السادة الرجال و عدة الحلاقة

[mostafabakry]

يا جماعة الموضوع قديم و ناس كتير بتطبقة و اغلب الحلاقين عارفين كدا و احيانا هما بينصحوا بكدا لو ليك كلام معاهم يعني زبون دائم عنده
انا لسه مغير الأدوات الخاصة بيا من اسبوعين و اشتريت طقم جديد
- ماكينة قص شعر كهربائية استعمال شخصي الماني و دي بتعمل 130 جنيه و طبعا فيه معاك لغاية 450 جنيه و بتبقي جامدة و دي انا لسه ما اشتريتهاش كنت مستني اشوف راي الحلاق فيها احسن تكون اي كلام و البس انا في ال 130 لحلوح دول و خلاص ان شاء الله هشتريها
- مقص التقصير ايطالي 33 ج
- 2 مشط (سن واسع - سن ضيق ) 6 جنيه
- شفرة حلاقة هندي شكلها ظريف جدا و عجبت الحلاق و بقا فرحان و هو شغال بيها 18 جنيه
- فرشة هبو و دي لتنظيف بقايا الشعر من علي الوجة و دي 15 جنيه بس الظاهر انا اتسكيت فيه و هي ممكن تكون ارخض من كدا
- فوطة حلاقة صيني من الحجم الكبير 15 جنيه
- فوطة شخصية و دي ممككن تخدها من البيت عندك و تخصصها للحلاقة و بس
- ممكن بقا تشتري مطهر زي ديتول او اي حاجة تاني زيه
- ممكن كولونيا after shaving water



وطبعا محلات اكسسوار الصالونات و الكوافير هي الللي بتبيع الحاجات دي


بس لي طلب صغير للأخ اللي قال انه بيحلق لنفسه في البيت ممكم يقولنا ايه الطريقة بالظبط يبقي كسب فينا ثواب

و نعيما مقدما يا شباب

و طبعا ما ننساش نشكر صاحب الموضوع علي طرحة للموضوع المهم جدا جدا جدا دا
الله ينور عليك يا برنس

[هيثم]

[QUOTE=mostafabakry;3871922732]
بس لي طلب صغير للأخ اللي قال انه بيحلق لنفسه في البيت ممكم يقولنا ايه الطريقة بالظبط يبقي كسب فينا ثواب


[/QUOTE


طريقه الحلاقه فى منتهى البساطه حضرتك بتختار
الدرجه المناسبه ليك فى المكنه الكهربا ( انا عندى 8 درجات )
وبتمشى المكنه على شعرك عادى جدا
بس طبعا الشعر كله بيكون ميا واحده
مفيش الجناب اقصر من فوق
بس طبعا الطريقه ديه عايزه واحد مش فارق معاه كتير انه
يعمل قصه معينه
لانك لما بتحلق كده معندكش الا انك تجيب شعرك على جنب او لقدام
بس مميزات الاسلوب ده
انك بتوفر وقت ضايع عند الحلاق
والاهم جزئيه الوقايه من الاصابه بالامراض الفيروسيه
اللى بيعتبر من اهم اسباب نفله فى مصر مشط الحلاق و مقصه
وربنا يعافينا جميعا

[Mohamed.Fawzy]

كنت عايز مكنة كهربة المانى لونها نبيتى كدة بتلاقيها عند الحلاقين النضاف والشارع ده بيسموه شارع الحلاقين عشان مشهور بكل حاجة الحلاقة و حاجة محلات الكوافير

المكنه دى المانى و اسمها موزار
وهى رائعه فعلا انا لسا شاريها من العجيل الكبير اللى فى شارع شريف ب 150 جنيه

[aliabutaleb]

موضوع رائع ومفيد :)
متابع باهتمام

[د.أحمد سمير]

أفضل حل ..
العدة المذكورة فوق كلها بدون الماكينة الكهربائية سعرها حوالي 100 جنيه مصري
اطلب من الحلاق بتاعك يشتريهالك لو انت زبونه وعارفه كويس وهو هيجيب الحاجة بسعر كويس ويطلع له مصلحة ومش هايسترخص علشان هو اللي هايشتغل بيها ..
أنا جربت هذا الحل وهو حل ممتاز
تقبلوا خالص مودتي

[Terrible_DaRsH]

كل الكلام ده موجود فى الحسين يا جماعة , و بلاش الحلاق لو مش مضمون .

