هذا نص رسالة وردنى من صديق لا أعرف مدى صحتها ولكنها أعتقد صادمة لأكثرنا

[MOSHAKS]

-----------------------------------

الحمدلله والصلاة والسلام على رسول الله وعلى آله وصحبه أجمعين

السلام عليكم ورحمة الله وبركاته




سبحانك اللهم وبحمدك سبحان الله العظيم

للأسف هنالك بعض الأخبار المنشورة تكون نموذج سئ لبعض المواضيع اللي تطلع علينا بين الحين والحين , بعض الشباب -والله اعلم بنياتهم- يقومون بتحذير وتخويف للناس من المعاصي بهذه الطريقة
فنقوم بارسالها عبر الإيميل ووضعها بالمنتديات ثم نكتشف بعد فترة أنها كانت كذبا في كذب ولكن بعد أن يكون قد ضحك منا أعداؤنا وشبعوا ضحكا وقد قرأت في احدى الصحف أن هناك جمعية من العلمانيين هدفها نشر مثل هذه الخزعبلات وسط الشباب لصرفهم عن الدين الصحيح وفيما يلي امثلة من هذه الحوادث التي ثبت كذبها جميعا


ملاحظة: الدليل في المشاركة الثانية في الرد الثاني من الموضوع


الكذبة الأولى: قصة الفتاة العمانية التي تحولت لعنزة مشوهة لانها استهترت بقراءة القرآن



الحقيقة : الصورة هي صورة عمل فني تخيلي بالشمع لاناس مستنسخين




الكذبة الثانية: قصة الشاب الذي فتحوا قبره بعد 3 ساعات فوجدوه متفحما من اثر عذاب القبر ونشرت
الحقيقة : الجثة لفتاة سعودية احترقت في حادث



الكذبة الثالثة: قصة الأصوات التي صدرت من الأشجار في الغابة ويدعي الخبر ان أحد العلماء صمم جهازا لفك شفرة الأصوات ومن ثم وجد انها تنطق بكلمة 'الله' فأسلم بعدها


الحقيقة: الخبر مفبرك من موقع يسمى 'الليبراليين العرب ' بغرض السخرية من المسلمين



الكذبة الرابعة: قصة نيل ارمسترونغ وسماعه الاذان من على سطح القمر والقصة المثيرة لاسلامه بعد عودته الى الارض


الحقيقة: كذب مكتب ارمسترونغ هذا الخبر جملة وتفصيلا, كما عقد شخصيا مؤتمرا صحفيا بالهند لنفي هذه الشائعة بعد انتشارها في انحاء العالم.




الكذبة الخامسة: صورة الجني الذي قام شاب اماراتي بتصويره في كهف ومات الشاب مباشرة بعد تصويره



الحقيقة : الجني عبارة عن مجسم منحوت متقن في احد الكهوف وعيونه متصلة بمفتاح كهربائي لاضاءة العينين باللون الاحمر



الكذبة السادسة: صورة لحديقة بالمانيا وقد كونت جذوع الاشجار على الجانبين شهادة التوحيد مع الادعاء ان المانيا قد اغلقت الحديقة


الحقيقة : الصورة هي لوحة لفنان مصري وقد تم حذف توقيعه من عليها





الكذبة السابعة: في احد المستشفيات الامريكية جهاز رسم القلب لأحد المرضى يرسم كلمة الله


الحقيقة : منتدى علماني قذر هو مؤلف ومروج هذه الاشاعة ليضحك منا كما سترون لاحقا




الكذبة الثامنة: اسلام مايكل جاكسون


الحقيقة : مايكل جاكسون يعلن احترامه للاسلام ولكنه ينفي بشدة الدخول فيه
(ان الله لغني عن العالمين)




الكذبة التاسعة: اسلام تشيلسي ابنة بيل كلينتون



الحقيقة: نفت تشيلسي هذه الشائعة واضافت بأنها مهتمة بالدين الاسلامي ولديها نسخة مترجمة من القران الكريم




الكذبة العاشرة: صورة الحرمين المكي والمدني تظهر مضيئة ليلا في صور التقطتها الاقمار الصناعية




الحقيقة : الصورة ملفقة بالفوتوشوب حيث أنها التقطت نهارا وتم تغميق المباني المحيطة بالحرمين للايحاء انها التقطت في الظلام . (بيوت الله مضيئة بالمصلين الركع السجود وليست بحاجة لفوتوشوب!)




