منتهى قله الادب

[elwad_crazy]

السلام عليكم ورحمه الله

انهارده حصل موقف معايا بجد بسببه هيشيل بعد كده اسلحه عشان اموت بيها الناس اللى معندهاش زوق

ماشى فى شارع تجاري
ناس ماشيه على اليمين وفى وسط الشارع وعلشمال
الشارع كله مليان ناس

المهم عمال ادي فى كلاكس عشان الناس توسع

المهم فى واحده ماشيه قدام العربيه
فبديها كلاكس لقيتها بتبصلى اوى ولما جيت جنبها لقيتها بتبصلى بتقولى ربنا يخدك
فالصراحه انا مسكتش فرديت عليها بقولها يخدك قبل ميخدني
فلقيت الباشا جوزها بيقولى انت مش محترم فحبه الدم الاحمر سخنوا
رحت نازله قولتله انت الصراحه راجل مش محترم يعنى مراتك شتمتنى وسبتها وجي تقولى انت مش محترم
ورحت فاتح فيه ولولا الناس كنت هرتكب جريمه

طبعا ركبت العربيه ومشيت ومتنرفز اخر نرفزه

انا الصراحه كرهت امشى فى الشارع بسبب الناس اللى معندهاش زوق

استغفر الله العظيم

[Terrible_DaRsH]

مصر كلها كده مش الرجل و الست اللى انت قابلتهم بس .

كله ماشي بلسانه و خلاص , بس بصراحة لسه فى ناس ذوق و دول قليلين اوووووى اوووى .

من يومين كنت بعدى شارع و قبل ما اعدى لاقيت s 500 جاية بسرعة شوية , فطبعا استنيتها تعدى .

فجاة لاقيت العربية وقفت قدامى و رجل شكله محترم جدا لاقيته بيشاور لى و يقولى عدى عدى و انا قلت له لالا اتفضل انت , و اتعازمنا على بعض مين اللى يعدى فعديت انا الاول و قلت له شكرا .

فقالى بسرعة و هو ماشي , ( لما حد يهدى عدى بسرعة لانه واجب على اى حد انه يعدى الناس ) .

موقف مش هنساه فى ظل زمن قلة الادب اللى احنا فيه .

[mando_yaris]

look i figure it out when i see things like that 1st i close my window then i pouch on the acceleration and the clutch and let go of the clutch easy so the ppl think that there is a fast car coming so the open for me my way and i go easy and dont hear any thing from what they say so i dont get angry i just listen to my music

[M.Osman]

انا حصل معايا و مع والدي موقف عمري ما هنساه

كنا بنجيب باقي الورق بتاع العربية من المعرض اللي اشتريناها منه عشان نبدأ حوارات الترخيص ...
و المعرض برضه في مكان زحمة و سوق و في ناس كتير ماشية عاليمين و عالشمال و في النص و كدا..
كان والدي هو اللي سايق و كان في واحدة في من شكلها كدا جامعية يعني في سنى ولا حاجة ماشية قدام عربيتان بالظبط ... اقول لأبويا كلكسلها عشان توسع .. يوقللي لأ الكلاكس بيعمل إزعاج عالفاضي.. اقوله يا بابا انت هنا في مصر مش في دبي يقوللي لأ ... راحت البنت واقفة فجأة معرفش لية و العربية لمستها!
و جاتلنا بقى
هو مفيش كلاكس
و اللي اخترع الكلاكس عمله لية
و كلام من دا
و والدي يقولها انا اسف يا آنسة بس انت اللي وقفتي في نص الشارع فجأة .. مفيش فايدة و مشيت و هي بتبرطم.!!
طبعاً بعض الناس في الشارع : ما تحاسب يا أستاذ على الغلابة اللي في الشارع ..
طبعاً كل دا و العربية مكنتش لسة علقت نمر!!!

[DR.M]

هههههههههههههههههههههههههههه
بس برضه في ناس زوق

[LORD.ADeL]

ههههههههه
روق روق يا صديقي انت فى مصر فاتوقع اي شي
بس للامانه فى ناس زوق ومحترمين وفي ناس زي اللى قابلوك كدة
ههههه والله مرة من الخنقه والطناش والاستبهال قول زي ما بتقول
عادي برضو شارع حيوي وماشي بالعربيه وكلاكس وقلاب نور وواحد ماشي ولا اكنه بيتمش فى طرقه بتاعت بتهم مهم مافيش فيدة
اخر ما زهقت روحت شكه ببوز العربيه من اليمين فى رجاله وايدة براحه طبعا وهههههههههههه جيه يبصلي قلته وشاورت له هووووووووووس
وسبته ومشي وماتكلمش هههه مسخرة والله ربنا يرحمناااا ((:

[ashraf229]

بالعكس الموضوع مش منتهى قلة الأدب ولا حاجة..........قصدك مستوى الأدب في الشارع الناس

كتير من الناس و للأسف بلا داعي بقوا لسانهم ده كرباج كله الفاظ و شتايم و حاجة يعني تشيب

بدون اي داعي بقى الشارع اسهل حاجة فيه الشتيمة لدرجة انها مابقتش تحوء في حد يعني قلتها احسن

ربنا يهدي الجميع

[mkhalifa73]

الاخ لورد
لا تعليق

[yossef]

قلة ادب

[LORD.ADeL]

الاخ لورد
لا تعليق

لا تعليق عليا ولا ع اللى الموقف؟؟

[ahmed76]

يا راجل هى دى بتعتبرها شتيمه
ده هى وجوزها كانوا بيهزروا معاك

عارف كنت المفروض تضحك ببرود وتقولها ربنا يسامحك
جرب كده المره اللى جايه وابقى قولى النتيجه

[Abo_Lina]

نظرية حديقة الحيوانات المكتشفة حديثا

http://www.nilemotors.net/Nile/94644-a.html

[El Prince]

أنا زهقت من الشكوى و حرقة الدم كل يوم ..

طيب يا جماعه مش ممكن نعمل حاجه مع بعض كلنا بحيث نحاول نغير الواقع المرير ده ؟ و لو جزئياً ؟؟

[party_0000]

اه ممكن اللي يتنح في الشارع تاخده على سن الكابوت وتسيبه يهوهو

[تامر.محمد]

قلة أدب فعلا
ياما
هاقول ايه ؟
فعلا فيه ناس ذوق و محترمين
بس قلة