السادة الرجال و عدة الحلاقة

[Lion_Heart]

طبعا الموضوع ده متعلق بالاخوة الرجال وهو انى لاحظت ان بعض الزملاء بالعمل و خاصة اللى كان مسافرخارج مصر دايما بيستخدم عدة خاصة بيه عند الحلاقة عند الحلاق و سالتهم ليه قالوا ان برة اتعقدوا من موضوع الايدز و الامراض و عدم نظافة بعض الافارقة فلجأوا للحل ده للامان .
فبصراحة لقيتها فكرة كويسة و بصراحة عاوز اجربها .

[أشرف فتحى]

الموضوع ده فعلا بقى حاجه عاديه ...إنك تبقى محتفظ بأدواتك الشخصيه حرصا على عدم إنتقال أى عدوى من خلال عده الحلاق....

[dr.nemo]

والعدة دي بتتجاب منين
وبتتكون من ايه

[هيثم]

العده ديه عباره عن الموس اللى الحلاق بيستخدمه
وده هتلاقيه موجود فى محلات الخردوات فى الاحياء القديمه
ومكنه الحلاقه نفسها ( الكهرباء ) وديه موجوده فى اى هايبر ماركت
وطبعا الفرشاه و المشط و الفوطه

وممكن ما تروحش لحلاق خالص زى حالاتى كده
انا بحلق لنفسى بالمكنه الكهرباء
بصراحه القعده فى محل الحلاقه ممله جدا

[Mostafa Hessen]

الموضوع ده موجود وانا فعلا بعمل كده المقص والموس والأمشاط والفرشة والفوطة كل شئ ودول بتشتريهم من الأزهر

[أحمد كمال]

منين في الازهر انا عايز اشتري

انا بقالي شهرين من ساعة اعلان وزارة الصحة السعودية بتاع الحلاق اتعقدت و بطلت اروح للحلاق

[أحمد كمال]

منين في الازهر انا عايز اشتري

انا بقالي شهرين من ساعة اعلان وزارة الصحة السعودية بتاع الحلاق اتعقدت و بطلت اروح للحلاق

[eslamrace]

انا جايبهم من امريكا كلهم فى شنطه محترمه جدا فيها كل حاجه من المكنه بتاعه الشعر لحد الفوطه اللى حتستخدمها عند الحلاق ومعاها كتالوج ازاى تحلق لنفسك

العالم كله كده عشان الامراض وكل الحاجات دى

[ahmedhilmy]

يا ريت يا جماعة تقوللنا الحاجات بالتفصيل و نجبها منين

[homme49]

انا جايبهم من امريكا كلهم فى شنطه محترمه جدا فيها كل حاجه من المكنه بتاعه الشعر لحد الفوطه اللى حتستخدمها عند الحلاق ومعاها كتالوج ازاى تحلق لنفسك

العالم كله كده عشان الامراض وكل الحاجات دى

لو أمكن أن تتفضل علينا بعمل مسح ضوئى للكتالوج و رفعه على المنتدى فى مداخلة اخرى حتى نستفيد من كيفية قيام الشخص بقص شعره لنفسه

[Terrible_DaRsH]

انا عندى كل حاجة موجودة و لكن منفصلة , يعنى مش هروح للحلاق بشيلة معايا :)

فلو الشنطة بتتباع هنا فى مصر كاملة و حجمها معقول ميكنش كبير , يا ريت يا جماعة تدلونا عليه بسرعة .

[Ahmed Sharaf]

انا كمان معاكو , لو حد من الاعضاء الكرام عندة معلومة ياريت يفيدنا.