الكذبة الحادية عشر: صورة من وكالة ناسا توضح خط على سطح القمر من أثر انشقاقه للنبي .


الحقيقة : الصورة أيضا ملفقة بالفوتوشوب ، وبالبحث في موقع ناسا لم يوجد أي أساس لهذا الخبر




الكذبة الثانية عشرة: الأخبار حول احتراق جثة الرسام الدنماركي المستهزئ بالمصطفى صلى الله عليه وسلم وتكتم الحكومة الدنماركية على الخبر



الحقيقة: ظهر الرجل ويظهر مرات عديدة في وسائل الاعلام, ومن ذا الذي يحتاج احتراق الرجل حتى يثبت ضلاله.


وقد استهزئ به بعض الاخوه وعملت له هذه الصورة بعد التعديل


الكذبة الثالثة عشرة: خروج نافورة رملية من الارض في السعودية ، وبعض الجهّال يرمزون للآية (وأخرجت الأرض أثقالها) وانها من علامات قيام الساعة


الحقيقة: ماسورة أو انبوب غاز تحت الارض (مدفون) تابع لشركة أرامكو وتم التعامل مع المشكلة فوراً من قبل الشركة




الكذبة الرابعة عشرة: صورة لقبر الرسول اللهم صلي وسلم عليه


الحقيقة: ليست كذلك وكثير منا يعلم هذا ويكفيك من الفبركة الجدران والشباك التي حول هذا القبر ولكن... لا تعليق!!




الكذبة الخامسة عشرة: صورة الشيطان في أحداث 11 سبتمبر


الحقيقة: تعديل للدخان ببرنامج الفوتوشوب



الكذبة السادسة عشرة: ظهور صورة صدام حسين بعد اعدامه


الحقيقة: أيضاً احترافية اخرى وتعديل بالفوتوشوب




قبل ما أنهي الموضوع أحب أن تطّلعوا على تعليق أحد الأخوة الغيورين
أعجبني ولكن أبهرني أيضا ما بداخله والأكثر أنه ألماني

.... !!


أترك التعليق الآن . .

حقيقة جاتني رسالة على بريدي بهذا العنوان
قد اثارت حفيظتي .. ودعتني الى الكثير من التساؤل
وهي رسالة تحذيرية من مواضيع قد انتشرت في المنتديات العربية
- فهي خطيرة جدا- مثل : (خط انشاق القمر، اسلام جاكسون، صورة الجني...) ...

يقول صاحب الرسالة :

دخلت فجاة لأحد المنتديات العلمانية حاقدة على الأمة العربية الإسلامية
فوجدت موضوع و قراته و ياليتني لم أقرأه
شباب يضحكون على رواد المنتديات من المسلمين بالأدلة و البراهين
فحجتهم قوية جدا
كل ما في القصة
يقوم هؤلاء الشباب بصناعة المواضيع الإسلامية الكاذبة
مثل
إكتشاف إعجاز العلمي في القرأن - الشجرة تسبح بحمده-
فتاة أستهزءت بالقرآن فتحولت إلى عنزة
إسلام مايكل جاكسون
شخص اخرجوه من القبر فوجد أثار التعذيب على جسده (عذاب القبر )
ثم
ينشروها الاعضاء في المنتديات الإسلامية
ثم
يقوم الأعضاء المسلمين بنسخها ووضعها في منتدياتهم
ثم
تنتشر بسرعة كبيرة في كامل المنتديات
ثم
يقرأها آلاف و آلاف من القراء
ثم
يموت الاعضاء بالضحك و السخرية على غباء المسلمين
لانها
كاذبة صنعها ملاحدة لهدف واحد للضحك و تشكيك الناس بالإسلام و لصرفهم عن الدين الصحيح
ثم
ثم نكتشف بعد فترة أنها كانت كذبا في كذب
و لكن بعد أن يكون قد ضحك منا أعداؤنا و شبعوا ضحكاً
الرجاء قراءة بعض الردود في الصورة المرفقة وكن صبوراً قليلاً


