطت في دماغي الأدوار من الثالث للخامس...و معود نفسي من دلوقتي أطلع السلالم علي رجلي...حتي لو للدور الخامس
                  [CENTER][SIGPIC][/SIGPIC][/CENTER]

                  Comment


                  • #24
                    يوميا جارنا و هو معدي في الشارع باسمع صوت التفة بتاعته علي الأرض (و ما قبلها من تحضير)
                    العيال (و ما أدراك العيال)...لعب و تنطيت و شتايم و كوره تنطلك في البلكونة و خبط و رزع في العمارة...مرستان
                    ريحة السجاير...
                    عوادم السيارات
                    صوت السيارات و هي معدية بيرجرج زجاج الغرف
                    صوت القطط أثناء موسم التزاوج (مش بهرج)

                    عموماً الحمد لله علي نعمة السكن...فيه ناس مش لاقيه برميل يناموا فيه
                    يا سلام .. انت بتتكلم عن بيتي بالظبط :)
                    دا بالإضافة الى قهوة مش بعيدة اوي ...

                    الحمد لله في الأول و الأخر .. و ربنا يوفقك

                    Comment


                    • #25
                      المشاركة الأصلية كتبت بواسطة nadernabil مشاهدة المشاركة
                      معلش سؤال بس يا جماعة...

                      الأشخاص اللي بيمشوا معايا يفرجوني علي الشقق...السماسرة يعني

                      المفروض أديلهم حاجة بعد الفرجة ولا لأ؟؟؟
                      ربنا يرزقك بشقة كويسة يا نادر
                      انا أصلاً أول مرة أسمع ان فيه حد ممكن يفرجك على حاجة من غير ما ياخد فلوس مقدماً
                      أكتر من مرة كنت بادور وكان السماسرة عاملين حاجة اسمها رسم معاينة 30-50 جنيه
                      مش بيخرج معاك غير لو خدهم
                      ومن تحت رسم المعاينة ده بيحصل نصب كتير أوي
                      لان كتير منهم هدفه رسم المعاينة
                      وبيخرج معاك يفرجك كام حاجة هو عارف انها مش هاتعجبك
                      وخلصت الشغلانة على كدة
                      إلا قليلاً منهم المحترمين
                      [CENTER]Me on Twitter
                      @aliabutaleb[/CENTER]

                      Comment


                      • #26
                        عيب المنطقة دي هي التكدس الرهيب...يعني هي فيها حوالي 200 برج...كل برج 10 أدوار...يعني تخيل الزحمة و الركنة هاتبقي عاملة إزاي

                        و عيب تاني هو ان الغرف الداخلية (النوم يعني) كلها بتبص علي المنطقة الحرة بين العمارات...يعني تفتح شباك الغرفة تلاقي بينك و بين الجار 5 متر فقط...و ده عامل نوع من الخنقة و عدم الراحة
                        هقولهالك تاني ... شكلك ما خدتش بالك منها المره اللي فاتت
                        اطلع المقطم بص بصه
                        [خبئ قصائدك القديمة كلها .... مزق دفاترك القديمة كلها
                        واكتب لمصر اليوم شعرا مثلها ... لا صمت بعد اليوم يفرض خوفه
                        فاكتب سلاما نيل مصر وأهلها

                        Comment


                        • #27
                          واضح ان سكان الدور الاول بيعانوا من مشاكل الضوضاء و الحياة الجماعية :)

                          انا بقي معنديش الكلام ده كله !

                          انا عندى لو صاحبي عايز يطلع لى من البلكونة اقرب :)

                          Comment


                          • #28
                            المشاركة الأصلية كتبت بواسطة migo123 مشاهدة المشاركة
                            هقولهالك تاني ... شكلك ما خدتش بالك منها المره اللي فاتت
                            اطلع المقطم بص بصه
                            كنت حاطه من ضمن دائرة البحث...لكن نصي التاني معترض و بشدة...

                            نظراً لبعد المسافة بينه و بين أي حاجة...و خصوصاً ان مش هايبقي فيه عربية تانية معانا نتحرك بيها
                            [CENTER][SIGPIC][/SIGPIC][/CENTER]

                            Comment


                            • #29
                              المشاركة الأصلية كتبت بواسطة nadernabil مشاهدة المشاركة
                              كنت حاطه من ضمن دائرة البحث...لكن نصي التاني معترض و بشدة...

                              نظراً لبعد المسافة بينه و بين أي حاجة...و خصوصاً ان مش هايبقي فيه عربية تانية معانا نتحرك بيها
                              بسيطة يا نادر إنتوا تسكنوا في المقطم و سيبلها العربية

                              انا جي أهدي النفوس
                              [COLOR="gray"]
                              [CENTER]Leadership is based on inspiration, not domination[/CENTER][/COLOR]

                              Comment


                              • #30
                                المشاركة الأصلية كتبت بواسطة MoToRiZeR مشاهدة المشاركة
                                بسيطة يا نادر إنتوا تسكنوا في المقطم و سيبلها العربية

                                انا جي أهدي النفوس
                                طب صدقني معنديش مانع :)

                                انا فكرت أصلاً أبيع العربية و أفكها بإتنين ماروتي...و الموضوع قيد الدراسة
                                [CENTER][SIGPIC][/SIGPIC][/CENTER]

                                Comment

                                Working...
                                X