[أحمد سالم]

الموضوع ده مهم جدا جدا لانه سبب انتقال امراض لاحصر لها

لان اخواننا الحلاقين ماعندهمش اى فكره عن موضوع التعقيم اللى لازم يتعمل للادوات بعد كل شخص فى محلات حلاقه محترمه بيبقو جايبين جهاز التعقيم ده وهو زى اى جهاز تعقيم من اللى بيبقو موجودين فى العيادات
انا فى بداية الامر لاحظت ان فى حلاق عندنا اغلب اللى بيحلقو عنده عندهم تنيا فى الجلد وهو اتشهر بالحكايه دى انه حلاق التنيا
طبعا كل الامراض اللى بتتنقل عن طريق الدم زى فيروسات الكبد الوبائى A-B-C ممكن تنتقل عن طريق الامشاط اللى موجوده عند الحلاق كمان الفيرس بيفضل عايش على الادوات الملوثه حوالى اسبوع
المشكله تيجى منين وازاى؟؟
إحذروا من صالونات الحلاقة قد تجعل منك أحد مرضى الإيدز وأمراض معدية أخرى !

فيروس التهاب الكبد الوبائي
فيروس نقص المناعة البشرية المكتسب ( الأيدز).
فيروس الهربس .

بكتيريا المكورات العنقودية التي تسبب الدمامل على الجلد .

البكتريا السبحية المسببة لــ إمبتجو .

الفطر المسبب لالتهاب فروة الرأس .

الفطر المسبب لالتهاب الإظافر .

القمل .

الجرب

الأمراض التي تنتقل عن طريق صالونات الحلاقة والتجميل

طريقة أنتقال المسببات المرضية أعلاه باللمس المباشر .

• من خلال الأدوات التي يمكن أن تتلوث مباشره من الإجزاء المصابة كما في حالة الإصابات الجلدية .

.أو عندما تحدث إصابة في الجلد أثناء الحلاقة وحيث تتلوث الأدوات بالدم الملوث .. لينتقل لشخص آخر عندما لاتراعي الاشتراطات الصحية بالنسبة لإدوات الحلاقة والتجميل .

( الحلاقة بالموس والتقصير بالمقص أو بماكينة الحلاقة الكهربائية ) .

بعض الحقائق العلمية والتدابير الوقائية التي من شأنها أن تساعد في الحد من انتشار العدوى عبر صالونات الحلاقة : -

الفني ( الفنية ) الذي يقوم بالعمل عرضة للإصابة بكثير من الإمراض المعدية .. فمن الأهمية بمكان التأكد من خلوه من ا لإمراض بالتأكد من حصوله / حصولها ,, على شهادة صحية سارية المفعول .

• هذا الأنسان يمكن أن يصاب نيتجة لسوء تطبيقه لقواعد المهنة السليمه ويمكن أن يكون وسيلة نقل لمسببات العدوى من المصاب للإنسان السليم ، ولهذا من الأهمية بمكان أن يكون ملماً بالنواحي الصحية للمهنة وأن يطبقها أثناء العمل .

• كإجراء وقائي يطالب الحلاق بغسل يديه قبل الشروع في العمل مع زبون جديد كما أنه مطالب بغسل يديه بعد الانتهاء من كل زبون بالماء والصابون والمطهر .

• بعض مسببات الأمراض مثل فيروس التهاب الكبد الوبائي ( b ) يمكن أن يبقى حيوياً لعدة أيام وتقاوم الظروف المعاكسه من حرارة وبرودة وبالتالي يمكن أن ينتقل من خلال الأدوات أوالأسطح كالمنصات .

• الجلد مادام سليماً وخالياً من الجروح فإن معدل إصابته متدن ولكن في حالة الجروح يزداد المعدل إلى حد كبير ,, عليه يجب الحرص على إبقاء الجلد خالياً من الجروح وفي حالة حدوث الجرح يجب التعامل معه باهتمام من حيث التطهير وفي حالة استخدام الشب أو الشبة لإيقاف الدم يجب أستخدام بودرة باستعمال قطنة معقمه .

• يجب الاهتمام بنظافة أسطح العمل وتطهيرها بعد كل استعمال حيث أنها يمكن أن تكون وسية لنقل مسببات الأمراض .

• يجب أن ينظف الغطاء الواقي للملابس بعد كل استعمال وألا يلامس الجلد بأي حال من الأحوال وفي حالة الرقبه تغطى بشريط لاصق أو محارم ورقيه تستعمل لمرة واحدة .