حسبي الله ونعم الوكيل ، والله كأنهم شياطين يكيدون لمسلمين

وتذكرت قصة الشيخ النجدي اللي تمثل عليه ابليس ليدخل
دار الندوة ايام قريش ليكيدوا بنبينا صلى الله عليه وسلم وكيف ان ابو جهل
جاء بفكرة عجز ابليس ان يأتي بمثلها
والفارق هنا ان ابليس هو صاحب هذا الموضوع في هذا المنتدى الخبيث
وصاحب الفكرة المقترحة كأنه ابو جهل

قبل أن أقول كلمة أخيرة أزيدكم بكمٍ آخر من هذه الأكاذيب للإحاطة
وقد جمعت بعدة صور














============ ========= ========= =========


أخيـرآ . . .

اخواني : اكمل الله الدين ببعثة النبي صلى الله عليه وسلم ولايحتاج لمثل هذه القصص والاوهام ليقتنع به الناس .

إبحث عن المصدر دائماً ولا تتعجل

ليس المهم ان ترسل ، ولكن الأهم ان تختار ما ترسل

منقول
www.al....lah.com

[alykhlil]

الله واعلم

بس لو الكلام ده صحيح يبقى جزاك الله كل خير لتنورينا للحقيقه

وحسبى الله ونعم الوكيل فيهم وفى هذا الاستهزاء

[WalidAdel]

جزاك الله خيرا بس عموما انا كنت بمسح الحاجات دي مكش عارف لييييه بس قولت يمكن من ضعف ايماني ششيه بس الحمد لله طلعت كذبه

[ahmed1981]

كلام سليم

من فترة أخبرني قريب بموقع الليبراليين العرب أو العلمانيين العرب أو الملحدين العرب أو أياً كان إسمهم فلا أتذكره الآن جيداً

المهم حكى لي عن تجاربهم في إفتعال بعض المعجزات وتمريرها في شبكة النت للإستهزاء بالمسلمين
الغريب هو ذلك الحقد الذي عندهم
وتفريغهم للأوقات وإنفاق النفقات لكي يظهروا المسلمين بصورة سخيفة أو ساذجة
رغم أن الله يفضحهم

المهم الكثير من إخواننا الطيبين إذا أتته رساله على بريده عن معجزة جديدة يقوم بنشرها مسرعاً دون تمهل أو بحث عن المصدر

طيابة زيادة عن اللزوم


يا جماعة الإسلام أكثر الأديان إنتشاراً في العالم بدون الحاجة لتلك الخرافات
الناس في الغرب يدخلون في الدين الإسلامي بعد بحث وقراءة ودراسة
وليس لمعلومة واضح فبركتها من علماني أو من حاقد من غير المسلمين المعادين للدين الإسلامي

إن إنتشار الدين الإسلامي بكثافة في العالم يثير غضب الكثير من الحاقدين
وما يثير غضبهم أكثر هو إنتشار الإسلام في عائلاتهم وأهليهم

لذلك تجدهم يفتعلون تلك الحركات لمحاولة تسفيه منظر المسلمين

لذلك فأشكر كاتب الموضوع

ونصيحة للجميع أن لا ينساقوا لنقل مواضيع عن معجزات
فحتى لو كانت حقيقة فلا حاجة لنقلها
ولكنها في الغالب تكون مختلقة

[د.محمود صلاح]

شكرا على التنويه

[Pharaoh]

مضمون الموضوع مهم جدا و حقيقى وهى الا نصدق كل ما ينشر

ولكن لى تعليق صغير
المواقع الليبراليه او العلمانية لا تسب الاسلام ولا تسب اى دين
لان مبادىء العلمانية هى حريه اختيار كل فرد لدينة واحترام ذلك و فصل الدين عن الدوله