لانى مرة خليت الحلاق بتاعى يجيب لى فرشاة سيشوار دفعت فيها 95 جنيه و فى الاخر تلعت ب 35 جنيه :)

[mohamed_kta]

أولاً بارك الله فى صاحب الموضوع و أرجو أن ننشرها حتى خارج المنتدى و كمان ياريت ياريت ننصح أكبر كم من الاقارب و الزملاء .

"الدال على الخير كفاعله" أو كما قال صلى الله عليه وسلم

[Ahmed Sharaf]

انا اتكلمت فى الموضوع دة مع زملائى فى الشغل وواحد منهم قاللى على محل جاب منة عدة الحلاقة , ورحت باعت واحد من عندى واشتريت الحاجة كلها.

ماكينة حلاقة ألمانى ( Moser) بـ 130 جم
موس حلاقة هندى 17 جم
مقص ايطالى 25 جم
فرشاة بودرة ( لتنفيض الشعر ) 15 جم
مشط تدريج 2.5 جم
فوطة ( اللى بتتربط على الرقبة علشان الشعر ميجيش على الهدوم 13 جم

التكلفة كلها 200 جم

المحل اسمة أولاد عليوة لمستلزمات الكوافير الرجالى و الحريمى وكمان مستحضرات التجميل
23 شارع ارض شريف - العتبة

ارجو اكون افدت زى ما استفدت وشكرا لصاحب الموضوع وكل من اضاف معلومة

[essamr]

موضوع مهم جدا انا اشتريت العدة كاملة لى انا وابنى ونصيحة خد معاك
فوطة او بشكير صغير لزوم التنشيف بعد الغسيل ودة كان نصيحة من الحلاق بتاعى واشتريتها من روكسى مصر الجديدة
اوعى تكسلو هو كلو طبعا بامر الله لكن احنا لازم نحطاط
تحياتى لكم وللجميع

[Lion_Heart]

أولاً بارك الله فى صاحب الموضوع و أرجو أن ننشرها حتى خارج المنتدى و كمان ياريت ياريت ننصح أكبر كم من الاقارب و الزملاء .

"الدال على الخير كفاعله" أو كما قال صلى الله عليه وسلم

شكرا لك
اشتريت عدة كاملة تقريبا و اللى طالع فى دماغى شراء ماكينة لحلاقة الشعر و الاستغناء عن الحلاق من اساسه

[misoalex]

الموضوع ده فى بالى من فتره
انا كمان بشوف ناس اشكال والوان عند الحلاق

ده غير ان اغلب الحلاقين بقت العده بتاعتهم زى الزفت
حتى الفوطه تقرف

بس الواحد ممكن يتأكد ازاى انه لم يصيب بأى مرض من هذه الامراض الى تم ذكرها
دى امراض كتير جداااااااا وخطيره جدا انتم خوفتونى

انا كنت فاكر ان الموضوع كبيره تنيا او اى مرض جلدى لكن الموضوع بقا كبييييييييييييير

ياريت نعرف الواحد يطمن على نفسه ازاى من المرات الى فاتت

[MRBEBO]

موضوع مفيد يا جماعة جدا

انا كمان مش عاوز اروح لحلاق تاني ... ملل و ممكن الواحد لا قدر الله يتنقله مرض ولا حاجة

انا بفكر اني اجيب مكنة كهربا واحلاق كله على درجة واحدة وليكن على 3 او 2

وعلى فكرة على اليوتيوب فيه فيديوهات ازاي الواحد يحلق بنفسه ممكن تساعد برضوا اللي ناوي على الموضوع ده

[Lion_Heart]

2

وعلى فكرة على اليوتيوب فيه فيديوهات ازاي الواحد يحلق بنفسه ممكن تساعد برضوا اللي ناوي على الموضوع ده

فكرة حلوة

[أحمد كمال]

الموضوع ده فى بالى من فتره
انا كمان بشوف ناس اشكال والوان عند الحلاق

ده غير ان اغلب الحلاقين بقت العده بتاعتهم زى الزفت
حتى الفوطه تقرف

بس الواحد ممكن يتأكد ازاى انه لم يصيب بأى مرض من هذه الامراض الى تم ذكرها
دى امراض كتير جداااااااا وخطيره جدا انتم خوفتونى

انا كنت فاكر ان الموضوع كبيره تنيا او اى مرض جلدى لكن الموضوع بقا كبييييييييييييير

ياريت نعرف الواحد يطمن على نفسه ازاى من المرات الى فاتت

روح حلل HBsAg و HCVab عشان تطمئن من فيروس بي و سي

و يا ريت تتطعم من فيروس بي

[MOSHAKS]

جزاكم الله خير عن كل المعلومات والافادة والنصائح وربنا يجعله فى ميزان الحسنات ان شاء الله