• يجب أن يكون الصابون المستخدم في صالون الحلاقه من النوع البودرة أوالسائل وفي كلتا الحالتين يجب أن يكون معباُ بطريقة لاتسمح بالتلوث عند الاستخدام .

• يجب عدم أستعمال أي من الأدوات التي يحول تصميمها أو تركيبها دون نظافتها وتعقيمها .
• كقاعدة عامة أحضر أدواتك معك للصالون ولاتدع أحداً يشاركك إياها .

• التعقيم بصالون الحلاقة محطة مهمة جداًيمكن أن تقود للعدوى في حالة عدم إتباع الإرشادات السليمه .

• من وسائل التعقيم الكحول بتركيز 70 % مع اللهب ، والفورمالين بتركيز 10 % والكلوراكس بتركيز 10 % ويلزم الغمر لمدة 10 – 20 دقيقه على الأقل .

• يمنع استخدام اللبادات لوضع بودرة التلك .. ويمكن أستخدام قطن معقم بدلاً منها .

مع غياب الرقابة قد تسبب انتشار عدد من الأمراض المعدية الخطيرة التي تنتقل عن طريق التعرض للدم الملوث

كالتهاب الكبد الوبائي (سي) والتهاب الكبد الوبائي (بي) ، وربما مرض الإيدز،والسل،
الغريب ان الدوله مش بتحط اى شروط للحلاقين كحصوله على شهادة صحيه واجتيازه دوره تدريبيه مثلا تعرفه بالجوانب الضارة لمهنته
والاغرب ان لى اصدقاء اطباء بيروحو معايا عن الحلاق وبيضحكو عليا لما يلاقونى باخد معايا العده بتاعتى وبيبقى معايا زجاجة ديتول حجم صغير بطلب من الحلاق بيغسل ايده بالديتول قبل مايبدء يحلق لى وبطلب منه يفرش فوطة خاصه بيا على الرخامه اللى قدامه ويستبعد كل العدد بتاعته ويحط حاجاتى
مع العلم انك مش محتاج غير حاجات بسيطه زى
1- 3 امشاط مثلا احجام مختلفه
2- فرشاة شعر
3- مقص حلاقه وسط ومقص صغير
4 - لو مش هتقدر تشترى ماكينة حلاقه كهربائيه اشترى الغيارات بتاعتها فقط
طبعا فوطه ومريله خاصه للحلاقه
ولاتنسو المطهر سواء كان كحول او ديتول

طبعا احترسو من شنط الحلاقه اجاهزه الرخيصه الصينى
لان فيها مكونات ماتنفعش للحلاقه ومقص اى كلام
حاول تسئل الحلاق على المكان الافضل للعدد دى فين وايه افضل الانواع
لان دى حاجه هتتجاب مره واحده للعمر كله
وربنا يبارك لاخونا اللى طرح الموضوع

[Dr. Elsaadani]

الموضوع ده مهم جدا جدا لانه سبب انتقال امراض لاحصر لها


طبعا احترسو من شنط الحلاقه اجاهزه الرخيصه الصينى
لان فيها مكونات ماتنفعش للحلاقه ومقص اى كلام
حاول تسئل الحلاق على المكان الافضل للعدد دى فين وايه افضل الانواع
لان دى حاجه هتتجاب مره واحده للعمر كله
وربنا يبارك لاخونا اللى طرح الموضوع

شكرا ليك جدا على المعلومات القيمة وفعلا حبدا اطبق الفكرة ديه

بس انى اجيب عدة مش احلق لنفسى - ادى العيش لخبازه

[medo980]

المحلات الى معظم الحلاقين بيشترو منها فى الحسين شارع صغير وديق خلف مسجد الحسين مباشرة يكاد يكون 75% منهم بيجيبوا من هناك الحلاق بتاعى هو الى قالى على المكان عشان كنت عايز مكنة كهربة المانى لونها نبيتى كدة بتلاقيها عند الحلاقين النضاف والشارع ده بيسموه شارع الحلاقين عشان مشهور بكل حاجة الحلاقة و حاجة محلات الكوافير