بالعكس
نجد فى المواقع المسيحية من يتطرفون ضد المسلمين
وبجد فى المواقع الاسلامية من يتطرفون ضد المسيحين

ولكن فى العلمانية طبقت فى الهند مثلا
ماذا نجد الان؟

محمد حامد انصارى
نائب رئيس الجمهورية فى بلد تعداد المسلمين فيه 13 % من 2007 حتى الان
http://en.wikipedia.org/wiki/Mohammad_Hamid_Ansari

والفاجاة اللى يمكن محدش يعرفها
A. P. J. Abdul Kalam
http://en.wikipedia.org/wiki/A._P._J._Abdul_Kalam
http://www.abdulkalam.com/kalam/index.jsp

رئيس الهند من 2002 الى 2007
مسلم

هذا نتاج العلمانية

يخرج رئيس للجمهورية من اقليه دينية فى الهند
الهند يا اخوانا

ديمقراطية الهند نتيجة علمنتها

يتغير رئيس الجمهورية فى الهند كل 5 سنوات

ولا توجد اى اعتبارت لرئيس الجمهورية سوى ان يكون هندى

جة الوقت اللى نقول فيه يارب نبقى زى الهند
هنود يعنى

وانا عارف كويس ان بردة الناس لسة هيهاجمونى و مش هيحسوا بالمرارة اللى الواحد حاسسها

[ahmed1981]

ماذا نجد الان؟

محمد حامد انصارى
نائب رئيس الجمهورية فى بلد تعداد المسلمين فيه 13 % من 2007 حتى الان

نسبة المسلمين في الهند 25 % وليس كما قلت 13%

[Pharaoh]

نسبة المسلمين في الهند 25 % وليس كما قلت 13%

حضرتك شككت فى صحة المعلومة و مع ذلك مجبتش المصادر اللى تثبت كلامك

اجيبلك انا كام مصدر من عندى

1 لو تسمع عن CIA
بتعمل تقارير عن كل بلاد العالم و فيها معلومات مثلا عن مصر انت متعرفهاش من حكومتك
https://www.cia.gov/library/publications/the-world-factbook/geos/in.html

هتلاقى النسبة 13.4%

2- الويكيبيديا
http://en.wikipedia.org/wiki/Islam_in_India

3- موقع اسلامى معمول لاحصاء اعداد المسلمين فى العالم
http://www.islamicpopulation.com/asia/asia_general.html


تحب كمان ولا تجيب انت مصادرك

ثم بمعرفة قواعد الحساب البسيطة نعرف ان 25 % من السكان هم اقليه بردة
لان تعداد الهندوس اكتر من 80%
واظن انهم مش محتاجين يزوروا احصائياتهم لانهم دوله علمانية

للمعلومة:
الهند اكبر مصنع برمجيات فى العااااالم

[eslamrace]

جة الوقت اللى نقول فيه يارب نبقى زى الهند
هنود يعنى

وانا عارف كويس ان بردة الناس لسة هيهاجمونى و مش هيحسوا بالمرارة اللى الواحد حاسسها

ممكن توضيح بس هو حضرتك مش معترض على اللى هم بيعملوه وانهم يزيفوا الحقائق ويستهزئوا بعقول المسلمين وبعدين لو واحد غير مسلم شاف الحاجات دى وعرف مصدرها وغايتها اللى هى فقط الفكاهه حيكون ايه انطباعه عن الاسلام

الاسلام مش محتاج مثل هذه التفاهات عشان الناس تؤمن بيه او تكون مسلمه

واسف ليه نتمنى نكون زى الهند رغم ان فى حاجات كتير فى البلد مش عاجبانى والمراره اللى عند حضرتك مش لازم اعرفها بس اكيد كل الناس عندها منها الا انى عمرى متمنيت نكون زى اى دوله ولكن اتمنى نحسن من نفسنا


والمشاركه بتاعتى انا مش شايفها هجوم ولكن كل اللى طالبه من حضرتك توضيح انت موافق على اللى بيحصل ولا لا واتمنى متزعلش من كلامى


واسف على الاطاله

[MOSHAKS]

اشكركم ياجماعه على الردود والتفاعل انا لما عملت الموضوع الهدف منه انى انبه ناس كتير او الاغلبيه اننا اى حاجه بنصدئها واى حاجه بنمشى وراها وهى ديه المشكله مبنديش فرصة لعقلنا انه يفكر ويعقل الحقائق وندى فرصه لناس تانيه حاقده انها تضحك علينا ويئولو شوفو احنا عملنا الكدبه وهما صدقوها وحسبى الله ونعم الوكيل فيهم
ولكم منى خالص التحية

[sherif222]

حاجة غريبة أوى ... إشمعنى الاسلام الدين الوحيد اللى عليه كلام كتيييير كده يعنى الواحد لا بيسمع كلام زى كده على المسيحية ولا اليهودية و لا فيه تزوير بالفوتوشوب ولا تصوير مش عارف ايه ولا كلام من ده .. ليه يا ترى هل ناس بتستهزأ من الدين ( زى ما بتقولوا من مواقع علمانية وملحدة ) ولا تكون ناس بتدعو للدين لتنشره بس مش عارفة الطريقة الصح ولا ايه الحكاية ؟؟؟؟؟!!!!!!

[evoo90]

حاجة غريبة أوى ... إشمعنى الاسلام الدين الوحيد اللى عليه كلام كتيييير كده يعنى الواحد لا بيسمع كلام زى كده على المسيحية ولا اليهودية و لا فيه تزوير بالفوتوشوب ولا تصوير مش عارف ايه ولا كلام من ده .. ليه يا ترى هل ناس بتستهزأ من الدين ( زى ما بتقولوا من مواقع علمانية وملحدة ) ولا تكون ناس بتدعو للدين لتنشره بس مش عارفة الطريقة الصح ولا ايه الحكاية ؟؟؟؟؟!!!!!!

بتقول ليه الاسلام ؟؟

عشان عدد المسلمين كتير جدا فى العالم الناس دى بتبص لبكره اللى بعد كام سنه هيبقى اكتر من 90% من الناس مسلمين عشان كده بيحاولوا يفككونا من دلوقتى
وكمان عشان الاسلام بيعارضهم فى كل شيى
مافيش لبس قصير مافيش مخدرات و خمور مافيش ليالى مقرفه من بتاعتهم مافيش مافيش مافيش
دى اللى خانقهم ومخليهم يعملوا كده
وشويه العلمانيين اللى بيتريقوا دول الله واعلم بجنسهم ايه
وكمان ماتنساش ان المسلمين واليهود فى عداوه دائمه ليوم الدين مش انا اللى بقول كده ديننا علمنا ان عدونا هو الشيطان بالتالى اى شخص بيناصر الشيطان فهو عدونا حتى لو كان مسلم
وماحدش يتكلم على المسيحيين عشان مافيش اى عداوه بيننا وبينهم وزى ماعندنا متطرفين جهله برضه المسيحيين عندهم نفس الكلام
عندنا ناس تقولك انا اكره المسيحيين وما اصاحبش مسيحى
وفى برضه ناس مسيحيين تقول الكلام ده
لكن اللى احنا الاتنين متفقين عليه وعمرنا مانحبه ولا نتعاون معاه هو الشيطان
بصوا على كميه المغنيين اللى جايين من كل حته فى العالم عشان يضيعوا وقتنا وفلوسنا ويلهونا عن الدين
بصوا على كميه الافلام اللى بتنزل مش اقل من 15 فيلم فى السنه ولا المسلسلات وقنواتها
وكميه الالعاب الكتيره اللى برضه بتلهينا
احنا فعلا بقى موقفنا حرج جدا جدا وضعااااف قوى
عشان كده حبه الـ........* بيستهزقوا بينا
اشتغالات اشتغالات اشتغالات
انا عن نفسى ما اصدقش حاجه الا لما اشوفها بعينى
انا اشتغلت على الفوتوشوب وبرامج مونتاج كتييييير واحترفت بعضها ومتأكد مليون فى الميه ان اى حاجه ممكن تتفبرك
مره كنت بلعب وبجرب مهاراتى فى المونتاج وبشويه برامج ركبت صوره عاديه لشخص ما من على الجهاز على جسد واحد فى فيديو فرح كأنه كان موجود فعلا وشفايفه بتتحرك وعنيه بترمش
مافيش حاجه صعبه ابدا اللى اشتغل على البرامج دى هيعرف انا بقول ايه كويس

شكرا لصاحب الموضوع وشكرا لكل الاعضاء اللى هيتفهموا كلامى كويس وبصدر رحب

[yossef]

الف شكر

[beihoo]

مضمون الموضوع مهم جدا و حقيقى وهى الا نصدق كل ما ينشر

ولكن لى تعليق صغير
المواقع الليبراليه او العلمانية لا تسب الاسلام ولا تسب اى دين
لان مبادىء العلمانية هى حريه اختيار كل فرد لدينة واحترام ذلك و فصل الدين عن الدوله

..................
..................
رئيس الهند من 2002 الى 2007
مسلم

هذا نتاج العلمانية

يخرج رئيس للجمهورية من اقليه دينية فى الهند
الهند يا اخوانا

ديمقراطية الهند نتيجة علمنتها

..........................
.........................

مين قال ان المواقع العلمانية ما بتهاجمش الاسلام و تسخر منه .. إيش حال إنك شايف الكلام بتاعهم .. العلمانية هي اللا دين و ظهرت في اوروبا للتخلص من نير الحكم الديني هناك فكيف تقول إنها لا تحارب الدين؟ دخلت مرة أو مرتين على بعض هذه المواقع التي يشير إليها الأخوة في إطار تثبتي من بعض الايميلات و و جدت هذا و أكثر .. الإسلام أيضا فيه حرية أختيار كل فرد لدينه "لا إكراه في الدين..." الأيه و "لكم دينكم و لي دين" الأية لكن من شروط الإسلام أنك إذا قبلت الإسلام دينا فلن يمكنك تركه و كذلك كل الأديان السماوية.

لا أعرف ما الرابط بين الديموقراطية و العلمانية ؟؟ و هل ما حدث في الجزائر مثلا من الديموقراطية ؟؟ و هل خلع حجاب المسلمات بالقوة من الديموقراطية و مباديء العلمانية المستنيرة ؟؟ أندونيسيا دولة مسلمة و فيها إنتخابات نزيهة لدرجة كبيرة فالعيب بالتأكيد ليس في الإسلام لكن فيمن يتعامون عنه و عن مبادئه.

حاجة غريبة أوى ... إشمعنى الاسلام الدين الوحيد اللى عليه كلام كتيييير كده يعنى الواحد لا بيسمع كلام زى كده على المسيحية ولا اليهودية و لا فيه تزوير بالفوتوشوب ولا تصوير مش عارف ايه ولا كلام من ده .. ليه يا ترى هل ناس بتستهزأ من الدين ( زى ما بتقولوا من مواقع علمانية وملحدة ) ولا تكون ناس بتدعو للدين لتنشره بس مش عارفة الطريقة الصح ولا ايه الحكاية ؟؟؟؟؟!!!!!!

مين قال لحضرتك إن الإسلام الوحيد اللي بيتقال عليه كده ؟؟ أعتقد لأنك مش متابع غير الإسلام و مش معقول كمسلم هايجيلك عن حاجات معجزة في المسيحية و اليهودية .. دور في النت و هتلاقي كتير خرافات .. الهجمة أكبر علىالإسلام لأنه العدو الحالي بعد سقوط الشيوعية .. عقيدة الغرب و بالذات أمريكا أن يظل لها عدوا يدفعها للاستعداد دائما و محاولة الرقي حتى لا تدخل في حالة التراخي التي أصابت الدول الكبيرة على مر التاريخ.

[ahmed1981]

حضرتك شككت فى صحة المعلومة و مع ذلك مجبتش المصادر اللى تثبت كلامك

الحقيقة أنا كنت جايبها من كتاب جغرافيا قرأته زمان

عموماً مش هنختلف
المهم أن لا نخرج الموضوع عن سياقه